Қазақстандық әнші және блогер BikaBreezy (Биназир Ермағамбетова) өзін көршісі ұрып-соққанын мәлімдеді. Алматыда болған оқиға салдарынан ол жарақат алып, өнерін тоқтатуға мәжбүр болған. Әншінің айтуынша, шабуылдаушы құқық қорғау органдарында байланыстары бар екенін айтып қорқытқан. Қазіргі таңда сот процесі жүріп жатыр, ал BikaBreezy әділдік орнауын талап етуде.

📹инстаграм-аккаунт bikabreezy.

🔥Атырау облысында орналасқан Батыс Прорва кен орнында №437 мұнай ұңғымасы өртенді

"Ембімұнайгаз" компаниясының мәліметінше, "Жылыоймұнайгаз" басқармасына қарасты ұңғымада перфорациядан кейін газ шығып, сорғы-компрессорлық құбыр істен шыққан. Нәтижесінде өрт басталып, жалын биіктігі 20 метрге дейін жеткен. Өртті сөндіру және жағдайды тұрақтандыру жұмыстары жалғасуда. Оқиғаның нақты себебі анықталуда.

🇺🇸АҚШ президенті Дональд Трамп ядролық қарудан бас тартуға шақырып, Ресеймен денуклеаризация туралы келіссөздер бастағысы келетінін мәлімдеді

Оның айтуынша, Қытай төрағасы Си Цзиньпин бұл бастаманы қолдауға дайын. Сарапшылар бұл мәлімдемені АҚШ пен Ресей арасындағы стратегиялық қару-жарақты шектеуге бағытталған жаңа келіссөздердің басталуы мүмкін екендігін білдіреді деп болжайды. Бұрынғы New START келісімінің мерзімі 2026 жылы аяқталатынын ескерсек, бұл бастама халықаралық қауіпсіздік үшін маңызды болмақ.

Журналист және белсенді Думан Мұхамедкәрім Қызылорда түрмесінде бір айдан бері карцерде отыр. Түрме әкімшілігі оны ішкі тәртіпке бағынбады деп айыптаған. Адвокаты бұл шешімді психологиялық қысым деп бағалайды. Мұхамедкәрім түрме киімін киюден және қоғамдық әжетхананы жуудан бас тартқаны үшін жазаланған. Қылмыстық атқару жүйесі комитеті бұл мәселеге қатысты ресми жауап бермеді.

📹Азаттық Радиосы

Алматы халықаралық әуежайында ер адам авиациялық қауіпсіздік қызметкерін кепілге алып, пышақпен қорқытты. Оқиға 7 наурызда ішкі рейстер терминалында орын алды. Құқық қорғау органдары жедел әрекет етіп, жеті минуттың ішінде күдіктіні залалсыздандырды. Қазір ол тергелуде, оқиғаның мән-жайы анықталуда. Әуежай штаттық режимде жұмысын жалғастыруда.

📹Kris_p_almaty

АҚШ президенті Дональд Трамптың арнайы өкілі Кит Келлог Трамптың "Украинадағы қақтығысты 24 сағатта тоқтатамын" деген уәдесіне түсініктеме берді. Оның айтуынша, бұл мәлімдеменің нақты қай күнге немесе жылға қатысты екені белгісіз. Сонымен қатар, АҚШ әкімшілігі Украинаға әскери көмекті тоқтатты және Вашингтон Киевтің бейбіт келіссөздерге дайын екенін күтуде. Ресей мен Украина арасында жаңа келіссөздер бастала ма – бұл мәселе әлі де белгісіз.

Вашингтондағы Ақ үй маңында Құпия қызмет қарулы ер адамға оқ атты. Күдікті Индиана штатынан келген және суицидтік ойы бар деп хабарланған. Құқық қорғау қызметкерлері күдіктіні тоқтатуға тырысқан, алайда ол қаруын суырып алған соң, атыс басталған. Қазір жараланған күдікті ауруханада жатыр. АҚШ президенті Дональд Трамп оқиға кезінде Ақ үйде болмаған. Тергеу амалдары жүргізілуде.

📹NBC News

Қазақстандық ғалымдар қатерлі ісікке қарсы жаңа препарат әзірледі. Ғылым және жоғары білім министрі Саясат Нұрбектің айтуынша, дәрі қазіргі уақытта клиникалық сынақтың екінші кезеңінен өтуде және 2025 жылдың соңына дейін нарыққа шығуы мүмкін. Өткен жылы препарат тек тоқ ішек қатерлі ісігіне сыналған болса, биыл барлық онкологиялық ауруларға сынақ жүргізілуде. Алынған нәтижелерге сәйкес, препаратты қабылдаған пациенттердің ісігі орта есеппен 30%-ға азайған, ал кейбірінде ремиссия байқалған. Денсаулық сақтау министрлігі бұл зерттеуді қолдап отыр. Егер сынақтар сәтті аяқталса, Қазақстанда қатерлі ісікке қарсы инновациялық ем қолжетімді болуы мүмкін.

📹Sputnik Қазақстан

Қырғызстанның Военно-Антоновка ауылында Наурыз мейрамына орай өткен көкпар ойыны қайғылы жағдаймен аяқталды. 44 жастағы ойыншы Мирлан Сраждинов серкені көтеруге ұмтылған сәтте қарсылас ойыншының аты қатты жылдамдықпен соғып, ауыр жарақат алды. Дәрігерлер келгенге дейін ойыншы ашық бас сүйек-ми жарақатынан қайтыс болды. Полиция оқиғаға қатысты тергеу жүргізіп жатыр. Толық ақпарат POLITICO.KZ сайтында.

📹24KG

Ресей президенті Владимир Путин АҚШ пен Украинаның 30 күндік уақытша бітім туралы ұсынысына қатысты пікір білдіріп, Ресей бұл ұсынысты қолдайтынын, бірақ бірқатар шарттарды анықтау қажет екенін айтты. Путин Украина мобилизация жүргізбейтініне, әскери дайындық өткізбейтініне және қару-жарақ қабылдамайтынына кепілдік сұрады. Сондай-ақ ол атысты тоқтатуды бақылау механизмінің нақты белгіленуін талап етті. Путин бұл мәселені АҚШ президенті Дональд Трамппен талқылау мүмкіндігін де жоққа шығармады.

📹РИА НОВОСТИ

АҚШ генералы Кит Келлогг Трамп пен Зеленский арасындағы Ақ үйдегі жабық кездесу барысында шиеленісті сәттер болғанын мәлімдеді. Оның айтуынша, Зеленский Трампқа "дәріс оқығандай" сөйлеген, ал Трамп украин делегациясын тоқтатып, Ақ үйден шығуды бұйырған. Бұл жағдай кейінгі Трамп-Путин және Зеленский-Путин келіссөздеріне әсер еткен.