🇺🇸🇰🇿АҚШ Қазақстандағы "дезинформациямен күреске" 4,5 млн доллар бөлген

АҚШ президенті Дональд Трамптың баспасөз хатшысы Каролин Левитт Байден әкімшілігін Қазақстанда дезинформациямен күреске 4,5 миллион доллар жұмсағаны үшін сынға алды.
Ақ үйде өткен брифингте Левитт Байден әкімшілігінің жұмсаған қаражатын ашық жариялап, оны "ақылға қонымсыз" деп атады. Оның айтуынша, Байден әкімшілігі Қазақстанда дезинформациямен күреске 4,5 миллион доллар, Иракта жаңа "Сезам көшесі" шоуын жасауға 20 миллион доллар, ал Мысырда туризмді қаржыландыруға 6 миллион доллар бөлген.

"Қазақстандағы дезинформациямен нақты қандай күрес жүргізілгені белгісіз. Ақ үй бұл мәселені түсіндірген жоқ," — деді Левитт.

Сонымен қатар, Левитт Байден әкімшілігін Гватемалада жыныс ауыстыру бағдарламасына 2 миллион доллар жұмсағаны үшін де сынға алды.

💰Ұлттық банк ақша басу инфляцияны күшейтетінін айтты

Қазақстан Республикасы Ұлттық банкінің төраға орынбасары Ақылжан Баймағанбетов Сенат кулуарында депутат Серік Егизбаевтың елімізде ақша басып шығаруды ұсынған пікіріне қатысты жауап берді.
Баймағанбетовтың айтуынша, мұндай қадам инфляцияны одан әрі күшейтеді.

«Бұл кез келген жағдайда инфляцияның өсуіне әкеледі. Бұл – кедейлерге салық. Ол ең алдымен әлеуметтік тұрғыдан әлсіз топтарға ауыр соққы болады. Жалақысы еңбекке негізделген азаматтардың табысы құнсызданады, орта таптың жинақтары өз құнын жоғалтады. Сондықтан бұл ұсыныс тиімді шешім емес», – деді ол.

Еске салсақ, 2023 жылы Қазақстанда бюджет тапшылығы 3,1 трлн теңгені құрады. Мемлекеттік бюджет тапшылығы – бұл шығыстар кірістерден асып кеткен жағдай. Тапшылықты жабу үшін мемлекет ішкі және сыртқы қарыздарды тартуға мәжбүр болады. Бұл өз кезегінде мемлекеттік қарыздың артуына әкеледі.

🚅Наурыз мерекесіне орай Өзбекстанға тағы бір туристік пойыз іске қосылады

«Жолаушылар тасымалы» ұлттық компаниясының мәліметінше, «Керуен экспресс» пойызы 21-27 наурыз аралығында Алматы – Түркістан – Ташкент – Самарқан – Тараз – Алматы бағыты бойынша қатынайды. Пойыз құрамында төрт купе вагоны мен бір мейрамхана вагоны болады. Бұған дейін хабарланған «Жібек жолы» пойызы 20-25 наурыз аралығында жүріп, алты купе вагонын қамтиды.

Саяхат барысында туристер Түркістандағы Қожа Ахмет Ясауи кесенесі мен Керуен сарайды, Ташкенттегі Хазреті Имам кешені, Барақ хан медресесі, Әбу Бәкір Қаффал аш-Шаши мен Төле би кесенелерін, Magic City тақырыптық саябағын, Самарқандағы Шахи-Зинда кешені, Гур-Эмир кесенесі, Регистан алаңы мен Улықбек, Тіллә-Кари, Шер-Дор медреселерін, сондай-ақ Тараздың тарихи-мәдени ескерткіштерін тамашалай алады.

Туристік пакет құны шамамен 200 мың теңгені құрайды. Бағаға жол жүру, гидпен экскурсиялар, тамақтану, трансфер қызметтері кіреді. Турпакетті туристік агенттіктерден сатып алуға болады.

🇷🇺Путин Курск облысын қайтара алмай отыр

Украина әскері Ресейдің Курск облысының бір бөлігін бақылауына алғаннан алты ай өткен соң, Владимир Путин бұл аймақты қайтару бойынша нақты нәтижеге қол жеткізе алмады, деп хабарлайды Bloomberg.

Ресей президенті бастапқыда Қорғаныс министрлігіне басты міндет ретінде Украинаның бұл өңірдегі шабуылын тоқтатуды тапсырған еді. Алайда Ресей армиясы қазіргі таңда тек аумақтың жартысын ғана қайтарып алды. Бұл жағдай АҚШ-тың бұрынғы президенті және алдағы сайлауға қатысушы Дональд Трамптың Ресей мен Украина арасындағы келіссөздерге қатысты ұстанымын күшейте түсті.

Курск облысына Украина әскерінің енуі – Ресей тарихында Екінші дүниежүзілік соғыстан бері болмаған оқиға. Бұл Путиннің «күшті басшы» ретіндегі беделіне нұқсан келтіруі мүмкін. Кремль бұл жағдайды жоққа шығаруға тырысқанымен, аймақтағы халық арасында билікке деген наразылық артып келеді.

Толық ақпарат👉https://clck.ru/3GDGtH

🏦Қазақстанда әлеуметтік салықтың жойылуы аймақтық бюджеттерге қалай әсер етеді?

Қазақстанда әлеуметтік салықтың күшін жою мәселесі талқылануда. Бұл өзгеріс аймақтық бюджеттерге қалай әсер етеді? Бұл туралы Мәжілісте сөз сөйлеген Ұлттық экономика министрі Серік Жұманғарин мәлімдеді.
Министрдің айтуынша, әлеуметтік салықтың алынып тасталуына қатысты нақты шешім әлі қабылданған жоқ. Бұл шешім қабылданған жағдайда облыстық бюджеттерге субвенциялар (қаржылай көмек) берілуі мүмкін.

«Қазіргі уақытта шешім әлі қабылданған жоқ. Облыстық бюджеттердің негізгі кірісі – әлеуметтік салық. Сондықтан тиісті шешім қабылданған жағдайда, өңірлерге субвенция бөлу мәселесі қарастырылады. Қазір бюджеттің жалпы табысы 5-7 трлн теңгені құрайды, ал облыстық бюджеттердің шығыны 1,6 трлн теңге шамасында. Қаржы жеткілікті, егер қажет болса, субвенциялар бөлінеді», – деді Жұманғарин.

Толық ақпарат👉https://clck.ru/3GDMHj

🚨Бишімбаев түрме әкімшілігіне қарсы сотқа жүгінді

Экс-министр Қуандық Бишімбаев түрме әкімшілігінің әрекетіне наразы болып, сотқа шағым түсірді.
Қылмыстық-атқару жүйесі комитетінің (ҚАЖК) мәліметінше, Бишімбаев түрме әкімшілігінің оған марапат (поощрение) бермей отырғанына шағымданған. Алайда, қолданыстағы заңнамаға сәйкес, жазасын өтеу тәртібін бұзған сотталғандарға марапат беру қарастырылмаған.

«Қолданыстағы заңнамаға сәйкес, сотталғандарға тәртіп бұзушылық болған жағдайда марапат қолданылмайды. Бұл сотталған азаматтың тәртіп бұзған бір оқиғасы бар, сол себепті марапат беру мүмкін емес», – делінген ресми хабарламада.

Сот Қуандық Бишімбаевтың талап-арызын қанағаттандырудан бас тартты.

https://clck.ru/3GDMPh

🚑Абай облысында мектеп оқушылары жалғыз тұратын 85 жастағы әжейдің өмірін сақтап қалды

«Жас Сарбаз» сыныбының оқушылары «Қарияларға құрмет» акциясы аясында қарт кісілерге көмек көрсетіп жүрген. Кезекті рет аула тазалауға барған Расул Бақтыбеков, Ертай Аипказы және Ерасыл Дәуитхан есімді оқушылар жалғыз тұратын Фелисада Арабеждің екі күн бойы үйінен шықпағанын байқап, көршілерінен сұрастырады.

«Үйде жарық жанып тұрды, бірақ әжей есікті ашпады. Бұл бізге күдік тудырды. Көршілерінен оның соңғы рет қашан көрінгенін сұрадық. Олар екі күн бұрын ғана көргендерін айтты. Біз тез арада әрекет етуге шешім қабылдадық», – дейді Ертай Аипказы.

Оқушылар көршілердің көмегімен үйдің терезесін сындырып, ішке кірген. Сол кезде олар ес-түссіз жатқан қарт әйелді тауып, дереу жедел жәрдем шақырады.

Абай облысының әкімдігі оқушылар мен олардың жетекшісіне батылдықтары мен жанашырлықтары үшін алғыс айтты. Қазіргі таңда 85 жастағы Фелисада Арабеж ауруханада ем қабылдап жатыр.

💲Министр ҚҚС өсімі шағын бизнеске әсер етпейтінін айтты

Қаржы министрлігі салық реформаларын қолға алып жатқан тұста, Ұлттық экономика министрі Серік Жұманғарин НДС-тің (қосылған құн салығы) ұлғаюы шағын кәсіпкерлерге еш әсер етпейтінін мәлімдеді.
Министрдің айтуынша, халықпен тікелей жұмыс істейтін шағын кәсіпорындар бұрынғыдай 4% мөлшерінде салық төлейді.

«Бұл реформа шағын бизнеске әсер етпейді. Дүкендер, киоскілер, шағын базарлар, кафелер, сұлулық салондары сияқты кәсіпкерлер бұрынғыдай 2,4 млрд теңге шегінде жұмыс істей береді және 4% төлейді», – деді Жұманғарин.

Оның сөзінше, НДС өсімі кіші кәсіпкерлердің жағдайына кері әсер етпейді, әрі «соңғы нанын тартып алмайды».

Министрлік бұл реформаның орта және ірі бизнеске бағытталғанын атап өтті. Қазіргі уақытта салық жүйесін жетілдіру бойынша жұмыс жалғасуда.

https://clck.ru/3GDVhs

🚨Адвокат пара алуға итермелеп, өзі түрмеге түсті

Қарағанды соты адвокат Рашид Ефизовтің жазасын күшейтіп, оны үш жылға бас бостандығынан айырды.
Бұған дейін ол алаяқтық және пара беруге итермелеу бойынша кінәлі деп танылып, екі жарым жылдан астам мерзімге шартты түрде сотталған еді. Алайда апелляциялық сот оның жазасын күшейту туралы шешім шығарды.

Рашид Ефизов – Қарағанды облыстық адвокаттар алқасының мүшесі, ол бұрын Қарағанды полиция департаментінің тергеу басқармасының бастығы Рустам Күлкеевтің қорғаушысы болған. Күлкеев криптовалюта өндірісіне арналған жабдықтарды ұрлады деген күдікке ілінген. Алайда кейінірек адвокаттың өзі басқа қылмысқа қатысты тергеліп, клиентін ауыстыруға мәжбүр болды.

Толық ақпарат👉https://clck.ru/3GDX8b

🇺🇦🇺🇸Киев Трамптың ықпалды діни одақтастарымен байланыс орнатуда

Украина АҚШ-тың әскери және қаржылай көмегін сақтау үшін Трамптың ықпалды одақтастары – консервативті христиан қауымдастығымен байланыс орнатуда, деп хабарлайды The New York Times.
Биыл Украина өзінің ең ірі делегациясын Вашингтондағы беделді христиан көшбасшыларының кездесуіне жіберіп отыр. Ел өкілдері АҚШ-тың көмек көрсетуін жалғастыру үшін діни еркіндікті қорғау қажеттігін алға тартуда.

Украиналық дін қызметкерлері, парламент мүшелері және әскери капелландар бейсенбі күні өтетін Ұлттық дұға таңғы асына қатысады. Бұл – АҚШ саясатындағы маңызды іс-шаралардың бірі, онда бизнесмендер, дін өкілдері және дипломаттар жоғары лауазымды шенеуніктермен кездесу мүмкіндігіне ие болады.

Толық ақпарат👉https://clck.ru/3GDeVy

🇷🇺Ресейдің «Орешник» зымыраны Украинаға жете алмай, өз жерінде жарылды

Ресей Украинаға бағытталған кезекті «Орешник» баллистикалық зымыранын ұшырды, алайда ол көздеген нысанасына жетпестен, Ресей аумағында жарылды, деп хабарлайды Forbes.
21 қарашада Ресей жаңа баллистикалық зымыранды Днепр қаласына бағыттап, ондаған бейбіт тұрғын зардап шеккен болатын. Бұл зымыран бастапқыда құрлықаралық баллистикалық зымыран (МБР) ретінде қабылданған, алайда кейіннен оның РС-26 негізіндегі жаңа «Орешник» зымыраны екені анықталды.

Үш ай өткен соң, Ресей Киевке тағы бір «Орешник» жіберді. Бірақ украиндық әскери журналист Кирилл Сазоновтың мәліметінше, бұл зымыран межелі жерге жете алмай, Ресей территориясында жарылып кеткен.

«Бұл зымыран тым алысқа ұша алмады», – деді Сазонов.

Путин бұған дейін Украинадағы «шешім қабылдау орталықтарына» дәл осындай шабуыл жасайтынын мәлімдеген. Бірақ сарапшылардың пікірінше, «Орешник» технологиялық тұрғыдан әлсіз және сенімсіз қару.

Толық ақпарат👉https://clck.ru/3GEJiN

⚖️Әзербайжан ұшақ апаты үшін Ресейді халықаралық сотқа бермек

Әзербайжан билігі Ақтау маңында апатқа ұшыраған Azerbaijan Airlines (AZAL) жолаушы ұшағына байланысты Ресейді халықаралық сотқа беруге дайындалып жатыр.
Әзербайжанның "АПА" ақпарат агенттігінің мәліметінше, Баку фактілер мен айғақтар жинақтауда. Бұл қадамға Әзербайжан Ресей тарапының "оқиғаға біржақты баға беруін жалғастырып жатқаны" себеп болғанын мәлімдеді.

Бакудің айтуынша, Ресей билігі өз кінәсін жоққа шығарып, оқиғаның себебін экипаждың қателігімен байланыстыруға тырысып отыр. Әзербайжан тарапы мұны 2014 жылы Донбасс аспанында атып түсірілген малайзиялық Boeing 777 ұшағының трагедиясына ұқсатады.

"AZAL ұшағына қатысты бұйрық бергендер мен оны атқан адамдар туралы мәліметтер бізде бар", – деп хабарлайды "АПА".

Толық ақпарат👉https://clck.ru/3GELLA

🏫Олигархтардың ақшасына Жетісу облысында жаңа мектеп салынады

Жетісу облысы, Кербұлақ ауданының Көксай ауылында олигархтардан тәркіленген қаражат есебінен жаңа мектеп салынады. Үкіметтің мәліметінше, 1,4 млрд теңге арнайы мемлекеттік қордан бөлініп, ауылда 60 орындық жаңа мектептің құрылысы басталмақ.

«Қазіргі таңда Қоксай ауылында бір ғана мектеп бар, онда 53 оқушы екі ауысыммен оқиды. Ғимаратта спорт және акт залы, асхана, қажетті пәндік кабинеттер жоқ. Жаңа мектеп бұл мәселені шешуге мүмкіндік береді», – деп хабарлады үкімет өкілдері.

Айта кетейік, жалпы алғанда әлеуметтік маңызы бар нысандарға 58 млрд теңге бөлінді. Бұған дейін Қаражал қаласында да 1,4 млрд теңгеге жаңа мектеп салынатыны белгілі болды.

https://clck.ru/3GELxB

⛽️Бензин қымбаттауда: Қазақстандықтар шағын көлемді қозғалтқышы бар көліктерге ауыса ма?

Қазақстанда бензин бағасының өсуі көлік нарығына әсер етуі мүмкін. Сарапшылардың болжауынша, бензин бағасы жыл соңына дейін 40%-ға дейін қымбаттауы мүмкін. Энергетика саласының сарапшысы Ануар Қожабеков ай сайын бағаның 5-10 теңгеге көтерілуі мүмкін екенін айтады.

Қазақстан АИ-95 бензинін толық көлемде өндірмейді және оны импорттауға мәжбүр. Бұл отын бағасының айтарлықтай қымбаттауына әкеледі. Сарапшылардың пікірінше, АИ-92 бензині 320 теңгеге, ал АИ-95 350 теңгеге жетуі мүмкін.

Толық ақпарат👉https://clck.ru/3GEPx7

💊Шымкентте медициналық қателіктің салдарынан ВИЧ жұқтырған балаларға арзан дәрілер берілуде

Шымкентте 2006 жылы медициналық қателіктің салдарынан ВИЧ жұқтырған балаларға оригинал препараттардың орнына арзан дженериктер берілуде. Бұл ата-аналардың наразылығын тудырып, олар мемлекеттен тек сапалы ем талап етуде.

Осы күнге дейін ВИЧ-пен өмір сүретін науқастарға тек брендтік антиретровирустық терапия (АРТ) препараттары беріліп келген. Алайда 120 балаға оригинал дәрілердің орнына олардың арзан баламалары ұсынылғаны анықталды.

Толық ақпарат👉https://clck.ru/3GERJE

🇷🇺Ресейге кірушілерге арналған жаңа ережелерді жариялады

Ресейге кіретін және елде ұзақ уақыт тұратын барлық шетелдіктер міндетті медициналық тексеруден өтуі тиіс. Бұл туралы РИА Новости Ресей ІІМ материалдарына сілтеме жасап мәлімдеді. Жаңа талаптар Еуразиялық экономикалық одақ (ЕАЭО) елдерінің азаматтарына да қолданылады, сапар мақсатына қарамастан.

Шетелдіктер жыл сайын қауіпті аурулардың жоқтығын дәлелдеп отыруы керек. Егер адамнан қоғамдық қауіп төндіретін ауру анықталса, оны Ресейден шығарып жіберіп, қайта кіруге тыйым салуы мүмкін.

Алайда бұл талап Ресейге 3 айға дейін келетін туристерге қолданылмайды. Туристік сапарлар үшін медициналық тексеру қажет емес.

Жаңа ережелер Ресейде ұзақ мерзімді тұруды жоспарлаған шетелдіктердің барлығына қатысты енгізілуде.

🌊Каспийді қалай құтқаруға болады? Экологтардың ұсыныстары

Каспий теңізінің суы қарқынды түрде тартылып, экожүйесі жойылу қаупінде тұр. Экологтар теңізді құтқару үшін ғылыми зерттеулер, жүйелі мониторинг және трансшекаралық ынтымақтастық қажет екенін айтады.

Каспий теңізінің тартылуы соңғы жылдары бұрын-соңды болмаған деңгейге жетті. Германия мен Нидерланды ғалымдарының болжамы бойынша, 2054 жылға қарай теңіздің солтүстік және солтүстік-шығыс бөлігі толықтай құрғауы мүмкін.

Эколог Галина Чернова Каспий суының азаюына өзендердің сарқылуы, климаттың өзгеруі және мұнай өндірісі себеп болып отырғанын атап өтті.

«85% су қоры Волгадан келеді. Бірақ Ресей өзеннің арнасын реттеп, судың негізгі бөлігі Каспийге жетпейді. Бұл мәселе қазірдің өзінде теңіз экожүйесіне ауыр әсерін тигізіп отыр», – деді ол.

Толық ақпарат👉https://clck.ru/3GEWUQ