💌💌💌💌💌

السلام عليكم ورحمة الله ان شاء الله كلكم طيبين و مبسوطين🤍

💌. يا شباب والله انا صراحة مستغرب لي الناس دي بتعمل كدا ؟! لي انا اسرق؟ او اضر اخوي؟ لي الناس دي استوحشت بشكل السئ دا ؟ و بقت نفوسها وسخانه ؟ لي نحنا كشعب سوداني من شعب مشهور بالكرم و الطيبة و كل الصفات السمحة لي شعب غير الحقد و كسير المجاديف و عكس صورة سيئة عن بلدنا ما عندنا شي لي نحنا بنقيف ضد الناس المفروض ندعمهم و نفتخر بيهم؟ و نفرح انو في ناس لسه شايلة هم بعض و انو في ناس عاوز ترجع بي فكر جميل تعمر بيهو السودان🇸🇩❤️

😱 . لي الليلة انا اخوي دا عامل قناة تعليمية للطلبة البي سبب الحرب قلم ما عندهم بدل اديها لي اي طالب و تكون في ميزان حسناتي اقوم اعمل بيها كورس؟! و ادفعهم؟! هل كدا انت شفت؟؟ و قدرت تسرق طالب بجاهد عشان يتعلم !! هل القروش دي حتنفعك؟! و حتكون مبسوط من نفسك و بتقدر تنوم ؟!

📚 P • F • S 🇸🇩 قناة

📌. والله يا شباب السودان ما حيتبني بالحقد، ولا بالكره، ولا بجرّ الناس لورا، بل حيتبني بالتعاون، وبرفع بعض، وبأننا نقيف مع كل الناجحين و كل زول عاوز يقدم للبلد و للشعب خدمة بدل ما نحاربهم 🖤

📚 P • F • S 🇸🇩 قناة

📍. البلد ما بترجع لمكانتها إلا لما نخت يدنا في إيد بعض، نحتفل بنجاحات بعض، وندعم كل زول بيحاول ينهض، بدل ما نكسر فيه و نكرهوا الحاجة البعمل فيها (و انا صراحة بديت اكره القناة دي بي سبب خلق الله الما عندهم شي غير التركيز مع الناس و الحقد بس الما ليه معني يعني ) بس عاوز اقول ليكم يا تجار الازمات يا مريضين كان تحقدوا كان تنتقدوا كان تعملوا السبعة وذمتها انا قاعد ليكم شوكة حوت كدا 🤣

💜و بالرغم من دا كلو والله يا شباب في ناس يستاهلوا الزول يخدمهم و هو حافي القدمين و بدون كلل ولا ملل و تكون مبسوط لانهم بستاهلوا بالجد و ان شاء الله انا معاكم بي اي حاجة ممكن اقدمها و اساعد فيها باذن الله✨ .

📚P • F • S 🇸🇩 قناة

⚠️. الحسد عمرو ما بنى وطن، والكره ما بيعمّر بيوت، لكن المحبة، والدعم، والنية الطيبة — هم البشيلوا البلد لقدّام🤍.

📚 P • F • S 🇸🇩 قناة

📝. سوداننا🇸🇩. محتاج لقلوب صافية، وعقول بتفكر في بكرة، مش في كيف نوقع بعض، نحن أهل، ودمنا واحد، وبلدنا ما حتقوم إلا بينا كلنا مع بعض، موش ضد بعض🖤.

📚 P • F • S 🇸🇩 قناة

🤔. خلونا نكون سند لبعض، نرفع بعض بالكلمة الطيبة والدعوة الصادقة و كل خطوة نجاح لي اي سوداني علي وجهه الارض دي نفرح بيها كلنا و نفتخر بيها لاننا شعب يستاهل كل الخير و بلدنا ما ناقصها شي غير شعب متكاتف و حكومة بتحب السودان بس 💜🤔.

📚 P • F • S 🇸🇩 قناة

صلوا على من بُعِثَ رحمة للعالمين ▫️

و ما تنسوني من صالح دعواتكم🤔

💙P • F • S❤️

📌. دي واحدة من أقوى أنواع الصبر، لأنها ما بتعتمد على الحماس أو المزاج، بل على الالتزام.

📚 P • F • S 🇸🇩 قناة

🤎مرات بنبدأ حاجة لأننا بنحبها، ومع الزمن بنمل أو بننسى ليه بدينا، وهنا بيكون القرار الحقيقي:

❓. أكمل رغم كل شيء، ولا أوقف؟

📚 P • F • S 🇸🇩 قناة

📒 الناس اللي بتوصل يا شباب، ما دائماً بكونوا مشحونين بالطاقة و ما بملوا من القراية زي ما انتو شايفين !! ، الموضوع ما كدا نهايي بس السبب الوحيد البخليهم مواصلين هو انهم قالوا :

📖 "ما حنخلي الحاجة البدينا بيها، حتى لو قل الشغف🤍".

📚 P • F • S 🇸🇩 قناة

📝الاستمرارية بتصنع النتائج، والشغف ممكن يروح ويجي، بس العادة والانضباط بيبقوا. في كل مرة تحسوا بالتعب أو تشتاقوا للشغف القديم، فكروا كويس:

• أنا ليه بدأت؟
• شنو ح يحصل إذا كملت؟
• وشنو ح أندم عليه لو وقفت؟

📚 P • F • S 🇸🇩 قناة

📝 . اللي بيشعل الشغف ما بس الحب، مرات بيشعله الإنجاز، وكل مرة تلتزموا وتنجزوا حتى لو ما حابين، الشغف بيرجع شويه شويه🤍

🤔. الاستمرارية بهدوء أقوى من الشغف بعاصفة 🤔

📚 P • F • S 🇸🇩 قناة

✍️Omer

⭕️. الي الان يا شباب الوزارة ما حددت يوم معين للنتيجة و البقولوا يوم ٢٩ ديل مصدرهم منو الله اعلم و لسه ماف صفحة رسمية نزلت كلام زي دا ( اخر شي رسمي كان كلام الوزير انو نهاية الشهر بدون تحديد يوم )

و ان شاء الله اذا في اي جديد حاوريكم و ربنا يوفق الجميع و ما تنسونى من صالح الدعاء .🤩

💌. رسالة لأخواني ابطال دفعة 23👑

# دفعة_الصمود
# الشهادة_السودانية
# قناة📚 P • F • S 🇸🇩

✍️Omer