⭕️أعلنت الأمانة العامة لمجلس الوزراء، بان عطلة عيد الاضحى المبارك، ستبدا اعتباراً من يوم الخميس الموافق 5/6/2025 وحتى الخميس الموافق 12/6/2025، على ان يزاول العاملون أعمالهم يوم الأحد الموافق 15/6/2025 وفق النظم والقواعد التي تنظم أيام وساعات العمل الرسمية بالدولة.

سيصدر محافظ بنك السودان المركزي منشورا لتنظيم العمل في قطاع المصارف أثناء العطلة.

⭕️جامعة أفريقيا العالمية تعلن تأجيل بداية الامتحانات إلى 15 يوليو المقبل بدلاً عن 28 يونيو الجاري نسبةً لانعقاد امتحانات الشهادة السودانية.


قايلنها تاجيل لامتحاناتكم صح🤣⚫️ يلا بل بس دا تأكيد علي انو الامتحانات قائمه باذن الله لو ربنا سهل بالتوفيق ليكم جميعاً يا رب❤️

🆘شباب دفعة 23 ان شاء الله الليلة حاعمل قناة انا ومعاي الشباب الجميلين (الجد الكركي ممكن تكونوا كلكم بتعرفوا ) و الشاب محمد النزلتوا ليكم فوق دا

🎁محتوي القناة حيكون عن كل المنح الممولة الفاتحه في كل الدول و التقديم للجامعات السودانيه برضو ان شاء الله وقت يفتح و انا و الشباب ديل حنملكم كل المعلومات الحقيقيه عن المنح المموله لانو الاحتيال كتير شديد بقى و ان شاء الله القناة دي تكون عون لكثير من الناس و الحابي يقدم في اي منحه الشاب محمد دا بقدم ليهو و بظبط ليهو الدنيا او حتي لو ما عاوزين تقدموا عبروا شوفوا اي مكتب بس المهم تكونوا عارفين كل المعلومات عن المنحه عشان ما يسوقكم بالخلا ساي تاني✅ لانو تعبت من التحذير من المكاتب انا😂

و بالتوفيق للجميع و ما تنسوني من صالح الدعاء ❤️ و دعواتكم برضو لاخونا دفعة ٢٤ ربنا يوفقهم و يسدد خطاهم و نسمع بيهم كلهم من المتفوقين بإذن الله ❤️

🆘😕26 days😕🆘

🆘رابط التسجيل لطلاب الشهادة الابتدائية 2024م-2025م https://cgsudan-dubai.ae/primary/

‏⭕️ الخارجية الأمريكية :

عقدنا اجتماعا مع سفراء الإمارات و السعودية و مصر لدى واشنطن بشأن الصراع في السودان
- الصراع في السودان يهدد المصالح المشتركة في المنطقة ويتسبب في أزمة إنسانية خطيرة
-الصراع لا يمكن حله عسكريا ويجب العمل على إقناع الأطراف المتحاربة بوقف القتال والتفاوض،،

⭕️حاجاوب ليكم علي الاسئلة الرائجه حاليا في منحة السعودية الحتقفل يوم ١٤ / ٦ :

1️⃣: قبل اي شي كل تخصصات المنحه السعوديه ما طالبين فيها نسب معينه باي نسبه بتقدم في المنحه و ماف مجالات طبية مموله بالكامل في المنحة و اي زول يقول في دا انسان كذاب و محتال مهمها كان هو منو مكتب او غيرو

(متوفر مجال طبي واحد طب اسنان و منحة جزئيه ما كامله في جامعة الملك خالد في أبها طيب دي فهمها كيف يا عمر ؟؟ دي يا شباب منحة فيها تخفيض في الرسوم الدراسيه بس و عبارة عن (٣٩٠ ريال سعودي في السنة الدراسية) ٣٩٠ بس والله ما الف يعني ما تامه ٤٠٠ ريال
⏺لكن السفر عليك و السكن عليك و ما مشترط فيها نسبة معينه يعني لو جايب ٥٠ ممكن تقدم .

2️⃣: هل القبول مضمون ؟؟
للاسف يا شباب في كل المنح الممولة ماف قبول مضمون ممكن تكون جايب ٩٨ و ما يقبلوك عادي و ممكن تكون جايب ٧٠ و يقبلوك فالموضوع في المقام الأول حظ و في المقام الثاني كل ما درجتك كبيره بكون افضل طبعاً .

3️⃣: المتطلبات شنو عشان نقدم في المنحه دي ؟؟
مطلوب منك يا عزيزي 🔴 شهادتك الثانويه موثقه من التعليم العالي 🔴جوازك 🔴صورة شخصية. بس كدا ؟؟ ايوه بس و لو طلع ليك قبول مبدئي تاني في كم حاجه حتتطلب منك بعد يطلع ليك قبول مبدئي بس خلينا هسي في ديل .

🔢: طيب يا عمر انا في السودان او مصر او الامارات او اي دولة هل ممكن اقدم فيها ؟ ايوه بتقدر من كل الدول انك تقدم حتي لو عندك اقامة في السعوديه زاتو (و لو خاشي السعوديه بزيارة تكتب مكان اقامتك السودان )

5️⃣: طيب يا عمر في مكاتب بتقول لينا بنعمل ليكم خطاب اعتذار عن الشهادة و الفيش الجنائي و الفحص الطبي و عادي نقدم ليكم بي اسكرين للتفاصيل من الموقع ؟؟

الفيش و الفحص الطبي ما متطلبات اجبارية زي الشهادة و الجواز و الصورة فماف داعي اصلا يعملوا خطاب اعتذار و يحسسوكم انهم واو و رهيبين
و بالنسبة للتقديم بالاسكرين من الموقع لا يمكننننننننننننن و بتضيع فرصتك ساي لانو اجباري و من شروط القبول انك تقدم بشهادتك الموثقه من التعليم العالي

6️⃣: طيب انا الموقع ما عرفت اقدم فيه و بعلق و بقيف في خطوات معينه ؟؟. يلا هنا يا شباب عندكم ثلاثه حلول يا اما تحاول و تجتهد لمن تقدم يا اما تدفع قروش و تخلي الناس المختصه تظبط ليك الدنيا ✔️ يا إما تخلي التقديم دا مرة واحده بس😭 لانو صراحة هنا ماف طريقه غير كدا 🤣

و بالتوفيق للجميع و ما تنسوني من صالح الدعاء ❤️

رابط القناة : https://t.me/Scholarship55

🟥قرار بتأجيل امتحانات الشّهادتين الابتدائيّة والمتوسّطة بولاية نهر النّيل
""""""""""""""""""""""
الدّامر: محمّد فضل الله شاشوق
٤ يونيو٢٠٢٥م

▪️أصدر الأستاذ أحمد حامد أحمد يس، المدير العام لوزارة التّربية والتّعليم بولاية نهر النّيل، الوزير المُكَلّف،ووفقاً لمخرجات اجتماع اللّجنة العليا للامتحانات بالولاية. القرار الإداري بالرّقم(٢٩) لسنة٢٠٢٥م، الذي قضى بتأجيل امتحانات الشّهادة الابتدائيّة للعام(٢٠٢٥م) إلى يوم السّبت الموافق للتّاسع عشر من يوليو المقبل.

على أن يتم تحديد موعد امتحانات الشّهادة المتوسّطة في وقتٍ لاحق، ويجيئ التّأجيل نظراً لارتباط امتحانات الولاية بالمراكز الخارجيّة، وللأسباب والمبرّرات التي قدّمتها وزارة التّربية والتّعليم الاتّحاديّة في هذا الصّدد،

وتهيب وزارة التّربية والتّعليم بولاية نهر النّيل بالجهات المعنيّة وضع هذا القرار موضع التّنفيذ، والعمل بموجبه اعتباراّ من تاريخ التّوقيع عليه.
""""""""""""""""""""""
إعلام وزارة التّربية والتّعليم.ولاية نهر النّيل

🟥طلاب الابتدائيه و المتوسطه في دبي

⭕️محلية الدبة الولاية الشمالية
منع إقامة صلاة عيد الأضحي المبارك في الساحات العامة وأماكن التجمعات، نظرا للمهددات الأمنية التي تمر بها البلاد ومحلية الدبة على وجه الخصوص
وايضا منع ضرب السلاح في الاعياد والمناسبات...

🟥د. كامل إدريس يطمئن على موقف عقد امتحانات الشهادة الثانوية

بورتسودان 4-6-2025 (سونا)- اطمأن دكتور كامل الطيب إدريس رئيس الوزراء الانتقالي على موقف عقد امتحانات الشهادة السودانية والترتيبات الجارية لاكمال إجراء عملية الامتحانات.

جاء ذلك لدى لقائه بمكتبه اليوم بمدينة بورتسودان الاستاذة. آمال البدوي الطاهر وكيل وزارة التربية والتعليم بالإنابة.

واضحت الأستاذة آمال في تصريحات صحفية عقب اللقاء انها اطلعت السيد رئيس الوزراء على مراحل التجهيزات لعقد وتنظيم امتحانات الشهادة السودانية والترتيبات والتحديات التي تواجه عقد الامتحانات.

وشكرت السيد. رئيس الوزراء على اهتمامه البالغ بالعملية التعليمية واعتبارها احدى أولويات عمله في المرحلة المقبلة.

اضحكوا سمح يا ناس الشهادة الثانوية ⚫️🤣


😕25days😕

⭕️رئيس الوزراء كامل إدريس: إعلان وزراء الحكومة خلال الاسابيع القليلة المقبلة .

⭕️ ترمب يوقع أمرا بحظر دخول مواطنين من 12 بلدا

حظر دخول أميركا يشمل أفغانستان وإيران وليبيا والصومال والسودان واليمن