نمبر ون

📚 P • F • S 🇸🇩 قناة

⭕️ نتيجة قبول دفعة 23 للجامعات ماف خبر منها رسمى لسه بس متوقع يعلن عنها بداية شهر 8 يعني في الايام الجاية دي ان شاء الله

⭕️دفعة 24 التصحيح حقكم ما بدأ لسه حالياً هم في المرحلة القبل التصحيح يعني بعد 10 ايام ان شاء الله التصحيح حيبدا ، دي فترة ادعوا ربنا يوفقكم و الدعاء بغير الاقدار ❤️🌹

⭕️دفعة 25 امتحاناتكم ما اتحددت لسه و كلها مجرد توقعات ( نهاية السنة دي او بداية السنة الجديدة امتحاناتكم حتكون في الرينج الزمني دا بس ان شاء الله و اقروا وربنا يوفقكم ❤️

الاخوانهم ممتحنين ثالث متوسط الفهرست التحت دا بستفيدوا منو ربنا يوفقهم ان شاء الله 🌹

دفعة 25 السلام عليكم ورحمة الله تعالى وبركاتة ان شاء الله انتو طيبين و مبسوطين ❤️🌹

أولاً : اقرأ كل الدروس من الكتاب المدرسي بتركيز قبل تمش لي اي مذكرة ، لأنو اسئلة امتحانات الشهادة بتجي بالنص من الكتاب مباشرة✅.

ثانياً : حاول تفهم القوانين (مش تحفظها بس). اسأل نفسك: القانون دا اتعمل لي شنو؟ وبطبقو وين؟

استخدم أمثلة حياتية (زي حركة السيارات، الكهرباء في البيت) لتربط بين الدروس والواقع.

ما تقرأ درس و تمش طوالي تحل مسائل تجريبي ولا شهادة حاول حل الامثلة البتكون مباشره اول بعد ما تفهم القانون، و ابدأ دائماً بالمسائل البسيطة عشان ما تتعقد من المادة ، و بعد تعمل كدا جرب مسائل امتحانات الشهادة السودانية✅ .

1⃣تحدد المعطيات قبل اي شي

2⃣ تشوف القانون المناسب للمسألة و الاسهل ما تشغل بقوانين صعبه دائماً شوف اسهل قانون و ابسطهم و اشتغل بيهو لانو الفيزياء فيها الف قانون ممكن تشتغل بيهو مسألة واحده

3⃣ و التعويض الصحيح اهم شي .

4⃣ و عشان تضمن درجتك كاملة من هسي حاول اكتب الإجابة النهائية بالوحدة( حتساعدكم انك تحفظوا الوحدات ذاتو )

دائما و انتو بتقروا في اي مادة اعملوا ملخص صغير لكل وحدة (قوانين + رسومات + ملحوظات).

التلخيص بساعدكم شديد في المراجعة القبل الامتحان بدون تعب و بتكون عندك المعلومات المهمة بس ✅.

ربنا يوفقكم و ما تنسونى من صالح الدعاء ❤️

📚 P • F • S 🇸🇩 قناة