بنفصل أكثر في نتيجة القياس :


لو قسنا ضغط دم لمريض وطلع 120/80

🩸الرقم اللي فوق ( 120 )
هو ضغط الدم الانقباضي
systolic pressure

🩸الرقم اللي تحت ( 80 )
ضغط الدم الانبساطي
diastolic pressure


🩸اذا حبينا نقول نتيجة القياس بالانقليزي
نقول
120 over 80

🩸وحدة قياس ضغظ الدم هي mm Hg
وش تعني هذي الوحده ؟
اختصار mm هو millimeters
وتعني مليمتر
وHG هو الرمز الكيميائي للزئبق
فيكون النطق في الأخير
millimeters of mercury

🩸الضغط مثل الحرارة في وجود عنصر الزئبق وقت القياس لأنهم لاحظو إنه يتأثر بالضغط فكان هو القياس المستخدم قبل الأجهزة الالكترونية 👍🏻

مصطلحات 📒 :
ارتفاع ضغط الدم hypertension
انخفاض ضغط الدم hypotension

.

ضغط الدم مثل باقي العلامات الحيوية يتأثر بالعمر والمشاعر وغيرها ومرض الضغظ يعتبر من الأمراض المزمنه عند الناس
لكن بنعرف بعض الأشياء اللي تأثر في ضغط الدم :


🩸أسلوب الحياة :
قّلة ممارسة الرياضه والأكل السيء وارتفاع الوزن لها دور بالإصابة بمرض الضغط

🩸العادات السيئة :
التدخين والمخدرات أو كثرة تناول المنبهات مثل القهوة تسبب في ارتفاع ضغط الدم

🩸 أمراض الكلى :
فيه قاعدة تقول إن مريض الكلى غالبا يكون مريض ضغط ، طيب ليش ؟
سبحان الله الكلى في الجسم لها دور ثاني غير تصفية الدم وهي ضبط نسبة ضغط الدم في الجسم فأي مشكلة في الكلى تؤثر على طبيعة ضغط الدم

🩸الوراثه :
ضغط الدم يعتبر من الأمراض الوراثية اللي تنتقل من الآباء للأبناء

.

أشياء حاول تسويها وقت قياس الضغط✅:

🩸حاول تخلي المريض يرتاح إذا كان توه واصل المستشفى عشان تاخذ قياسات دقيقة

🩸اسأل المريض هل هو مريض ضغط أو في أحد من أهله مريض ضغظ

🩸حاول تقيس الضغط على الجلد مباشره لو فيه إمكانية المريض يرفع ملابسه يكون أفضل ولو ما يقدر خليه على راحته وقيس من فوق الملابس 👍🏻

🩸لمّ يكون المريض جالس احرص انه يكون جالس بشكل طبيعي ورجله مستويه على الأرض ما يكون حاط رجل على رجل يعني

🩸احرص دائما إنك تقيس الضغط من اليد اليسرى لأنها أقرب للقلب وحاول تكون اليد على مستوى القلب ما تكون مرتفعه أو نازله ، لو يد المريض اليسرى فيها مشكله خذ القياس من مكان ثاني



أشياء انتبه تسويها وقت قياس الضغط ❌ :

🩸لا تقيس الضغط في مكان فيه مشكله عند المريض مثلا يده مكسوره أو فيها مرض معين أو كان عليها ضاغط ( مشد )

🩸اذا كان المريض اللي بتاخذله الضغط مريض كلى اسأله هل عندك توصيلة وريدية خاصة بغسيل الكلى في يدك انتبه تقيس الضغط في مكان التوصيله لأنك راح تسبب له ألم أو مضاعفات لا قدر الله

🩸لا تقيس الضغط لمريض وضعية جلوسه غلط مثلا ماهو قاعد زين او مشبك رجوله او حاط رجل على رجل هذا الشي يعطي نتايج غلط

🩸لا تقيس الضغط في نفس اليد اللي فيها محلول ( مغذّي ) لأنها ابره داخل الوريد لم تضغط المنطقه وقت القياس ممكن تسسب ألم للمريض

.

🩸معدّل الضغط الطبيعي عند الإنسان البالغ يكون 120/80


🩸بالنسبة للأطفال من الولادة إلى خمس سنوات يكون الضغط عندهم أقل تقريبا المعدل الطبيعي يكون 90/60

🩸ضغدم الدم له أجهزة قياس بنعرفها مع بعض بالصور ، بشكل عام اسم الجهاز نقدر نقول
blood pressure monitor

لكن الاسم الأدق والأصح هو
Sphygmomanometer
سفيقمو مونا ميتر

.

جهاز قياس الضغط الالكتروني
digital blood pressure monitor
أو
digtal Sphygmomanometer

يكون جهاز مستقل أو مدمج في جهاز الفايتل ساين

مقياس ضغط دم يدوي ( غير سائلي )
غير سائلي يعني مافيه زئبق

Aneriod Sphygmomanometer

يحتاج سماعه طبيه للقياس 🩺

جهاز قياس ضغط الدم الزئبقي
Mercury Sphygmomanometer

يحتاج سماعة طبية للقياس 🩺

هذي أماكن قياس ضغط الدم سواء بالجهة اليمنى أو اليسرى من الجسم

لازم نبلغ الأخصائي بمكان القياس لو كان غريب مثلا لو اضطريت أقيس مع رجله اقول للأخصائي ترى خذيت القياس عن طريق رجله 👍🏻

أسماء أجزاء جهاز قياس الضغط

هذي ال Cuff اللي نلفها على يد المريض لقياس الضغط تجي بمقاسات مختلفه حسب العمر أو حسب وزن المريض
استعمل الحجم المناسب دايما 👍🏻

بكذا نكون انتهينا من شرح العلامات الحيوية
ان شاء الله اني توفقت بالشرح وقدمته لكم بأبسط صورة 🙏🏻🤍

قريب برتب الصور اللي تهمكم في ملف عشان يكون مرجع لكم باذن الله

لا تكتفون بالشرح النظري حاولو تطبقون عملي عشان تفهمون أكثر

بالتوفيق لكم 🤍

أهلا 👋🏻 …


أعتذر منكم هالفترة على تأخر الردود وتوقف الشرح جدا مشغول هالفترة 🙏🏻

قلت أحط لكم اختبارات المراكز الحين دام كثير منكم يسألون عنها ، و كالعادة هذا كل اللي وصلني ما راح أخبي شي والله 👍🏻🤣


هنا اختبارات المراكز الخاصة بموديول 4 👇🏻

أهلا 👋🏻 …


صباحكم خير 🤍
بنستكمل شرحنا لموديول 4
وبنتكلم عن قياس الطول والوزن
الطول / Height
الوزن / Weight


- الطول والوزن لا تعتبر من العلامات الحيوية ولكن يتم أخذها مع العلامات الحيوية وقت الفحص الأولي للمريض

- طول الشخص أو قصره لا يعتبر مؤشر خطر للجسم ، بعكس الوزن اللي يلعب دور كبير في بعض الأمراض سواء الزيادة أو النقصان مثل المصابين بأمراض القلب

- الطول والوزن ناخذه مره وحده غالبا ، لكن بعض الأحيان وهذي حالات نادره يطلب الدكتور قياس وزن المريض بشكل يومي لمتابعة حالته بشكل دقيق