المراهقة Adolescent 🤦🏻‍♂️:

🤦🏻‍♂️تكون من عمر 12 إلى 20 سنة


يميز المرحلة /
- اكتمال نمو الجسم
- النضوج الجنسي
- يبدأ يفكر مثل الكبار
- يحاول يكون مميز بين أقرانه ويلفت الانتباه
- يحاول يبحث عن علاقة حب
- ممكن بعضهم يتزوج في هذه المرحلة

مخاطر المرحلة /
- التغييرات الجنسية والهرمونية تحتاج إلى تدخل الوالدين والثقيف الجنسي عن الأشياء اللي تتغير في جسمهم خصوصا الدورة الشهرية والتعامل معها
- تقلبات المزاج الحادة بسبب تقلبات الهرمونات
- خطر الاكتئاب عليهم كبير وهذا يخليهم يسوون أشياء وعادات غلط لبحثهم عن المتعه
- معرضين لخطر الانتحار بشكل كبير

مرحلة البالغين Adults
نقسمها إلى قسمين :


1️⃣ بالغ شاب Young adult 🧔🏻

من 20 إلى 45 سنة

يميز المرحلة /
- يعتبر بداية لكل شيء مثل الوظيفة والزواج ومحاولة الاستقلالية

مخاطر المرحلة /
- الخوف من المستقبل وعدم النجاح
- المخاوف والاضطرابات إذا ما تم حلها وقت الطفولة والمراهقة تستمر معه في هذا العمر



2️⃣ بالغ منتصف العمر
Middle-aged adult 🧔🏻‍♂️:

من 45 إلى 65 سنة

يميز المرحلة /
- اللي يقولك اتعب وترتاح بعدين يقصد هذي المرحلة اللي بترتاح فيها 🤣
- هذي المرحلة يسمونها الأجانب Sandwich يعني شطيرة وهو تشبيه إن الشخص يكون بالمنتصف بين اهتمامه بأبنائه واهتمامه بوالديه

مخاطر المرحلة /
- قد تبدأ أعراض الشيخوخه بالظهور والأمراض المزمنة
- التفكير المفرط في المسؤولية على الزوجه والأبناء والوالدين

.

كبار السن Elder أو Old
نقسمهم إلى ثلاث أقسام 👨🏻‍🦳 :



1️⃣ بداية الشيخوخة Young old 👨🏻‍🦳:

من 65 إلى 75 سنة

يميز المرحلة /
- يعتبر سن التقاعد الأشهر في هذي المرحلة

مخاطر المرحلة /
- بداية أعراض الشيخوخة عند البعض


2️⃣ منتصف الشيخوخة Middle old 👨🏻‍🦳:

من 75 إلى 85 سنة

يميز المرحلة /
- يعتبر سن الخسارات 💔 أحيانا خسارة الوالدين أو خسارة الزوج والزوجة وأحيانا خسارة وظائف الجسم

مخاطر المرحلة /
- يعتبر الجلد ضعيف للغاية ويعاني الممارس وقت إدخال ابرة المحلول في الوريد
- تبدأ تظهر الأمراض المزمنة بشكل كبير
- يصاب بهشاشة العظام فيكون السقوط أكبر الأخطار اللي ممكن تصيبه
- توازن السوائل عندهم صعب فترتفع احتمالية الإصابة بالجفاف

الشيخوخة الفعلية Old Old 👨🏻‍🦳:

من 85 سنة وأكثر

يميز المرحلة /
- تقبل الخسارة ، بسبب فقدان كثير من الأحباب والأهل والأصدقاء يبدأ يتقبل مع الوقت كل هذي الخسائر

مخاطر المرحلة /
-مثل المرحلة السابقة
-الشعور بالوحدة بسبب فقد الجميع😞💔
- يبدأ يتأمل حياته السابقة وكيف كان وكيف صار


ضاق صدري وأنا أشرح هالجزء 😞
اللهم لا تردنا إلى أرذل العمر 🙏🏻

الرعاية وقت العمليّات الجراحية 💉🩸 …


عبارة عن ثلاث أقسام :



1️⃣ الرعاية قبل الجراحة 🩸
Pre operative care

- الإجراءات تكون حسب خطة المنشأه
- تأكد من بيانات المريض
- اطّلع على جدول العمليات واعرف نوع العملية والوقت المحدد لها وحاول تعرف هل البنج كامل أو نصفي
- تأكد انه يرتدي الزي المناسب للعملية
- تأكد إن أغراضه الخاصة محفوظه
- راح تساعد في نقله لغرفة العمليات


2️⃣ الرعاية أثناء الجراحة 🩸
intra operative care

- دورك ما يكون في غرفة العمليات حسب تصنيفك الحالي
- بتلاحظ إن أهل المريض أو المرافق بيسألك باستمرار عن موعد انتهاء العملية فخليك عارف الجدول والوقت المقدر لكل عملية


3️⃣ الرعاية بعد الجراحة 🩸
post operative care

- استقبال المريض من غرفة العمليات بعد الإفاقه
- المساعده في نقله لسريره الخاص
- تأكد إن أغراضه الخاصة قريبه منه مثلا جواله عشان يطمن أهله
- قياس العلامات الحيوية أساسي بعد العملية
- تقييم الألم عند المريض واذا كان المريض يحس بألم شديد ما يتحمله بلّغ الأخصائي
- تذكير المريض بحالة NPO إذا موجودة ومعرفة الوقت المحدد لها ومتى يقدر يشرب ويأكل
- اتباع خطة الرعاية الخاصة بكل مريض وحسب المنشأه


📒 مصطلحات تهمك :

- عمليّة / جراحة surgery / operation
- تخدير anesthesia
- غرفة الإفاقة بعد العملية recovery room
وتسمى أحيانا وحدة الرعاية بعد التخدير
Post-anesthesia care unit / PACU
- غرفة العمليات operations room / OR


.

الجو العام للرعاية 🤍 …


-نقدر نختصر كل الكلام في المنهج في هذا الموضوع ونقول هدفنا هو توفير بيئة لطيفة ونظيفة للمريض واعطاءه كافة حقوقه

-فعليا أثبتت الدراسات الطبية إن الحالة النفسية للمريض + وجود أشخاص يحبهم حوله وقت الرعاية تحسن حالته الصحية بشكل كبير 👌🏻


الرعاية وقت الاحتضار ( اللحظات الأخيرة )💔:

الأعمار بيد الله قبل كل شي
ولكن بعض الحالات يصنفها الأطباء حالات ميؤوس منها ونسبة علاجها قليلة جدا وغالبا هذا المريض راح يموت
باختصار حاول تجعل لحظاته الأخيره جميلة قد ما تقدر وقدم له كل شي تقدر عليه واجلس سولف ومعاه وحسسه إنه مو لحاله



الرعاية المنزلية / دار المسنين / التأهيل الشامل 🏨🧑🏻‍🦽:

- تصنيفنا الحالي يلزمنا بالتواجد بالمستشفيات أو المراكز الصحية الصغيرة فقط وما نقدر نطلع للرعاية المنزلية إلا بعد فترة من التدريب المخصص لهذا النوع

- رعاية المنزل باختصار هي إنك تروح تسوي البروسيجر في بيت المريض بسبب إنه وحيد أو عاجز أو لأي ظرف

- دار المسنين أو مراكز التأهيل الشامل لذوي الاحتياجات الخاصة هي مكان إقامة دائم وفي نفس الوقت مركز صحي ممكن تقوم بمهامك ك PCT في هذي الأماكن ويصير دوامك هناك مثل المستشفى 👌🏻

.

الكمّادات Compresses 🧻 …


تستخدم لتخفيف الألم أو الالتهاب وتكون إما حارة أو باردة


احرص وقت استخدام الكمّادات على 🧻 :

- لا تحط الكمّاده على الجلد مباشرة حاول تغطيها بشي إضافي مثل المنشفة ، إلا إذا كان نوع الكمّاده ممتاز

- لا تضعها أسفل المريض لأن مع الضغط راح تزيد الحرارة أو البرودة وما يتحملها المريض

- لا تحط الكمّاده على مريض نايم وتروح وتتركها

- تأكد من مكان الكمّاده كل فتره ولاحظ أي تغيير غريب يصير على جلد المريض

- تأكد إن الشخص قادر يحس وأعصابه تمام لأن لو كان فاقد للإحساس ما راح يحس بحرارة الكمّاده إذا كانت زايده فتسبب له إصابة

.

قرحة الفراش 🦠 :
Bedsore / Pressure ulcer

- مرض جلدي يصيب المرضى في الإقامة الطويلة بحيث تكون أجسامهم معرضه للضغط بسبب كثرة البقاء في السرير على نفس الجهه وهذا يسبب انقطاع الدم في منطقة الضغط مما يؤدي لموت الأنسجة


- غالبا ما تصيب مناطق الجسم اللي فيها بروز عظمي مثل الأرداف وكعب القدم وأسفل الظهر


- عشان نتجنب هذي القرحه حنا نغيّر وضعية المريض على السرير كل ساعتين أو ثلاثه كحد أقصى


- يعتبر خطرها على جسم المريض إنها ممكن تنتقل لمنطقة ثانية في جسمه فيفضل التدخل السريع معها


- هل تعتبر معدية لنا ⁉️
بوضعها الطبيعي لا لكن بعض الحالات يخرج منها صديد ويكون فيها عدوى بكتيرية
عشان كذا نتعامل معها احتياطا أنها عدوى في كل الحالات 👌🏻


- أحيانا ممكن يطلبون منا ك PCT تغيير أو وضع الضمادات على منطقة القرحة وهي عبارة عن استخدام محلول مطهر نضعه على المنطقه ومن ثم نستخدم ضماده على منطقة القرحة ولازم هذي الضمادة تكون رطبة والمنطقة حولها تكون جافة وهذي الضمادة نغيرها كل يوم إلى أربع أيام حسب مرحلة القرحة 👍🏻

.

نلاحظ المراحل في الصورة تكون حسب عمق القرحة


1️⃣ المرحلة الأولى :
تغير لون الجلد إلى اللون الأحمر غالبا وتكون المنطقه حاره وقد يشتكي المريض من حرقان أو حكه في هذي المنطقة


2️⃣ المرحلة الثانية :
تبدأ أحيانا تتكون بثور تحتوي على صديد وأحيانا بداية تكون جرح واضح وقد يشتكي المريض من الألم


3️⃣ المرحلة الثالثة :
جرح عميق واضح جدا يخترق الجلد والدهون

4️⃣ المرحلة الرابعة :
تكون القرحة تعمقت كثيرا وقد تصل إلى العظم وتكون في هذي المرحلة معدية

.

رعاية الجرح Wound care 🩹 :

في حالة الجروح البسيطة أو الجروح البسيطة بعد العمليات قد يطلبون منا ك PCT تضميد الجرح وتكون الفكرة مثل القرحة باستخدام المطهر والضمادة المناسبة


احرص وقت رعاية الجرح على🩹 :

- لو لاحظت وجود صديد أو لون الجلد حول الجرح متغير بلّغ الأخصائي مباشرة

- المفترض الألم في الجرح يخف تدريجيا مع الأيام لكن لو ما خف والمريض اشتكى بلّغ الأخصائي

- الجروح المفتوحه تكون معرضة للعدوى أو الالتهاب فاحرص انك تتعلم كيف تضمدها بشكل كويس 👌🏻

- تغيير الضمادات بشكل عام
يسمى Dressing

.

أهلا 👋🏻 …


بطرح تساؤلات لموضوع مهم :


كيف نقدر نقيّم ألم المريض قدامنا ، كيف أحس بألم شخص ثاني أساسا ⁉️

لو كان المريض طفل أو ما يقدر يتناقش معنا لأي سبب هل نقدر نقيّم مستوى الألم عنده ⁉️


هل تقييم الألم عبارة عن محادثة فقط بيني وبين المريض ولا فيه شي ثاني ⁉️

.

إذا رحت عند دكتور بسبب ألم معين
ويبدأ الدكتور يسألك تشتكي من ايش ؟ وين مكان الألم ؟ متى بدأ الألم ؟

اللي قاعد يسويه الدكتور يسمى
تقييم الألم PAIN ASSESSMENT 🌡


خلونا نعرف أكثر :

🌡 تقييم الألم هو عبارة عن محاولة اكتشاف المشكلة بالضبط وقد ايش تعاني منها ويعتبر هذا الشي من مهامنا ك PCT ومهم جدا تعرفه زين


🌡 تقييم الألم يكون لجميع المرضى ولو المريض متنوم عندنا راح نسأله عن الألم مع كل إجراء فحص روتيني مثل العلامات الحيوية عشان نتطمن عليه أو حسب سياسة المستشفى حقك


🌡تقييم الألم يعتبر بروسيجر عشان كذا لازم تسجل الوقت بعد التقييم


🌡 تقييم الألم نقدر نعرفه بثلاث طرق :
1️⃣ عن طريق المحادثه ( سؤال وجواب )
2️⃣ عن طريق السلوك ( تصرفات الشخص )
3️⃣ الفحوصات


🌡فيه ثلاث مقاييس لتحديد شدة الألم :
1️⃣ مقياس FLACC
2️⃣ مقياس wong baker faces
3️⃣ مقياس visual analog scale


كل هذي الأشياء اللي ذكرناها بنعطيها حقها من الشرح 👌🏻

.

إذا كان المريض واعي وقادر على المحادثة نقدر نتعرف ونقيّم الألم عنده بسهولة 👌🏻

1️⃣ فيه نظام لطرح الأسئلة بخطوات معينة يسمونها PQRST خلونا نعرفها أكثر :

🦠 P = Provocation
وتعني الإثارة
وش يخفف الألم عندك ؟
وش يزيد الألم عندك ؟
What relieves it?
What aggravates it?
في هذي الخطوة نحاول نعرف أشياء يسويها المريض ممكن تزيد أو تخفف الألم مثلا ممكن يقولك والله إذا مشيت يزيد الألم عندي أو إذا جلست يخف الألم

🦠 Q = Quality
وتعني النوعية
كيف توصف إحساسك بالألم ؟
What does it feel like ?
هنا نحاول نعرف احساس المريض بالألم هل هو حرقان أو حاس مثل الوخز أو السكاكين أو شد أو غثيان وغيرها من الأوصاف

🦠 R = Region
وتعني المنطقة
حدد لي منطقة الألم ؟
هل ينتقل الألم لمنطقة أخرى ؟
Where is the pain located ?
Does it feel like it moves around ?

🦠 S = Severity Scale
وتعني مقياس الشدّه
راح نحاول نحدد شدّة الألم بمقاييس راح نشرحها بشكل مستقل

🦠 T = Timing
وتعني الوقت
متى بدأ الألم ؟
When did the pain start?


ممكن تكون الأسئلة أكثر وأعمق من كذا بس أنا أذكر أمثلة فقط

2️⃣ الأسئلة الخاصة :
من ضمن معرفة التاريخ الصحي للمريض راح تسأله هل عندك ضغط ؟ هل عندك سكر ؟ هل أنت مدخن ؟ ممكن لو قال استفرغت نسأله كم مره استفرغت ؟

.

ما تلاحظون الأسئلة عميقة شوي ؟

بصراحة كل مستشفى عنده نظام تقييم ألم خاص فيه وبما إن المناهج تختلف في وضع قاعدة عامة للتقييم فالموضوع مب واضح وش نسأل بالضبط ؟🤔


أنا من وجهة نظري أشوف هالأسئلة العميقة المفروض يسألها الدكتور ماهو أنا ك PCT لأني لو بقعد أفصّل مع كل مريض زي كذا باخذ وقت مره طويل وأنا دوري أساسا فحص مبدأي سريع ، والدكتور في الأخير اللي راح ياخذ ويعطي معه ويستفيد من هالأسئلة بالتشخيص

عشان كذا كنت أكتفي بهالأسئلة :
متى بدأ الألم ؟
مكان الألم ؟
وأحدد شدّة الألم
هل أنت مريض ضغط ؟
هل أنت مريض سكر ؟
هل أنت مدخن ؟
أحيانا إذا كان مريض سكر أو ضغط يطلبون مني أرجع أسئله هل أخذ علاجه اليوم ؟

كنت أكتفي بهذي الأشياء حتى إني في الأوسكي اكتفيت فيها 😁👌🏻


ولا وش رايكم ؟

.

تقييم الألم بناء على السلوك 🌡 …

تخيل إنك تتعامل مع مريض ما يفهم عربي او انقليزي وما في احد يفهم لغته كيف تحدد مقياس الألم عنده ؟ أو تخيل إنك تتعامل مع طفل صغير كيف تحدد الألم ؟

هنا يجي دور السلوك وردات الفعل 👌🏻
الإنسان إذا كان يتألم يبان على وجهه التعب والإرهاق والحالة المزاجية السيئة وممكن يوصل الألم تسمع أنين وآهات أو بكاء
هذي المناظر راح تتعرف عليها بنفسك ما تحتاج تعليم وبتشوف مستوى الألم وتحدده بشكل تقريبي



تقييم الألم بناء على الفحوصات 🌡 …

تذكرون يوم قلنا ارتفاع نبضات القلب يدل إن المريض يتألم أو عنده نزيف ، هذا يعتبر تقييم بناء على الفحوصات
وأحيانا تكون فحوصات ثانية أعمق من كذا يسويها الدكتور ويكتشف من خلالها 👌🏻


.

مقياس شدّة الألم 🌡 …


هذي الصورة فيها نوعين للقياس :

1️⃣ مقياس الأرقام من 0 إلى 10
بحيث 0 مافيه ألم و 10 ألم شديد
يسمى Visual analogue scale
يستخدم مع المرضى الواعيين من 8 سنوات وأكثر


2️⃣ مقياس الأوجه
بحيث شكل الوجه يعبر عن شدة الألم
يسمى Wong baker faces
يستخدم مع الأطفال



معلومة شاطحة 🤣 :
معنى Wong و Baker
هي اسمين للمرأتين اللي اخترعو هذا النظام

.

المقياس الثالث لشدة الألم 🌡 …


- يسمى FLACC و يستخدم غالبا مع الطفل الرضيع

- يعتبر FLACC اختصار للكلمات اللي تشوفونها بالصورة ( الوجه والقدم والنشاط والبكاء والتحكم )

- هذا المقياس يصنف كل خانة من 0 إلى 2 بحيث 0 طبيعي و 1 متوسط و 2 يدل على الألم

- مثل تعابيير وجه الطفل العابسة أو لمّ يرفس برجوله كثير أو لمّ يكون نشاطه غريب غير متعوده عليه الأم و كثرة البكاء وآخر شي لمّ نحاول نشيله ونحضنه ما يتغير شي ويستمر بالبكاء
هذي كلها مؤشرات تدل إن الطفل يتألم

.

كم مقياس الألم عنده ؟ 🤣


أنا عن نفسي مقدر أقيّم وهو يناظرني كذا

أهلا 👋🏻 …


بنشوف اختبارات المراكز
الخاصة بموديول 5 📚

لو أحد عنده شي ما حطيته يرسله لي 👌🏻

.