نبدأ بالقسم الأول …


خلونا نعرف الأهداف العالمية لسلامة المريض

.

.
International Patient Safety goals
واختصارها ( IPSG )
وهي أهداف عالمية لسلامة المريض
وعبارة عن ٦ أهداف راح نعرفها بالتفصيل


1️⃣ الهدف الأول ( IPSG 1 )

التعرف على المريض بشكل صحيح
identify patient correctly

- هذي القاعده هدفها إنه لازم نتعرف على المريض على الأقل بطريقتين ( اسم ثلاثي - رقم طبي )
عشان ما تصير لخبطه بين المرضى لأن الخطة العلاجية تختلف من مريض لمريض

❌ مثل ما نبهنا سابقا لا تستعمل أرقام الغرف كوسيلة للتعرف على المريض
✅بعد ما تعرف اسمه الثلاثي ورقمه الطبي وقتها ما يمنع تستخدم رقم الغرفه للتوضيح

متى لازم نتعرف على المريض ⁉️
دائما وأبدا لازم نتعرف على المريض قبل أي إجراء نسويه لازم نعرف إنه هذا فعلا المريض اللي حنا نبغاه


2️⃣ الهدف الثاني ( IPSG 2 )

تحسين التواصل
improve effective communication

يقصد فيه التواصل بين أعضاء الكادر الطبي بخصوص مريض معين لأن كثير من الأخطاء الطبية تحدث بسبب إهمال إيصال معلومة مهمة تخص مريض معين لزملاء الفريق الطبي

أيضاء تسليم المعلومات في نهاية الشفت للي راح يستلم بعدك جدا ضرورية عشام ما تصير لخبطة وهذي تسمى
hand over communication

وأيضا شرحنا قبل خطة التواصل ISBAR بين أعضاء الفريق لو حاب ترجع لها اضغط هنا



3️⃣ الهدف الثالث ( IPSG 3 )

السلامة من الأدوية الخطيرة
improve the safety of high alert
medication

يهمك هنا تعرف إنه فيه أنواع من الأدوية لازم تؤخذ بوصفة طبية وجرعات معينه ، لو أخذتها بكيفك ممكن تسبب لك مضاعفات خطيرة عشان كذا صنفنا هذي الأدوية كأدوية خطيرة

دورنا ك PCT في هذي النقطة يكون الترجمة للمريض أحيانا اللي يواجه صعوبة في التعرف على الأدوية ونعلمه إنه هذا دواء يسبب أضرار لو ما مشيت عليه حسب الوصفه المكتوبه لك

أيضا يهمك تعرف إن الأدوية الخطيرة لها مكان خاص في رفوف الصيدلية وعليها علامة تميزها كأدوية خطيرة

أيضا فيه قاعدة اسمها LASA
وهي اختصار Look alike sound alike
يعني دوائين ممكن يتشابهون في طريقة الكتابة أو في النطق لكن لكل واحد منهم غرض معين

على سبيل المثال :
دوبامين ( يستخدم غالبا لانخفاض ضغط الدم الحاد )
دوبوتامين ( يستخدم لقصور القلب وضعف ضخ الدم )

الدوائين يتشابهون كثيرا في النطق والكتابة فقاعدة LASA خلتنا نصنف الأدوية المتشابهة عشان ما نجيب العيد 👍🏻😁


4️⃣ الهدف الرابع ( IPSG 4 )

ضمان المكان الصحيح ، والإجراء الصحيح ، والعملية الصحيحة للمريض
ensure correct site , correct procedure
correct patient surgery

يعني لو جانا مريض عنده عملية في ركبته اليمنى
لازم نعرف ان العملية في الركبة اليمين ويجي الجرّاح بنفسه يحط علامه على الركبة اليمنى عشان كل الفريق الطبي يعرف
ويتحدد هذا الشي في ملفه بالتفصيل
وأهم شي المريض بنفسه يعرف ان عمليته في الركبه اليمنى 🤣
وبكذا نمنع أي خطأ طبي يصير 👍🏻


5️⃣ الهدف الخامس ( IPSG 5 )

تقليل مخاطر العدوى في الرعاية الصحية
reduce the risk of Healthcare
associated infections

طبعا مكافحة العدوى لها قسم خاص في هذا المنهج فراح نتكلم بتفصيل أكثر في هذاك القسم
لكن مبدئيا يهمك تعرف هنا انه حرصك على مكافحة العدوى بكل صورها تمنع أي حالة إصابة أو مضاعفات للمريض داخل المستشفى بإذن الله


6️⃣ الهدف السادس ( IPSG 6 )

تقليل مخاطر سقوط المريض
reduce the risk of patient harm
resulting from falls

المريض المعرض لخطر السقوط لازم يميز بعلامه معينه عشان الكل يعرف ان هذا المريض ممكن يطيح لأي سبب ممكن كبر سن أو بسبب تأثير البنج أو بسبب إصابة معينة عنده
عشان نحرص عليه أكثر ونكون منتبهين 👍🏻

.

صورة تجمع الأهداف السته بشكل بسيط

لو حاب تزيد معلوماتك في الأدوية عالية الخطورة بحط ملف فيه معلومات حلوة
مب مهمة في منهجنا ك PCT
لكن زيادة معرفه وعشان تهايط على اللي معك وتسوي فاهم 👍🏻🤣

تساؤل ⁉️

حنا دايما نشوف قواعد عالمية للاحتراف
وقواعد عالمية للتواصل الفعال
وأهداف عالمية للسلامة
وأشياء كثير زي كذا

ما سألت نفسك من اللي يحط هذي القواعد؟

بشرح فويسات بعض الأشياء المهمة لازم تكون عندك فكرة عنها 👍🏻😁

نكتفي اليوم كذا

ونكمل بكره بإذن الله 👍🏻😁

أهلا بالحلوين 👋🏻 …


بنستكمل شرحنا في موديول ٣
واليوم بنخصصه في الحديث عن مكافحة العدوى وراح نبدع ونتألق في الشرح 👍🏻😁

هذا جزء جدا مهم ويعتبر في صميم عملنا ك PCT فأعطوه حقه من المذاكره قد ما تقدرون 🤍


يالله نبدأ 🏃🏻‍♂️

.

بداية …

لازم تعرف جسمنا كيف يقاوم العدوى والجهاز المسؤول عن المقاومة ومسببات الأمراض
فلو نسيت هذي المعلومات أحب أقولك ارجع ذاكر و يكفي إهمال😡

امزح 😁 طبيعي تنسى وكل اللي عليك تذّكر نفسك بس و تضغط هنا



مكافحة العدوى 🦠 …


هي طريقة لمنع الإصابة بالمايكروبات المسببة للأمراض


كيف تتم العدوى 🦠⁉️ …

فيه دورة أو سلسلة من الأحداث لازم تصير عشان تتم حالة العدوى
خلونا نعرف هذي السلسلة 🔄 مع بعض 👇🏻

.

دورة العدوى 🦠🔄 …


مسببات الأمراض موجودة بشكل طبيعي في الحياة من فيروسات أو بكتيريا أو فطريات أو طفيليات هذي المسببات لمّ تتواجد في جسم كائن حي سواء كان إنسان أو حيوان ، أو لمّ تتواجد على سطح شي معين مثل طاولة أو مقبض باب كذا تكون بدأت هذي السلسلة


1- الخزّان Reservoir 👦🏻

ممكن يكون كائن حي ، وممكن يكون على سطح شي معين مثل الطاولة وممكن في الماء أو الهواء



2- بوّابة الخروج Portal of exit 🚪⬆️

مسبب المرض بعد ما أعدى الخزّان يحاول يدور طريقة للخروج عشان ينتشر و يعدي كائن ثاني
ممكن يهرب لم نعطس أو نكح أو لم نتلامس مع شخص ثاني ونصافحه وممكن عن طريق سوائل الجسم كلها أو الفضلات



3- طريقة الإنتشار mode of transmission 💦

لمّ نعطس اللعاب المتطاير في الهواء هو إحدى طرق الانتشار للمايكروبات والإنتشار عن طريق السوائل ممكن يكون لعاب أو دم أو سوائل الجسم بشكل عام

وممكن ينتقل عن طريق الهواء الخارج من الرئتين لم نتنفس أو نكح

وومكن ينتقل عن طريق التلامس والاحتكاك المباشر



4- بوّابة الدخول Portal of entry 🚪⬇️

بعد ما يجد مسبب المرض كائن حي آخر يحاول يدخل عن طريق الفم أو العين أو الجروح المفتوحة



5- المضيف الحسّاس susceptible host 👦🏻🦠

هو كائن حي مناعته ضعيفة لسبب ما وهو هدف المايكروب من بداية هذي السلسلة ولم يدخل المايكروب فيه يحاول مع الوقت يجعله خزّان وعائل له وتستمر الدورة والسلسة من جديد




هذي تسمى دورة العدوى 🦠🔄
The Chain of Infection

.

عرفنا كيف تتم دورة العدوى 🦠


فالحين نبي نكافح هذي العدوى ونكسر السلسلة حقتهم 🔨🦠
عشان نعيش بصحة وبخير 👍🏻



فيه طرق كثير لمكافحة العدوى بناخذها حبه حبه 👇🏻

.

أول طريقة للمكافحة 1️⃣🔨🦠 …


تعقيم اليدين 🙌🏻

وهذي تسمى
hand hygiene أو hand rub

في يومنا فيه كثير أشياء نلمسها بأيدينا وهذا يجعل أيدينا ملوّثه فتعقيم اليدين باستخدام الكحول يقتل هذي المايكروبات وينهي طموحاتهم في إكمال السلسلة 👍🏻🤣

مصطلح ( ABHR )
هو اختصار Alcohol based hand rub
ويعني فرك اليدين باستخدام الكحول



متى نعقم اليدين 🙌🏻⁉️

قبل وبعد أي بروسيجر لازم نعقم



فيه قاعدة مهمة اسمها خمس مواقف لتعقيم اليدين 🙌🏻
five key moments in hand hygiene

وهي كالتالي :

1- قبل ما نلمس المريض
2- قبل ما نسوي أي بروسيجر
3- بعد ما نلمس المريض
4- بعد ما نخلص من البروسيجر
5- بعد ما نلمس شي في بيئة المريض ( يعني الطاولة حقته أو المخدة وغيرها )


هل فيه أشياء تخلي التعقيم ما يتم بشكل صحيح 🦠⁉️

الجواب ايه مثل :

- الجواهر اللي نلبسها في أيدينا مثل الخاتم أو السوار لازم نشيلها اذا بغينا نعقم

- الأظافر الطويلة أو الأظافر الصناعية تعتبر مستودع للمايكروبات تؤثر على عملية التعقيم الفعال

- طلاء الأظافر إذا كان قديم مر عليه أكثر من أربع أيام يعتبر عائق لعملية التعقيم الصحيحة

- أيضا تشققات الجلد



هل كل المايكروبات تموت اذا عقمنا باستخدام الكحول ⁉️

طبعا لا ولكن غالبية المايكروبات تموت بالتعقيم عشان كذا التعقيم أهم شي في مكافحة العدوى


مايكروبات ما تروح بالتعقيم :

Clostridium difficile
Bacillus anthracis
هذي نوعين من البكتيريا تسبب إسهال حاد جدا ومضاعفات أخرى ممكن تؤدي إلى الوفاة

Norovirus
مجموعة من الفيروسات تسبب أيضا إسهال حاد وغثيان وألم شديد بالمعدة

هذي المايكروبات ما نقدر نقتلها بالتعقيم ❌
نقتلها إذا غسلنا بالماء والصابون ✅



عرفنا كل شي عن التعقيم
فالسؤال هو كم المدة اللي نعقم فيها أيدينا ⁉️

من 20 إلى 30 ثانية ⏱

الخمس مواقف اللي نعقم فيها 🙌🏻5️⃣

ثاني طريقة للمكافحة 2️⃣🔨🦠 …


غسل اليدين بالماء والصابون
وتسمى hand wash


متى أعرف إني لازم أغسل يدي ⁉️

- لم تكون فيه وصاخة في يدي أشوفها بعيني وقتها لازم أغسل يدي بماء وصابون وأيضا هذا يشمل الدم إذا جاء عن طريق الخطأ على يدك

- قبل وبعد الأكل

- بعد استخدام دورة المياه

- بعد فترة طويلة من مسك أشياء كثيرة مثلا نهاية الدوام


كم مدة غسل اليد بالماء والصابون ⁉️

من 40 إلى 60 ثانية ⏱

ثالث طريقة للمكافحة 3️⃣🔨🦠 …


ارتداء معدات الوقاية الشخصية
وتسمى personal protective equipment
واختصارها ( PPE )


وهي عبارة عن :

- القفازات 🧤
- الكمّامه 😷
- الثوب 🥼
- قناع الوجه 👩🏻‍🚀
- النظارات 🥽


ال PPE هي أشياء نلبسها عشان نمنع حالة العدوى تصيبنا أو نمنع انتقالها بين المرضى



- القفازات 🧤 gloves
هي شي أساسي نستخدمه في كل وقت ولمرة واحدة فقط لكل مريض ونرميها

وهي نوعين :

- قفازات غير معقمة non sterile gloves
وهي القفازات العادية اللي نستخدمها دايما

- قفازات معقمة sterile gloves
تستخدم وقت العمليات غالبا


- الكمّامه 😷 mask
كلنا نعرفها ولازم حنا كممارسين صحيين على طول نكون لابسينها ، ما يمنع نستخدمها لأكثر من مريض لكن يفضل نغيرها باستمرار وما نخليها معنا طول اليوم

وهي أيضا نوعين :

- كمامات عادية اللي نعرفها ، هذا النوع ما يمنع كل المايكروبات

- كمام N95 وهذا يكون شكله دائري يمنع كمية أكبر من المايكروبات وكان يستخدم في التعامل مع حالات كورونا


- الثوب 🥼 Gown

نلبسه فوق ملابسنا عشان نمنع التلامس مع المريض أو تطاير سوائل على ملابسنا عشان ما نكون مصدر عدوى لغيرنا


- قناع الوجه أو درع الوجه 👩🏻‍🚀 face shield

يستخدم لمنع الأشياء المتطايره انها تجي على الوجه يستخدم في بعض العمليات وأكثر من يستخدمونه هم أطباء الأسنان


- النظارات الواقية 🥽
تسمى goggles أو protective eyewear

بما إن العين مدخل للعدوى فبعضهم يكتفي بارتداء النظارات بدون ما يلبس درع الوجه


وهذي هي ال PPE 👍🏻😁

خلونا نتعلم طريقة لبس وخلع الـ PPE

ترتيب اللبس DONNING ارفع يدينك فوق واللبس يكون من أسفل لأعلى :

1- Gown 🥼
2- Mask 😷
3- Protective eyewear 🥽
4- Gloves 🧤


ترتيب الخلع DOFFING يكون من أعلى لأسفل :

1- Gloves 🧤
2- Protective eyewear 🥽
3- Gown 🥼
4- Mask 😷



🛑 لازم نتذكر :

- قبل ما نلبس لازم نعقم اليدين

- بعد ما نخلع لازم نعقم اليدين

- ال PPE نلبسها قبل ندخل على المريض

- ال PPE نخلعها وحنا في غرفة المريض باسثناء الكمامه نشيلها اذا طلعنا برا الغرفه

- الكمامه لم نستخدمها مع مريض عنده مرض معدي لازم نغيرها أما لو كان المريض ما عنده مرض معدي ما يمنع نخليها لفترة بسيطة بس ماهو اليوم كله 👍🏻😁

- لو افترضنا انه في زائر لهذا المريض اللي عنده مرض معدي ، لازم الزائر يلبس PPE مثلنا عشان نسمح له يدخل عليه

- لم ننقل مريض اما لقسم أشعة أو عملية لازم يكون لابس كمامه حتى لو ما عنده مرض معدي 👍🏻

.