* တောင်ငူခရိုင်

ကရင်အမျိုးသားကာကွယ်ရေးတပ်ဖွဲ့ K.N.D.O တပ်မဟာ ၂ နယ်မြေ၊ တောင်ငူခရိုင် (K.N.D.O) တပ်ရင်း (၄) ၏ ရပ်တည်ချက် သဘောထားနှင့် ပြည့်သူ့ရင်ခွင် အလင်းဝင်ရန်ဖိတ်ခေါ်ကမ်းလှမ်းချက် ကို ယနေ့ရက်စွဲဖြင့် တရားဝင် ထုတ်ပြန်ကြေညာခဲ့သည်။ ထုတ်ပြန်ချက်အစစ်ဖြစ်ပါသည်။

#June27
#TgoPDF3501

ကျည်ထိပြီး ကုလိုက်ရတဲ့ ရဲဘော်ပါ။ ဒီထက်အဖြစ်ဆိုးခဲ့တဲ့ရဲဘော်တွေအများကြီးရှိပါသေးတယ်။

"ပြန်ရှာလို့မလွယ်တဲ့ ငွေနဲ့ ကျနော်တို့ကို ကူညီထောက်ပံ့ကြပါ။ ကျနော်တို့ကလည်း အပိုမပါတဲ့ အသက်တွေရင်းပြီး စစ်အာဏာရှင်ကို တိုက်ထုတ်ပေးပါ့မယ်"

ခက်ခဲမယ်ဆိုတာ သိတယ်။ စခဲ့တဲ့လမ်း အဆုံးထိ ဆက်သွားကြမှာပါ။

အရေးတော်ပုံ မုချအောင်ရမည်။

တပ်ခွဲ ၃၊ ဒေါင်းမင်းသားအဖွဲ့
တပ်ရင်းအမှတ် - ၃၅၀၁
ပြည်သူ့ကာကွယ်ရေးတပ်မတော်

ကျေးရွာများကို မီးရှို့၍ ဓားပြတိုက်ပြန်လာသော စစ်‌ကောင်စီ၏စစ်ကြောင်းအား စောင့်ကြိုတိုက်ခိုက်ရာ စစ်ကောင်စီတပ်ဖွဲ့ဝင် (၃၀)ဦးကျော်သေဆုံးပြီး လက်နက်ခဲယမ်းနှင့် ခိုးရာပါပစ္စည်းများ သိမ်းဆည်းရရှိ

ဖေဖော်ဝါရီ ၁၆၊ ၂၀၂၃

ပဲခူးတိုင်း၊ တောင်ငူခရိုင် PDF တပ်ရင်း ၃၅၀၁၊ တပ်ခွဲ ၄၊ တပ်ခွဲ ၆ ပူးပေါင်းတပ်ဖွဲ့နှင့် အကြမ်းဖက်စစ်ကောင်စီတပ်တို့ ၁၆-၂-၂၀၂၃ ရက်နေ့ နံနက်(၉:၀၀)နာရီမှ နေလယ်(၁:၀၀)နာရီဝန်းကျင်အထိ ရေတာရှည်မြို့နယ် ဇရစ်ရိုးကုန်းကျေးရွာနှင့် ရေတာရှည်မြို့နယ် ပိန်းသီလာကျေးရွာ အနောက်ဘက် စစ်တောင်းမြစ်ဘေးတွင် တိုက်ပွဲဖြစ်ပွားရာ အကြမ်းဖက်စစ်ကောင်စီဘက်မှ (၃၀)ဦး‌ကျော် သေဆုံးပြီး အများအပြား ဒဏ်ရာအပြင်းအထန် ရရှိခဲ့သည်။

ထို့ပြင် လက်နက်ခဲယမ်းများနှင့် ပြည်သူများ၏ နေအိမ်များမှ အကြမ်းဖက်စစ်ကောင်စီတပ်ဖွဲ့ဝင်များ ဓားပြတိုက်ခိုးယူလာသော ရွေငွေလက်ဝတ်ရတနာအချို့ကိုလည်း သိမ်းဆည်းရရှိခဲ့သည်။

အကြမ်းဖက်စစ်ကောင်စီဘက်မှ သိမ်းဆည်းရရှိခဲ့သော လက်နက်ခဲယမ်းများမှာ
၁။ MA3 (၄)လက်
၂။ MA11 (၂)လက်
၃။ MA2 (၁)လက်
၄။ ကျည်ဘောက် (၁၈) ခု
၅။ ကျည် (၅၂၀) တောင့်
၆။ (၆၀)မမဗုံးသီး (၂)လုံး နှင့် ရိက္ခာအများအပြားတို့ဖြစ်သည်။

ပြည်သူပိုင်နေအိမ်များမှ စစ်ကောင်စီတပ်ဖွဲ့ဝင်များ ဓားပြတိုက်ခိုးယူလာသော
၁။ လက်ကောက် (၂)ကွင်း
၂။ ဆွဲကြိုး (၁)ကုံး
၃။ လက်စွပ်(၁)ကွင်း
၄။ ဖုန်း(၃)လုံးတို့ကိုပါ ထပ်မံသိမ်းဆည်းရရှိခဲ့သည်။

သိမ်းဆည်းရရှိသော လက်ဝတ်ရတနာများနှင့် အသုံးအဆောင်ပစ္စည်းများကို ပြည်သူ့ကာကွယ်ရေးတပ်ဖွဲ့ဝင်များက မူလပိုင်ရှင်များထံ အတိအကျ ပြန်လည်အပ်နှံနိုင်ရန် ဆောင်ရွက်လျက်ရှိသည်။

ထို့ပြင် (၇-၂-၂၀၂၃)၊ (၈-၂-၂၀၂၃)၊ (၁၂-၂-၂၀၂၃) နှင့် (၁၄-၂-၂၀၂၃) နေ့ရက်များတွင်လည်း တောင်ငူခရိုင် PDF တပ်ရင်း ၃၅၀၁၊ တပ်ခွဲ(၄) တပ်ခွဲ(၆) ပူးပေါင်းတပ်ဖွဲ့များနှင့် အကြမ်းဖက်စစ်ကောင်စီတပ်ဖွဲ့တို့ ထိတွေ့တိုက်ပွဲများ အပြင်းအထန် ဖြစ်ပွားခဲ့သည်။ ၎င်းတိုက်ပွဲများတွင်လည်း အကြမ်းဖက်စစ်ကောင်စီဘက်မှ ထိခိုက်သေဆုံးမှုများပြားခဲ့ပြီး အရေအတွက် အတိအကျကိုမူ ထပ်မံအတည်ပြုလျက်ရှိသည်။

အထိနာလျက်ရှိသော စစ်ကောင်စီဘက်မှ လက်နက်ကြီး၊ လက်နက်ငယ်များဖြင့် ရမ်းသမ်းပစ်ခတ်မှု၊ ဖမ်းဆီးနှိပ်စက်မှုများကြောင့် အပြစ်မဲ့ပြည်သူ(၂)ဦး သေဆုံးခဲ့ရပြီး (၂)ဦးအပြင်းအထန် ဒဏ်ရာရရှိခဲ့သည်။ ထို့ပြင် အကြမ်းဖက်စစ်ကောင်စီတပ်ဖွဲ့များက ပြည်သူပိုင်နေအိမ်များနှင့် မြစ်ကူးတံတားများအား မီးရှို့ဖျက်ဆီးလျက်ရှိသည်။

ပြည်သူ့ကာကွယ်ရေးတပ်ဖွဲ့များမှာ အထိအခိုက်မရှိဘဲ နယ်မြေစိုးမိုးမှုများအား ဆက်လက်ဆောင်ရွက်နေပြီး စစ်ဘေးရှောင်ပြည်သူများကိုလည်း လိုအပ်သော ထောက်ပံ့ပေးမှုများ ပေးပို့နိုင်ရန် အမျိုးသားညီညွတ်ရေးအစိုးရ(NUG)၊ ဝန်ကြီးဌာနများနှင့် ချိတ်ဆက်ဆောင်ရွက်လျက်ရှိသည်။

#ပဲခူးတိုင်းစစ်ဒေသခွဲ
#ရိုးမတိုက်ပွဲ
#ရင်း_၃၅၀၁_ခွဲ_၄_၆

Rain Of Fire စစ်ဆင်ရေးအဖြစ် တောင်ငူလေတပ်‌စခန်းဌာနချုပ်ကို တိုက်ခိုက်

မတ်၂၉ ၊ ၂၀၂၃

ပဲခူးတိုင်း၊ တောင်ငူမြို့မြောက်ဘက်ရှိ အကြမ်းဖက်စစ်ကောင်စီ၏ တောင်ငူလေတပ်စခန်းဌာနချုပ်ကို Rain Of Fire စစ်ဆင်ရေးအဖြစ် KNLA နှင့် PDF ပူးပေါင်းတပ်ဖွဲ့က မတ်လ၂၅ရက်နေ့တွင် ရှော့တိုက်ဒုန်း(၄)လုံး၊ မတ်လ၂၇ရက်‌နေ့ (ဖက်ဆစ်တော်လှန်ရေးနေ့)တွင် ရှော့တိုက်ဒုန်း(၄)လုံးဖြင့် ပစ်ခတ်တိုက်ခိုက်ခဲ့သည်။

မတ်လ၂၅ရက်နေ့ တိုက်ခိုက်မှုတွင် ရှော့တိုက်(၂)လုံးမှာ ဝန်ထမ်းလိုင်းခန်း မြောက်ဘက်တောစပ်နှင့် လေယာဉ်ပြေးလမ်း အနောက်မြောက်တောင့် ဖြူးကန်ဘေးသို့ ကျရောက်ပေါက်ကွဲခဲ့သည်။ ထိခိုက်ပျက်စီးမှု အသေးစိတ်ကိုမူ အတည်ပြုဆဲဖြစ်သည်။

မတ်လ၂၇ရက်နေ့ တိုက်ခိုက်မှုတွင် လေတပ်စခန်းအတွင်း ဗုံးဂိုထောင်အနီး၊ ဆီလှောင်ကန်အနီးနှင့် လေယာဉ်ဂို‌ထောင်အနီးသို့ ကျရောက်ပေါက်ကွဲခဲ့ပြီး လေတပ်စခန်းအတွင်းမှ မီးခိုးများ အူထွက်လာခဲ့သည်။

ဒေသခံပြည်သူများနှင့် တပ်တွင်းနီးစပ်သည့် သတင်းရင်းမြစ်များ၏ ခိုင်ခိုင်မာမာပြောဆိုမှုများအရ မတ်လ၂၇ရက်နေ့ တိုက်ခိုက်မှုကြောင့် အကြမ်းဖက်စစ်ကောင်စီတပ်ဖွဲ့ဝင် (၃)ဦးသေဆုံးပြီး ရဟတ်ယာဉ်(၁)စီး ထိခိုက်ပျက်စီးမှုရှိသည်ဟု သိရသည်။

လေတပ်စခန်း တိုက်ခိုက်ခံရမှုအပြီး၌ အကြမ်းဖက်စစ်ကောင်စီတပ်ဖွဲ့များက ကား၊ ဆိုင်ကယ်များဖြင့် ဒိုးအင်းကျေးရွာအတွင်းသို့ ဝင်ရောက်၍ စစ်ဆေးမှုများ ပြုလုပ်ခဲ့သည်။ တော်လှန်ရေးပူးပေါင်းတပ်ဖွဲ့များ၏ တိုက်ခိုက်မှုများကြောင့် လေတပ်စခန်းအတွင်း၌လည်ကတုတ်ကျင်း၊ ဗုံးခိုကျင်းများတူးကာ ကျီးလန့်စာစား နေထိုင်လျက်ရှိသည်ဟု သိရသည်။

အကြမ်းဖက်စစ်ကောင်စီ၏ တောင်ငူအခြေစိုက် အမှတ်(၁၀၁၅) လေကြောင်းရန်ကာကွယ်ရေးတပ်မှ ဒုဗိုလ်မှူးကြီးရဲနိုင်ကို ပစ်ခတ်ရှင်းလင်းပြီး ဖုန်းနှင့်ဆိုင်ကယ် သိမ်းဆည်းရရှိ

ဇွန် ၁ ၊ ၂၀၂၃

ပဲခူးတိုင်း၊ တောင်ငူအခြေစိုက် အကြမ်းဖက်စစ်ကောင်စီ၏ အမှတ်(၁၀၁၅) လေကြောင်းရန် ကာကွယ်ရေးတပ်မှ ဒုတိယဗိုလ်မှူးကြီးရဲနိုင်ကို မေလ (၃၁)ရက်နေ့၊ ညနေ(၅:၃၀)နာရီခန့်တွင် အမြန်လမ်း ၁၅၄ မိုင်၊ ၈ ဖာလုံ၌ တောင်ငူခရိုင် PDF တပ်ရင်း ၃၅၀၁၊ တပ်ခွဲ ၆ (ရေတာရှည်မြို့နယ်ပြည်သူ့ကာကွယ်ရေးတပ်ဖွဲ့) က ပစ်ခတ်ရှင်းလင်းခဲ့ပြီး ၎င်း၏ဖုန်းနှင့် ဆိုင်ကယ်ကို သိမ်းဆည်းရရှိခဲ့သည်။

အကြမ်းဖက်စစ်ကောင်စီ၏ အမှတ်(၁၀၁၅) တောင်ငူအခြေစိုက် လေကြောင်းရန်ကာကွယ်ရေးတပ်မှ စစ်ထောက်လှမ်းရေးမှူး ဒုဗိုလ်မှူးကြီးရဲနိုင်သည် တော်လှန် ရေးတပ်ဖွဲ့များ၏ သတင်းကို စုံစမ်းထောက်လှမ်း၍ အရပ်ဝတ်ဖြင့် သွားလာနေစဉ် ပြည်သူ့ကာကွယ်ရေးတပ်ဖွဲ့က ပစ်ခတ်ရှင်းလင်းခဲ့ခြင်းဖြစ်သည်။

အဆိုပါပစ်ခတ်မှုကြောင့် အကြမ်းဖက်စစ်ကောင်၏ ဒုဗိုလ်မှူးကြီးရဲနိုင်မှာ ‌ေ-သဆုံးသွားခဲ့ပြီး ၎င်း၏ဖုန်းနှင့် ဆိုင်ကယ်ကိုပါ သိမ်းဆည်းရရှိခဲ့သည်။ ပြည်သူ့ကာကွယ်ရေးတပ်ဖွဲ့ဝင်များမှာ ဘေးအန္တရာယ်မရှိဘဲ အောင်မြင်စွာ ဆုတ်ခွာနိုင်ခဲ့သည်။

စစ်ဆင်ရေး မှတ်တမ်းရုပ်သံ၊ ဓာတ်ပုံများအား အောက်ဖော်ပြပါ 👇👇 Telegram Channel https://t.me/bagopdf တွင် ဝင်ရောက် ကြည့်ရှုနိုင်ပါသည်။

#ပဲခူးတိုင်းစစ်ဒေသခွဲ
#ရင်း_၃၅၀၁_ခွဲ_၆
#ရေတာရှည်ပြည်သူ့ကာကွယ်ရေးတပ်ဖွဲ့
#တောင်ငူခရိုင်ပြည်သူ့ကာကွယ်ရေးတပ်မတော်တပ်ရင်းအမှတ် ၃၅၀၁

ဓာတ်ပုံ- သိမ်းဆည်းရရှိသော ဖုန်းနှင့်ဆိုင်ကယ်