هل مركزك يمشي على نفس هذي الخطة ؟

تفاعل على هذي الرسالة ب 👍🏻 اذا نعم

تفاعل ب 👎🏻 اذا لا

واذا مركزك انتهى من موديول 1
تفاعل ب 👏🏻

أهلا 👋🏻 …

بما إن فيه عدد من المراكز سابقين الخطة
بحاول أسرع في شرح المنهج عشان الكل يستفيد ان شاء الله 👍🏻😁


بنستكمل أسئلة المراكز 👇🏻

.

هذا اختبار من تصميمي لموديول 1
اختبر فيه معلوماتك 👍🏻
الاختبار 25 سؤال


اذا واجهتك مشاكل في بدء الاختبار
انتقل إلى شرح دخول الاختبار


خصص له من وقتك
و أتحفوني بنتايجكم 👏🏻

🎲 اختبار 'اختبار موديول 1 🫀🫁'
🖊 25 سؤالًا · ⏱ 2 د

هذي المرحلة الثانية من البرنامج وانتهت

رغم كل شيء ، انتهت
الجدار الجليدي المرعب للغة والمصطلحات بدأ بالذوبان وراح يستمر يذوب حتى تسخر من نفسك كيف كنت متوتر من شيء مثل كذا

الحياه عمرها ما تكون سهله
حنا اللي نكون أقوى 💪🏻

استمروا في إبداعكم واضغطوا على نفسكم
عشان تصير هذي الأيام ذكريات جميلة لكم في يوم من الأيام


أبدعتوا 👏🏻

موديول 1
انتهى ✅

.

مافي أجمل من المعلومات الا ترتيبها 👍🏻

فهرس القناة 🔍 …


المقدمة + البريب بلوك 🔍


______________________________________


فهرس موديول 1 … 🫀🧠🫁


- البداية 🔍


- النقاط الأساسية للموديول 🔍


- كيف نذاكر هذا الموديول 🔍


- شرح الأسامي المشتقه EPONYMS 🔍


- شرح جمع المصطلحات 🔍


- شرح مصطلحات التخصصات 🔍


- شرح الحركات التشريحية للجسم 🔍


- التقسيم التشريحي لجسم الإنسان 🔍


- موديول 1 مترجم 🔍


- بداية شرح أجهزة الجسم 🔍


- الجهاز الدوري الدموي + ملف 🔍


- الجهاز اللمفاوي + ملف 🔍


- الجهاز الهيكلي العضلي 🔍


- الجهاز التنفسي + ملف 🔍


-الجهاز الهضمي + ملف 🔍


- الجهاز البولي + ملف 🔍


- الجهاز التناسلي + ملف 🔍


- الجهاز اللحافي ( الجلد ) 🔍


- جهاز الغدد الصمّاء 🔍


- الجهاز العصبي + ملف 🔍


- نهاية شرح أجهزة الجسم 🔍


- اختبارات المراكز ( كويز - فاينل ) 🔍


- تصويت خطة البرنامج 🔍


- اختبارات المراكز 2 🔍


- اختبار من تصميمي لموديول 1 🔍


- جرعة موديل 1 الختامية 🔍

أهلا 👋🏻 …

هذي تطبيقين بتفيدكم كممارسين صحيين حاصلين على تصنيف 👍🏻
الغير حاصلين على تصنيف تقدرون تستفيدون منها حاليا من ناحية الدورات 👍🏻


التطبيق الأول 📱…

تطبيق حكومي جديد باسم أناة
يخص الممارسين الصحيين
منصة للتوظيف + تعليم ودورات + منصة شخصية لمعلوماتك كممارس صحي



https://apps.apple.com/sa/app/anat-%D8%A3%D9%86%D8%A7%D8%A9/id1472911277?l=ar


التطبيق الثاني 📱 …

تطبيق ارتقاء
منصة غير حكومية تخص الممارسين الصحيين
اعلان وظائف + دورات تدريبية + البديل و النقل بين المناطق

https://apps.apple.com/sa/app/%D8%A7%D8%B1%D8%AA%D9%82%D8%A7%D8%A1/id955281790?l=ar


.

أهلا 👋🏻 …

بنبدأ رحلة جديدة من البرنامج
وهي موديول 2️⃣

رحلة خفيفه ولطيفه ان شاء الله 👍🏻😁



بسم الله نبدأ الرحلة 🏃🏻‍♂️

.

نتكلم بشكل عام عن المنهج : 📚

هذا المنهج عبارة عن كلام عام
الفكره الأساسية منه انك تعرف دورك كفني رعاية مرضى وتاخذ فكره عن انواع الرعاية الصحية وتتعلم الاحتراف في عملك والاحتراف في التعامل مع المريض ومع زملاءك 👍🏻


نقاط المنهج :

📖 كيف تكون فني رعاية مرضى
مهامك الوظيفية + الأشياء الممنوعة عنك + واجباتك + متطلبات لازم تكون معك


📖 الأخلاقيات
راح يكون فيه كلام عن أخلاقيات العمل وأخلاقيات التعامل
وأهم شي في هذي النقطة هي نقاط الرعاية الخمسة وراح نعرفها مع بعض 👍🏻

📖 الاحتراف
الاحتراف هو استكمال للأخلاقيات
لكن يركز شوي على مظهرك كفني رعاية مرضى

📖 أنواع الرعاية الصحية

📖 حقوق المريض

📖 الاعتداء وأنواعه وكيف نتعامل معاه

📖 التواصل
التواصل موضوع درسناه في البريب بلوك
راح تتكرر المعلومات لكن الجديد هنا هو التواصل مع الحالات الخاصة مثل المريض ضعيف السمع أو البصر أو المريض المنفعل


📖 قسم بسيط في الأخير يتكلم عن المصطلحات وهي مكرره أخذناها من قبل



وهذا هو موديول 2 👍🏻😁


.

أسئلة ضروري تعرفها قبل نبدأ في شرح المهام ❓


❓ وش يعني فني رعاية مرضى ؟
Patient care technician ( PCT )

هو عضو في الكادر الطبي يتمحور عمله على الدعم والمسانده لجميع أعضاء الكادر الطبي
يكون تحت إشراف أخصائي التمريض ويأخذ المهمات منه فقط



❓ هل كل أخصائي تمريض مشرف على فني رعاية مرضى ؟

لا ، لابد يكون الأخصائي ممرض مسجل
Registered Nurse ( RN )
هذا أخصائي تمريض لكنه حاصل على اختبار الممرضين المسجلين يعني عنده معرفه إدارية وأكاديمية أكبر من الأخصائي العادي
وغالبا يكون هذا الممرض المسجل هو رئيس القسم اللي بتعمل فيه 👍🏻



❓ طيب كيف أتعامل مع باقي أخصائيين التمريض الغير مسؤولين عني بشكل مباشر ؟

التعاون بين الفريق شي جدا جميل
ما يمنع نساعدهم ونتعاون معهم ونبلغ الممرض المسؤول عن الأشياء اللي تعاونت فيها معاهم
لكن لا يوصل الموضوع إلى مرحلة الاستغلال أبدا الممرضين يجسلون ويتركون الفني يسوي كل شي هذا غلط وكل واحد له دوره 👍🏻



❓ كيف أتعامل مع الدكتور إذا طلب مني أسوي شي ؟

طبعا حنا ما نأخذ أوامر من الدكتور بشكل مباشر
كلمة لا هذا مب شغلي كلمة ثقيله شوي وقد تفهم على أنها وقاحه فأفضل تصرف هو انك تشوف هل الشي اللي طلبه منك الدكتور من عملك ولا لا ؟
اذا كان نعم ما يمنع تعاونه وتبلغ الممرض المسؤول بعد ما تخلص وتحكم من ردة فعله هل هو راضي عن تصرفك انك تعاونت مع الدكتور أو غير راضي .
اذا كان لا مب من عملك جاوبه انك راح تبلغ التمريض بسرعه ووقتها الممرض المسؤول راح يسمح لك تقوم بالعمل أو يتصرف بالنيابه عنك 👍🏻

يالله نعرف كيف نصير فني رعاية مرضى 🏃🏻‍♂️

.

خلونا نعرف أول شي مهام فني رعاية مرضى

.

مهام فني رعاية مرضى 🩹 :


🩹 أنشطة الحياة اليومية
Activities of daily living ( ADL )

هي الأنشطة اللي يسويها الإنسان كل يوم
وطبعا المريض داخل المستشفى يحتاج يسويها وحنا نساعدهم انهم يسوونها
مثل :
الاستحمام 🧼 Bathing
طبعا مب يعني ندخل معهم الحمام ونروشهم 🤣
ترويش المريض يكون على السرير وله إجراءات معينه راح تعرفونها وقت العملي 👍🏻

العناية الشخصية 💅🏻 grooming
مثل تقليم الأظافر وتفريش الأسنان والحلاقه

ارتداء الملابس 👕 dressing

الأكل والشرب 🍵 eating

الذهاب للحمام 🚽 toileting

المشي والرياضه 👨🏻‍🦯🏃🏻‍♂️ ambulating



فيه قاعده حلوه لازم تخلونها معكم دايم 🛑

( هذي المهام اليومية لو المريض يقدر يسويها بنفسه مافي داعي نساعده ولو كان يحتاج مساعده فالمساعده تكون تدريجيه حسب الحاجه لأن الأفضل المريض يسوي هذي النشاطات بنفسه 👍🏻 )



🩹 المتابعة و أخذ القياسات

مثل :
- العلامات الحيوية 🌡 Vital signs
وهي الضغط - الحرارة - النبض - مستوى الاوكسجين - معدل التنفس
Blood pressure - temperature - pulse - respiration - oxygen saturation

- الطول والوزن ⚖️ height and weight

- قياس السوائل الداخله والخارجه💉
Intake and output
الداخله / وهي سوائل عن طريق الفم + سوائل عن طريق الوريد

الخارجه / البول

يكون لها نظام حساب راح نتعلمه بعدين ان شاء الله 👍🏻

- أي تغيير مفاجئ في حالة المريض على طول نبلغ 💔

- نوصل عينات المرضى للمختبر 🔬

- ترتيب سرير المريض وتوفر كل مستلزماته 🛏



🩹 مهام تحتاج إلى وجود أخصائي تمريض للإشراف :

- الحقنه الشرجيه enemas

- إجراءات الدخول والخروج للمريض

- الكمادات الحاره أو البارده

- نقل المريض لغرفة العمليات

- استلام أدوية المريض من الصيدلية لمرضى أقسام التنويم

- تغيير أكياس القسطره البولية عند امتلائها أو أكياس البراز في بعض العمليات



🩹 مكافحة العدوى
Infection control

الحرص انك تعقم يدينك وتعقم الأدوات اللي راح تستعملها على المريض باستمرار قبل الاستخدام وبعد الاستخدام 👍🏻


السلامة والنظافة 🩹

ضبط مستويات السرير بشكل مناسب والتأكد من إغلاق كفرات السرير ورفع حواجز السرير منعا لأي حالة سقوط لا قدر الله .

لو كانت غرفة المريض غير نظيفة تبلغ عامل النظافة في القسم أو الممرض المسؤول .


🩹 التواصل

راح نحتاج نتواصل بشكل لائق مع المريض أو مع عائلته اللي ترافقه
أيضا راح نواجه ناس كثير في المستشفى يسألونا عن الأقسام وبعض الأماكن فلازم نوجهم


.

واجبات فني رعاية مرضى 💉 :


💉 أي شي تقيسه لازم تكتبه بعدين تسلم القياسات للممرض المسؤول دون تأخير وفي الوقت المحدد
وهذا يسمى record and report


💉 تقديم الدعم العاطفي قدر المستطاع للمريض
وهذا يسمى Emotional support


💉 القيام بجولات على المرضى عشان نتأكد ان وضعهم تمام


💉 اذا نادانا المريض او طلب منا شي نحاول نلبي احتياجاته في مدة لا تتجاوز 5 دقائق


💉الحرص على نظافة غرفة المريض ونظافة المكان وتعقيم الأدوات


💉 المحافظة على خصوصية المريض وكرامته


💉 الالتزام بقوانين المنشأه اللي نعمل فيها

شروط لازم تتوفر عند فني رعاية مرضى :


🌡 لابد يكون عنده دورة إنعاش CPR

🌡 لابد يكون حاصل على شهادة فني رعاية مرضى مصنفه من هيئة التخصصات الصحية السعودية

🌡 اجتياز اختبار الفحص الجنائي

🌡 اجتياز اختبار الفحص الصحي

🌡 اجتياز اختبار فحص المخدرات

🌡 يقدر يشيل أو يسحب ما يعادل 30 رطل / 14 كيلو

🌡 إمكانية استخدام الحاسب

🌡 القدرة على التواصل الجيد

.

أشياء ممنوع تسويها كفني رعاية مرضى :


💊 لا تعطي أبدا أدوية للمريض أو تحقن إبر

💊 لا تشخّص حالة المريض وتسوي فيها طبيب 🤣

💊 قد ما تقدر لا تذكر أرقام القياسات هل هي طبيعية أو لا بلغ المريض إن الدكتور راح يعلمك و ان شاء الله كل شي تمام

💊 لا تأخذ أوامر من الطبيب بشكل مباشر خصوصا في شي ما يخص عملك

الجانب الأخلاقي 🤍

طبعا الأخلاق شيء جميل في كل مكان وتعكس تربيتك ودينك وعقليتك
لكن بنخصص الكلام عن أجمل حاجتين لازم تكون معك كفني رعاية مرضى هي :


- الأمانة Honesty 🤍
وهي مشاعرك الصادقه والجاده تجاه عملك واحساسك بالمسؤولية


- الرعاية caring 🤍
هي الفطره السليمه اللي بداخلك وتعني انك تعامل الجميع مثل ما تحب أن يعاملوك وتتعامل مع المرضى بإنسانية وأخلاقك كمسلم دون تفريق أو تمييز أو عنصرية

- مبادئ الرعاية الخمسة
the five principle of care

1️⃣ سلامة المريض دائما وأبدا

2️⃣حماية كرامة المريض

3️⃣ إعطاء المريض حقه في الاختيار في قبول أو رفض الإجراءات الطبية

4️⃣حماية خصوصية المريض

5️⃣ التواصل الجيد والفعال

العمل ضمن الفريق :

العمل في القطاع الصحي يعتمد على الفريق والعمل الجماعي ، فبالتالي لا تحاول تكون لحالك .

فريق العمل الجميل نعمه من الله ويعطي الواحد طاقة إيجابية وشغف انه يبدع وينتج اكثر فالله يرزقكم زملاء عمل لطيفين وجميلين 🤍

لازم تتعلم تتقبل الناس اللي معك في العمل بزينهم وشينهم وتحط في بالك انه الناس مب شرط يكونون مثل تفكيرك او رأيك او عاداتك او اهتماماتك فلازم تتعلم تتقبلهم عشان تتعايش معهم 👍🏻

الاحتراف :

- طبعا اخذنا من قبل الاحتراف في البريب بلوك لكن التركيز هنا على الاحتراف في المظهر


- الدين الإسلامي دين نظافة فلازم ينعكس هالشي على نظافة جسمك وملابسك ، عملنا فيه مجهود بدني يعني فيه حالة تعرّق تصير وش يضرك اذا تروشت كل يوم ؟ 🙂
احس اني شخصنت ونسيت الشرح 🤣

- وبالنسبة للملابس احرص على غسيلها خلي عندك سكرابين على الأقل 👍🏻

- لا تبالغ في لبسك من مجوهرات أو عطور ترى مستشفى مب زواج 👍🏻🤣

فعليا هذا اختصار لاحتراف المظهر في المنهج 🥱