🚨Алматыда екі блогер мен кәсіпкерге 8 миллион теңге бопсалады деген күдікпен қылмыстық іс қозғалды.

Полиция мәліметінше, күдіктілер әлеуметтік желілерде компрометтеуші материалдарды жариялаймыз деп қорқытып, 8 миллион теңге талап еткен. Сонымен қатар, олар жәбірленушіні сот шешімімен төлеуге тиіс 20 миллион теңгеден бас тартуға мәжбүрлемек болған.

"Күдіктілер 10 миллион теңгені алу кезінде ұсталды. ҚР Қылмыстық-процестік кодексінің 128-бабына сәйкес, олар уақытша ұстау изоляторына қамалды," – деп мәлімдеді қалалық полиция департаменті.

Аталған факті бойынша қылмыстық іс қозғалды, тергеу амалдары жүргізілуде.

https://clck.ru/3FuJM4

🖲Жол құрылысына бөлінген қаражатты қадағалау үшін арнайы таңбалау енгізілді

Қазақстанда жол құрылысына бөлінген қаражатты жемқорлықтан қорғау үшін арнайы таңбалау әдісі енгізілді.

Бұл жүйе бюджет қаражатының қозғалысын толығымен цифрландыруға және әр теңгенің қозғалысын соңғы жеткізушіге дейін бақылауға мүмкіндік береді.

Антикоррупциялық қызметтің мәліметінше, таңбалау жүйесі алдымен жол құрылысы, көлік және теміржол құрылысы салаларын қамтиды. Механизм алғашқы нәтижелерін көрсетіп үлгерді. Мәселен, 164 миллиард теңге «Достық-Мойынты» теміржол жобасына, ал 100 миллион теңге Атырау облысындағы «Мүкір-Құлсары» автожолын жөндеуге бағытталды.

Антикор мәлімдемесі:
«Бұл өте маңызды жоба. Оның толыққанды енгізілуі жемқорлыққа тосқауыл болады. Мердігерлердің таңбаланған ақшамен "ашық" жұмыс істеуге дайындығы "Open Book"қағидаты бойынша адал бизнесті дамытуға ықпал етеді.»

Толық ақпарат👉https://clck.ru/3FuLTN

🚗Қытайлық Changan Uni-T және Uni-K автокөліктерінің қауіпсіздігі күмән туғызды

Қытайлық Changan Uni-T және Uni-K автокөліктері Ресей нарығынан алынып тасталуы мүмкін. Себебі, көлік орындықтарының арқалығы жол-көлік оқиғасы кезінде компрессиялық жарақаттарға әкелуі мүмкін.

Жол-көлік оқиғасынан кейін көлік орындықтарының арқалығы "желе" тәрізді болып кеткенін бейнелейтін видео әлеуметтік желілерде тарады. Куәгерлердің айтуынша, соққының күші қатты болмаған, бірақ орындықтардың беріктігі мүлдем сәйкес келмеген.

2024 жылы Uni-T және Uni-K модельдерінің сатылымы тиісінше 109% және 129%-ға өскен болатын. Бірақ орындықтардың қауіпсіздік талаптарына сай болмауы оларды нарықтан алып тастауды талқылауға себеп болды.

Ұлттық автомобиль одағы (НАС) Changan Uni-T және Uni-K көліктерінің қауіпсіздігі бойынша тексеріс жүргізуді талап етіп, Федералды агенттікке ресми хат жолдады. Егер тексеріс талаптарға сай келмесе, бұл көліктер Ресей нарығынан алынып тасталуы мүмкін.

https://clck.ru/3FuMj8

🔥Лос-Анджелес округінде жаңа орман өрті басталды.

Бірнеше сағат ішінде өрт 38 шаршы шақырымнан астам аумаққа тарады.

Өрт Кастаик көлінің маңында, Лос-Анджелестен шамамен 80 шақырым қашықтықта басталған. Қатты жел мен құрғақ өсімдіктер оттың тез таралуына себеп болды. Жергілікті билік 31 мыңнан астам адамды эвакуациялауға мәжбүр болды.

Қазіргі уақытта ғимараттардың қирауы немесе зақымдануы туралы деректер жоқ. Өртті сөндіруге 4000-нан астам құтқарушы жұмылдырылған.

Орман өрттері бойынша сарапшы Джейкоб Уэйгли жағдайды "ядролық деңгейдегі" деп сипаттады.

Толық ақпарат👉https://clck.ru/3FuPS2

🕯Көпбалалы әкенің үйі өртеніп, үш адам көз жұмды

Солтүстік Қазақстан облысы, Ступинка ауылында орналасқан көпбалалы отбасы тұратын жеке үй өртеніп, қайғылы жағдай орын алды.

Төтенше жағдайлар қызметінің мәліметінше, оқиға туралы хабар 112 нөміріне түнде түскен. Өрт сөндірушілер келгенде, үй толығымен жалынға оранған.

"Алдын ала есеп бойынша, өрт аумағы 104 шаршы метрді құрады. Газ баллонының жарылуы салдарынан шатыр мен төбе құлаған" – деп хабарлады ДЧС басшысы, полковник Жомарт Асқаров.

Толық ақпарат 👉https://clck.ru/3FuQc2

🇰🇬Қырғызстан астанасы ауысуы мүмкін

Қырғызстан астанасы Бішкек өзінің мәртебесінен айырылуы мүмкін.

Бұл бастаманы Жогорку Кенеш депутаты Бақытбек Марипов ұсынды. Ол қаладағы түтін мен көлік кептелісін ұзақ уақыт бойы шешу мүмкін еместігін айтып, астананы басқа жерге көшіруді ұсынды.

"Тіпті Бішкекте екі басшы болғанның өзінде, олар қаладағы түтін мен көлік кептелісін шешуге қауқарсыз болады" – деді Марипов.

Толық ақпарат👉https://clck.ru/3FuUkA

🇰🇿Қазақ тілінің сөздік қоры ИИ арқылы жаңартылады

Қазақстанда қазақ тілінің жасанды интеллект негізіндегі басты сөздігі жасалуда.

Депутаттар сенатта қабылданған заң жобасын президенттің қол қоюына жіберді. Заң қазақ тілінің сөздік қорын жасауға бағытталған және ол жасанды интеллект негізінде жұмыс істейді.

Сөздік қоры Ұлттық қазақ тілі корпусында жасақталады. Қазіргі таңда бұл корпус түрлі жанрлар мен стильдердегі мәтіндерді қамтып, 120 миллионнан астам сөз жинаған.

"Жыл соңында қазақ, ағылшын, орыс және түрік тілдеріне арналған үлкен тілдік модель дайындадық. Осы модель негізінде eGov, eOtinish платформаларында жеті демо-нұсқаны іске қостық. Биылдың соңына дейін 50-ден астам ИИ-көмекшілерін әзірлейміз" – деді цифрлық даму министрінің бірінші орынбасары Қаныш Төлеушин.

Толық ақпарат👉https://clck.ru/3FuYP6

‼️Қарағанды облысында 19 көлік бір-біріне соғылды‼️

Қарағанды облысында Қарағанды – Балқаш тасжолының 1630-шы шақырымында 19 көліктің қатысуымен жаппай жол-көлік оқиғасы орын алды.

КазАвтоЖол мәліметінше, апат бүгін сағат 12:30 шамасында болған. Жолдың аталған учаскесінде таңғы 10:30-да көлік қозғалысы қайта ашылған.

Алдын ала деректер бойынша, апаттың негізгі себебі — көлік жүргізушілерінің жылдамдық режимі мен қауіпсіз қашықтықты сақтамауы.

Толық ақпарат👉https://clck.ru/3FueVG

🌕Күн бетінде таңғажайып қара бұлт тіркелді

22 қаңтар күні Күнде сирек және таңғажайып құбылыс орын алды.

Күн дискісінің дәл ортасында қара бұлт пайда болып, оның бір бөлігі ғарышқа лақтырылған, ал қалған бөлігі күн тәжінде еріп кеткен. Бұл туралы Лаборатория солнечной астрономии хабарлады.

"Күн бетінде өте сирек кездесетін, ерекше әсем әрі сәл қорқынышты құбылыс болды. Дәл көрінетін дискі орталығында қара түсті құрылым қалыптасып, ғарышқа ішінара лақтырыла отырып, тәж ішінде еріді. Ғылыми түсіндірмесіне қарамастан, мұндай құбылысты көру біршама мистикалық әсер қалдырады," – дейді зертхана мамандары.

Толық ақпарат👉https://clck.ru/3FugoQ

🚀Қазақстан Байқоңырдағы Ресей жалға алған аэродромды жөндеуді жоспарламайды

Бұл туралы Премьер-министр Олжас Бектенов депутаттық сауалға берген жауабында мәлімдеді.

"Юбилейный" аэродромы 1994 жылы Ресей жалға алған Байқоңыр кешеніне кіреді. Қазіргі уақытта ол жұмыс істемейді, ал аэродромды "Роскосмос" жанындағы Жердегі ғарыш инфрақұрылымы нысандарын пайдалану орталығы басқарады.

Үкіметтің мәліметінше, аэродромның инфрақұрылымы қанағаттанарлықсыз жағдайда, ал қауіпсіздік талаптарына сай келмейді. Оны толықтай қалпына келтіру үшін "айтарлықтай қаржылық инвестициялар" қажет.

Толық ақпарат👉https://clck.ru/3FujLo

🔥Балаларға оқитын жер жоқ – Павлодар облысында мектеп өртеніп кетті

23 қаңтар күні таңертең Павлодар облысы Ертіс ауданына қарасты Бұланбай ауылында өрт шығып, жалғыз мектеп жанып кетті.

2010 жылы салынған бір қабатты мектеп ғимараты өрттен толықтай жойылды. Өрттің болжамды себебі – электр бағанасындағы қысқа тұйықталу. Күшті желдің салдарынан жалын ғимаратқа тараған.

"Өрт таңғы сағат тоғыз шамасында басталды. Жалын шарпыған аумақ 153 шаршы метрді құрады. Бастапқы тексеру нәтижесінде ғимарат толықтай өртеніп, қалпына келтіруге жарамсыз екені анықталды. Қаза болғандар мен зардап шеккендер жоқ", – деп хабарлады әкімдік өкілдері.

Бұл мектепте бар болғаны 20 оқушы оқитын. Оларды уақытша жергілікті шағын орталыққа ауыстыру жоспарланып отыр.

https://clck.ru/3FumYf

⚽️«Қайраттың» 16 жасар жас жұлдызы «Челсиге» өтті

Казахстандық жас талант, 16 жастағы орталық шабуылшы Дастан Сатпаев Англияның әйгілі «Челси» клубымен келісімшартқа отырды.

Италияның танымал спорт журналисі Фабрицио Романоның мәліметінше
Трансфер құны: 4 миллион еуро.
Келісімшарт: 5 жылға жасалды, 1 жылға ұзарту опциясымен.
Аренда: Дастан 18 жасқа толғанша «Қайрат» клубында аренда негізінде ойнайды.

Сатпаевтың жетістіктері назар аударарлық: ол 2024 жылы QJ Лигасында 12 матчта 19 гол соғып, 7 нәтижелі пас берген.

https://clck.ru/3FvfpD

🇺🇸🇷🇺Трамптың санкция қатерлерінде жаңалық жоқ, бірақ Ресей диалогқа дайын

Ресей президентінің баспасөз хатшысы Дмитрий Песков АҚШ президенті Дональд Трамптың санкциялар мен тарифтерді көтеру туралы ескертуіне жауап беріп, мұндай әдістердің Трамп үшін жаңа емес екенін айтты.

«Біз бұл жерде ерекше жаңалық көріп тұрған жоқпыз. Трамп өз президенттігінің алғашқы мерзімінде санкциялық әдістерді жиі қолданды, бұл оған ұнаған сияқты. Біз оның барлық мәлімдемесін мұқият қадағалап отырмыз және барлық нюанстарды тіркеп жатырмыз», — деді Песков.

Сонымен қатар, Песков Ресейдің теңқұқықты және өзара құрметке негізделген диалогқа әрқашан дайын екенін атап өтті.

Толық ақпарат👉https://clck.ru/3FvgpJ

🏗Атыраудағы құрылыс нысанында екі жұмысшы бесінші қабаттан құлады

Оқиға 20 қаңтар күні болған, бірақ бұл туралы ақпарат енді ғана белгілі болды. Полиция департаментінің мәліметінше, 43 жастағы ер адам ауыр жарақат алып, оқиға орнында көз жұмған. Ал оның 33 жастағы әріптесі түрлі дене жарақаттарымен ауруханаға жеткізілді.

«Сот-медициналық сараптама тағайындалды, қылмыстық іс бойынша кешенді тергеу амалдары жүргізілуде», – деп хабарлады ведомстводан.

https://clck.ru/3FvhXU

🚨Астана мен Қосшыда экстремисттік топ ұсталды

22 қаңтар күні Астана мен Қосшы қалаларында экстремизмге қатысты күдікті төрт қазақстандық ұсталды.

Ұлттық қауіпсіздік комитетінің мәліметінше, олар терроризмді насихаттау, экстремистік әрекеттерді ұйымдастыру мен оған қатысу, сондай-ақ жақтастар тартумен айналысқан деген күдікке ілінген.

«Тінту барысында олардың үйлерінен діни мазмұндағы материалдар мен басқа да айғақ заттар табылды», – делінген ҰҚК мәлімдемесінде.

Қазіргі уақытта тергеу амалдары ҚР Қылмыстық кодексінің 256, 259 және 405-баптары бойынша жүргізілуде. Бұл баптар экстремистік топ құру, террористік қызметті ұйымдастыру және экстремистік ұйымдардың қызметіне қатысу әрекеттерін қамтиды.

Күдіктілер 10 жылға дейін бас бостандығынан айырылуы мүмкін.

🌯Ақтөбе тұрғыны кафеден 1 080 000 теңге өндіріп алды

Ақтөбелік тұрғын қала орталығындағы кафенің иесін сотқа беріп, 1 080 000 теңге өтемақы алуға қол жеткізді.

Тұрғынның айтуынша, ол ұлымен бірге кафеға барып, жасымық сорпасы мен дөнерге тапсырыс берген. Алайда, дөнердің ішінен ұзындығы 2 сантиметрлік темір сынығы шығып, оның тісіне зақым келтірген.

«Клиент директорды шақыруды сұрағанымен, қызметкерлер бұл өтінішті орындамаған. Кафенің әкімшісі болған жағдай үшін тек пирожный ұсынумен шектелген. Мұндай қарым-қатынас клиенттің ашуына тиген», – деп жазылған сот материалдарында.

Толық ақпарат👉https://clck.ru/3Fvm4d

⚖️Павлодарда футбол жаттықтырушысы педофилия үшін өмір бойына сотталды

Сотталушы жәбірленуші отбасына 3 миллион теңге көлемінде моральдық зиян өтемақысын төлеуге міндеттелді.

Еске салсақ, жаттықтырушы өткен жылдың күзінде Павлодарда ұсталған. Тергеу барысында оның 2013 жылы туған қызды спорт жаттығуы орнына қонақүйге апарып, сол жерде қылмыс жасағаны анықталды.

Сот үкімін естігенде сотталушы көз жасына ерік берді.

🖥Қазақстанда мемлекеттік қызмет сайттары ашылмай тұр

Бүгін, 24 қаңтарда eGov.kz, pki.gov.kz және eLicense.kz сайттары жұмыс істемей тұр.

Сайтының тексеру нәтижесінде бұл дерек расталды.

Министрліктің алдын ала ақпараты бойынша: техникалық ақау бар екенін растады, бірақ нақты себебі кейінірек хабарланатын болады.

"2025 жылғы 23 қаңтар сағат 21:00 – ден бастап 2025 жылғы 27 қаңтарды қоса алғанда, ТДО АЖ-ға техникалық жұмыстар жоспарланған", - делінген хабарламада.

https://clck.ru/3FvqTY