بسم الله الرحمن الرحيم
منظمة دعم المرضى_فرعية أمدرمان
مكتب التدريب والتطوير


بيحصل تكون عندك فكرة جديدة ومتميزة وتطرحها على مديرك ويرفض؟
ويجي زول تاني بفكرة زيها او أقل وتتقبل بكل حفاوة!
بيحصل أنو يقولو ليك أنتَ مجنون والفكرة دي مستحيلة ويتسحب على فكرتك الممكن تكون بداية تغيير كبيرة..
زيها زي اي ونسه..!
وبتحصل مواقف كتيرة تخلي فكرتك ما تتنقل لأرض الواقع او تتقبل والسبب برجع لأنك ببساطة "ما بتعرف تقنع.."

عايـز افكارك تشوف النور؟
عايـز تطالب بحقوقك بالطريقه الصح؟
وتقدر تقنع الناس الأعلى منك في الشغل او المجتمع بأفكارك

ورشتنا هي فرصتك 🔥

✨ Advocacy And Lobbying Training✨

🔹محاور الورشة :

_ تعرف الفرق و التشابه بين الإقناع و التأييد
_ تتعلم كيف تستخدم المهارات دي في إقناع صانعي القرار عشان يدعمو قضاياك و أفكارك

🔹المكان :
مباني كلية الطب جامعة أمدرمان الإسلامية.
🔹الزمان:
الأربعاء _ ١٢/٢/٢٠٢٠
من الساعه الثانية ظهرا وحتى الخامسة مساء.
🔹رسوم الورشة:
٧٠ جنيـه
🔹للتسجيـل:
https://docs.google.com/forms/d/e/1FAIpQLSfXKjvE6ooPoYxq5gWEN5GiD93zJIkf7nn7Y-xZ395MGuglrA/viewform?usp=sf_link


سارعوا بالتسجيل فالمقاعد محدودة 🔥

#مكتب_التدريب_والتطوير
#فرعية_أمدرمان
#منظمة_دعم_المرضى

https://www.facebook.com/PSOSudan
https://t.me/PSOSudan

#human_of_PSO💙

🔹 بطاقة تعريفية :
أيمن صلاح الدين الحسين سند
31سنة _خريج جامعة أم درمان الإسلامية 2011 _ الدفعة 17
حاليا: أخصائي أطفال _أستاذ مساعد-كلية الطب جامعة شندي _ رئيس قسم الأطفال و نائب المدير العام لمستشفى المك نمر الجامعي-شندي.

🔹 كيف انضممت لدعم المرضى ؟
انضمامي كان من دعوة من اخوي و حبيبي و سنيري الرائع جدا د.عبدالكريم عبد العزيز الوقت داك هي كانت (مشروع دعم المرضى) على ما أذكر 2008 في بداية المرحلة السريرية ؛ بتذكر اول مرة جانا د.عبدالكريم في القاعة(مركز التدريب)في مستشفى أم درمان اتكلم لينا عن المشروع و التبرع بقيمة جنيه للطالب ، بعدها كان في معرض في الكلية
طلب مني انا و زميلي و صاحبي شديد حلمي عبدالعزيز نصمم مادة إعلامية عن المشروع (حلمي صمم البوسترات لأنه رسام ماهر جدا و انا عملت البوربوينت)
بعدها عبدالكريم أصر علينا صراحة 😂
و انضممنا للمكتب الإعلامي .. بعدها عبدالكريم اتخرج و بقى بعيد من الكلية و منها نحن كنا بنلف نجمع التبرعات باسم مشروع دعم المرضى والناس كانت بترفض تدينا أي شي لأننا جهة غير رسمية 2009 انا بقيت أمين عام .
و اختنا انتصار كانت الرئيسة وأتمكنا سجلنا المشروع لأول مرة في مفوضية العون الإنساني بشق الأنفس و بعض الوساطات بعد عون الله سبحانه و تعالى.
و من ضمن الوساطات أخونا ود دفعتنا محمد إبراهيم سهل لينا كتير من الخطوات .التسجيل كان ب 300 ج ما أنساها 😂

🔹 فكرتك عنها قبل وبعد الانضمام؟
قبل الانضمام أنها نشاط هامشي قد يلهيني عن القراية و كده.
و صراحة لو ما عبدالكريم زول سنيرنا بنعزه و كده ما كان انا غايتو انضميت
و بعد الانضمام سبحان الله صارت هي الحياة تدب في العروق Spontaneously حتى بعد التخرج ..
وزاد مفهومي بعمق أكبر عن العمل التطوعي و لاحظت البركة في الوقت و الفهم في كل مجالات الحياة حتى بالنسبة للعلم و القراية ابدا ما كانت خصم ( في بركة بالمعنى الحرفي )

🔹 المناصب التي شغلتها في دعم المرضى ؟
أمين إعلامي المشروع.
أمين عام النظمة -المركزي.
رئيس فرعية شندي.

🔹 دعم المرضى أخذت منك أم أخذت منها؟
دعم المرضى أخذت مني الكبرياء و أعطتني التواضع _ أخذت مني حب الذات و أعطتني حب الآخرين _ أخذت مني هم نفسي و أعطتني (نعمة لا تقدر بثمن) قضاء حوائج الآخرين _ أعطتني أصدقاء افتخر بهم طول العمر _ أعطتني إجابة إعتزاز ل نفسي حين أسأل عن أجمل و أنقى نشاط شاركت به.
بعد اكتر من 10 سنوات ،ممكن اقول مرتاح والحمد لله اني كنت جزء بسيط من مسيرة المنظمة؛ حاجة الواحد بيفخر بيها جدا ..و اصلا العمر ماشي.

🔹 مواقف في دعم المرضى كان لها اثرا في نفسك ولا تنسى ؟
صراحة فرعية شندي كان لها الأثر الكبير لانها قامت بمجهود ناس رائعين.
بعد خلصت الجامعة و رجعت شندي.
أنا كنت يائس لأني فارقت دعم المرضى في الخرطوم و كنت فاكر إنو تاني خلاص مافي دعم مرضى.
ف إتفاجأت ب ناس شندي عندهم همة و إصرار و حماس ل فتح فرعية شندي صراحة اكتر مني زاتو هم شجعوني وأنا نقلت الفكرة كلها في شندي.

🔹 اين انت من دعم المرضى حاليا ؟
بعيد كل البعد للأسف.

🔹 اثر دعم المرضى على روحك و على مسيرتك؟
الدخلتها فيني ما مرقت 😂لي يوم الليلة
دعم المرضى ما عارف اقول شنو هي عدوى جميلة ما حتتخلص منها ابدا .
بتزرع فيك روح القيادة بشكل ما اعتيادي .. بتلقى روحك لا إراديا انت في البيت و في المجتمع و في محل شغلك انت بتبادر انت تحل المشاكل و يكون عندك طريقة تعامل راقية جدا مع الكل.
مثلا شخصي الضعيف بديت مشروع تطوع عملنا جمعية سكري الأطفال في شندي ب نفس فهم منظمة دعم المرضى.
(قلت ليك عدوى جميلة ..)

🔹 كيف ترى المنظمة الان بعد عشر سنوات من تأسيسها ؟وماذا ينقصها في رأيك ؟ .
كونها مازالت موجودة و فيها ناس هميمين زيكم كده ده أعظم إنجاز بالمناسبة.
ينقصها من أجل مواصلة البقاء:
1-الاستثمار في الاجيال القادمة لمواصلة المسيرة زي ما كان في اجيال سابقة حافظت عليها.
2-مشروع اقتصادي دائم يضمن الاستقرار المادي.
3- نشاط دوري يربط الكل( مهرجان، معرض ،مجلة ) يكون بصورة دورية.
4-موقع إلكتروني للمنظمة .

🔹وصايا أو نصائح لداعمي المرضى وتطور المنظمة :
زي ما بقول دااايما.
نحسن النية (رب عمل صغير تعظمه النيه
و رب عمل كبير تصغره النية )
و صراحة النشاطات الطلابية التطوعية دي بتخلق في الإنسان انسان جديد ناجح مدى الحياة.
معظم الطلاب بخافوا من النشاطات غير الأكاديمية. الدنيا دي ما قراية بس.
و أبصم ليك بالعشرة كل اسرة دعم المرضى أسرة متميزة و ناجحة اكاديميا أولا ثم حياتيا و اجتماعيا و كلو.

#المكتب_الإعلامي
#فرعية_أمدرمان
#منظمة_دعم_المرضى

بسم الله الرحمن الرحيم

منظمة دعم المرضى فرعية بحري

اقام مكتب التدريب و التطوير في بداية الدوره ، ورشة علم الادويه "general pharmacology " في جامعة الزعيم الازهري ، بتاريخ 19/1/2020
قام بتقديمها المدرب المعتمد " الزبير محمد يعقوب "

#المكتب_الإعلامي
#فرعية_بحري
#منظمة_دعم_المرضى

المجد و الخلود لشهداء ثورة ديسمبر المجيده 💜

بسم الله الرحمن الرحيم
منظمة دعم المرضى - فرعية امدرمان


⭕️المريض لوبول يعاني من نقص حاد في الدم.

حوجة "٤" قزازات دم لـمريض بقسم الباطنية "رجال" بمستشفى امدرمان. الطابق الأول الجناح الشرقي.

الفصيلة : +O

للتواصل :٠٩٠٦٧٨٩٢٩٤

اللهم رب الناس، أذهب البأس، واشفه وأنت الشافي، لا شفاء إلا شفاؤك، شفاء لا يغادر سقماً 💙


#المكتب_الإعلامي
#فرعية_أمدرمان
#منظمة_دعم_المرضى

https://www.facebook.com/PSOSudan
@PSOSudan

بسم الله الرحمن الرحيم
منظمة دعم المرضى _فرعية امدرمان

لأنو سلامة البيئة من أولى ضروريات العلاج ، ولسوء أوضاع العنابر ومرافق العلاج في مستشفى ام درمان و لاهتمام منظمة دعم المرضى بالمرضى ومرافقيهم وكل ما يعنيهم ، تعلن فرعية ام درمان
منظمة دعم المرضى عن بداية مشروع تأهيل عنابر الجراحة بمستشفى أمدرمان التعليمي
و يتشمل المشروع على الآتي :-
1- صيانة تامة للكهرباء.
2- إعادة صبغ الجدران.
3- تركيب مواسير وستائر فاصلة بين الأسرة.
4- تجديد الأسرة والمراتب.
5- صيانة كاملة للأبواب والشبابيك.



سآئلين المولى التوفيق والسداد.
🔹لتبرعاتكم :
0129711915
0999146389
🔹للاستفسار :

0900083567


#المشاركة_في_مشروع_تأهيل_مستشفى_امدرمان
#اللجنة_الإعلامية
#فرعية_أمدرمان
#منظمة_دعم_المرضى

https://www.facebook.com/PSOSudan
@PSOSudan

بسم الله الرحمن الرحيم
منظمة دعم المرضى _فرعية امدرمان

السلام عليكم أهل الخير
عسى أن تجدكم كلماتي بكامل الصحة والعافية..

قال الرحمن عز وجل: {إِنَّ الْمُصَّدِّقِينَ وَالْمُصَّدِّقَاتِ وَأَقْرَضُوا اللَّهَ قَرْضاً حَسَناً يُضَاعَفُ لَهُمْ وَلَهُمْ أَجْرٌ كَرِيمٌ} [سورة الحديد: 18] .

ومن هنا تدعوكم المنظمة إلى التبرع وتقديم المساعدات العينية المادية (أدوات كهربية، مكيفات مراوح، ستائر مستشفيات ، مراتب، إلخ..) للمشاركة في تأهيل مستشفى امدرمان.

لتقديم التبرعات:
0129711915
0999146389

للإستفسار:
٠٩٠٠٠٨٣٥٦٧


وهنا ختام كلامنا، نسأل الله لنا ولكم التوفيق والسداد.

#المكتب_الإعلامي
#فرعية_أمدرمان
#منظمة_دعم_المرضى

https://www.facebook.com/PSOSudan
@PSOSudan

بسم الله الرحمن الرحيم

              🔵   منظمة دعم المرضى _ فرعية بحري   🔵


علينا جاي علينا جاي... يا ماشي تعال غاشي.. و يا بعيد تعال قريب ... ارح.. ارح.. ارح.. اجتماعي جاي.. اجتماعي جاي 💃

" يعلن المكتب الاجتماعي عن قيام ورشه تعريفيه عن المكتب.. المكان جامعة الزعيم الازهري _مجمع المختبرات المركزيه _قاعة 23  طب_في الموافق 19/2/2020 "

اها يا اخوانا زي ما عارفين الاجتماعي ده اساس الفرعيه و كل الشغل بعتمد عليو...و غير انو هو المكتب الوحيد البتعامل مباشرة مع المريض... و ده اكتر مكتب بتستفيد منو ك خبرات اكاديميه من خلال مناوبتك في المستشفى .
طيب يا اخوانا الورشه دي ح تكون ظابطه و مجانيه كمان 😎😚 ح تكون فيها كل تفاصيل المكتب ، كيفية الشغل في المسشتفى و المناوبه كيف و كل حاجه بقوم بيها المكتب ده !
اخوانا ديل ما ح يقصروا معاكم ابداً ابداً ،، و ايااا زول.. ايااا زول "بصوت حِميدتي" 😹🙊 عندو سؤال و استفسار عن المكتب يبقى جاهز  بس 😎 



#منظمة_دعم_المرضى
#فرعية_بحري
#المكتب_الاعلامي

بسم الله الرحمن الرحيم
منظمة دعم المرضى - فرعية امدرمان
#كبسولة عافية 💙

📌 لأي دواء اسمين:

✔️ الأسم التجاري: عادة يكتب بـخط عريض ودلالته للشركه المصنعة.
✔️الأسم العلمي : تتفق فيه كل الشركات ويدل على المادة الفعالة للدواء وعادة ما يكتب بخط أصغر أسفل الأسم التجاري.

📌موضوعنا اليوم حيكون عن التلاتة كبسولات الكلنا بنعرفها وهي سوبرمان البلجأ ليه "بعض الناس" لعلاج النزلة خلونا نعرف عنها أكتر ونتفق هل هي فعلاً علاج للنزلة؟

#Azithromycin _ 500mg
او ست حبات تركيز 250mg

عبارة عن مضاد حيوي "ضد البكتريا" من مجموعة الماكروليدات "macrolides" معاهو تاني Erythromycin &. Clarithromycin

🔹 بستخدم لعلاج :
_الإلتهاب الرئوي
_عدوى الأذن
_إلتهاب البلعوم _اللوزتين.
_عدوى الجلد والأنسجه الرخوة.

📌ما بتستخدم لعلاج النزلة لأنها عدوى فيروسية ما بكتيرية.
🔸 طيب حتقول لي لكن بنفعني وبروحها سريع؟!!
مجرد صدفة!
النزلة أصلاً بتعتمد على مناعتك
وبتأخد من سبعة لعشرة ايام وتروح.
وبالصدفة أنت بتمشي تجيب حبوبك بعد يومين من عذاب النزلة او تلاته
وبصدف بنهاية علاجك او يومين تلاتة بعدهم النزلة بتروح!
🔸طيب علاجها شنو؟
العلاج بكون بس تخفيف للأعراض
_ بندول للصداع، وتشرب حاجة دافيه بالإضافة للراحة وتجنب التلوث وعلاج الرشح بالفلوتاب و Antihistamine .
🔸 طيب أنت مصدق الكلام دا بس أتعودت تأخدو وحتى لو يشاركك اللحظة بس وما ينفع عايز تبلعو!
بمبدأ لو ما نفع ما بضر..
ستوب بكل أسف هو بضر!!
🔸إستخدامه لفترة طويلة من دون الحاجة ممكن يسبب ليك
_ إسهال حاد "Diarrhea"
_ممكن يهاجم البكتيريا الطبيعية في الأمعاء.
_يالإضافة لأنو إستخدام المضادات الحيوية لفترة طويلة من دون الحاجه بسبب ليك Antibiotic Resistance
ببساطة بقوي البكتريا عليك!
البكتريا بتكون اتعرفت على المضادات الحيوية وكونت مقاومه تجاهم ولمن يجي وقت تحتاج ليها بتبقى ما فعّالة!
.
🔸 بالنسبة لطريقة إستخدامه بتأخد قبل الأكل بساعة أو بعده بساعتين
عشان يسهل إمتصاصه في الجسم.
🔸 موانع الإستخدام :
شخص يعاني من حساسيه تجاه الـmacrolides .
🔸إستخدامه آمن بالنسبة للحوامل.

واخر حاجة

#التلاتة_حبات_ما_علاج_النزلة

وشكرا.. ♡

#المكتب_الإعلامي
#فرعية_أمدرمان
#منظمة_دعم_المرضى

https://www.facebook.com/PSOSudan
@PSOSudan

لجنة البرامج الصحية:
هي لجنة مسؤولة عن تنظيم القوافل والأيام الصحية والتثقيف والإرشاد الصحي لأي برنامج صحي سواء كان لمدارس أومستشفيات أو غيره وهي وحدة من لجان المكتب الإجتماعي او المعروف بالقلب النابض للمنظمة .
Now we open call for finance committee members the deadline will be 24, february 11:59 pm.
Hurry up and don't miss the chance.
Link to apply:
https://docs.google.com/forms/d/e/1FAIpQLSdozXewQ0J1zVjlip2Ubzm-F4f23yTO3Ovcrou3PFcTuBQhoQ/viewform?usp=sf_link

If you have any question please feel free to ask

Alnaial farooq
Head of finance committee
0920245354

بسم الله الرحمن الرحيم
منظمة دعم المرضى - فرعية أمدرمان
#تثقيفيات

#اليوم_العالمي_لسرطان_الأطفال

يتحد العالم سنويًّا في الـ15 من فبراير لتفعيل اليوم العالمي لسرطان الأطفال، وذلك لتوحيد الجهود للتصدي لهذا المرض، ورفع مستوى الوعي حوله.
يصاب الأطفال بالسرطان في نفس أجزاء الجسم التي تصيب البالغين، ولكن الفرق أنه لدى الأطفال يحدث فجأة دون أي أعراض مبكرة. ومن أكثر أنواع السرطان التي تصيب الأطفال:
_سرطان الدم.
_سرطان الدماغ والجهاز العصبي.
_الأورام الليمفاوية.
_سرطان الكلى.
_سرطان الأنسجة الضام.

#أهداف اليوم العالمي:
_توفير علاج سرطان الأطفال لجميع الأطفال المصابين.
_رفع مستوى الوعي.
_تحسين الوصول للخدمات الطبية.
_الرعاية التلطيفية.
_دعم الأطفال المصابين وعائلاتهم.

#المكتب_الإعلامي
#فرعية_أمدرمان
#منظمة_دعم_المرضى