🇺🇸🇷🇺Axios: АҚШ пен Ресей Украина мәселесін талқылау үшін сейсенбіде кездеседі

АҚШ пен Ресейдің жоғары лауазымды шенеуніктері Украинадағы соғысты тоқтату мүмкіндіктерін талқылау үшін сейсенбіде Сауд Арабиясында кездеседі, деп хабарлайды Axios.

Бұл кездесу Трамп пен Путин арасындағы телефон әңгімесінен кейінгі маңызды қадам болып отыр. Екі ел басшылары соғысты тоқтату жолдарын қарастыруға келіскен.

АҚШ делегациясы құрамында мемлекеттік хатшы Марко Рубио, ұлттық қауіпсіздік жөніндегі кеңесші Майк Уолтц және Таяу Шығыс бойынша АҚШ өкілі Стив Виткофф бар. Ресей тарапынан келіссөздерге сыртқы істер министрі Сергей Лавров қатысуы мүмкін.

Украина президенті Владимир Зеленский Киев бұл кездесуге шақырылмағанын айтты. "Бізге бұндай кездесудің өтетіні туралы алдын ала ешкім хабарлаған жоқ. Қарап тұрсақ, Ресей біздің стратегиялық серіктесіміз емес қой", – деді Зеленский. Украина шенеуніктерінің айтуынша, олар бұл кездесуге тек БАҚ арқылы "шақырылғанын" білді.

Толық ақпарат👉https://clck.ru/3GRh8M

📱Әлеуметтік желіде хайп үшін баласын байлап қойған әйелдің видеосы тарады

Кадрларда әйел кішкентай баланы үстелдің астына мықтап байлап, жылап жатса да, оған мән бермей, видео түсіріп отырғаны көрінеді.

Бұл әрекет қоғамда үлкен наразылық тудырды. Көптеген желі қолданушылары мұндай әрекеттің адамгершілікке жат екенін айтып, тиісті органдардың араласуын талап етті.

Қазіргі таңда бұл оқиғаға қатысты құзырлы органдар тарапынан қандай шара қолданылатыны белгісіз. Баланың жағдайы мен оқиғаның мән-жайын анықтау үшін құқық қорғау органдары іске араласуы мүмкін.

Қоғам белсенділері мұндай жағдайлардың алдын алу үшін ата-аналардың жауапкершілігін арттырып, бала құқығын қорғау шараларын күшейту қажет екенін айтып отыр.

https://clck.ru/3GRiD9

🇬🇧🇺🇸Ұлыбритания премьері Стармер Трамп пен Еуропа арасында делдал болмақ

Ұлыбритания премьер-министрі Кир Стармер АҚШ президенті Дональд Трампты Украинадан бас тартпауға шақырады, деп хабарлайды The Times​​​​​​​.
Ол Британияны Еуропа мен АҚШ арасындағы "көпір" ретінде көрсетіп, Вашингтон мен Брюссельдің ортақ шешімге келуіне ықпал етпек.

Стармер дүйсенбі күні Парижде өтетін Еуропаның жетекші елдерімен кездесуінде Украина мәселесін талқылайды. Кейін Вашингтонға барып, Трампқа Еуропаның ортақ ұстанымын жеткізуді жоспарлап отыр.

Премьер-министр Ұлыбританияның ерекше рөлін атап, Лондонның Вашингтонмен қарым-қатынасы жақсы болғандықтан, келіссөздерде өз ықпалын пайдалана алатынын айтты. Сонымен қатар, ол Еуропа елдерін НАТО-ның қорғаныс шығындарын көбейтуге және маусымдағы альянс саммитіне нақты ұсыныстармен келуге шақырады.

Ұлыбританияның Украинадағы қауіпсіздік миссиясына қатысу мүмкіндігін де қарастырып отырғаны белгілі болды. Стармер бұл туралы:

Толық ақпарат👉https://clck.ru/3GRkUY

💲Ақпан айында теңге күшейіп, доллар бағамы 500 теңгеден төмен түсті

Сарапшылардың пікірінше, теңгенің нығаюына бірнеше фактор әсер еткен.

Біріншіден, ақпан – салық төлеу кезеңі. Әсіресе, ірі мұнай-газ компаниялары экспорттық түсімдерін теңгеге ауыстырып, бюджетке төлемдер жасайды. Сонымен қатар, импортқа сұраныс осы айда төмендейді, себебі мемлекеттік сатып алулардың басым бөлігі әлі жүзеге аспаған.

Екіншіден, рубльдің нығаюы. Ресей валютасы Украинаға қатысты бейбіт келіссөздер туралы сигналдар шыққаннан кейін күшейді. Қазақстан мен Ресейдің экономикалық байланысы тығыз болғандықтан, теңге де рубльмен бірге өсім көрсетті.

Үшіншіден, Ұлттық банктің әрекеті. Теңге бағамын тұрақты ұстау мақсатында Ұлттық банк келесі құралдарды қолданды:

Толық ақпарат👉https://clck.ru/3GRnHB

🇺🇸🇺🇦🇷🇺Украина Ресеймен келіссөздерге қатысады: Трамптың мәлімдемесі

АҚШ президенті Дональд Трамп Украина президенті Владимир Зеленскийдің Ресеймен өтетін бейбіт келіссөздерге қатысатынын мәлімдеді, деп хабарлайды Bloomberg.

Бұл мәлімдемені Трамп Флоридадағы Daytona 500 автожарысынан кейін журналистерге берген сұхбатында айтты. "Иә, ол қатысады", – деді ол, бірақ келіссөздердің қай кезеңінде және қандай форматта болатынын нақтыламады.

Бұл – Ақ үйдің Украина келіссөздерге қатыса ма деген сұраққа берген алғашқы ресми жауабы. Бұған дейін жоғары лауазымды АҚШ өкілдері келіссөздердің Киевсіз өтуі мүмкін екенін айтқан болатын.

Трамп сәрсенбіде Ресей президенті Владимир Путинмен "ұзақ әрі өте жемісті" телефон арқылы сөйлескенін айтып, Ресейдің Украинаға қатысты жаңа аумақтық амбициялары жоқ екенін мәлімдеді.

"Жоқ, менің ойымша, ол тоқтағысы келеді. Бұл мен қойған негізгі сұрақ болды. Егер ол жалғастырғысы келсе, бұл біз үшін үлкен мәселе болар еді", – деді Трамп.

Толық ақпарат👉https://clck.ru/3GRqBR

🧑‍💻Қазақстанда ҰБТ мерзімін өзгерту ұсынылды

Қазақстан Республикасының Ғылым және жоғары білім министрлігі Ұлттық бірыңғай тестілеуді (ҰБТ) өткізу ережелеріне өзгерістер енгізуді ұсынды.
17 ақпанда "Ашық НҚА" порталында жарияланған жобаға сәйкес, колледж түлектері мен қандастар үшін тестілеу тек наурыз айында ғана емес, 10 қаңтар мен 10 ақпан аралығында да өткізілуі мүмкін.

Сонымен қатар, көктемгі ҰБТ тапсыру мерзімі 1 наурыздан 31 наурызға дейін емес, 1 наурыздан 11 сәуірге дейін ұзартылуы ұсынылды.

Грант конкурсына қатысуға мүмкіндік беретін негізгі ҰБТ 10 мамыр мен 10 шілде аралығында өтеді (қазіргі кесте бойынша 16 мамыр – 5 шілде аралығында).

Министрлік бұл өзгерістерді наурыздағы ұзақ мерекелер мен "Қазтест" білім жүйесін тексеру шараларымен байланыстырып отыр.

Толық ақпарат👉https://clck.ru/3GRtpT

🇪🇺🇷🇺Еуропа Ресей газына қайта оралуы мүмкін бе?

Еуропадағы энергетикалық жағдай қайта шиеленісе түсті. Қатты суық пен Азиядағы жоғары сұраныс нәтижесінде табиғи газ бағасы 10 ақпанда 58 еуроға жетіп, соңғы екі жылдағы ең жоғары көрсеткіш тіркелді, деп хабарлайды The Economist.

12 ақпанда АҚШ президенті Дональд Трамп Украинадағы қақтығысты тоқтату бойынша келіссөздердің жақын арада басталатынын мәлімдеді. Бұл жаңалық қаржы нарығына әсер етіп, газ бағасының төмендеуіне себеп болды.

Сарапшылардың пікірінше, Ресейден газ жеткізілімін қайта бастау Еуропаның әлсіреген экономикасына оң әсер етуі мүмкін. Goldman Sachs экономистері бұл қадам Еуропа экономикасын 0,5%-ға арттырып, өндірістік секторды жандандыруы мүмкін екенін айтады.

Толық ақпарат👉https://clck.ru/3GRvxN

🇰🇿Мемлекет басшысы Бас прокурор Берік Асыловты қабылдады
https://clck.ru/3GRxpK

🛢Каспий құбыр консорциумының (КТК) «Кропоткинская» мұнай айдау станциясы 17 ақпанда дрон шабуылына ұшырады

КТК мәліметінше, шабуыл кезінде жеті дрон қолданылған, олардың әрқайсысы жарылғыш заттар мен металл сынықтарымен жабдықталған. Дрондар уақыт аралығымен шабуыл жасап, нысан жұмысына кедергі келтірумен қатар, қызметкерлер арасында зардап шеккендер болуын көздеген.

Алайда станция қызметкчерлері жедел әрекет етіп, мұнай төгілуінің алдын алды. Қазіргі уақытта «Кропоткинская» станциясы уақытша жұмысын тоқтатып, ал Тенгиз – Новороссийск құбыры төмендетілген режимде жұмыс істеуде.

"Жарылғыш заттардан басқа металл зақымдайтын элементтермен толтырылған жеті ұшқышсыз ұшақ террористік шабуыл жасады. Шабуыл объектінің жұмысын бұзып қана қоймай, станцияның жедел қызметкерлері арасында құрбан болу үшін уақыт аралығымен жүргізілді", — деп хабарлады КҚК баспасөз қызметі.

Толық ақпарат👉https://clck.ru/3GS23B

🚸Алматы қаласындағы балабақшада орын алған шуға қатысты мекеме иесі мәлімдеме жасады

Балабақша иесі Амина Юсупбаева бұл жағдайды "қызметіміздің тарихындағы ең ауыр оқиғалардың бірі" деп атады. Ол мекемені жолдасымен бірге 10 жыл бұрын ашқанын және оның "өмірлік ісі" екенін жеткізді.

Толық ақпарат👉https://clck.ru/3GS5p6

🕯Ұлытау облысында шахтада газ жарылып, кеншілер көз жұмды

Ұлытау облысында орналасқан "Қазақмыс" компаниясына тиесілі шахтада жарылыс болып, жеті кенші көз жұмды.
Төтенше жағдай Жомарт руднигінде орын алған. Алдын ала мәліметтер бойынша, шахтада табиғи газ жарылып, нәтижесінде жеті кенші үйінді астында қалған.

"Оқиға салдарынан жеті жұмысшының өмірі қиылды. Қазіргі таңда олардың денесі жер бетіне шығарылып, полиция қызметкерлеріне сот-медициналық сараптама жүргізу үшін тапсырылды", – деп мәлімдеді ҚР Төтенше жағдайлар министрлігі.

Қазіргі уақытта апаттың себептері мен мән-жайын анықтау үшін арнайы мемлекеттік комиссия құрылды.

Апат орнына Ұлытау және Қарағанды облыстарының ТЖД құтқарушылары, кинологиялық топтар, медицина қызметкерлері, МЧС психологтары және авариялық-құтқару бөлімшелері жұмылдырылған. Құтқару жұмыстарына 21 маман және 7 техника тартылған.

Толық ақпарат👉https://clck.ru/3GSzHG