Нью-Йоркте Гудзон өзеніне құлаған тікұшақ апатынан Siemens компаниясының Испаниядағы бөлімшесінің басшысы Агустин Эскобар мен оның отбасы қаза тапты. Оқиға ондаған куәгердің көз алдында болды. Құтқарушылар бірден көмек көрсеткенімен, аман қалғандар болмады. Әуе көлігі туристік фирмаға тиесілі болған. Қазіргі уақытта апаттың себебі тергелуде.

Ресейдің сыртқы істер министрі Сергей Лавров CBS News телеарнасына берген сұхбатында Дональд Трампты украин дағдарысының түпкі себептерін түсінетін әлемдегі жалғыз лидер деп атады. Лавров Мәскеудің Украина бойынша келісімге дайын екенін, бірақ әлі де нақтылануы тиіс мәселелер бар екенін жеткізді. Сонымен қатар, Путин мен Трамптың арнайы өкілі Уиткофф арасындағы жоспарланған кездесу туралы пікір білдірді.

Үндістан Пәкістан аумағына ракеталық соққы жасады. Пәкістан жауап беріп, 5 ұшақты атып түсірді.

Путин мен Си Цзиньпин Мәскеуде кездесті. Қытай әскері парадқа қатысты, ал екі ел стратегиялық ынтымақтастықты нығайтуға уағдаласты

Алматыдағы Next Level English ағылшын тілі орталығының күтпеген жерден жабылуы 200-ден астам адамды зардап шектірді.

Жаңаөзенде соңғы қоңырау мерекесінде мектеп түлектерінің кортежі жол апатына ұшырады. Видеода пикаптың джипке соғылғаны көрінеді. Зардап шеккендер туралы ақпарат нақтылануда, себептері тергеу барысында анықталады.