منطقي أني ننحب من أي حد، لكن مش منطقي أني نحب أي حَد .

الصديق اللي يشوفك ويجيك بالأحضان قبل السلام، ويستقبلك بابتسامة تردّ الروح كيف ممكن تجازي حلاوة وجوده؟كأنه كل ما يشوفك، يثبت لك إن حضورك يختصر كل الحضور

‏(إذا أراد الله إتمام حاجةٍ أتتك على سفرٍٍ وأنت مقيم)

‏عبارة تنهي اللي شاغل تفكيرك

نحس إنّي ديما ملحوظة و لا احتاج جذب إنتباه أيّ إنسان، ممكن لأني نشبّه نفسي بالشمس، وهذا الإحساس ينقذني ديما من أن أتبع دروب وسُبل لا تليق بي.

أو ربما نجاة الإنسان أفكاره، لما يفكر الإنسان بأنه يدرك شيء غافل عليه يبدأ ياخد في الحيطة والحذر والوعي قبل لا يطيح في المحظور

الفكرة هي اللي تبني وهي اللي تهدم؛ تخلّيك تشوف الحفرة قبل ما رجلك تعتبها، وتنوّرلك طريق كنت ماشي فيه ومغمض عيونك

لمّا العقل يفيق، تولي الفكرة سلاح لحمايتك مش حبل يتلف على رقبتك في النهاية، الإنسان هو اللي يختار: هل يخلّي أفكاره تبلعه وترفعه للهلاك، ولا يخلّيها منارة توجّهه لبر الأمان؟ النجاة تبدأ بخطوة وعي، والوعي كله.. مجرد فكرة .

أنك تتصنع عدم الأهتمام و هو يحرق فيك من الداخل ، أشبه بأنك شاد شيء سخون و تتخيل في أنه مثلج.

١٠ يوليو ٢٠٢٦
٩:٥٧ م

عامل الناس زي الصفحة البيضاء، لو غلط حد معاك حط نقطة سودة في الصفحة وشوف باقي الصفحة تلقاها مازال متفوقه على النقطة السودة كمل حياتك معاهم، متخليش عينك توقف على النقطة وتنسى باقي الصفحة، الناس مش ملايكة، وكلنا نغلطو ونشخبطو في صفحات بعض، الشاطر اللي يعرف يقلب الصفحة ويبدأ سطر جديد بنية صافية
لو ركزت في كل نقطة سودة حاتشوف كل القلوب غامقة لكن لو وسّعت نظرتك حتلاقي إنه الأبيض ديمًا مساحته أكبر ويستاهل (علشانك) .

نوح عليه السلام كان مؤمناً بالله ولكن ابنه كان عاق لأبيه وعاصي الله،
التعميم لغة الجهل، وكل شخص مسؤول على ذنبه وخطئه يوم القيامة.

البحر و أنا كلانا نبحث عن مرسى يشبه طمأنينتنا.

لو نسيت اللي صارلي مش حننسى شعوري وقتها كيف كان .

إحساسي بوجود الله في هادي الدنيا هو المنقذ الوحيد ليا،
‏ولولا التسليم وإدراكي لمحدوديتي، ما كنتش نقدر نتجاوز اللي نمر بيه في كل مرة، الحمد لله على يقيني بقربه، فألجأ له وأتكي عليه دائمًا

فيه مشاعر، مهما يمر عليها وقت، عمرك ما حتنساها...

أول مرة بكيت فيها من قلبك لأن نفسك هانت عليك، ولما هُنت على شخص كنت تعتقد أنه يحبك. ولما قعدت تربط الأحداث ببعضها واكتشفت قداش تأذيت ومع هذا كملت.
حتى لو تجاوزت الموقف وسامحت، حيقعد إحساسك وقتها محفور داخلك... وحيخليك تحارب باش ما تطيحش فيه تاني.