أهلا 👋🏻 …


صباحكم خير 🤍
بنستكمل شرحنا لموديول 4
وبنتكلم عن قياس الطول والوزن
الطول / Height
الوزن / Weight


- الطول والوزن لا تعتبر من العلامات الحيوية ولكن يتم أخذها مع العلامات الحيوية وقت الفحص الأولي للمريض

- طول الشخص أو قصره لا يعتبر مؤشر خطر للجسم ، بعكس الوزن اللي يلعب دور كبير في بعض الأمراض سواء الزيادة أو النقصان مثل المصابين بأمراض القلب

- الطول والوزن ناخذه مره وحده غالبا ، لكن بعض الأحيان وهذي حالات نادره يطلب الدكتور قياس وزن المريض بشكل يومي لمتابعة حالته بشكل دقيق

هذا هو الميزان المستخدم في كثير من المستشفيات نقدر نقيس فيه الطول والوزن

واسمه
Upright scale

نفس ميزان Upright scale ممكن يكون منه نسخه الكترونيه للقياس وله تصاميم كثيره حسب الشركه المصنعه

قياس الطول والوزن يعتبر إجراء سهل تتعلمه من أول تطبيق لكن أحب أنبّه على بعض الأمور :


- نتذكر دايما إن الأفضل يكون المريض حافي القدمين وقت القياس ، لكن إذا كان خلع الجزمه الله يكرمكم شي ياخذ وقت ممكن نقيس وهو لابسها


- قاعدة الميزان اللي هي المكان اللي يوقف عليه المريض من إجراءات النظافه ومكافحة العدوى نستخدم غطاء ورقي نحطه على القاعده وبمجرد ما نخلص نرميها ونسخدم غطاء جديد للمريض الثاني وهكذا 👍🏻


- دائما خلك حريص إن المريض يكون قادر على الوقوف للقياس وخليك واقف جنبه في حال جاته دوخه أو فقد توازنه لأي سبب تقدر تتصرف على طول

.

تساؤل ⁉️ …

لو كان المريض ما يقدر يوقف لأي سبب أو إذا كان منسدح على السرير و ما يقدر حتى يجلس واضطرينا نقيس وزنه

كيف نقيس الوزن ؟

.

الطريقة الأولى :

في بعض المستشفيات عندها هذا الميزان وهو يسمح بقياس الوزن لو كان المريض ما يقدر يوقف

لو شكينا بالرقم اللي طلع نقدر نرفع المريض ونقيس وزن الكرسي لحاله وبعدها المريض يرجع يجلس وبكذا أخذنا الوزن بشكل دقيق 👍🏻

اسمه / chair scale

هذا نوع ثاني من chair scale يكون جهاز الوزن مدمج بنفس الكرسي

لو كان المريض على السرير ما يقدر يتحرك نستخدم هذا الميزان وهو عباره عن أربطه ترفع المريض ولها قاعده قويه عشان تتحمل وزنه
واسمه sling scale

له أشكال وتصاميم كثيره لكن يهمك تعرف انه نقدر نقيس وزن المريض حتى وهو على السرير

ومع تطور التقنية صرنا نقدر نقيس الوزن بدون ما نستخدم الأربطه ونشيل المريض
وهو عبارة عن جهاز مدمج بنفس السرير نقدر ناخذ وزن المريض المنسدح بسهوله

اسمه bed scale


المشكله مو كل مستشفى فيه تقنية و وسائل حديثه فنضطر لاستخدام أساليب قديمه وأصعب أحيانا 😞

بندخل في موضوع ثاني
وهو توفير بيئة مريحة للمريض 👌🏻
وبنعرف الأدوات اللي راح نستخدمها لضمان راحته 👌🏻

.

راحة المريض جزء من الرعاية اللي نقدمها له بنعرف بعض النقاط مع بعض :


👌🏻 الخصوصية :

احترامك لخصوصية المريض يعني استئذانك قبل تدخل عليه ، استئذانك قبل ما تمارس عليه أي إجراء ، احترام خصوصية ممتلكاته ما نغير أماكن أغراضه بكيفنا
غرفة المريض هي مساحته الخاصة كأنها بيته تعامل مع الموضوع بهذا الشكل دائما


👌🏻العوامل الفيزيائية :

مثل الإضاءة ودرجة حرارة الغرفه والنظافة ، استخدم الشي اللي يبغاه المريض ويريحه طالما ما يضره ، فمثلا درجة حرارة الغرفه أو الإضاءه اضبطها على كيف المريض ماهو على كيفك لأن هو اللي راح يجلس فيها

أما بالنسبة للنظافة نحتاج نفصل أكثر :
نظافة غرفة المريض وسريره وملابسه هي مسؤولية كل موظف في المستشفى يتعامل مع هذا المريض ، لو شفت الغرفة ماهي نظيفه اطلب عامل نظافة ينظفها ، لو شفت غطاء السرير وصخ أو لبس المريض وصخ غيرها مباشره
وما ننسى البروسيجرز الخاصة بنظافته الشخصية أو تغيير حاوية البول والبراز ، لأن الروائح تسبب انزعاج للمريض قبل ما تسبب انزعاج لك ، فإذا كان فيه رائحة سيئه يعني في أحد ما قام بدوره تمام 😏


👌🏻الإزعاج :
بعض الممارسين ما تحلا لهم السوالف إلا عند غرفة المريض وهذا يسبب له ازعاج وشعور عدم راحه وبعض المرضى جدا خلوقين ومحترمين يستحي حتى يقول أزعجتوني
فالواحد يكون عنده شوي حياء ويحترم مكان المريض وما نزيد هم المرض بهم الإزعاج 👍🏻


بيئة مريحة / Comfortable environment
الخصوصية / Privacy
مساحة شخصية / personal space
عوامل فيزيائية / physical factors
النظافة / cleanliness
السيطرة على الروائح / Odor control
إزعاج أو ضوضاء / Noise

.

المعدات في غرفة المريض :

ما يحتاج اقول الدولاب نخزن فيه اغراض المريض والطاوله تستخدم للأكل والجرس عشان ينادينا والستاره للخصوصية اتوقع واضحه 👍🏻🤣

لكن العلم في السرير 🛏 :

سرير المريض العادي هو ممتاز لمريض إقامته قصيرة لكن مريض إقامة طويلة نحتاج نستخدم معه نوعين حسب منهجنا

🛏 النوع الأول Air-fluidized bed
هذا النوع يستخدم خرز السيراميك مع الهواء بحيث يعطي راحة للمريض

🛏 النوع الثاني Alternating pressure bed
نوع يستخدم الهواء فقط ويعطي راحه للمريض


الفكره هنا إن نفس مرتبة السرير تكون خاصه وهدفها تخفيف الصغظ المستمر على الجسم و نمنع حدوث تقرحات في جلد المريض


هذا ملف فيه صور المعدات في غرفة المريض 👇🏻

أهلا 👋🏻 …


دخلنا مرحلة البروسيجرز والتطبيق العملي ، وهذا الشي صعب ينشرح بشكل نظري

فقررت أشرح على شكل فيديو وأعلق عليه ان شاء الله يكون فيها فايده ، ومعليش أحس اني متوتر وأنا أشرح 😅


بنبدأ ببروسيجر
ترتيب السرير Bed making
👇🏻

بروسيجر ترتيب السرير النوع الأول 1️⃣🛏

بروسيجر ترتيب السرير النوع الثاني 2️⃣🛏

أدوات إضافية للسرير 🛏 …


حامل السرير Bed cradle

مثل ما تلاحظون في الصورة هذا الحامل الهدف منه يبعد أي غطاء في السرير والبطانية عن جسم المريض إما تجنبا للضغط على قدم المريض أو لتهوية الجسم

أدوات إضافية للسرير 🛏 …


لوح القدم Foot board

يستخدم لضمان استقامة القدم وما تكون مايله يمين أو يسار 👍🏻

أهلا 👋🏻 …


- حسب منهجنا هذا هو جدول العناية الشخصية بالمريض مقسم لأربعة أوقات في اليوم


- يختلف هذا الجدول حسب المستشفى اللي تعمل فيه


- بنبدأ نشرح بروسيجر العناية الشخصية بنظام الفيديو والتعليق عشان توصل الفكرة 👌🏻

بنتعلم أول شي
بروسيجر العناية بالفم 🦷 …


راح أرسل مقطعين للشرح وفيها كل المعلومات 👍🏻


معلومات ما ذكرتها في الشرح …

🦷 فرشاة الأسنان تكون خاصة بمريض واحد و ما نستخدمها لأكثر من مريض


🦷 من الحالات الخاصة اللي نفرش فيها أسنان المريض هي بعد ما يستفرغ الله يكرمكم عشان نضمن فمه يكون نظيف


🦷 بعض الناس مركبين طقم أسنان صناعي خصوصا كبار السن تنظيف هذا الطقم هو عباره عن بروسيجر فبعد ما نجهز كل شي نسحب طقم الأسنان من فم المريض ونحطه في الحوض ونروح للمغسله ونبدأ هناك نفرش طقم الأسنان بالفرشاة والمعجون ونستخدم غسول للفم بعد 👌🏻
هذا النوع نادرا نصادفه في المستشفيات لكن لازم يكون عندك فكرة على الأقل لأن منهجنا شرح هالشي


مقاطع العناية بالفم 👇🏻