🏆 Прэзідэнт-элект Беларусі Святлана Ціханоўская атрымала прэмію імя Ганны Лінд

Пра гэта ў твітары паведамляе Народная амбасада Беларусі ў Швецыі 🇸🇪.

"Святлана Ціханоўская ўзяла на сябе непараўнальную адказнасць, калі, рызыкуючы ўласнай бяспекай, пасля сфальсіфікаваных прэзідэнцкіх выбараў у Беларусі ў 2020г ўзначаліла народныя пратэсты за дэмакратыю пасля таго, як яе мужа пасадзілі за краты.

— З таго часу яна нястомна працягвае барацьбу, як сімвал свабоднай і дэмакратычнай Беларусі. За гэта яна ў 2023 годзе атрымлівае прэмію Ганны Лінд.

— Прэмія аб'яўляецца сёння, 9 жніўня, у Міжнародны дзень салідарнасці з Беларуссю, праз 3 гады пасля сфальсіфікаваных прэзідэнцкіх выбараў у Беларусі 9 жніўня 2020г." - паведаміла Лена Хельм-Вален, старшыня Мемарыяльнага фонду Ганны Лінд,

Фонд быў заснаваны пасля смерці Ганны Лінд з мэтай заахвочвання і падтрымкі тых, хто дапамагае іншым людзям і імкнецца да стварэння больш гуманнага і справядлівага свету.

Народныя Амбасады | Ананімны зварот

🤍❤️🤍🤝🇮🇹 «Каштоўнасць свабоды неацэнная, Венецыя будзе на вашым баку»

Такімі словамі Ermelinda Damiano, прэзідэнтка адміністрацыі Венецыі, вітала ўчора прадстаўніцу Народнай амбасады Беларусі ў Італіі, заснавальніцу асацыяцыі «Талака» і былую палітзняволеную ў лукашэнкаўскай Беларусі Юлію Юхно.

Праз тры гады пасля пратэстаў, якія ўспыхнулі ў краіне за адмену вынікаў прэзідэнцкіх выбараў 2020 года, муніцыпалітэт Венецыі падтрымлівае кампанію па павышэнні дасведчанасці грамадскасці аб адмене правоў чалавека ў Беларусі дзейнай уладай, якую не прызнаў Еўрапейскі Саюз.

«Сёння, праз тры гады пасля ўстанаўлення рэжыму, Венецыя таксама сведчыць аб сваёй блізкасці да беларускага народу і заяўляе аб сваёй падтрымцы Юліі, якая нясе голас сваіх суайчыннікаў па ўсім свеце».

Больш падрабязна 👉 па спасылцы.

Народныя Амбасады | Ананімны зварот

🎞️ Ірэна Катвіцкая "Чырвоная вiшня"

Напярэдадні чарговай гадавіны выбараў у Беларусі ў Ізраілі выйшаў кліп "Чырвоная вiшня". Кліп заснаваны на аднайменнай беларускай песні, у якой расказваецца аб разлуцы дачкі і маці. Гэтая сытуацыя як ніколі актуальная ў момант палітычных рэпрэсіяў у Беларусі, а таксама вайны на тэрыторыі Украіны. Многія сем'і ў гэтых краінах былі разлучаны. З-за сваіх палітычных поглядаў Ірэна не можа ўбачыць маці і наведаць родны горад.

Менавіта таму гэта праца - асабістае перажыванне для кожнага гледача.

Здымкі праводзіліся ў розных лакацыях у Ізраілі - у ім пераплятаюцца прыгажосць Галанскіх вышынь і манахраматычны ўрбанізм Тэль-Авіва.

Аператарам і рэжысёрам выступіў прадстаўнік Народнай амбасады Беларусі ў Ізраілі Барыс Сухадрэў: "Наш папярэдні міжнародны праект “Stojala dzevchyna” быў прадстаўлены на сусветным кангрэсе беларусаў пры ўдзеле абранага прэзідэнта Беларусі Святланы Ціханоўскай."

Мантаж: Марта Верас
Дапамога ў распрацоўцы сцэнарыя: Анжаліка Паўлзен, Таццяня Тур

Народныя Амбасады | Ананімны зварот

🇸🇮 Славенія выступае за далейшы ціск на рэжым лукашэнкі

25 жніўня адбылася сустрэча Паўла Латушкі з генеральнай дырэктаркай МЗС Славеніі Матэяй Норчыч Штамчар. На сустрэчы таксама прысутнічала прадстаўніца Народнай амбасады Беларусі ў Славеніі Аляксандра Мамаева.

Абмяркоўваліся наступныя тэмы:

– перадача інфармацыі, звязанай са здзяйсненнем рэжымам лукашэнкі ваенных злачынстваў у сувязі з незаконным перамяшчэннем украінскіх дзяцей з акупаваных тэрыторый Украіны ў Беларусь;

– прадстаўленне падрыхтаванай Цэнтрам права і дэмакратыі «Justice Hub» пры падтрымцы НАУ справаздачы па фактах здзяйснення злачынстваў супраць чалавечнасці рэжымам лукашэнкі;

— механізмы дзейнасці па прыцягненні да міжнароднай крымінальнай адказнасці прадстаўнікоў рэжыму за злачынствы. Генеральная дырэктарка выказала згоду прааналізаваць магчымасці выкарыстання інструментаў ААН у гэтых накірунках у сувязі з абраннем Славеніі ў склад непастаянных членаў Савета Бяспекі ААН;

— захады па павелічэнні ціску на рэжым лукашэнкі. Прадстаўніца МЗС Славеніі падкрэсліла, што краіна выступае за далейшы ціск з мэтай выканання патрабаванняў беларускага грамадства, у тым ліку вызвалення палітзняволеных;

— праблемы беларускай дыяспары ў Славеніі: дамовіліся, што МЗС Славеніі падтрымае адпаведны запыт у Нацыянальны банк Славеніі з мэтай вырашэння праблемы, звязанай з адкрыццём рахункаў беларусамі ў камерцыйных банках краіны;

— праблема выдачы славенскіх візаў грамадзянам Беларусі, якія церпяць ад рэпрэсій рэжыму, альбо членам сем'яў рэпрэсаваных беларусаў будзе асобна разгледжана ў МЗС Славеніі;

— дамовіліся прадставіць пералік магчымых дзеянняў па падтрымцы дэмакратычных сіл Беларусі з боку Славеніі ў рамках ААН.

МЗС Славеніі прааналізуе справаздачы, падрыхтаваныя камандай НАУ, па злачынствах супраць украінскіх дзяцей і злачынствах супраць беларускіх грамадзян для таго, каб бліжэйшым часам абмеркаваць магчымыя далейшыя крокі па прыцягненні вінаватых да адказнасці.

Народныя Амбасады | Ананімны зварот

🇸🇪 Пасля двух дзён масіўнай крытыкі з боку палітыкаў, дыпламатаў і нават шведскага караля, які звычайна не выказваецца па палітычных пытаннях, Нобелеўскі фонд адмяніў сваё папярэдняе рашэнне запрашаць паслоў у Расіі, Ірана і незаконнага ўзурпатарскага рэжыму ў Беларусі на Нобелеўскую цырымонію.

Крыніца: Народная Амбасада Беларусі ў Швецы

Народныя Амбасады | Ананімны зварот