🚆"Қазақстан Темір Жолы" ұлттық тасымалдаушысының мәліметінше, Маңғыстау – Алматы бағытындағы пойызда 108 килограмм заңсыз жүк табылды.

Жүкке қатысты тексеру жүргізген бақылаушыға пойыздың проводнигі мен басшысы қарсылық көрсетіп, физикалық күш қолданған.

Толық ақпарат 👉https://politico.kz/article/mangystau-almaty-poyyzynda-zansyz-zhuk-tabylyp-tekserushige-shabuyl-zhasaldy

Қазақстанның Ұлттық банкі теңге нарығындағы жағдайды бақылауда ұстауға тырысып жатыр, деп хабарлайды қаржыгер Расул Рысмамбетов.

Қаңтар айында биржадағы сауда көлемі 1,2 миллиард долларға жетті, бұл әдеттегіден 1,5 есе көп. Нарық қатысушылары эмоциялар негізінде шешім қабылдап, «топтық әсер» байқалуда.

Нарықтағы жағдайды ушықтыратын факторлар

Ресей компанияларының сұранысы: Қазақстанда тіркелген ресейлік компаниялар валюта нарығында үлкен сұраныс тудырып отыр. Олардың доллар сатып алуы валюта нарығындағы қысымды күшейтуде.

Халықтың алаңдаушылығы: Физикалық және заңды тұлғалар долларды белсенді сатып алуда. Бұл жағдайды ушықтырып, теңгеге қосымша қысым жасауда.

Жағымды факторлар:

Мұнай бағасының өсуі.
Теңгелік депозиттердің жоғары табыстылығы.
Қазақстанға санкциялар қаупінің болмауы.

Толық ақпарат👉https://politico.kz/article/qazaqstannyn-valyuta-narygynda-tengege-qysym-kusheyude

📩Ақтөбе облысында "Қазақстан Темір Жолы" ұлттық компаниясының жұмысшылары әлеуметтік шиеленісті бастан кешіруде.

Басшылық өздеріне бірнеше миллион теңге көлемінде бонустар мен премиялар тағайындағанымен, қарапайым жұмысшылардың жалақысы төмен күйінде қалып отыр. Жұмысшылар президент Қасым-Жомарт Тоқаевқа үндеу жолдап, бұл мәселені шешуді сұрады.

Дереккөз

📑Президент Қасым-Жомарт Тоқаев Үкіметтің кеңейтілген отырысын өткізіп, онда ағымдағы мәселелерді талқылау мен жаңа жоспарларды айқындауды жоспарлап отыр, деп хабарлайды саясаттанушы Данияр Әшімбаев.

Мемлекет басшысы соңғы жылдары үкімет мүшелерінен батыл және шешімді әрекеттер күтетінін бірнеше рет атап өтті. Әсіресе 2023 жылғы Жолдауында және өткен жылғы кеңейтілген отырыстарында бұл талаптарды қайталап айтқан болатын.

Толық ақпарат👉https://clck.ru/3FmxiX

Дереккөз

🦠Каспий теңізіне жаңа қауіп төніп тұр

Каспий теңізінің орталық бөлігінде алғаш рет Ceratium tripos var. Balticum деп аталатын жаңа динофитті фитопланктон түрі тіркелді.

Бұл су өсімдігі судың «гүлденуіне» әсер етіп, экожүйеге кері ықпалын тигізуі мүмкін. Жаңа фитопланктон судағы оттегі деңгейін төмендетіп, экожүйенің қалыпты жұмысын бұзуы ықтимал.

Каспий теңізінің экожүйесі бұған дейін де инвазиялық фитопланктон түрлерінің әсерін көрген. 1934 жылы Pseudosolenia calcar-avis диатомды балдырлары таралып, ұсақ фитопланктон түрлерін ығыстырған. Алайда бұл балдырлар зоопланктонның негізгі қорегі болуға тым ірі болды, бұл экожүйеге кері әсерін тигізді.

Толық ақпарат👉https://clck.ru/3Fmyfx

Дереккөз

🇺🇸Дональд Трамп Ресейден келісімге келуді талап етті

АҚШ президенті Дональд Трамп Ресейге Украинадағы соғысты аяқтауға шақырды.

Трамп TruthSocial әлеуметтік желісінде жарияланған мәлімдемесінде Ресейге зиян келтіруді қаламайтынын және әрқашан президент Владимир Путинмен жақсы қарым-қатынаста болғанын атап өтті.

"Біз ешқашан ұмытпауымыз керек, Ресей Екінші дүниежүзілік соғыста бізге жеңіске жетуге көмектесті, бұл үшін 60 миллионға жуық адамынан айырылды. Мұның бәрін ескере отырып, мен экономикалық қиындыққа тап болған Ресей мен президент Путинге үлкен көмек көрсеткім келеді", – деді Трамп.

Толық ақпарат👉https://clck.ru/3FuEAp

🔪Сораң қаласында дүкен сатушысын өлтірген қарақшы іздестірілуде

Қарағанды облысы Сораң қаласында дүкен сатушысын өлтірген қарақшы іздестірілуде.

Бейнебақылау камераларынан алынған кадрларда ер адамның камуфляж киім киіп, басына капюшон тартқаны көрсетілген. Ол дүкен ішінде сатушыға пышақпен шабуыл жасап, әйел өзін қорғауға тырысқан.

Қарағанды облысының полиция департаменті мәлімдегендей, дүкеннен 27 жастағы әйелдің зорлық-зомбылық белгілері бар денесі табылған.

Толық ақпарат👉https://clck.ru/3FuEby

🚗Экология министрі уәдесін орындап, көлігін 5 минутта қыздырды

Экология және табиғи ресурстар министрі Ерлан Нысанбаев бірнеше күн бұрын көлікті түнде далада қалдырып, таңертең 5 минутта қыздыруға уәде берген еді. Министрдің "эксперименті" көрсетілген бейне министрліктің әлеуметтік желідегі парақшаларында жарияланды.

Видеода министр көлік рөлінде, қозғалтқыш жұмыс істеп тұр, аспаптар тақтасында ауа температурасы – минус 17 ℃ көрсетілген, ал кадрда смартфондағы таймер уақытты санауда.

"Көзқарастар әртүрлі, бірақ жалпы 50 градусқа дейін қыздыру жеткілікті деген пікірдемін. Бірақ бір шарт бар: егер қозғалтқыштың температурасы 50 градусқа жетсе, жолға шыққаннан кейін алғашқы бес минут баяу жылдамдықта жүру керек", – деді министр видеода.

Төртінші минутта министр қозғалтқыштың жұмсақ жұмыс істей бастағанын айтты, ал бес минут өткен соң көлігін жүргізіп кетті.

https://clck.ru/3FuFWq

🔥Шымкентте аттракциондар саябағында өрт болды

Шымкент қаласының Әл-Фараби ауданында, Тәуке хан даңғылы бойында орналасқан аттракциондар саябағы аумағында өрт шықты.

Өрт ойын автоматтары орналасқан төбе астынан басталып, екі қабатты мейрамхананың шатыры мен екі кеңсе бөлмесіне тараған. Жалпы өрт ауданы 230 шаршы метрді құрады.

Төтенше жағдайлар министрлігі қызметкерлері өртті толығымен сөндірді. Абырой болғанда, зардап шеккендер жоқ. Өрттің себебі анықталуда.

https://clck.ru/3FuHGp

🚨Алматыда екі блогер мен кәсіпкерге 8 миллион теңге бопсалады деген күдікпен қылмыстық іс қозғалды.

Полиция мәліметінше, күдіктілер әлеуметтік желілерде компрометтеуші материалдарды жариялаймыз деп қорқытып, 8 миллион теңге талап еткен. Сонымен қатар, олар жәбірленушіні сот шешімімен төлеуге тиіс 20 миллион теңгеден бас тартуға мәжбүрлемек болған.

"Күдіктілер 10 миллион теңгені алу кезінде ұсталды. ҚР Қылмыстық-процестік кодексінің 128-бабына сәйкес, олар уақытша ұстау изоляторына қамалды," – деп мәлімдеді қалалық полиция департаменті.

Аталған факті бойынша қылмыстық іс қозғалды, тергеу амалдары жүргізілуде.

https://clck.ru/3FuJM4

🖲Жол құрылысына бөлінген қаражатты қадағалау үшін арнайы таңбалау енгізілді

Қазақстанда жол құрылысына бөлінген қаражатты жемқорлықтан қорғау үшін арнайы таңбалау әдісі енгізілді.

Бұл жүйе бюджет қаражатының қозғалысын толығымен цифрландыруға және әр теңгенің қозғалысын соңғы жеткізушіге дейін бақылауға мүмкіндік береді.

Антикоррупциялық қызметтің мәліметінше, таңбалау жүйесі алдымен жол құрылысы, көлік және теміржол құрылысы салаларын қамтиды. Механизм алғашқы нәтижелерін көрсетіп үлгерді. Мәселен, 164 миллиард теңге «Достық-Мойынты» теміржол жобасына, ал 100 миллион теңге Атырау облысындағы «Мүкір-Құлсары» автожолын жөндеуге бағытталды.

Антикор мәлімдемесі:
«Бұл өте маңызды жоба. Оның толыққанды енгізілуі жемқорлыққа тосқауыл болады. Мердігерлердің таңбаланған ақшамен "ашық" жұмыс істеуге дайындығы "Open Book"қағидаты бойынша адал бизнесті дамытуға ықпал етеді.»

Толық ақпарат👉https://clck.ru/3FuLTN