📣 Channels / القنوات⭐️

والله يا جماعة حبيبت اشارك معاكم الفيديو الفوق دا عاملاهو بت خالتي ، عمرها ١٣ سنة ، لكن عملت حاجة الكبار ذاتهم ممكن يتعلموا منها. منتجت فيديو عن أهرامات و تاريخ مملكة النوبة باللغة الإنجليزية، وقدّمتوا بصورة تفتح النفس، مليانة إبداع وجمال وثقافة و اهم شي وضحت فيه معلومات كل العالم ما عارفها . و الفيديو دا ما بس نال إعجاب الاساتذة ، لا كمان حصلت بيهو على درجة امتياز في دولة إيرلندا. و نحن فخورين بيها شديد، ربنا يوفقها أكتر وأكتر❤️.

📚 P • F • S 🇸🇩 قناة

💌 و دي رساله ليكم يا شباب الزمن دا بقى زمن تكنولوجيا وسوشل ميديا، والعالم ماشي في تطور بسرعة مخفيه و نحنا لسه في الدرك الاسفل فهرست في ناس ما بتعرف تستخدموا وبكسلوا يستخدموا🖤 ، عشان كدا لازم نواكب، ونتعلم كيف نستخدم السوشل ميديا في حاجة مفيدة، مش بس للونسة و الفارغه ، و انا نزلت الفيديو حقها دا عشان تعرفوا ماف شي صعب و دي طفله لكن قدرت تعمل حاجة كبيرة وتتميّز بيها عالمياً. فكل زول فيكم عندو فرصة يعمل فرق و شي مميز بس محتاج شوية اجتهاد واستفادة من الأدوات البقت متوفرة للجميع🤖🤖.

قدموا قدام، وخليكم دائماً في قلب التطور لانو نحنا الجيل الحيبني السودان الجديد باذن الله🇸🇩 ❤️.