🇺🇦🇷🇺🇺🇸Зеленский: Украина келіссөздерге дайын, бірақ АҚШ пен Еуропа қатысуы керек

Украина президенті Владимир Зеленский Украина Ресеймен үш жылға жуық созылған қақтығысты аяқтау үшін келіссөздер жүргізуге дайын екенін мәлімдеді.

Зеленскийдің айтуынша, келіссөздерге Украинамен бірге АҚШ пен Еуропа елдері де қатысуы тиіс.

«Егер адамдар біз дипломатиялық жолға көшуіміз керек деп есептесе, мен де Украина дипломатиялық жолды таңдауға дайын деп санаймын. Бұл келіссөздерде АҚШ, Еуропа, Украина және Ресей болуы керек», — деді Зеленский британдық журналист Пирс Морганға берген сұхбатында.

Ол Ресей президенті Владимир Путинмен тікелей кездесуді Украинаның бейбітшілікке қол жеткізу жолындағы жалғыз тиімді нұсқа деп есептейтінін айтты.

Кремль әзірге төртжақты келіссөздер өткізуге дайын емес екенін мәлімдеді. Ресей президентінің баспасөз хатшысы Дмитрий Песков Зеленскийді «легитимді емес» көшбасшы деп атады.

Толық ақпарат👉https://clck.ru/3GCAe9

✈️Әлемдік жаңалықтар Ақтау апаты туралы тергеу қорытындыларын жариялады

DW мәліметінше, ұшақ Грозный қаласына жақындағанда екі рет қатты соққы болған. Соққыдан кейін автопилот ажыратылып, гидравликалық жүйелерде қысым төмендеген. Экипаж диспетчерлерге құстармен соқтығысу және борттағы оттегі баллонының жарылысы туралы хабарлаған.

Командир әуежайға төтенше қону жасамақ болып, Ақтауға бағыт алған. Алайда қонған кезде ұшақ жерге соғылып, ішінара өртенген.

Reuters агенттігі Әзірбайжан үкіметіндегі дереккөзге сүйене отырып, ұшаққа ресейлік «Панцирь-С» әуе қорғаныс жүйесінің зымыраны тигенін хабарлайды. Тергеу барысында ұшақтан табылған зымыран бөлшектері халықаралық сараптамадан өткен.

Алдын ала есепте ұшақтың артқы бөлігі мен қанаттарында тікбұрышты пішінді зақымданулар анықталғаны айтылған. Бұл «сыртқы факторлардың әсерінен болған» деген болжамды растайды.

https://clck.ru/3GCJ6A

🇰🇿Мемлекет басшысы Қасым-Жомарт Тоқаев Орталық сайлау комиссиясының төрағасы Нұрлан Әбдіровті қабылдады

Кездесу барысында Президентке Бүкіләлемдік сайлау күні аясында елімізде өткізілген іс-шаралар мен 2024 жылғы электоралды кампаниялардың қорытындылары баяндалды. Сонымен қатар, Нұрлан Әбдіров ОСК қызметінің қазіргі жай-күйі мен алдағы жоспарлары туралы есеп берді.

Сондай-ақ, Қасым-Жомарт Тоқаевқа сайлау комиссиясының халықаралық ынтымақтастықты кеңейту жөніндегі бастамалары таныстырылды. Президент сайлау процестерінің ашықтығы мен әділдігін қамтамасыз ету бағытындағы жұмыстарды жалғастырудың маңыздылығын атап өтті.

https://clck.ru/3GCJ4u

🇺🇸🇺🇦АҚШ Украина бойынша бейбіт жоспарды келесі аптада жариялайды

АҚШ келесі аптада Германияда өтетін Мюнхен қауіпсіздік конференциясында Ресей мен Украина арасындағы соғысты тоқтатуға бағытталған бейбіт жоспарын ұсынбақ, деп хабарлайды Bloomberg.

Агенттіктің мәліметінше, бұл жоспарды АҚШ президентінің Украина мен Ресей бойынша арнайы өкілі Кит Келлог таныстырады. Жоспардың егжей-тегжейі әзірге белгісіз, бірақ "күш арқылы бейбітшілік" қағидасына негізделген болуы мүмкін.

"Мүмкін болатын шарттардың қатарында қақтығысты уақытша тоқтату, Ресей басып алған аумақтардың мәртебесін анықтауды кейінге қалдыру және Украинаға қауіпсіздік кепілдіктерін беру бар", – делінген материалда.

Сондай-ақ, Келлог осы айда Киевке барып, Украина президенті Владимир Зеленскиймен кездесуі жоспарланып отыр.

Айта кетейік, Трамп бұған дейін Украинадағы соғысты 24 сағат ішінде тоқтата алатынын мәлімдеген болатын. Ол 2025 жылдың қаңтарынан бастап Украинадағы қақтығысты шешуге кірісетінін айтқан.

https://clck.ru/3GD5zu

👮🏻‍♂️«Сұңқар» тобы Дубайдағы халықаралық жарыста күміс иеленді

Дубайда өткен беделді халықаралық SWAT Challenge жарысында Қазақстанның арнайы жасақ командалары жоғары нәтижелер көрсетіп, күміс жүлде жеңіп алды.

Сайысқа әлемнің 80 елінен 100-ден астам команда қатысып, бес күн бойы тактикалық, штурмдық және құтқару операциялары, кепілге алынған адамдарды босату, кедергілер жолағын еңсеру сияқты қиын тапсырмаларды орындады.

Қазақстандық «Сұңқар» арнайы жасағы барлық кезеңдерде сенімді өнер көрсетіп, жалпы есепте Қытай командасынан кейін екінші орынды иеленді. Бұдан бөлек, КНБ-ның екі командасы (Arystan Team және SSN Aktau), СГО-ның Sardar тобы және Ұлттық ұланның арнайы жасақтары үздік ондыққа кірді.

Еске салайық, турнирдің алғашқы және үшінші кезеңдерінде «Сұңқар» тобы алтын медаль жеңіп алды. Бұл олардың халықаралық деңгейдегі екінші қатысуы болып табылады.

Толық ақпарат👉https://clck.ru/3GD6n5
📹ZTB

⛽️Әлеуметтік газды ұрлаған ОПГ мүшелері ұсталды

Ақтөбе облысында әлеуметтік газды ұрлаумен айналысқан ұйымдасқан қылмыстық топ (ОПГ) әшкереленді.
ІІМ мәліметінше, қылмыстық топ мүшелері өлшеу құралдарына техникалық өзгерістер енгізіп, есепке алынбаған газ көлемін қалыптастырып, оны кейін заңсыз саудалаған. Газ ұрлығы дерегі бойынша жүргізілген арнайы операция барысында 12 вагон ұрланған газ тәркіленді.

Ұйымдасқан қылмыстық топты ұстау операциясы облыстық Ұйымдасқан қылмысқа қарсы күрес басқармасы (УБОП), прокуратура және Ұлттық қауіпсіздік комитетінің департаментімен (ДКНБ) бірлесіп жүргізілді.

ІІМ ұйымдасқан қылмысқа қарсы күрес департаментінің өкілі Қуандық Алпыс күдіктілердің газ компаниясының қызметкерлері екенін хабарлады.

https://clck.ru/3GD7PA

🇺🇸🇰🇿АҚШ Қазақстандағы "дезинформациямен күреске" 4,5 млн доллар бөлген

АҚШ президенті Дональд Трамптың баспасөз хатшысы Каролин Левитт Байден әкімшілігін Қазақстанда дезинформациямен күреске 4,5 миллион доллар жұмсағаны үшін сынға алды.
Ақ үйде өткен брифингте Левитт Байден әкімшілігінің жұмсаған қаражатын ашық жариялап, оны "ақылға қонымсыз" деп атады. Оның айтуынша, Байден әкімшілігі Қазақстанда дезинформациямен күреске 4,5 миллион доллар, Иракта жаңа "Сезам көшесі" шоуын жасауға 20 миллион доллар, ал Мысырда туризмді қаржыландыруға 6 миллион доллар бөлген.

"Қазақстандағы дезинформациямен нақты қандай күрес жүргізілгені белгісіз. Ақ үй бұл мәселені түсіндірген жоқ," — деді Левитт.

Сонымен қатар, Левитт Байден әкімшілігін Гватемалада жыныс ауыстыру бағдарламасына 2 миллион доллар жұмсағаны үшін де сынға алды.

💰Ұлттық банк ақша басу инфляцияны күшейтетінін айтты

Қазақстан Республикасы Ұлттық банкінің төраға орынбасары Ақылжан Баймағанбетов Сенат кулуарында депутат Серік Егизбаевтың елімізде ақша басып шығаруды ұсынған пікіріне қатысты жауап берді.
Баймағанбетовтың айтуынша, мұндай қадам инфляцияны одан әрі күшейтеді.

«Бұл кез келген жағдайда инфляцияның өсуіне әкеледі. Бұл – кедейлерге салық. Ол ең алдымен әлеуметтік тұрғыдан әлсіз топтарға ауыр соққы болады. Жалақысы еңбекке негізделген азаматтардың табысы құнсызданады, орта таптың жинақтары өз құнын жоғалтады. Сондықтан бұл ұсыныс тиімді шешім емес», – деді ол.

Еске салсақ, 2023 жылы Қазақстанда бюджет тапшылығы 3,1 трлн теңгені құрады. Мемлекеттік бюджет тапшылығы – бұл шығыстар кірістерден асып кеткен жағдай. Тапшылықты жабу үшін мемлекет ішкі және сыртқы қарыздарды тартуға мәжбүр болады. Бұл өз кезегінде мемлекеттік қарыздың артуына әкеледі.

🚅Наурыз мерекесіне орай Өзбекстанға тағы бір туристік пойыз іске қосылады

«Жолаушылар тасымалы» ұлттық компаниясының мәліметінше, «Керуен экспресс» пойызы 21-27 наурыз аралығында Алматы – Түркістан – Ташкент – Самарқан – Тараз – Алматы бағыты бойынша қатынайды. Пойыз құрамында төрт купе вагоны мен бір мейрамхана вагоны болады. Бұған дейін хабарланған «Жібек жолы» пойызы 20-25 наурыз аралығында жүріп, алты купе вагонын қамтиды.

Саяхат барысында туристер Түркістандағы Қожа Ахмет Ясауи кесенесі мен Керуен сарайды, Ташкенттегі Хазреті Имам кешені, Барақ хан медресесі, Әбу Бәкір Қаффал аш-Шаши мен Төле би кесенелерін, Magic City тақырыптық саябағын, Самарқандағы Шахи-Зинда кешені, Гур-Эмир кесенесі, Регистан алаңы мен Улықбек, Тіллә-Кари, Шер-Дор медреселерін, сондай-ақ Тараздың тарихи-мәдени ескерткіштерін тамашалай алады.

Туристік пакет құны шамамен 200 мың теңгені құрайды. Бағаға жол жүру, гидпен экскурсиялар, тамақтану, трансфер қызметтері кіреді. Турпакетті туристік агенттіктерден сатып алуға болады.

🇷🇺Путин Курск облысын қайтара алмай отыр

Украина әскері Ресейдің Курск облысының бір бөлігін бақылауына алғаннан алты ай өткен соң, Владимир Путин бұл аймақты қайтару бойынша нақты нәтижеге қол жеткізе алмады, деп хабарлайды Bloomberg.

Ресей президенті бастапқыда Қорғаныс министрлігіне басты міндет ретінде Украинаның бұл өңірдегі шабуылын тоқтатуды тапсырған еді. Алайда Ресей армиясы қазіргі таңда тек аумақтың жартысын ғана қайтарып алды. Бұл жағдай АҚШ-тың бұрынғы президенті және алдағы сайлауға қатысушы Дональд Трамптың Ресей мен Украина арасындағы келіссөздерге қатысты ұстанымын күшейте түсті.

Курск облысына Украина әскерінің енуі – Ресей тарихында Екінші дүниежүзілік соғыстан бері болмаған оқиға. Бұл Путиннің «күшті басшы» ретіндегі беделіне нұқсан келтіруі мүмкін. Кремль бұл жағдайды жоққа шығаруға тырысқанымен, аймақтағы халық арасында билікке деген наразылық артып келеді.

Толық ақпарат👉https://clck.ru/3GDGtH

🏦Қазақстанда әлеуметтік салықтың жойылуы аймақтық бюджеттерге қалай әсер етеді?

Қазақстанда әлеуметтік салықтың күшін жою мәселесі талқылануда. Бұл өзгеріс аймақтық бюджеттерге қалай әсер етеді? Бұл туралы Мәжілісте сөз сөйлеген Ұлттық экономика министрі Серік Жұманғарин мәлімдеді.
Министрдің айтуынша, әлеуметтік салықтың алынып тасталуына қатысты нақты шешім әлі қабылданған жоқ. Бұл шешім қабылданған жағдайда облыстық бюджеттерге субвенциялар (қаржылай көмек) берілуі мүмкін.

«Қазіргі уақытта шешім әлі қабылданған жоқ. Облыстық бюджеттердің негізгі кірісі – әлеуметтік салық. Сондықтан тиісті шешім қабылданған жағдайда, өңірлерге субвенция бөлу мәселесі қарастырылады. Қазір бюджеттің жалпы табысы 5-7 трлн теңгені құрайды, ал облыстық бюджеттердің шығыны 1,6 трлн теңге шамасында. Қаржы жеткілікті, егер қажет болса, субвенциялар бөлінеді», – деді Жұманғарин.

Толық ақпарат👉https://clck.ru/3GDMHj

🚨Бишімбаев түрме әкімшілігіне қарсы сотқа жүгінді

Экс-министр Қуандық Бишімбаев түрме әкімшілігінің әрекетіне наразы болып, сотқа шағым түсірді.
Қылмыстық-атқару жүйесі комитетінің (ҚАЖК) мәліметінше, Бишімбаев түрме әкімшілігінің оған марапат (поощрение) бермей отырғанына шағымданған. Алайда, қолданыстағы заңнамаға сәйкес, жазасын өтеу тәртібін бұзған сотталғандарға марапат беру қарастырылмаған.

«Қолданыстағы заңнамаға сәйкес, сотталғандарға тәртіп бұзушылық болған жағдайда марапат қолданылмайды. Бұл сотталған азаматтың тәртіп бұзған бір оқиғасы бар, сол себепті марапат беру мүмкін емес», – делінген ресми хабарламада.

Сот Қуандық Бишімбаевтың талап-арызын қанағаттандырудан бас тартты.

https://clck.ru/3GDMPh

🚑Абай облысында мектеп оқушылары жалғыз тұратын 85 жастағы әжейдің өмірін сақтап қалды

«Жас Сарбаз» сыныбының оқушылары «Қарияларға құрмет» акциясы аясында қарт кісілерге көмек көрсетіп жүрген. Кезекті рет аула тазалауға барған Расул Бақтыбеков, Ертай Аипказы және Ерасыл Дәуитхан есімді оқушылар жалғыз тұратын Фелисада Арабеждің екі күн бойы үйінен шықпағанын байқап, көршілерінен сұрастырады.

«Үйде жарық жанып тұрды, бірақ әжей есікті ашпады. Бұл бізге күдік тудырды. Көршілерінен оның соңғы рет қашан көрінгенін сұрадық. Олар екі күн бұрын ғана көргендерін айтты. Біз тез арада әрекет етуге шешім қабылдадық», – дейді Ертай Аипказы.

Оқушылар көршілердің көмегімен үйдің терезесін сындырып, ішке кірген. Сол кезде олар ес-түссіз жатқан қарт әйелді тауып, дереу жедел жәрдем шақырады.

Абай облысының әкімдігі оқушылар мен олардың жетекшісіне батылдықтары мен жанашырлықтары үшін алғыс айтты. Қазіргі таңда 85 жастағы Фелисада Арабеж ауруханада ем қабылдап жатыр.

💲Министр ҚҚС өсімі шағын бизнеске әсер етпейтінін айтты

Қаржы министрлігі салық реформаларын қолға алып жатқан тұста, Ұлттық экономика министрі Серік Жұманғарин НДС-тің (қосылған құн салығы) ұлғаюы шағын кәсіпкерлерге еш әсер етпейтінін мәлімдеді.
Министрдің айтуынша, халықпен тікелей жұмыс істейтін шағын кәсіпорындар бұрынғыдай 4% мөлшерінде салық төлейді.

«Бұл реформа шағын бизнеске әсер етпейді. Дүкендер, киоскілер, шағын базарлар, кафелер, сұлулық салондары сияқты кәсіпкерлер бұрынғыдай 2,4 млрд теңге шегінде жұмыс істей береді және 4% төлейді», – деді Жұманғарин.

Оның сөзінше, НДС өсімі кіші кәсіпкерлердің жағдайына кері әсер етпейді, әрі «соңғы нанын тартып алмайды».

Министрлік бұл реформаның орта және ірі бизнеске бағытталғанын атап өтті. Қазіргі уақытта салық жүйесін жетілдіру бойынша жұмыс жалғасуда.

https://clck.ru/3GDVhs

🚨Адвокат пара алуға итермелеп, өзі түрмеге түсті

Қарағанды соты адвокат Рашид Ефизовтің жазасын күшейтіп, оны үш жылға бас бостандығынан айырды.
Бұған дейін ол алаяқтық және пара беруге итермелеу бойынша кінәлі деп танылып, екі жарым жылдан астам мерзімге шартты түрде сотталған еді. Алайда апелляциялық сот оның жазасын күшейту туралы шешім шығарды.

Рашид Ефизов – Қарағанды облыстық адвокаттар алқасының мүшесі, ол бұрын Қарағанды полиция департаментінің тергеу басқармасының бастығы Рустам Күлкеевтің қорғаушысы болған. Күлкеев криптовалюта өндірісіне арналған жабдықтарды ұрлады деген күдікке ілінген. Алайда кейінірек адвокаттың өзі басқа қылмысқа қатысты тергеліп, клиентін ауыстыруға мәжбүр болды.

Толық ақпарат👉https://clck.ru/3GDX8b

🇺🇦🇺🇸Киев Трамптың ықпалды діни одақтастарымен байланыс орнатуда

Украина АҚШ-тың әскери және қаржылай көмегін сақтау үшін Трамптың ықпалды одақтастары – консервативті христиан қауымдастығымен байланыс орнатуда, деп хабарлайды The New York Times.
Биыл Украина өзінің ең ірі делегациясын Вашингтондағы беделді христиан көшбасшыларының кездесуіне жіберіп отыр. Ел өкілдері АҚШ-тың көмек көрсетуін жалғастыру үшін діни еркіндікті қорғау қажеттігін алға тартуда.

Украиналық дін қызметкерлері, парламент мүшелері және әскери капелландар бейсенбі күні өтетін Ұлттық дұға таңғы асына қатысады. Бұл – АҚШ саясатындағы маңызды іс-шаралардың бірі, онда бизнесмендер, дін өкілдері және дипломаттар жоғары лауазымды шенеуніктермен кездесу мүмкіндігіне ие болады.

Толық ақпарат👉https://clck.ru/3GDeVy