طيب يا حلوين …


حاليا هذا كل اللي عندي و وصلني يخص موديول 2 بذكركم بأشياء مهمه :

- الأسئلة لازم تتأكد من حلها لأني فقط رتبتها ما تأكدت من الحلول ❌

- لو عندي شي ما راح أخبيه فما في داعي تسأل عن مركزك 👍🏻🤣


- هذي الأسئلة توصلني من بعض المتدربين مثلكم لكنهم سبقوكم في البرنامج و يبغون لكم الخير يعني السالفه مب مصادر سريه 🤣 ، فاحرصو على التواصل مع الدفعات اللي قبلكم في المركز عشان تستفيدون منهم اكثر

- هذي الأسئلة تعطيك فكره عن مواضع الأسئلة المحتمله في المنهج ، ممكن تتكرر وممكن تتغير يعني ذاكرها بس لا تعتمد عليها 👍🏻😁


- اللي يحس عنده شي يفيد سواء ملخص او اسئله يرسلها لي ونتشارك الأجر والفايده كلنا 🙏🏻


بالتوفيق لكم 🤍

أهلا 👋🏻 …


هذا اختبار من تصميمي لموديول 2️⃣
اختبر معلوماتك وجرب نفسك
الاختبار 30 سؤال


لو واجهتك أي مشكلة في الدخول أو بدأ الاختبار انتقل إلى شرح دخول الاختبار



أتحفوني بإبداعكم 👍🏻😁

🎲 اختبار 'موديول 2 📖'
🖊 30 سؤالًا · ⏱ 3 د

وصلنا للمنهج الثاني بعد كل شي 2️⃣



بعضكم انتهى منه وبعضكم بدأ فيه الآن
أتوقع وصلتوا مرحلة حلوه من الانسجام في البرنامج وبديتوا تدخلون الجو
شبهت الخوف من اللغة والمصطلحات مثل جدار من الثلج يبدأ يذوب مع الوقت وأتوقع انه ذاب بشكل كامل عند كثير منكم وراح يستمر يذوب مع شوية جهد وعزيمة منكم لدرجة راح يختفي تماما 👍🏻

مافي شي أهم من رزقك وعملك ودراستك فلازم تعطي كل مجهودك وطاقتك في هذا الشي ، معليش اتعب واسهر و راجع وكرر المعلومات على نفسك ، لأنه اذا ما اهتميت في دراستك و وظيفتك وبذلت كل طاقتك لهم بتهتم بايش ؟!


أبارك لكم قدوم شهر رمضان 🌙
كل عام وأنتم بخير يا أجمل ناس والله يعيده عليكم أعوام مديدة ويتقبل منا ومنكم صالح الأعمال 🤍


راح نوقف هالفتره وبرجع لكم بعد العيد ان شاء الله ونستكمل شرحنا 👍🏻😁


استمروا في إبداعكم واضغطوا على نفسكم واحتسبوا أجر الدوام مع الصيام كل شي راح يعدي ويكون ذكريات جميلة بعدين 🤍
ما بنساكم من دعواتي فلا تنسوني من دعواتكم في هذا الشهر الفضيل 🙏🏻


بالتوفيق لكم 👋🏻

موديول 2 انتهى ✅

.

مافي أجمل من المعلومات الحلوة
إلا ترتيبها 👍🏻


فهرس القناة 🔍 …


- المقدمة + البريب بلوك 📚


- موديول 1 🫀🫁


______________________________________________


فهرس موديول 2 📖


- البداية 🔍


- النقاط الأساسية للمنهج 🔍


- معلومات ضروري تعرفها قبل تدخل في الشرح 🔍


- مهام فني رعاية مرضى 🔍


- واجبات فني رعاية مرضى 🔍


- الشروط عشان تصير فني رعاية مرضى 🔍


- أشياء ممنوع تسويها كفني رعاية مرضى 🔍


- الجانب الأخلاقي 1 🔍


- العمل ضمن الفريق 🔍


- الاحتراف 🔍


- أنواع الرعاية الصحية 🔍


- حقوق المريض 🔍


- الجانب الأخلاقي 2 🔍


- التواصل 🔍


- منهج موديول 2 مترجم 🔍


- اختبارات المراكز 🔍


- اختبار من تصميمي لموديول 2 🔍


- جرعة موديول 2 الختامية 🔍

أهلا 👋🏻 …


برسل فويسات أشرح فيها التعامل مع أسئلة السيناروهات عشان تقدر تجاوب وتتعامل مع أي سيناريو يجيك ان شاء الله 👍🏻😁


.

أهلا 👋🏻 …


كنت مخطط يكون شهر رمضان بدون شرح لكن بعضكم ما يبي وطلبو مني أشرح الحين
وبصراحة أنا ما أعرف اقول لا 🤣

فقررت أعتمد على تصويتكم كلكم
هل نبدأ بشرح الموديول الثالث الحين
ولا بعد رمضان ؟


تفاعل على هذي الرسالة

تفاعل ب 👍🏻 لو تبي الشرح الحين

تفاعل ب 👎🏻 لو تبي الشرح بعد رمضان


.

أهلا بالحلوين 👋🏻 …



بنبدأ رحلة جديدة في شرح الموديول الثالث من المنهج
وكالعادة راح نبدع ونتألق في الشرح مع ملاحظاتكم وانتقاداتكم عشان نقدم أجمل وأبسط صورة للمنهج 🤍

بتكون رحلة جميلة بإذن الله وفيها معلومات جدا مهمة وتفيدكم طول مشواركم ك PCT 👍🏻😁

.

بسم الله نبدأ الرحلة 🏃🏻‍♂️

النقاط الأساسية للمنهج 📚 …


القسم الأول 1️⃣ …

- راح نعرف ست أهداف عالمية لسلامة المريض

- راح نعرف قواعد عامة للسلامة وعددها مره كثير لكن كالعاده لم نترجمها ونرتبها مافي شي صعب


القسم الثاني 2️⃣ …

- مكافحة العدوى 🦠

هذا يعتبر أهم قسم في هذا المنهج حتى كلمة مهم قليلة بحقه
وقت الشرح راح نتكلم عنه لحاله عشان نعطيه حقه


القسم الثالث 3️⃣ …

- منع الإصابات

راح نعرف كيف نمنع الإصابات عن أنفسنا وأيضا عن المريض ، أيضا راح نعرف وضعيات المريض على السرير و وش الفرق بينها وليش نستخدمها أصلا


القسم الرابع 4️⃣ …

التعامل مع الحرائق 🔥

راح نعرف بعض اجراءات السلامة من الحرائق
وأيضا التعامل معها اذا حصلت لا قدر الله



وهذا هو موديول 3 👍🏻😁

نبدأ بالقسم الأول …


خلونا نعرف الأهداف العالمية لسلامة المريض

.

.
International Patient Safety goals
واختصارها ( IPSG )
وهي أهداف عالمية لسلامة المريض
وعبارة عن ٦ أهداف راح نعرفها بالتفصيل


1️⃣ الهدف الأول ( IPSG 1 )

التعرف على المريض بشكل صحيح
identify patient correctly

- هذي القاعده هدفها إنه لازم نتعرف على المريض على الأقل بطريقتين ( اسم ثلاثي - رقم طبي )
عشان ما تصير لخبطه بين المرضى لأن الخطة العلاجية تختلف من مريض لمريض

❌ مثل ما نبهنا سابقا لا تستعمل أرقام الغرف كوسيلة للتعرف على المريض
✅بعد ما تعرف اسمه الثلاثي ورقمه الطبي وقتها ما يمنع تستخدم رقم الغرفه للتوضيح

متى لازم نتعرف على المريض ⁉️
دائما وأبدا لازم نتعرف على المريض قبل أي إجراء نسويه لازم نعرف إنه هذا فعلا المريض اللي حنا نبغاه


2️⃣ الهدف الثاني ( IPSG 2 )

تحسين التواصل
improve effective communication

يقصد فيه التواصل بين أعضاء الكادر الطبي بخصوص مريض معين لأن كثير من الأخطاء الطبية تحدث بسبب إهمال إيصال معلومة مهمة تخص مريض معين لزملاء الفريق الطبي

أيضاء تسليم المعلومات في نهاية الشفت للي راح يستلم بعدك جدا ضرورية عشام ما تصير لخبطة وهذي تسمى
hand over communication

وأيضا شرحنا قبل خطة التواصل ISBAR بين أعضاء الفريق لو حاب ترجع لها اضغط هنا



3️⃣ الهدف الثالث ( IPSG 3 )

السلامة من الأدوية الخطيرة
improve the safety of high alert
medication

يهمك هنا تعرف إنه فيه أنواع من الأدوية لازم تؤخذ بوصفة طبية وجرعات معينه ، لو أخذتها بكيفك ممكن تسبب لك مضاعفات خطيرة عشان كذا صنفنا هذي الأدوية كأدوية خطيرة

دورنا ك PCT في هذي النقطة يكون الترجمة للمريض أحيانا اللي يواجه صعوبة في التعرف على الأدوية ونعلمه إنه هذا دواء يسبب أضرار لو ما مشيت عليه حسب الوصفه المكتوبه لك

أيضا يهمك تعرف إن الأدوية الخطيرة لها مكان خاص في رفوف الصيدلية وعليها علامة تميزها كأدوية خطيرة

أيضا فيه قاعدة اسمها LASA
وهي اختصار Look alike sound alike
يعني دوائين ممكن يتشابهون في طريقة الكتابة أو في النطق لكن لكل واحد منهم غرض معين

على سبيل المثال :
دوبامين ( يستخدم غالبا لانخفاض ضغط الدم الحاد )
دوبوتامين ( يستخدم لقصور القلب وضعف ضخ الدم )

الدوائين يتشابهون كثيرا في النطق والكتابة فقاعدة LASA خلتنا نصنف الأدوية المتشابهة عشان ما نجيب العيد 👍🏻😁


4️⃣ الهدف الرابع ( IPSG 4 )

ضمان المكان الصحيح ، والإجراء الصحيح ، والعملية الصحيحة للمريض
ensure correct site , correct procedure
correct patient surgery

يعني لو جانا مريض عنده عملية في ركبته اليمنى
لازم نعرف ان العملية في الركبة اليمين ويجي الجرّاح بنفسه يحط علامه على الركبة اليمنى عشان كل الفريق الطبي يعرف
ويتحدد هذا الشي في ملفه بالتفصيل
وأهم شي المريض بنفسه يعرف ان عمليته في الركبه اليمنى 🤣
وبكذا نمنع أي خطأ طبي يصير 👍🏻


5️⃣ الهدف الخامس ( IPSG 5 )

تقليل مخاطر العدوى في الرعاية الصحية
reduce the risk of Healthcare
associated infections

طبعا مكافحة العدوى لها قسم خاص في هذا المنهج فراح نتكلم بتفصيل أكثر في هذاك القسم
لكن مبدئيا يهمك تعرف هنا انه حرصك على مكافحة العدوى بكل صورها تمنع أي حالة إصابة أو مضاعفات للمريض داخل المستشفى بإذن الله


6️⃣ الهدف السادس ( IPSG 6 )

تقليل مخاطر سقوط المريض
reduce the risk of patient harm
resulting from falls

المريض المعرض لخطر السقوط لازم يميز بعلامه معينه عشان الكل يعرف ان هذا المريض ممكن يطيح لأي سبب ممكن كبر سن أو بسبب تأثير البنج أو بسبب إصابة معينة عنده
عشان نحرص عليه أكثر ونكون منتبهين 👍🏻

.

صورة تجمع الأهداف السته بشكل بسيط

لو حاب تزيد معلوماتك في الأدوية عالية الخطورة بحط ملف فيه معلومات حلوة
مب مهمة في منهجنا ك PCT
لكن زيادة معرفه وعشان تهايط على اللي معك وتسوي فاهم 👍🏻🤣