Review - Takopi ဆိုတာကတော့ Happy လို့ခေါ်တဲ့ ဂြိုလ်ပေါ်က Happian ရေဘဝဲဂြိုလ်သားလေးပါ။ တစ်နေ့မှာတော့ လူသားတွေကို ကူညီဖို့နဲ့ ပျော်ရွှင်မှုတွေဖြန့်ဝေဖို့ ကမ္ဘာဂြိုလ်ကို ခရီးထွက်လာခဲ့ပါတယ်။

Shizuka လို့ခေါ်တဲ့ ကောင်မလေးကတော့ ကျောင်းမှာ Marina ဆီကအနိုင်ကျင့်ခံရပြီး အဆင်မပြေတဲ့ မိသားစုဘဝ နဲ့နေထိုင်နေရသူပါ။ Marina ရဲ့ အဖေက Shizuka ရဲ့အမေနဲ့ဖောက်ပြန်နေတဲ့အတွက် Shizuka ကိုအငြိုးထားပြီး အနိုင်ကျင့်ပါတယ်။ Shizuka ကိုပျော်အောင်လုပ်ပေးနိုင်တာကတော့ သူ(မ) ရဲ့အဖေထွက်မသွားခင်ကပေးသွားခဲ့တဲ့ ခွေးလေး Clappy ပါ။

Takopi ကမ္ဘာပေါ်ရောက်လာပြီးနောက် အမြဲလိုဝမ်းနည်းနေတတ်တဲ့ ကောင်မလေး Shizuka နဲ့သွားတွေ့ပါတယ်။ Takopi ကသူ့မှာပါလာတဲ့ ပစ္စည်းအထူးဆန်းလေးတွေနဲ့ ပျော်ရွှင်အောင် လုပ်ပေးနိုင်ဖို့ ကြိုးစားပါတော့တယ်။ ဂြိုလ်သားလေးဖြစ်နေတဲ့အတွက် လူသားတွေရဲ့ နက်ရှိုင်းတဲ့ ခံစားချက်တွေကို နားမလည်နိုင်ပဲ သူပျော်ရွှင်ဖို့ကူညီသမျှက ပိုဆိုးအောင်လုပ်သလိုဖြစ်လို့နေပါတယ်။

တစ်နေ့မှာတော့ Shizuka ကဆိုးရွားစွာ အနိုင်ကျင့်ခံထားရပြီး သူ(မ)ရဲ့ခွေးလေးကလည်း ပျောက်နေပါတယ်။ ဒီလိုအချိန်မျိုးမှာ Takopi ကကြိုးလေးတစ်ချောင်းသွားပေးမိတဲ့အခါမှာတော့...။ ဟုတ်ပါတယ် Shizuka သူ့ကိုယ်သူ ဆူဆိုက် လုပ်သွားပါတော့တယ်။ ဒါကိုလက်မခံနိုင်ဖြစ်သွားတဲ့ Takopi၊ အချိန်နောက်ပြန်သွားပြီး အရာအားလုံးကို ပြန်ပြင်နိုင်ဖို့ကြိုးစားပါတော့တယ်။

ရိုးရှင်းတဲ့ animation style နဲ့ အရမ်းကို dark ဖြစ်တာတွေ ဆိုက်ကို ဆန်တာတွေအများကြီးပါပါတယ်။ drama၊ psychology၊ horror ဖက်သွားပါတယ်။ ပျက်စီးနေတဲ့လူမှုပတ်ဝန်းကျင် နဲ့ မိသားစုပြဿနာတွေက ကလေးတွေကိုဘယ်လောက်ထိ မကောင်းတဲ့အကျိုးသက်ရောက်မှုတွေဖြစ်စေနိုင်လဲဆိုတာကို ကွင်းကွင်းကွက်ကွက်မြင်တွေ့ရမှာပဲဖြစ်ပါတယ်

Paid ဝင်ဖို့ ဆက်သွယ်ရန် - @BLACK3RDD