ပြည်သူ့ကာကွယ်ရေးတပ်မတော် တောင်ငူခရိုင် PDF တပ်ရင်း ၃၅၀၁ ၏ တိုက်ပွဲသတင်းထုတ်ပြန်ချက်

ဇွန် ၄၊ ၂၀၂၃

ပဲခူးတိုင်း၊ တောင်ငူခရိုင်၊ ရေတာရှည်မြို့နယ်၊ ဒေါင့်အင်းကုန်းကျေးရွာအုပ်စု၊ ကြာအင်းကုန်းကျေးရွာမှ ထွက်ခွာလာသော အကြမ်းဖက်စစ်ကောင်စီ၏ အင်အား(၇၀)ဦးခန့်ပါ စစ်ကြောင်းသည် ဆယ်တောကျေးရွာ ဘုန်းကြီးကျောင်းသို့ ရောက်ရှိစဉ် သံတောင်မြောက်ပိုင်း(အထူးဒေသ)၊ ပြည်သူ့ကာကွယ်ရေးတပ်မတော် တောင်ငူခရိုင် PDF တပ်ရင်း ၃၅၀၁၊ တပ်ခွဲ(၃)၊ တပ်ခွဲ(၄)၊ တပ်ခွဲ(၆) တို့က ဇွန်လ(၃)ရက်နေ့ ညနေ(၃)နာရီခန့်တွင် စတင်ပစ်ခတ်တိုက်ခိုက်ခဲ့ရာ နှစ်ဖက်ထိတွေ့တိုက်ပွဲ အပြင်းအထန်ဖြစ်ပွားခဲ့သည်။

တိုက်ပွဲဖြစ်ပွားချိန် နှစ်နာရီခန့် ကြာမြှင့်ခဲ့ပြီး ဝဲဒေါင့်ကျေးရွာအုပ်စု၊ ကျောင်းကုန်းကျေးရွာ မြစ်ကူးတံတားရှိ စစ်တပ်ဂိတ်နှင့် ခလရ - ၈၄(ဆွာ)မှ သုံးမိုင်ခွဲအကွာရှိ ဆယ်တော်၊ ဒေါင့်အင်းကုန်း၊ ဂွေးသဲကျေးရွာများသို့ လက်နက်ကြီးပစ်ကူပေးခဲ့သည်။

အဆိုပါ တိုက်ပွဲတွင် ပြည်သူ့ကာကွယ်ရေးတပ်ဖွဲ့ဝင်များမှာ အထိအခိုက်မရှိပဲ အကြမ်းဖက်စစ်ကောင်စီတပ်ဖွဲ့ဘက်မှ ထိခိုက်သေဆုံးမှုရှိပြီး အသေးစိတ်အား ဆက်လက်အတည်ပြုလျက်ရှိသည်။

အထိနာသွား‌သော အကြမ်းဖက်စစ်ကောင်စီဘက်က ည(၁၀:၀၀)နာရီခန့်တွင် ခလရ-၈၄(ဆွာ)မှ ‌၁၂၀ မမ လက်နက်ကြီးဖြင့် (၃)ချက်ရမ်းသမ်းပစ်ခတ်ရာ (၂)ချက်မှာ ဒေါင့်အင်းကုန်းကျေးရွာအုပ်စု၊ ဂွေးသဲကျေးရွာအတွင်းရှိ နေအိမ် (၃)လုံးကို ထိမှန်ပျက်စီးခဲ့သည်။ နေအိမ်တစ်လုံးမှာ တိုက်ရိုက်ထိမှန်ခဲ့သောကြောင့် နေအိမ်အတွင်းရှိ အပြစ်မဲ့အရပ်သားပြည်သူ သားအမိ(၃)ဦးစလုံး ထိခိုက်ဒဏ်ရာရရှိကာ ဆေးရုံတွင် အတွင်းလူနာအဖြစ် ကုသမှု ခံယူနေသည်ဟု သိရသည်။

စစ်ဆင်ရေး မှတ်တမ်းရုပ်သံ၊ ဓာတ်ပုံများအား အောက်ဖော်ပြပါ 👇👇 Telegram Channel https://t.me/bagopdf တွင် ဝင်ရောက် ကြည့်ရှုနိုင်ပါသည်။

#ပဲခူးတိုင်းစစ်ဒေသခွဲ
#တောင်ငူခရိုင်_ရင်း_၃၅၀၁

ဓာတ်ပုံ - တပ်ရင်း ၃၅၀၁ PDF တပ်ဖွဲ့ဝင်များ (ပုံဟောင်း)

ရေတာရှည်မြို့နယ်တွင် စစ်ကြောင်းထိုးလာသော အကြမ်းဖက်စစ်ကောင်စီ၏ စစ်ကြောင်းကို မိုင်းဆွဲ၍ ချေမှုန်းတိုက်ခိုက်ရာ (၁၀)ဦးထက်မနည်း သေဆုံး

ဇူလိုင် ၄ ၊ ၂၀၂၃

ပဲခူးတိုင်း၊ တောင်ငူခရိုင်၊ ရေတာရှည်မြို့နယ်၊ စည်ပိုင်းကျေးရွာအုပ်စု၊ အိုးမြေတူးကျေးရွာမှ စစ်‌ကြောင်းထိုးလာသော အင်အား(၅၀)ဦးခန့်ပါ အကြမ်းဖက်စစ်ကောင်စီ၏ စစ်ကြောင်းကို အိုးမြေတူးကျေးရွာနှင့် ရှမ်းစုကျေးရွာကြား နှမ်းခင်းအရောက်၌ ဇူလိုင်လ(၃)ရက်နေ့ ညနေ(၂:၃၀)နာရီခန့်တွင် ရေတာရှည်မြို့နယ်ပကဖ က မိုင်းဆွဲတိုက်ခိုက်ခဲ့ပြီး‌နောက် တောင်ငူခရိုင် PDF တပ်ရင်း ၃၅၀၁၊ တပ်ခွဲ ၄ နှင့် တော်လှန်ရေးပူးပေါင်းတပ်ဖွဲ့၏ ချေမှုန်းရေးတပ်စိတ်က ထိရောက်စွာ ပစ်ခတ်တိုက်ခိုက်နိုင်ခဲ့သည်။

အဆိုပါတိုက်ပွဲသည် မိနစ်(၃၀)ခန့် ကြာမြှင့်ခဲ့ပြီး အကြမ်းဖက်စစ်ကောင်စီဘက်မှ (၁၀)ဦးထက်မနည်း သေဆုံးခဲ့သည်။ တော်လှန်ရေးပူးပေါင်းတပ်ဖွဲ့ဝင်များအားလုံးမှာ ဘေးအန္တရာယ်မရှိဘဲ အောင်မြင်စွာ တိုက်ခိုက်‌ချေမှုန်းနိုင်ခဲ့သည်။

#ပဲခူးတိုင်းစစ်ဒေသခွဲ
#‌ရေတာရှည်ပကဖ
#ရင်း_၃၅၀၁_ခွဲ_၄
#ပူပေါင်းတပ်ဖွဲ့

အကြမ်းဖက်စစ်ကောင်စီ၏ စစ်ထောက်ချုပ်လိုက်ပါလာမည်ဟု သတင်းရသော ယာဉ်တန်းကို တိုက်ခိုက်ရာ ထိခိုက်ပျက်စီးမှုများရှိ

ဇူလိုင် ၇ ၊ ၂၀၂၃

အကြမ်းဖက်စစ်ကောင်စီ၏ စစ်ထောက်ချုပ်လိုက်ပါလာမည်ဟု သတင်းရသော ယာဉ်တန်း(၁၀)စီးခန့်ကို ပြည်သူ့ကာကွယ်ရေးတပ်မတော် တောင်ငူခရိုင် တပ်ရင်း ၃၅၀၁ ၏ အထူးတပ်ဖွဲ့က ဇူလိုင်လ(၇)ရက်နေ့ နံနက်(၉:၁၅)နာရီခန့်တွင် အမြန်လမ်း မိုင်တိုင် ၁၉၆ မိုင်၊ ၄ ဖာလုံ၌ မိုင်းဆွဲတိုက်ခိုက်ပြီးနောက် လက်နက်ကြီးဖြင့် ပစ်ခတ်ခဲ့သည်။

အဆိုပါ မိုင်းဆွဲပစ်ခတ်တိုက်ခိုက်မှုကြောင့် အကြမ်း ဖက်စစ်ကောင်စီ၏ စစ်ထောက်ချုပ်လိုက်ပါလာမည်ဟု သတင်းရရှိသော ယာဉ်တန်းမှ ယာဉ်(၂)စီးမှာ လုံးဝပျက်စီးခဲ့ပြီး ထိခိုက်ဒဏ်ရာရရှိသူများ ရှိသည်ဟု ဒေသခံသတင်းရင်းမြစ်များ၏ ပြောကြားချက်များအရ သိရသည်။ တိုက်ခိုက်မှုဖြစ်ပွားရာနေရာသို့ လူနာတင်ယာဉ်များ ရောက်ရှိလာခဲ့ပြီး ထိခိုက်သေ ဆုံးမှုဖြစ်စဉ်၏ နောက်ဆက်တွဲ အမည်၊ ရာထူးအဆင့်တို့ကို ဆက်လက်အတည်ပြုလျက်ရှိသည်။

ဇူလိုင်လ(၁)ရက်နေ့တွင် ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသ၊ အမှတ်(၂)စစ်ဒေသကွပ်ကဲရေးရုံးက ပဲခူးတိုင်းအတွင်းရှိ ရန်ကုန်-မန္တလေး လမ်းဟောင်း၊ ရန်ကုန်-မန္တလေး အမြန်လမ်းမ၊ ပဲခူး-စစ်တောင်းလမ်းပိုင်းနှင့် မွန်ပြည်နယ်အတွင်းရှိ ရန်ကုန်-မုတ္တမ၊ ရန်ကုန်-ဘားအံ့ လမ်းပိုင်းများအား နေ့စဉ် ည(၆)နာရီမှ နံနက်(၆)နာရီအတွင်း သွားလာခြင်းမပြုရန်၊ သတ်မှတ်ချိန်အတွင်း သွားလာရာတွင် မော်တော်ယာဉ်များအား မှန်ချ၍ မောင်းနှင်ရန်နှင့် တာဝန်အရစစ်ဆေးခြင်းအား ကြည်ဖြူစွာလက်ခံရန် သတိပေးထုတ်ပြန်ထားသည်။

ထို့ကြောင့် ပြည်သူလူထုအနေဖြင့် သတိပေးထုတ်ပြန်ချက်များကို တိကျစွာ လိုက်နာပြီး အကြမ်းဖက်စစ်ကောင်စီတပ်ဖွဲ့ဝင်များ၊ စစ်ကောင်စီတပ်ဖွဲ့ယာဉ်တန်းများနှင့် အနီးကပ်သွားလာခြင်းမျိုး လုံးဝ(လုံးဝ) မပြုလုပ်ဘဲ ဝေးဝေးနေထိုင်သွားလာကြရန် ထပ်မံ သတိပေးထုတ်ပြန်လိုက်သည်။

#ပဲခူးတိုင်းစစ်ဒေသခွဲ
#တောင်ငူခရိုင်_၃၅၀၁
#အထူးတပ်ဖွဲ့

တောင်ငူခရိုင် PDF တပ်ရင်း ၃၅၀၁၊ အထူးတပ်ဖွဲ့

တပ်ရင်း ၃၅၀၁၊ တပ်ခွဲ ၃/၄၊ ရေတာရှည်မြို့နယ် ပကဖ နှင့် အလယ်ပိုင်းတိုင်း နေပြည်တော် စစ်ဒေသခွဲ ရိုးမစစ်ကြောင်းတို့မှ အာဇာနည်နေ့ ၀မ်းနည်းအောက်မေ့ဖွယ် ကျင်းပ

တပ်ရင်း ၃၅၀၁၊ တပ်ခွဲ ၆ မှ အာဇာနည်နေ့ ၀မ်းနည်းအောက်မေ့ဖွယ် ကျင်းပ