أماكن قياس درجة الحرارة 🌡 …


🌡 الفم ORAL / mouth

🌡 الأذن Tympanic / ear

🌡 الإبط Axillary / armpit

🌡 المستقيم Rectal / Rectum

🌡القياس بالأشعة مثل اللي يكون على مدخل المولات والأسواق يسمى Forehead
طبعا يعتبر طريقة غير دقيقة


- المعدل الطبيعي يختلف حسب مكان القياس وأيضا حسب العمر

- الفم والأذن سهل القياس منها وتعطينا قياسات دقيقة عشان كذا نستخدمها دايما

- الإبط يحتاج بروسيجر ثاني للقياس وهو تنظيف المنطقه قبل القياس عشان نتخلص من الرطوبة فتعتبر طريقة تاخذ وقت

- المستقيم ( فتحة الشرج ) تعتبر طريقة صعبه ومتعبه وتسبب إحراج للشخص فأغلب الأحيان نستخدمها للأطفال لكن ما ننسى إن طريقة قياس الحرارة عن طريق المستقيم هي أكثر طريقة دقيقة 👍🏻


بقولكم نصيحة 😁 :

صعب تحفظ المعدلات الطبيعية حسب المكان والعمر وما تنساها ، ممكن تحفظها وقت اختبارك وتحل كويس لكن مردك تنساها
الحل هو انك تحفظ المعدل الطبيعي للإنسان البالغ وتحتفظ بصورة فيها باقي القياسات بجوالك عشان ترجع لها وقت الضرورة أبدا ماهو عيب 👍🏻😁

صورة تعطينا معدلات درجة الحرارة الطبيعية حسب العمر ومكان القياس 🌡

أجهزة قياس الحرارة 🌡 …


نقدر نقسمها ثلاث أقسام :


🌡 النوع الأول Glass thermometer :
هذا الثيرموميتر عباره عن أنبوب زجاجي يحتوي على الزئبق ويحتاج وقت عشان يعطينا نتيجة ويستخدم لكل الأماكن باستثناء الأذن
و له نوعين :
🟢🔵 الأزرق أو الأخضر يستخدم للفم والابط
🔴الأحمر ويستخدم للمستقيم

وممكن تختلف الألوان حسب الشركة المصنعه لكن في الغالب تكون كذا


🌡 النوع الثاني :
Elctronic thermometer
وهو يشمل أي ثرموميتر الكتروني ، يعتبر الأكثر استخدام بسبب القراءه السريعه له ويستخدم لكل الأماكن باستثناء الأذن


🌡النوع الثالث :
Tympanic thermometer
وهو مخصص لقياس الحرارة عن طريق الأذن ، ويكون مميز بوجود أغطية توضع على رأس الجهاز وتستخدم لمريض واحد بعدين نرميها

Glass thermometer

هذي كلها تعتبر أجهز قياس حرارة الكتروية
طالما ان الجهاز الكتروني وما يستخدم للأذن نقدر نسميه Elctronic thermometer

له أنواع مره كثير
وبعضها يكون مخصص للفم أو المستقيم وتكون مميزة بألوان بعد 👍🏻

Tympanic thermometer
أي جهاز يكون له رأس مثل اللي في الصورة نعرف إنه مخصص للأذن

يجي مع هذا الجهاز علبه فيها أغطية نحطها على راس الجهاز ونستخدمها لمريض واحد بعدين نرميها تجنبا لأي عدوى
هذي الأغطية تسمى Probe cover

.

نختم موضوع الحرارة بهذي المعلومات 🌡


🌡 لو كنا نستخدم ثيرموميتر زجاجي عادي نتأكد ان الأنبوب ماهو مكسور أو فيه تسريب ، ونهز الأنبوب بيدنا عشان نتأكد إن الزئبق فيه تمام

🌡 لو كنا نستخدم شي الكتروني نتأكد ان الجهاز مشحون تمام او بطارية الجهاز تمام

🌡 بعض الأجهزة الحديثة مره حلوة فيها تقسيم حسب العمر فمثلا لو عندنا طفل نحدد بالجهاز طفل وراح نقيس الحرارة ويعلمنا باللون لو طبيعية او لا ولو جانا كبير سن نفس الشي نحط كبير سن ونقيس ، صراحة ريحونا 👍🏻😁


لا تنسون تطبقون عملي وتشوفون مقاطع لأن الكلام ما يفيدكم كثر التطبيق

هذا كل شي يخص الحرارة 🙏🏻

أهلا 👋🏻 …


بنتعلم ثاني علامة حيوية في جسم الإنسان وهي معدل نبضات القلب PULSE RATE


🫀 ضخ القلب للدم عبار عن عملية انقباض وانبساط للقلب ولمّ نحاول نسمع هذي العملية صوتها يكون كذا ( لاب دوب ) تقريبا كذا 🤣
الانقباض والانبساط هو عبارة عن نبضه وحده


🫀 هدفنا هو قياس نبضات قلب المريض في الدقيقة

.

🫀هذي هي أماكن قياس النبض في جسم الإنسان نقدر نقيسها باستخدام اليد ونحسب لمدة دقيقة ، أكثر مكان يتم القياس منه هو Radial pulse

🫀 ممكن نقيس النبضات باستخدام السماعة الطبية على الصدر قريب من القلب ونسمع نبضات القلب وهذا المكان يسمى Apical pulse

🫀طبعا القياس يكون بأي اصبع تبي لكن ما نستخدم الابهام في القياس لأن الابهام فيه نبض أساسا فراح نلخبط بين نبض يدنا ويد المريض

وقت قياس النبض يهمنا نعرف ثلاث أشياء مهمة🫀…


🫀 الأول هو Pulse rate :
ويعني معدل نبضات القلب في الدقيقة


🫀 الثاني هو Pulse rhythm :
ويعني الانتظام ، لو حسينا بنبض القلب بطيء ومتأخر أو سريع بشكل مبالغ فيه فنعتبر النبضات غير منتظمه

🫀الثالث Pulse force :
ويعني قوة النبض ، لمّ نحس بنبض المريض بسهولة و بدون صعوبة فنعتبر النبض قوي
ولمّ نحاول ندور النبض ونعاني بصعوبة حتى نلقاه فنعتبر النبض ضعيف


مصطحات 📒 …

ارتفاع نبضات القلب tachycardia
انخفاض نبضات القلب bradycardia
نبض منتظم regular pulse
نبض غير منتظم irregular pulse
نبض قوي strong pulse
نبض ضعيف weak pulse


🔴 ملاحظة …

دائما لمّ تقيس النبض ركز في هذي الثلاث أشياء لا تفكر بالعدد بس فكر بقوة وانتظام النبض بعد 👍🏻

.

هذا جهاز قياس نبضات القلب ممكن يكون مستقل لحاله أو ممكن يكون مدمج في جهاز الفايتل ساين ، نحطه في إصبع المريض ويعطينا نتيجه سريعة 👍🏻

معدل نبضات القلب الطبيعي عند الإنسان البالغ يكون بين
60 - 100 bpm

وش يعنيbpm ؟ 🤔
اختصار beats per minute وتعني نبضه في الدقيقة


🔴 معلومات حلو تعرفها …

ارتفاع نبضات القلب وانخفاضها يرجع لأسباب كثيرة ممكن مرض او بذل مجهود او مشاعر معينه ، لكن فيه سببين مهم جدا انك تعرفها

🫀 الأول :
ممكن ترتفع نبضات القلب بسبب وجود نزيف في الجسم فالقلب يحاول يعوض الدم المفقود بزيادة النبضات هذا شي جدا مهم تعرفه وممكن ينقذ أرواح 👍🏻

🫀الثاني :
ارتفاع نبضات القلب يعطينا احتمال ان المريض قاعد يتألم بشكل كبير أحيانا ما يتكلم المريض ممكن وقتها نبلغ الأخصائي عشان يعطيه مسكّن للألم 👍🏻

.

أهلا 👋🏻 …

بنتعلم اليوم ثالث علامة حيوية في جسم الإنسان وهي التنفس Respiraions 🌬


🌬 التنفس بكل بساطة هو عملية تبادل غازات بحيث يدخل الاوكسجين ويخرج ثاني اوكسيد الكربون

وقت القياس لازم نلاحظ ثلاث أشياء …


🌬 معدل التنفس Rspiratory rate :

الكتب الطبية تختلف في تحديد معدل طبيعي ثابت لكن حسب منهجنا بين 15-20 تنفس في الدقيقة ، ونكتب بعد الرقم bpm وتعني breath per minute


🌬 انتظام التنفسRispiratory rhythm:

نفس فكرة النبض نحاول نركز على انتظام عملية التنفس وهل المريض يتنفس بشكل طبيعي او سريع او بطيء


🌬 عمق النفس Rispiratory depth :

العمق هو انك تاخذ نفس بشكل طبيعي بدون ما يكون عميق بزيادة كأنك مكتوم او سريع بزيادة كأنك باذل مجهود

ما ننسى إن التنفس مثل باقي العلامات الحيوية يتأثر بالعمر والحالة النفسية والمجهود 👍🏻


🔴 معلومات حلو تعرفها :

- التنفس عند الأطفال دائما يكون أسرع من البالغين وطالما سريع يعني يرتفع المعدل الطبيعي لتنفسهم وممكن يوصل إلى 40 مره في الدقيقة وهذا طبيعي بناء على عمرهم


- الشهيق والزفير يحسب عملية تنفس واحدة يعني شهيق + زفير نحسب واحد وزي كذا 👍🏻


- وقت قياس التنفس نخلي عيننا على منطقة صدر المريض عشان نلاحظ عملية التنفس بشكل دقيق


- لو حبينا نقيس التنفس ما نقول للمريض لو سمحت بنقيس تنفسك ، هذا الشي ممكن يوتره ويبدأ يركز في أنفاسه أو يحاول يضبطها فنطلع بنتايج غلط ، الفكرة وحنا نقيس باقي العلامات نحسب معدل التنفس بدون ما نقول للمريض 👍🏻

- لو ملاحظة صدر المريض صعبه ممكن نطلب منه يحط يده على صدره عشان نلاحظ عملية التنفس بشكل أفضل

.

لازم تستوعب ☝🏻 :

- هذا الجهاز اللي نحطه في اصبع المريض يقيس النبض وشي اسمه SpO2 وهو اختصار
saturation of peripheral oxygen
ويعني تشبّع الدم بالاوكسجين
هذا الشي يختلف عن قياس عملية التنفس بالنظر يعني معدل التنفس شي و SpO2 شي ثاني 👍🏻

- نسبة ال SpO2 راح تطلع بالنسبة المئوية
والمعدل الطبيعي لها يكون بين 95%-100%


- معدل التنفس يكون اختصاره RR وتعني
Respiratory Rate


مصطلحات 📒
:
سرعة التنفس tachypnea
تنفس بطيء bradypnea
كتمه / صعوبة التنفس dyspnea

.

أهلا 👋🏻 …

اليوم بنتعلم رابع وآخر علامة حيوية في جسم الإنسان وهي
🩸ضغط الدم Blood pressure🩸


🩸الدم ينتقل عبر الأوعية الدموية بقوة الضغط حنا هدفنا نقيس هذا الضغط ونتأكد إنه في المعدل الطبيعي

القلب مسؤول عن ضخ الدم في الجسم ويمر بعمليتين أحب أشرحها فويس للتوضيح 👍🏻

بنفصل أكثر في نتيجة القياس :


لو قسنا ضغط دم لمريض وطلع 120/80

🩸الرقم اللي فوق ( 120 )
هو ضغط الدم الانقباضي
systolic pressure

🩸الرقم اللي تحت ( 80 )
ضغط الدم الانبساطي
diastolic pressure


🩸اذا حبينا نقول نتيجة القياس بالانقليزي
نقول
120 over 80

🩸وحدة قياس ضغظ الدم هي mm Hg
وش تعني هذي الوحده ؟
اختصار mm هو millimeters
وتعني مليمتر
وHG هو الرمز الكيميائي للزئبق
فيكون النطق في الأخير
millimeters of mercury

🩸الضغط مثل الحرارة في وجود عنصر الزئبق وقت القياس لأنهم لاحظو إنه يتأثر بالضغط فكان هو القياس المستخدم قبل الأجهزة الالكترونية 👍🏻

مصطلحات 📒 :
ارتفاع ضغط الدم hypertension
انخفاض ضغط الدم hypotension

.

ضغط الدم مثل باقي العلامات الحيوية يتأثر بالعمر والمشاعر وغيرها ومرض الضغظ يعتبر من الأمراض المزمنه عند الناس
لكن بنعرف بعض الأشياء اللي تأثر في ضغط الدم :


🩸أسلوب الحياة :
قّلة ممارسة الرياضه والأكل السيء وارتفاع الوزن لها دور بالإصابة بمرض الضغط

🩸العادات السيئة :
التدخين والمخدرات أو كثرة تناول المنبهات مثل القهوة تسبب في ارتفاع ضغط الدم

🩸 أمراض الكلى :
فيه قاعدة تقول إن مريض الكلى غالبا يكون مريض ضغط ، طيب ليش ؟
سبحان الله الكلى في الجسم لها دور ثاني غير تصفية الدم وهي ضبط نسبة ضغط الدم في الجسم فأي مشكلة في الكلى تؤثر على طبيعة ضغط الدم

🩸الوراثه :
ضغط الدم يعتبر من الأمراض الوراثية اللي تنتقل من الآباء للأبناء

.