دفعة 25 السلام عليكم ورحمة الله تعالى وبركاتة ان شاء الله انتو طيبين و مبسوطين ❤️🌹

أولاً : اقرأ كل الدروس من الكتاب المدرسي بتركيز قبل تمش لي اي مذكرة ، لأنو اسئلة امتحانات الشهادة بتجي بالنص من الكتاب مباشرة✅.

ثانياً : حاول تفهم القوانين (مش تحفظها بس). اسأل نفسك: القانون دا اتعمل لي شنو؟ وبطبقو وين؟

استخدم أمثلة حياتية (زي حركة السيارات، الكهرباء في البيت) لتربط بين الدروس والواقع.

ما تقرأ درس و تمش طوالي تحل مسائل تجريبي ولا شهادة حاول حل الامثلة البتكون مباشره اول بعد ما تفهم القانون، و ابدأ دائماً بالمسائل البسيطة عشان ما تتعقد من المادة ، و بعد تعمل كدا جرب مسائل امتحانات الشهادة السودانية✅ .

1⃣تحدد المعطيات قبل اي شي

2⃣ تشوف القانون المناسب للمسألة و الاسهل ما تشغل بقوانين صعبه دائماً شوف اسهل قانون و ابسطهم و اشتغل بيهو لانو الفيزياء فيها الف قانون ممكن تشتغل بيهو مسألة واحده

3⃣ و التعويض الصحيح اهم شي .

4⃣ و عشان تضمن درجتك كاملة من هسي حاول اكتب الإجابة النهائية بالوحدة( حتساعدكم انك تحفظوا الوحدات ذاتو )

دائما و انتو بتقروا في اي مادة اعملوا ملخص صغير لكل وحدة (قوانين + رسومات + ملحوظات).

التلخيص بساعدكم شديد في المراجعة القبل الامتحان بدون تعب و بتكون عندك المعلومات المهمة بس ✅.

ربنا يوفقكم و ما تنسونى من صالح الدعاء ❤️

📚 P • F • S 🇸🇩 قناة

📣 Channels / القنوات⭐️

عدم القراية و الاهمال ما عندو علاج 😃

بديكم حصص و ملخصات مافي حاجة بديها ليكم تاني🤣✅

و لو تعبت بنديك جرعات تحفيزية🌹 و لو ضاقت عليك و غلبتك بتسقط بس بختصار يعني 🤣🤣

صراحة الفيديو دا جميل شديد لانو فيه معلومات كلنا بنلخبط فيها
و الي هي عن سجود السهوو متين اسجد قبل السلام و متين اسجد بعد السلام

و بذات انتو كطلاب راسكم بكون فيهو الف حاجة و لمن تقيفوا في المصلاية دي حدث ولا حرج الشيطان بعمل حفلة في راسكم 😂

اتمنى الناس تستفيد من الفيديو و ما تنسوني من صالح الدعاء و ربنا يتقبل منا و منكم صلاتنا و قيامنا و ركوعنا و سجودنا يا رب ❤️