Украина президенті Владимир Зеленский Түркия және Нидерланд өкілдерімен кездесіп, қорғаныс саласындағы серіктестік, F-16 ұшақтары мен дрондар өндірісі мәселелерін талқылады. Зеленский түрік компанияларының Украинадағы әскери өндіріс жобаларына қатысу мүмкіндігін қарастырды. Ол Сауд Арабиясында өткен Украина-АҚШ келіссөздерінің бейбітшілікке жол ашатынына үміт білдірді.

Түркияның Стамбул мен Анкара қалаларында халық мэр Экрем Имамоглудың қамауға алынуына наразылық білдіріп жатыр.

Стамбул мэрі Экрем Имамоғлы Түркия халқын Сарачхане алаңына жаппай митингке шығуға шақырды. Ол азаматтарды өз құқықтары мен ел болашағы үшін күресуге үндеді. Бұған дейін Имамоғлы «жемқорлыққа қатысы бар» деген күдікпен ұсталып, уақытша қызметінен шеттетілген еді. Түркияның бірнеше ірі қаласында наразылықтар жалғасып, 300-ден астам адам ұсталды.

Александр Лукашенко жетінші рет Беларусь Президенті ретінде қызметіне кірісті. Минск қаласында өткен салтанатты инаугурацияда ол ант беріп, ресми куәлік алды. 26 қаңтарда өткен сайлауда Лукашенко 86,82% дауыс жинаған.

Жаңа Уренгой әуежайында Ан-12 жүк ұшағы шассидегі ақауға байланысты апатты жағдайда қонуға мәжбүр болды. Экипаж мүшелері аман қалған. Бұл — соңғы екі күн ішінде дәл осы ұшақта қайталанып отырған екінші техникалық ақау. Оқиға бойынша тергеу басталды.

Нью-Йоркте Гудзон өзеніне құлаған тікұшақ апатынан Siemens компаниясының Испаниядағы бөлімшесінің басшысы Агустин Эскобар мен оның отбасы қаза тапты. Оқиға ондаған куәгердің көз алдында болды. Құтқарушылар бірден көмек көрсеткенімен, аман қалғандар болмады. Әуе көлігі туристік фирмаға тиесілі болған. Қазіргі уақытта апаттың себебі тергелуде.

Ресейдің сыртқы істер министрі Сергей Лавров CBS News телеарнасына берген сұхбатында Дональд Трампты украин дағдарысының түпкі себептерін түсінетін әлемдегі жалғыз лидер деп атады. Лавров Мәскеудің Украина бойынша келісімге дайын екенін, бірақ әлі де нақтылануы тиіс мәселелер бар екенін жеткізді. Сонымен қатар, Путин мен Трамптың арнайы өкілі Уиткофф арасындағы жоспарланған кездесу туралы пікір білдірді.

Үндістан Пәкістан аумағына ракеталық соққы жасады. Пәкістан жауап беріп, 5 ұшақты атып түсірді.