📍 افهم الأساسيات كويس الكيمياء مبنية على مفاهيم أساسية (زي الذرة، الروابط، التفاعلات). لو فهمت الأساس، باقي المنهج بيمشي معاك زي الفل .

📚 P • F • S 🇸🇩 قناة🤬

📍 خلي أولوية مذاكرتك من الكتاب المدرسي . اقرأ كل فصل بتركيز، خصوصًا التجارب والمعادلات الكيميائية.

📚 P • F • S 🇸🇩 قناة🤬

📍 الحفظ مهم، بس بعد الفهم
بعض الأجزاء بتحتاج حفظ (زي أسماء المركبات، الألوان، شروط التفاعلات)، لكن لازم تكون فاهمها أولًا عشان تحفظها بسهولة.

📚 P • F • S 🇸🇩 قناة🤬

📍 المعادلات والتفاعلات ادرب على كتابة المعادلات بشكل مستمر
افهم كل تفاعل: منو المتفاعلات؟ النواتج؟ شروط التفاعل؟ كررهم لحد ما يبقوا جزء من ذاكرتك.

📚 P • F • S 🇸🇩 قناة🤬

📍 درّب نفسك على المسائل في مسائل مهمة في كامثلة الكتاب الامتحان ما بطلع منهم . حل مسائل كتيرة و يفضل تكون محلوله ، عشان مع كل حل خاطئ، تفهم السبب وترجع للشرح .

📚 P • F • S 🇸🇩 قناة🤬

📍 و اهم شي ترجع لامتحانات الشهادة حل أسئلة السنوات الفاتت، دي أهم تدريب ليك، لأنها بتوريك طريقة الأسئلة وكيف تجاوب.

📚 P • F • S 🇸🇩 قناة🤬

📍 لو ما فهمت جزئية، اسأل طوالي ما تأجل ولا تخجل تسأل أستاذك أو زميلك. الكيمياء مادة تراكمية، لو فاتك شيء بسيط ممكن يأثر في الفهم الباقي.

📚 P • F • S 🇸🇩 قناة🤬

📍 راجع بطريقة ذكية قبل الامتحان، راجع الملخصات، الكلمات المفتاحية، والمعادلات. اعمل لنفسك بطاقات مراجعة سريعة بتنفعك كتير في الامتحان بعدين .

💌 اخيرا و اهم من كل شي ثق في نفسك و خت في راسك الكيمياء ما صعبة، لكن محتاجة تنظيم وممارسة مستمرة. خليك واثق إنك قادر تجيب فيها اعلي الدرجات باذن الله 🤍📖

📚 P • F • S 🇸🇩 قناة
✍️Omer

▫️ مبدئياً اعرف إنو التلفون أداء ما مشكلة.... التلفون ممكن يكون وسيلة للمذاكرة أو سبب في ضياع الوقت. الفرق بيجي من طريقة استخدامك ليه. خليه أداة تساعدك، ما تشتتك.

📚 P • F • S 🇸🇩 قناة🤬

📍 نظّم وقتك بتطبيقات مساعدة في تطبيقات بتقفل التطبيقات المشتتة وقت المذاكرة، زي:

🎮Focus To-Do

🎮Stay Focused / AppBlock

📚 P • F • S 🇸🇩 قناة🤬

📍 خصص وقت محدد للتلجرام بما إنك بتقرأ أونلاين، خليك ذكي:

مثلاً: احضر الحصة المحتاج ليها و بعد كدا، اقفل الإشعارات، أو فعّل "وضع الطيران" وقت القراية .

📚 P • F • S 🇸🇩 قناة🤬

📍 جهّز جدول مذاكرة واضح
الفراغ بيسحبك للتلفون ، لكن لو عندك خطة، بتكون مركز.

قسّم اليوم لفترات زي ما وريتكم قبل كدا
( اضغط هنا عشان تعرف)

📚 P • F • S 🇸🇩 قناة🤬

📍 خُت قدامك هدف لكل جلسة: "أخلص فصل في الكيمياء"، أو "أحل 5 مسائل في الفيزياء كذالك ناس ادبي ".

📚 P • F • S 🇸🇩 قناة🤬

📍 اقرا من التلجرام بطريقة منظمة و انا ما مقصر معاكم كمان 😎 نزّلوا الملخصات على شكل PDF واطبعوها لو ممكن

📚 P • F • S 🇸🇩 قناة🤬

📍 لو في اي قروب مفيد، ما تفتحو عشوائي… خليه وقت محدد في اليوم. طلع الحاجات المهمة من القروب وسجلها في دفتر أو ملف خاص.

📚 P • F • S 🇸🇩 قناة🤬

📍 استخدم ورقة متابعة يومية كل يوم الصباح، أكتب:

❓شنو حتذاكر؟
❓كم ساعة؟
❓هل خلّيت التلجرام بعد حضرت الحصة و شلت الحاجة العاوزها ؟ (نقّط ✅ أو 😀) ده بيخليك تحاسب نفسك وتشوف تقدمك.

📚 P • F • S 🇸🇩 قناة🤬

📍 كافئ نفسك بعد الإنجاز بعد ما تذاكر ساعتين، ممكن تكافئ نفسك بـ 10 دقائق تلجرام تتكلم اصحابك – لكن خليهو بشكل محدود لانو لو سرحت الفاتحه👁 .

📚 P • F • S 🇸🇩 قناة🤬

💌 و اخيرا اتذكّر هدفك الأكبر وقت ما نفسك تميل تفتح التلجرام ساي او اي تطبيق ، اسأل نفسك:

❓هل دا بيساعدني أجيب نسبة تدخلني الجامعة؟

📚 P • F • S 🇸🇩 قناة
✍️Omer

لعلّ ركود همتك الآن، وإنجازك القليل، وخطاك الخجولة، وقلبك المُحاول، ما هي إلا إستراحة محارب، اختارها الله لك، لعلّه يجهزك لقادمٍ أعظم، يليق بك🤍

💬 . توضيحات مهمة:

عارف إنو في الزمن دا، الحب بقى شاغل كتيرين، وناس كتار بقوا بفكروا في العلاقات كأنها أهم حاجة… لكن اي حاجة في وقتها يا شباب .

💌 قبل اي شي انت عارف الفترة دي من حياتك هي أساس مستقبلك هي البتحدد طريقك، وتبني شخصيتك، وتصنع أحلامك. الحب الحقيقي ما بضيع، لكن الوقت البضيع في علاقات غير ناضجة ما برجع تاني .

📚 P • F • S 🇸🇩 قناة🤬

💌 ركّز على تطوير نفسك: اتعلم مهارات جديدة، اقرأ، شارك في حاجات مفيدة او انزل رياضة و دا طبعاً وقت فراغك و لمن تحس بزهج من القراية غير كدا تقعد تقرا📝.

📚 P • F • S 🇸🇩 قناة🤬

📌. رتّب أولوياتك دراستك ومستقبلك هم أهم استثمار في حياتك حالياً📖 .

📚 P • F • S 🇸🇩 قناة🤬

📍اعرف قيمة نفسك ما تبحث عن الحب عشان تثبت ذاتك، بل اثبت ذاتك أولًا و حيجي البقدّرها لقدام🤩.

📚 P • F • S 🇸🇩 قناة🤬

▫️خلي الناس الحولك أشخاص إيجابيين و ناس صحبي و صحبتي عاوزك تعرف بس انو الصاحب الحقيقي هو البدفعك للأفضل موش البيشتتك دا بذات تبعد منو الفترة دي لانو ما عاوز ليك الخير👍 .

📚 P • F • S 🇸🇩 قناة🤬

💜 اتذكّر أنة الحب الحقيقي ما بهرب منك، بل بنتظرك في الوقت المناسب(الزواج) .

و الله يهدينا و يهديكم🤔

📚 P • F • S 🇸🇩 قناة
✍️Omer

‏﴿وأن سعيه سوف يُرى﴾

💌💌💌💌💌

السلام عليكم ورحمة الله ان شاء الله كلكم طيبين و مبسوطين🤍

💌. يا شباب والله انا صراحة مستغرب لي الناس دي بتعمل كدا ؟! لي انا اسرق؟ او اضر اخوي؟ لي الناس دي استوحشت بشكل السئ دا ؟ و بقت نفوسها وسخانه ؟ لي نحنا كشعب سوداني من شعب مشهور بالكرم و الطيبة و كل الصفات السمحة لي شعب غير الحقد و كسير المجاديف و عكس صورة سيئة عن بلدنا ما عندنا شي لي نحنا بنقيف ضد الناس المفروض ندعمهم و نفتخر بيهم؟ و نفرح انو في ناس لسه شايلة هم بعض و انو في ناس عاوز ترجع بي فكر جميل تعمر بيهو السودان🇸🇩❤️

😱 . لي الليلة انا اخوي دا عامل قناة تعليمية للطلبة البي سبب الحرب قلم ما عندهم بدل اديها لي اي طالب و تكون في ميزان حسناتي اقوم اعمل بيها كورس؟! و ادفعهم؟! هل كدا انت شفت؟؟ و قدرت تسرق طالب بجاهد عشان يتعلم !! هل القروش دي حتنفعك؟! و حتكون مبسوط من نفسك و بتقدر تنوم ؟!

📚 P • F • S 🇸🇩 قناة

📌. والله يا شباب السودان ما حيتبني بالحقد، ولا بالكره، ولا بجرّ الناس لورا، بل حيتبني بالتعاون، وبرفع بعض، وبأننا نقيف مع كل الناجحين و كل زول عاوز يقدم للبلد و للشعب خدمة بدل ما نحاربهم 🖤

📚 P • F • S 🇸🇩 قناة

📍. البلد ما بترجع لمكانتها إلا لما نخت يدنا في إيد بعض، نحتفل بنجاحات بعض، وندعم كل زول بيحاول ينهض، بدل ما نكسر فيه و نكرهوا الحاجة البعمل فيها (و انا صراحة بديت اكره القناة دي بي سبب خلق الله الما عندهم شي غير التركيز مع الناس و الحقد بس الما ليه معني يعني ) بس عاوز اقول ليكم يا تجار الازمات يا مريضين كان تحقدوا كان تنتقدوا كان تعملوا السبعة وذمتها انا قاعد ليكم شوكة حوت كدا 🤣

💜و بالرغم من دا كلو والله يا شباب في ناس يستاهلوا الزول يخدمهم و هو حافي القدمين و بدون كلل ولا ملل و تكون مبسوط لانهم بستاهلوا بالجد و ان شاء الله انا معاكم بي اي حاجة ممكن اقدمها و اساعد فيها باذن الله✨ .

📚P • F • S 🇸🇩 قناة

⚠️. الحسد عمرو ما بنى وطن، والكره ما بيعمّر بيوت، لكن المحبة، والدعم، والنية الطيبة — هم البشيلوا البلد لقدّام🤍.

📚 P • F • S 🇸🇩 قناة

📝. سوداننا🇸🇩. محتاج لقلوب صافية، وعقول بتفكر في بكرة، مش في كيف نوقع بعض، نحن أهل، ودمنا واحد، وبلدنا ما حتقوم إلا بينا كلنا مع بعض، موش ضد بعض🖤.

📚 P • F • S 🇸🇩 قناة

🤔. خلونا نكون سند لبعض، نرفع بعض بالكلمة الطيبة والدعوة الصادقة و كل خطوة نجاح لي اي سوداني علي وجهه الارض دي نفرح بيها كلنا و نفتخر بيها لاننا شعب يستاهل كل الخير و بلدنا ما ناقصها شي غير شعب متكاتف و حكومة بتحب السودان بس 💜🤔.

📚 P • F • S 🇸🇩 قناة

صلوا على من بُعِثَ رحمة للعالمين ▫️

و ما تنسوني من صالح دعواتكم🤔