🧪 يعتبر من مهامنا رعاية وتنظيف المنطقة الحساسة للمريض وهي تشمل العضو التناسلي وفتحة الشرج والمنطقه بينهم
وهذا أيضا يشمل تغيير الحفاظه لو كان المريض يلبسها
فكرة البروسيجر مثل فكرة الاستحمام 👌🏻


🧪 أيضا أحب أذكر
الحقنة الشرجية Enema
وهي تستخدم وقت الإمساك الشديد عند المريض ، كون إنه نعطيها للبيشنت هذا شي خارج مهامنا لكن ممكن نقدم المساعده للأخصائي

وبعد عناء طوييييييييل 😩

نكون انتهينا من أهم موديول في المنهج وهو موديول 4 صراحة مره مهم ولا تعتبر نفسك PCT إذا ما استوعبته زين

أتمنى أكون توفقت في الشرح وقدمته لكم بأبسط صورة ، يهمني رايكم وتحفيزكم وانتقادكم فشاركوني إياها 🙏🏻

أحتاج بريك صراحة بعد هالموديول 🤣🤍

أهلا 👋🏻 …

( القسم الثاني )
بحط اختبارات بعض المراكز اللي وصلتني لموديول 4

.

هذا اختبار من تصميمي لموديول 4 📝

إذا واجهتك أي مشكلة تقدر تحلها باستخدام أوامر البوت بجانب لوحة المفاتيح 👌🏻

أو تواصل معي بالتعليق على هذي الرسالة وأحل مشكلتك باذن الله 👍🏻

🎲 اختبار 'موديول 4 🩺⏱'
🖊 25 سؤالًا · ⏱ 2 د

بحط لكم منهج موديول 4 مترجم
لا تغركم عدد الصفحات
خذ منها اللي يفيدك 👌🏻

جرعة موديول 4 :

كذا نقدر نقول ذهب الكثير وبقي القليل
وفيه PCT جميل قيد التحميل جالس يداوم كل يوم ويتحمل أشياء كثير عشان يخلص هذي الجرعة .

كون إنك وصلت هنا هذا إنجاز يحق لك تفرح فيه مهما كان الضغط اللي عليك أو الأشياء الغريبه اللي تصير في مركزك ، تذكر النتيجة في الأخير هي تخرجك وبداية مشوارك الجميل 👌🏻🤍

كل لحظة تعب تشوفها الحين وتزعلك ، بتصير ذكريات في يوم من الأيام تحكينا عنها مهما كانت حلوه أو شينه
أنا واثق إنكم قدها ، و واثق إنكم بتتحملون كل شي صعب وتحكون تجاربكم للدفعات الجاية وتخففون توترهم 👍🏻😁


الله يبشرني بتخرجكم كلكم
وشكرا على لطافتكم 🙏🏻🤍


موديول 4 انتهى ✅

مافي أجمل من المعلومات الحلوة
إلا ترتيبها 👍🏻


فهرس القناة 🔍 …


- المقدمة + البريب بلوك 📚


- موديول 1 🫀🫁


- موديول 2 📖


- موديول 3 🦠🩸
______________________________________________


فهرس موديول 4 🩺⏱ …


- البداية

- النقاط الأساسية للمنهج

- ملف كل بروسيجر برابط مقطع

- مقدمة العلامات الحيوية

- متى نقيس العلامات الحيوية

- عوامل اختلاف العلامات الحيوية

- معلومة مهمة قبل تقيس العلامات الحيوية

- بداية شرح الحرارة

- أماكن قياس درجة الحرارة في الجسم

- أجهزة قياس الحرارة

- بداية شرح النبض

- جهاز قياس النبض

- بداية شرح التنفس

- جهاز قياس نسبة الاكسجين في الدم

- بداية شرح ضغط الدم

- أجهزة قياس ضغط الدم

- اختبارات المراكز ( القسم الأول )

- بداية شرح الطول والوزن

- حالات خاصة لقياس الوزن

- توفير بيئة مريحة للمريض

- المعدات في غرفة المريض + ملف

- فيديو شرح بروسيجر ترتيب السرير

- أدوات إضافية للسرير

- جدول خطة الرعاية الشخصية للمريض

- فيديو شرح بروسيجر العناية بالفم

- فيديو شرح بروسيجر الشعر والحلاقة

- فيديو شرح بروسيجر ارتداء الملابس والضاغط

- التعامل مع أدوات مرضى الحالات الخاصة

- فيديو شرح بروسيجر الاستحمام والعناية

- فيديو شرح بروسيجر التمارين وفرك الظهر

- بداية شرح معلومات قضاء الحاجة

- الأدوات المخصصة لقضاء الحاجة

- الحصول على عينة بول أو براز

- معلومات عن القسطرة البولية

- معلومات عن كيس قضاء الحاجة OSTOMY

- اختبارات المراكز ( القسم الثاني )

- اختبار من تصميمي لموديول 4

- ملف موديول 4 مترجم

- جرعة موديول 4 الختامية



.

أهلا 👋🏻 …

مسائكم خير يا رب 🤍
شفت إني أستغل فترة الفضاوه وابدأ في موديول 5 عشان ما أنشغل بعدين وأتوهق 🤣

موديول بشكل عام يتكلم عن الأمراض المنتشره في السعودية و بعض المعلومات الثانية بنعرفها مع بعض 👌🏻

بسم الله نبدأ الرحلة 🏃🏻‍♂️

النقاط الأساسية في المنهج 📚 :

ترتيب مواضيع المنهج تختلف حسب المركز ممكن تشوفون مواضيع مكرره بالنسبه لكم لكني ما شرحتها من قبل


1️⃣ القسم الأول :

- النظام الغذائي والعناصر الغذائية ومساعدة المريض على الأكل 🥗

- المراحل العمرية وميزة كل مرحلة


2️⃣ القسم الثاني :
( الرعاية والتعامل مع بعض الحالات )

- بنتعلم هنا كيف نتعامل قبل العملية وبعد العملية مع المريض

- بنعرف الكمادات وكيف نستخدمها

- بنعرف كيف نقيّم الألم

- بنعرف عن قرحة الفراش


3️⃣ القسم الثالث :

- كيف نقدم رعاية للأطفال

- بنعرف مرض السكر وبروسيجر قياس السكر

- بعض الأمراض المنتشره في السعودية وهذا الجزء الأكبر من المنهج ، بنعرف معلومات عن بعض الأمراض وأعراضها وكيف نتصرف معها


.

التغذية 🥗 NUTRITION ….


الجسم يحتاج عناصر للطاقة والنمو والمحافظة على صحة الجسم ، هذي العناصر ناخذها عن طريق التغذية الصحية


العناصر الغذائية 🍽 …

الكربوهيدرات Carbohydrates 🍚 :
تعطي الجسم الجلوكوز وهو نوع من أنواع السكر، تعتبر الكربوهيدرات المصدر الأساسي للطاقة في الجسم ، بدونها تصاب بالكسل والخمول

أمثله :
الخبز - الأرز - المعكرونه - الشوفان - الفواكه - سكر الطعام


البروتينات Proteins 🍖 :
تساعد على بناء العضلات وأنسجة الجسم ولها دور في إعطاء الجسم بعض الطاقة ، وتعتبر مهمة للتعافي من الجروح والإصابات

أمثله :
اللحم - الدجاج - السمك - البيض - منتجات الألبان


الدهون Fats 🧈 :
تعتبر مصدر مركّز للطاقة وتساعد على الشعور بالدفء ، وجودها في الأكل يعطي إحساس بالشبع ويكون بعضها نافع للجسم وبعضها ضار

أمثله :
الزبده - زيت الزيتون - زيت الفول السوداني - دهون اللحوم الحمراء


المعادن والفيتامينات 🍎 :
جزيئات صغيرة تساعد على تنظيم وظائف الجسم وتكوين الخلايا والأنسجة ولها أنواع جدا كثيرة

أمثله للمعادن :
الحديد - الكالسيوم - الصوديوم - البوتاسيوم

أمثله للفيتامينات :
فيتامين A - فيتامين B - فيتامين C

.

نظام الغذاء الصحي Healthy diet 🍽 …

هذا النظام يعني نرتب أكلنا بحيث ناكل المفيد لجسمنا ونحافظ على وزننا


توجد طريقتين تساعد على الدايت ✌🏻 :

1️⃣ طبقي الصحي MyPlate 🍽 :
فكرته يكون الطبق حقك يحتوي على خمس أشياء أساسية وهي :
- الفواكه 🍎
- الخضار🥬
- الحبوب ( مثل القمح والأرز )🍞
- أطعمه فيها بروتين🍗
- منتجات الألبان🥛

كذا قدرت تجمع طبق فيه كل العناصر المهمة لجسمك واختار الأصناف اللي تناسب ذوقك


2️⃣الملصقات الغذائية Nutrition labels

أي منتج غذائي في العالم عليه جدول لمكونات هذا المنتج بكذا راح تعرف تفاصيله بالضبط وهل تحتاجه ولا لا 👌🏻

يمديك تقرأ في الملصق الغذائي شي اسمه السعرات الحرارية Calories 🔥 :

السعرة الحرارية هي وحدة قياس للطاقة اللي تاخذها من الغذاء ، جسمك يحتاج عدد معين من السعرات الحرارية في اليوم لو أخذت أكثر من حاجتك راح تتحول هذي الطاقة لدهون وكذا يزيد وزنك ، يختلف احتياجك للسعرات حسب الجنس والعمر والحالة الصحية

.

المريض والأكل 🏨🥗🍚 ….

إذا دخل المريض قسم التنويم من ضمن الخطة العلاجية يتم وضع خطه غذائية له تناسب حالته الصحية وأهم شي ما يكون الأكل يسبب للمريض مشكله صحيه أو حساسية .


طيب إذا كان الأكل يتم تجهيزه في مطبخ المستشفى والأطباء يحددون نظام الدايت للمريض ، حنا وش دورنا ك PCT ⁉️

بكل بساطة دورنا يكون مساعدة المريض في الأكل والشرب إذا كان عاجز ، وبعض المرضى ما يكون معهم أحد فيحسون بفقدان شهية loss of appetite يحتاجون أحد جنبهم وقت الأكل يفتح نفسهم و ما يحسون بالوحدة فيكون دورنا تشجيعهم على الأكل ونحاول نفتح شهيتهم ونسولف معهم شوي 👌🏻


🍽 بروسيجر المساعدة على الأكل جدا بسيطة وبديهية ، أهم شي لازم تعرف الحالة اللي تتعامل معها هل عنده صعوبة في البلع Dysphagia ولا لا عشان تحرص إنه ياكل بهدوء وانتبه تستعجله في الأكل وقفل أي شي يلفت انتباهه مثل التلفاز عشان يركز في الأكل ، والأخصائي دائما راح يوجهك لو فيه شي مهم فلا تشيل هم 👍🏻


🍽 ممكن تساعد حالات خاصة مثلا المريض أعمى كيف تساعده ؟ راح تحط الأكل بشكل عادي قدامه وتبدأ تقوله مكونات الطبق اللي قدامه وتعلمه لو فيه مشروب حار فتقدر تقول الصحن قدامك بالضبط والشاهي يمين الصحن ، وممكن تخليه يتخيل الوضع مثل الساعة فتقوله الصحن قدامك كأنه الساعة 12 والشاهي يمينك باتجاه الساعة 2 وزي كذا 👍🏻

ممكن تقدم أكل لمريض في غرفة العزل ، وهنا راح تلبس PPE حسب نوع العزل وتقدم الأكل وتساعده بشكل طبيعي


🍽 بعض المرضى يكونون NPO
يعني Nothing by mouth ، ممنوع ياكل او يشرب ، هذا الشي يصير قبل العمليات عشان لو تخدر المريض وبطنه فيه شي راح يستفرغ ويصير ارتجاع ممكن يؤدي للاختناق يسبب مشكله كبيرة في غرفة العمليات ، و ممكن المريض يكون NPO بعد بعض العمليات في الجهاز الهضمي
دورنا هنا ننتبه إن المريض يبقى NPO ونذكّر أهله أو المرافق اللي معاه انه ممنوع ياكل او يشرب حسب المده المحدده ، وممكن تبلل شوي ماء بمنديل وتمسح شفايف المريض هذا ما يضر حالة NPO 👍🏻


.

سوائل الجسم body fluids 🥤 ….


🥤الماء Water :
الماء غني عن التعريف وشي أساسي يحتاجه الجسم كل يوم ، الماء موجود حتى في الخضار والفواكه والأكل بشكل عام ، دائما يكون مع وجبة المريض ماء ولازم نشجعه إنه يشرب ماء باستمرار بما يتناسب مع حالته طبعا 👌🏻


🍹السوائل السميكة thick liquids :
إذا كان المريض عنده صعوبه في البلع حتى السوائل راح يبلعها بصعوبة وهنا يجي دور محاولة جعل السوائل أكثر سماكة وكثافة
طيب كيف نسوي كذا ؟
تخيل عندك كوب ماء وتضيف عليه عسل أو حليب تضيف عليه حلا معين مثل الشوكلاته ، هذي الإضافات تجعل السائل أكثر سماكه ويقدر يشربه المريض بسهوله
وطبعا ننتبه ما يكون مريض سكر عشان ما نجيب العيد 👌🏻


🥤توازن السوائل fluid balance :
وحده من مهام ال PCT هي قياس السوائل الداخله والخارجه في جسم المريض
intake & output
وبنخصص لها شرح خاص فيها
الفكرة إنه لازم السوائل اللي يشربها المريض تكون مساويه تقريبا للسوائل اللي تخرج من جسمه وبكذا نضمن عدم وجود مشكلة في جسمه

.

عدم توازن السوائل 🧃 …

إذا كان هناك فرق في معدل السوائل الداخلة والخارجة في جسم المريض نعرف إن فيه وحدة من مشكلتين


1️⃣ الجفاف Dehydration :
هو نقص في سوائل الجسم يكون إذا ما تناولنا ما يكفي من السوائل ، يعني السوائل اللي تخرج من الجسم أكثر من السوائل اللي تدخله

- أحيانا فيه حالات خاصة تؤدي للجفاف مثل القيء والإسهال وفقدان الدم الشديد والحمى كلها تؤدي إلى فقدان سوائل كثيرة في الجسم ويصير عندنا جفاف

- أحيانا المريض إذا عنده مشاكل في الحركة يكون تناول السوائل شي متعب له بسبب عدم قدرته على الحركة ممكن تكون السوئل بعيده عنه أو يكون شايل هم إنه يروح للحمام أو إذا كان عنده سلس بول يحاول يستغني عن السوائل ، هنا يجي دورنا ك PCT في إننا نخلي هذي السوائل قريبه منه ونشجعه يشرب باستمرار ونساعده إذا كان يحتاج مساعدة في الشرب أو الذهاب للحمام ونعلمه إننا دائما موجودين وقريبين عشان ما يشيل هم شي 👍🏻


🧃علامات وأعراض الجفاف :
Signs and symptoms of dehydration

يعتبر الجفاف حالة خطيرة تصيب الجسم فلازم نتعلم أعراضه ونلاحظها بسرعه :

- العطش thirst
- الارتباك Confusion
- الإمساك Constipation
- النعاس Drowsiness
- بشره جافه جدا Very dry skin
- شفايف متشققه chapped lips
- إذا ضغطت على منطقه في جسمه وشلت يدك راح تلاحظ إن لون الجلد ( الدم ) ياخذ وقت أطول عشان يرجع للونه الطبيعي وغالبا ما نختبر هذا الشي على إصبع المريض 👌🏻
- ارتفاع في درجة حرارة الجسم



2️⃣ الوذمة Edema :
هنا يصير عكس الجفاف احتباس للسوائل ، بحيث تكون السوائل الداخله للجسم أكثر من السوائل الخارجة
وبنلاحظ انتفاخ في جزء من الجسم بسبب إن السوائل ما تطلع بشكل تمام فتجمعت وسببت هذا الانتفاخ

- في مثل هذي الحالة يكون تناول السوائل محدد بكمية معينه بالضبط لأن الجسم ما يقدر يتخلص من السوائل بشكل طبيعي

- ضعف القلب أو أمراض الكلى أسباب أساسية للإصابة بهذا المرض

- تذكرون بروسيجر استخدام الضاغط ( المشد ) على قدم المريض ، يستخدم مع مثل هذي الحالات أحيانا 👍🏻

🧃 علامات وأعراض الوذمة :
signs and Symptoms of edema

انتفاخ جزء معين من الجسم غالبا ما يكون في منطقة الساق وبنشوف صورة توضح هذا الشي

إذا ضغطت منطقة الانتفاخ بتلاحظ المكان اللي ضغطته عباره عن حفره صغيره وبتاخذ وقت الى أن تعود طبيعية


.

الفرق بين قدم طبيعية وقدم مصابة بالوذمة

أهلا 👋🏻 …

بنتكلم عن السوائل الداخله والخارجه
Intake & Output أو I&o



- أول شي هل قياس السوائل شي أساسي نسويه على كل المرضى ⁉️
الجواب نعم ولكن في الوضع العادي راح يكون القياس بسيط وبدون تركيز كبير
وفي بعض الحالات الصحية راح يطلب الدكتور قياس دقيق للسوائل الداخله والخارجه فراح نركز أكثر في القياس


وش فايدة قياس السوائل ⁉️
توازن السوائل شي أساسي للجسم وحنا نحاول نمنع حالة الجفاف أو الوذمه قدر المستطاع ، وأحيانا القياسات يطلبها الدكتور للتشخيص فهي شيء جدا مهم 👌🏻

.