𝗣𝗦𝗜𝗫𝗢𝗟𝗢𝗚 𝗦𝗔𝗜𝗗𝗔 𝗜𝗞𝗥𝗢𝗠𝗢𝗩𝗡𝗔

ПСИХОЛОГГА САВОЛ❓

ЎҒЛИМ 13 ЁШДА АММО, ХАРАКТЕРИ БЎШ?
Ўғлим 13 ёшда бўлишига қарамай сал нарсага йиғлайди. Яхши ўқийди, баҳолари 5. Актёр, режиссёр бўламан дейди. “Бўш характер”и билан ўртоқлари орасида кўп изза бўлади. Эркакларга хос шижоат етишмайди. Нима қилсам бўлади?

👉ПСИХОЛОГ ЖАВОБИ:

Эркакларга хос шижоат бўлиши учун, оилада эркак тарбияси бўлиши керак. Афсуски, аксарият оилаларда бола тарбияси оналар қўлига “топшириб қўйилган”. Бу яхши, чунки она меҳрибон ва ғамхур. Лекин, ўғил боланинг тарбияси билан 8 ёшдан ота шуғулланиши даркор. Ўсмирликнинг дастлабки ривожланиш даврларида 11-12 ёшда қизларга хос бўлган сифатларнинг ўғил болада ривожланмаслигини олдини олиш учун ота кўпроқ вақтини ўғлига сарфлаши даркор.

Бунда у нима қилиши лозим? Кўпроқ мулоқот қилиб, эркакларга хос бўлган фазилатлар хақида гапириб эмас, балки уларни намуна сифатида кўрсатиши лозим. Масалан, оилага озиқ-овқат маҳсулотлар харидини қилиш, уй-рўзғор ишларнии бажариш, аёллар ва қизларга ғамхўрлик кўрсатиш ва ҳоказо. Бола намуна сифатида отага эргашиб, ўзини қандай тутиши керак, эркаклар орасида мулоқот қилиш жараёни қандай амалга оширилади, аёллардан эркакларнинг юриш-туришида қандай фарқлар борлигини кузатиб ўрганади, натижада ўзида эркаклик сифатларини шакллантиради.

Агар оилада (маълум сабабларга кўра) эркак бўлмасачи? Бу вазифаларни тоға ва амакилар ёки опоқилар амалга ошириши керак. Улар ҳам бўлмаса, унда отаси ёшида бўлган спорт тўгараги тренерлари билан маслаҳатлашиб, болани спортга топширинг. Малакали тренер ўғлингизни дарҳол “эркаклигини” ривожлантириб беради. Унутманг: бола кўриб, тақлид қилиб, ўрганади ва ўзгаради.

🌐 Rasmiy guruhimiz
✈️ Rasmiy kanalimiz
✅ Psixolog bilan bog'lanish
⭐️ Savol-javob guruhi

Please open Telegram to view this post