Заява Народных амбасадаў Беларусі аб змене ў складзе Аб'яднанага Пераходнага Кабінета

Народныя амбасады Беларусі з павагай і ўвагай ставяцца да рашэння Валера Кавалеўскага скласці з сябе абавязкі намесніка кіраўніцы і прадстаўніка па замежных справах Аб’яднанага Пераходнага Кабінета.

Валер Кавалеўскі зрабіў значны ўнёсак у дыпламатычную дзейнасць і ўмацаванне міжнароднага становішча дэмакратычнай Беларусі, што высока ацэнена Народнымі амбасадамі. Мы спадзяемся, што супрацоўніцтва працягнецца ў новым фармаце і будзе спрыяць далейшаму дасягненню нашых агульных мэтаў.

Народныя амбасады Беларусі сведчаць пра сваю гатоўнасць да супрацы з новым прадстаўніком па замежных справах у Аб’яднаным Пераходным Кабінеце і выказваюць надзею на такое ж плённае ўзаемадзеянне, якое было дасягнута з Валерам Кавалеўскім.

Народныя амбасады | Ананімны зварот | Падтрымаць нас

Вітаем!

Як шмат хто ўжо ведае, ўлада Чарнагорыі ў пачатку чэрвеня адмовіла беларусу ў міжнароднай ахове.

Абгрунтаванне адмовы сур’ёзнае і вялікае. Самае цяжкапераадольнае - чалавек наведваў Беларусь, маючы ўжо ВНЖ Чарнагорыі - не рабіце так, калі лічыце, што вам можа спатрэбіцца азіл.

Апроч фармальных патрабаванняў, прапісаных ў Законе, адмова ўтрымлівае заяву, што сучасная Беларусь “дастаткова дэмакратычная краіна, толькі з некаторымі парушэннямі правоў чалавека”.

У сувязі з гэтым спадару Радану Попавічу, які падпісаў адмову, а таксама яго кіраўнікам, дасланы дакумент, утрымліваючы аналітыку і лінкі дакладаў міжнародных арганізацыяў аб сучасным становішчы з правамі чалавека ў Беларусі. Упэўненыя, што спадар Попавіч, як ўважлівы прафесіянал, скарыстае ў сваёй працы даследванні прадстаўнікоў ААН, АБСЕ, Freedom House і іншых экспертаў.

Шчырая падзяка ад нас калегам з народных амбасадаў беларусаў @PEofBelarus і асабіста амбасадзе беларусаў Швецыі за падтрымку і дапамогу.

Беражыце сябе! 🤍❤️🤍

Зварот Народных амбасадаў Беларусі да беларускіх дыпламатаў

У сувязі з раптоўнай смерцю былога амбасадара Беларусі ў Германіі Дзяніса Сідарэнка, Народныя амбасады Беларусі, выказваючы спачуванні яго сваякам і блізкім, звяртаюцца да дыпламатаў, якія працягваюць служыць дзеючаму злачыннаму рэжыму Лукашэнкі.

Мы заклікаем Вас крытычна пераасэнсаваць сваю пазіцыю і далучыцца да намаганняў дэмакратычных сіл, накіраваных на аднаўленне правоў і свабодаў у Беларусі. Рэжым, які Вы падтрымліваеце, не ўпершыню паказвае гатоўнасць да здрады і знішчэння не толькі сваіх супраціўнікаў, але і тых, хто дэманструе лаяльнасць, але стаў больш непатрэбным ці нязручным.

Выбар на карысць дэмакратыі — гэта абарона Вашай уласнай бяспекі і імкненне да лепшай будучыні для нашай краіны.

Народныя амбасады Беларусі гатовыя аказаць падтрымку і дапамогу тым, хто адважыцца зрабіць гэты прынцыповы крок, або пажадае наладзіць кантакт, застаючыся на сваіх пасадах.

Кантакт для сувязі: free@belarusabroad.org

Народныя амбасады | Ананімны зварот | Падтрымаць нас

Европейский Молодёжный Парламент в Варшаве!

EYP (European Youth Parliament) - это международная организация, занимающаяся неформальным образованием и проведением дебатов для молодёжи в 40 странах Европы. Если тебе интересно знакомиться с культурой других стран, путешествовать и обсуждать актуальные проблемы, это сообщение специально для тебя!

Организаторы приглашают беларусов на ознакомительное мероприятие в следующую субботу, 6 июля!

Регистрация 👉 по ссылке.

#НА_адукацыя

Народныя амбасады | Ананімны зварот | Падтрымаць нас

🤍❤️🤍 27 чэрвеня 2024 у Страсбуру адбылося 5-е паседжанне Кантактнай групы па Беларусі

Каардынатарка Народных амбасадаў Беларусі і чаліня Каардынацыйнай Рады Аляксандра Мамаева была вылучана дэлегаткай для ўдзелу ў Кантактнай групе.

Падчас сустрэчы:
- падсумавалі  рэалізацыю дамоўленасцяў у рамках Плана мерапрыемстваў на 2024-2025 гг. па праблемах правоў чалавека, моладзі, медыя, гендарнай роўнасці, нацыянальнага адраджэння;
- анансавалі стварэнне інфармацыйнага пункта Рады Еўропы для беларусаў у Вільні;
- абмеркавалі стварэнне дэлегацыі КР у ПАРЭ. Падрабязнасці пра фармавання дэлегацыі і працу падчас паседжанняў у ПАРЭ будуць пасля афіцыйнага зацвярджэння рашэння.
- прадстаўнік АПК Уладзімір Астапенка распавёў пра вынікі працы кансультацыйнай групы Беларусь-ЕЗ у Бруселі;
- Аляксандра Мамаева зрабіла кароткі брыфінг па выбарах у КР, працу цягам месяцу пасля абрання новага складу і наступныя крокі, падкрэсліла статус КР як абранага прадстаўнічага органа беларусаў, месца для каардынацыі дзейнасці шырокага кола дэмакратычных сіл Беларусі і выпрацоўкі візіі будучай Беларусі;
- прадстаўніца ПАРЭ распавяла пра практычныя захады па рэалізацыі рэзалюцыі аб праблемах беларусаў замежжа (канферэнцыя Люксембургскія рашэнні, рэкамендацыі парламентам).

Акрамя гэтага былі праведзены кансультацыі па спосабах вырашэння міграцыйных праблем беларусаў у краінах РЕ: пратэрмінаваныя пашпарты, даведкі і апастылі, міжнародная ахова, пераслед праз Інтэрпол, змена становішча беларусаў у Грузіі. Была перададзена інфармацыя аб лепшых практыках вырашэння праблем з дакументамі ў краінах ЕЗ, падрыхтаваная Народнымі амбасадамі Беларусі.

28 чэрвеня ў Прадстаўніцтве Польшчы адбыўся брыфінг для амбасадараў краін пры Радзе Еўропы аб бягучай сітуацыі ў Беларусі. Шмат увагі надавалася выбарам у Каардынацыйную Раду, транснацыянальным рэпрэсіям супраць беларусаў, праблемам захавання нацыянальнай ідэнтычнасці, адукацыі, моладзевай палітыцы. Адной з мэтаў міжнароднай дзейнасці КР было адзначана “не дапусціць жалезнай заслоны паміж Беларуссю і ЕЗ”: павышэнне мабільнасці для беларусаў з Беларусі, вырашэнне праблем з легалізацыяй беларусаў замежжа, уключэнне ў працу Еўрапейскіх інстытуцый, распрацоўка дарожнай мапы ўступлення Беларусі ў Раду Еўропы і інтэграцыі ў ЕЗ.

Падчас брыфінгу Аляксандра распавяла пра стварэнне Народных амбасадаў Беларусі і іх дзейнасць па прадстаўленні дэмакратычнай Беларусі за мяжой, інфармаванні аб сітуацыі ў краіне, адвакатаванні інтарэсаў беларусаў за мяжой.

Народныя амбасады | Ананімны зварот | Падтрымаць нас

Заява наконт забароны на перасячэнне беларуска-латвійскай мяжы легкавымі аўтамабілямі, зарэгістраванымі ў Рэспубліцы Беларусь

Аб’яднаны Пераходны Кабінет Беларусі актыўна выступае за ўвядзенне абмежавальных мер, накіраваных на прадухіленне абыходу санкцый і зніжэнне патэнцыялу для працягу агрэсіўнай вайны супраць Украіны. Мы разумеем, што першапрычынай такіх мер з’яўляюцца дзеянні рэжыму Лукашэнкі, у выніку якіх для Латвіі і ЕС ствараюцца рэальныя пагрозы бяспецы праз штучны міграцыйны крызіс на мяжы, а таксама іншыя недружалюбныя дзеянні.

Разам з тым Аб'яднаны Пераходны Кабінет Беларусі цалкам падзяляе пазіцыю ЕС аб ​​важнасці падтрымання кантактаў паміж людзьмі (п. 13 Заключэння Савета ЕС па Беларусі ад 19.02.2024) і лічыць немэтазгодным абмяжоўваць мабільнасць беларусаў.

Аб’яднаны Пераходны Кабінет Беларусі вядзе кансультацыі з упаўнаважанымі органамі Латвіі, Літвы і Польшчы па гэтым пытанні.

@CabinetBelarus

Што вы думаеце пра падзеі жніўня 2020 праз 4 гады? Новае апытанне

Ініцыятыва «Народнае Апытанне» запускае новую хвалю даследавання прадэмакратычных беларусаў і беларусак. Анкета прысвечана чарговай гадавіне падзей, што адбыліся пасля прэзідэнцкіх выбараў у жніўні 2020 года. Што беларусы і беларускі думаюць пра тыя падзеі праз 4 гады і як за гэты час змянілася іх грамадскае і прыватнае жыццё? Як паўплывалі падзеі 2020 года на ўспрыманне беларусаў як нацыі?

Частка апытання прысвечана таму, якую стратэгію для электаральнай кампаніі 2025 года мусяць абраць беларускія дэмакратычныя сілы.

Удзельнічайце ў апытанні на зручнай для вас платформе!
👉 Прайсці апытанне ў Telegram
👉 Прайсці апытанне ў Viber

📌 Для таго, каб прайсці новае апытанне, можа спатрэбіцца выдаліць бот і адкрыць/падпісацца на яго зноўку.

📌 Нагадваем, што спасылкі на Народнае Апытанне прызналі «экстрэмісцкімі матэрыяламі». Што мы прапануем для вашай бяспекі.