س/هل حصص الانقليزي الاربعة راح تكون كلها بنفس المضمون ونفس المعلم؟

ج/ احيان يكون الاربع حصص كلها مدرس واحد واحيان اخرى يكون حصتين لمدرس وحصتين لمدرس

اذا كان مدرس واحد يدرسك باربع حصص فهو يقسمها على كيفه والي يشوفه مناسب

اما اذا كانوا مدرسين اثنين يكون واحد منهم يدرس شي والاخر يدرس حسب الاتفاق الي بينهم

مثلًا مدرس أ يدرسك الصباح رايتنق وريدنق ومدرب ب يدرسك بعض الظهر قرامر وتوفل وهكذا وطبعًا يستمر هذا التقسيم على طول لين تخلص المادة
يعني مستحيل تلقى بكرا مدرس الريدنق يدرسك شي حق الدكتور الثاني


س/ مستواي بالانجلش صفر
هل راح اعاني؟


ج/ الجامعة تاسسك في الانجلش وبتبدا من الصفر وبتتعامل معك انك ماتعرف ولا حتى الحروف

المشكلة انك ممكن تعاني شوي بباقي المواد وبتستعمل المترجم كثير لان شرحها بالانجليزي لكن كلنا كنا بالبداية مانفهم وبعد اسبوعين ثلاثة نتعود ونفهم


عمومًا لاتخاف
ياكثر الي دخلوا مايعرفوا كلمة بالانجليزي والان متخرجين
N-Q
2023-Jun

*عن نفسي* عانيت في اول سنة بالجامعة من اشياء عدة

التأقلم اخدت وقت
الموية حقت الحمامات وانتم بكرامة مالحة شوي و تسبب قشرة للشعر
كيفية المذاكرة
النوم كان وقت قصير
وقت المذاكرة كان قصير
الجوال كان يلهيني
الاكل مافيه الا مطعم الجامعة او المول و وزني زاد بشكل ملحوظ
الفلوس كانت ماتكفي بالبداية لين عرفت اضبط وضعي
N-N

س/مستقبلياً ان شاء الله السلايدات و هالاشياء فين بنلاقيها ؟

ج/ بالبلاك بورد

تدخل البلاك بورد من البورتال وبعدها تشوف المادة وتخش تلقى سلايدات دكتورك

السلايدات حقت الدكاترة الثانين مابتلقاها بالبلاك بورد فلازم تشوف احد تعرفه عند الدكتور يرسلك هي او ممكن تحصل شخص رافعها على النت ويرسلك هي
و بتلاقي فقروبات المواد فالتليجرام

2023 Jun

س/ بالنسبة لغسيل الملابس والكوي وشلون ؟

ج/ الجامعة حاطه لك غسالات ونشافات في الجمعيات يمديك تغسل ملابسك بدون ماتدفع شي بس الكوي لازملك كواية (بخار لازم لان النوع العادي ممنوع)

او انك تغسل وتكوي ملابس عند مغسلة ( فيه مغسلتين ملابس بالمول) وفيه مغاسل يجي لغرفتك و ياخذ ملابسك ويعطيك اياها بغرفتك
طبعًا هذي المغاسل غير مجانية 👆


البنات
الغسالة الي فالسكن نفسها تغسل و تنشف الثياب تاخذ ٤ ساعات تقريبا للغسلة الوحدة
المكواة مسموح تجيبوا اي نوع من عندكم

في مغسلة فالسكوير تغسل و تكوي
لو عندكم سجاد عادي تودوه هناك


2023 Jun

س/ فيه تأمين صحي لطلاب الجامعة ؟

ج/ مافيه، بس عندك عيادة داخل الجامعة
N-Q

الي مايعرف مايكروسوفت تقدم برامج الاوفس (الوورد - البوربوينت - الخ..) مجانًا لطلاب الجامعات

كل الي تحتاجه ايميلك الجامعي

وهذا فيديو كيف تحملهم

https://youtu.be/PjHEDrcKY8E

N-N

١ المعامل
٢ معامل البتروليوم
٣ مبنى البتروليوم الاول
٤ الكيمياء
٥ الماث
٦ الفزكس
٧ مبنى البنات
٨ المكتبة
٩ مطعم الدكاترة و اوفسات الانجلش و شؤون الطالبات
١٠ قاعة الامير نايف
١١ مبنى الرياضة حق الجبل
١٢ مسجد البحيرة
١٣ مدرج الهواء
١٤ تقنية المعلومات
١٥ معهد البحوث
١٦ الكيميائية و المدنية
١٧ كلية الدراسات المساندة
١٨ مواقف
١٩ تصاميم البيئة
٢٠ المؤتمرات
٢١ الادارة
٢٢ الحاسب
٢٣ الحاسب
٢٤ كلية الاعمال
٢٥ مواقف
٢٦ سيب معامل علم المواد
٢٧ المركز الطبي
٢٩ مركز المجتمع ( البنات ياخذوا فيه الرياضة )
٣٤ الاتصالات
٣٥ المطبعة
٣٦ الاستاد الرياضي
٣٩ مبنى الرياضة حق الاوريا
٤٠ مطعم الجامعة
٤١ ادارة اسكان الطلاب
٤٢ اكاديمية الفوزان
٤٣ الاوريا القديمة
٤٤ قاعة التميز الطلابي
٤٨ الامن
٥٣ مستودع الكتب
٥٤ (يسمى بالمسلخ وفيه اغلب المياجر والفاينلات)
٥٥ معمل تكرير
٥٦ مسجد
٥٧ مبنى الاوريات (كل المواد عدا الانجلش)
٥٨ مبنى الانجلش حق الاوريات
٥٩ مبنى الهندسة الكهربائية
٦٣ الهندسة الميكانيكية
٦٦ مول الجامعة
٦٨ العمادات
٧٠ قاعة محاضرات
٧١ مواقف
٧٢ مواقف
٧٣ مواقف
٧٤ مواقف
٧٥ معامل
٧٦ كلية هندسة البترول وعلوم الارض
٧٨ كلية هندسة البترول وعلوم الارض
٧٩ الدراسات العامة
2023 Jun

مواد الاوريا في السنة التحضيرية عبارة عن :

1 - انجليزي (Eng) 01+02+03+04
2 - رياضيات (Math) 001+002
3 - رياضة (PE) 001+002
4 - بيبيات (PYP001) عبارة عن لاب فزكس
5-كمبيوتر ساينس( PYP002 ) زي حاسب المدرسة بس متطور اكثر وفيه شوي برمجه
6-مواد تختارها انت بداية الترم بترتيب رغباتك(مو شرط تاخذ رغبتك) وعليها نص كردت
بالترم تاخذ سيت وحده عبارة عن مادتين
مزيد من المعلومات عنها هنا

---------------------------------------

الانجليزي اربع مستويات ( 01,02,03,04 )
يعتمد على اختبار تحديد المستوى الي يكون فالاسبوع التعريفي و هو ينأخذ كل مستويين فترم

الماث تاخذ واحد فالترم

البيبيات اربع
PYP001 physical science
لابات بدون لكتشر
PYP002 computer
فيه عن علم الشبكات والبرمجه ومشين ليرننق وفيه مشروع نهاية الترم تطبيق لكل ما تعلمته

تاخذ واحد منهم (راندوم)

و الترم الي بعده تاخذ الي مااخذتهم

مواد الpyp الثانية مشروحة بالرابط فوق

و الرياضة فالترم تاخذ ثنتين



---------------------------------------

الدراسة
-الانجليزي ٥ ايام فالاسبوع ٤ ساعات فاليوم
- الرياضيات ٤ ايام فالاسبوع ٥٠ دقيقة فاليوم ل001
-٥ ايام في الاسبوع ل012
- رياضة يومين فالاسبوع ٥٠ دقيقة فاليوم
-البيبيات
- بيبي PYP001 حصتين فالاسبوع ٥٠ دقيقة فاليوم
بيبي PYP002 حصة بالاسبوع مدتها ساعتين و٥٠ دقيقة
البيبيات الاختيارية حصة بالاسبوع مدتها ٥٠ دقيقة لمدة شهرين بعدين تتغير بنص الترم

---------------------------------------
فلو بديت بالاوريا بدون تسكيب حاجه

يكون عندك فالترم الاول
- انجليزي 01+02
- رياضيات 001
- رياضة 001
- بيبين

والترم الثاني
- انجليزي 03+04
- رياضيات 002
- رياضة 002
- بيبين

---------------------------------------

س/ الدوام الطبيعي من كم الى كم
ج/ بالاوريا يعتمد جدولك هل هو ليت او ايرلي

الليت:
الانجليزي اول كلاسين من ١٠ الى ١٢ والكلاسين الباقية من ٣ الى ٥

الايرلي: الانجليزي اول كلاسين من ٨ الى ١٠ والكلاسين الباقية من ١ الى ٣

هذا الانجليزي فقط

ممكن تكون عندك مادة الساعه ٧ او ٨ و انت ليت
و ممكن يكون عندك كلاس ٤ او ٥ وانت ايرلي

ولكن دوامك فالحالتين ما راح يبدا قبل ٧ وماراح ينتهي بعد ٥:١٠

الجدول انت وحظك و ما تقدر تغير
————————————————
قروبات مواد الاوريا:
https://t.me/Oria2019/390

روابط لكتب الاوريا :
https://t.me/Oria2019/374

2024-Jul

س/هل فيه اجازة بنص الترم؟
ج/ كل ترم فيه ميد تيرم بريك ( اجازة مناصف الفصل)
واجازة اليوم الوطني و يوم التأسيس تشملنا

وفيه حركة يسوونها اغلب طلاب التحضيري وانا سويتها ورجعت لاهلي
ركزوا معي ..
كل مادة بالاوريا لها عدد معين من الغيابات وبعدها يبدأ الخصم على كل غياب
فمثلًا الماث عندك 4 غيابات وبعدها كل غياب بنص درجة تنخصم عليك من مجموعك اخر الترم
والانجليزي عندك 8 غيابات وبعدها يبدا الخصم (اليوم الواحد فيه ٤ كلاسات يعني تغيب يوم واحد تروح عليك ٤غيابات)
وهكذا

طيب بعد ماتخلص اول لفل انجلش
ماراح يبدأ اللفل الجديد الا الاسبوع الي بعده فعندك كم يوم ماعندك انجليزي بس ماث ومواد اخرى
فتقدر تخزن غياباتك لين يخلص اللفل وتسافر
مهم :
يوم الاربعاء بالانجلش يسمى يوم اللاب
يعني تاخذ فيه كلاسات الصباح فقط والمساء بس طلاب معينين يجون يحضرون كلاس ساعه يسمى لاب
الدكتور يقرر ايش تسوون فيه
غياب اللاب يعتبر غيابين فاهتموا بحضوره

هل كلنا نحضر اللاب ؟ ايه بيرسلون لكم جدول الحضور بالدور وتقريبا بتحضر مرة او مرتين باللفل

(ملاحظة : مافي كلاسات ماث يوم الربوع لكل الاوريات) يستثنى من طلاب 012

بس راح تغيب عن كلاسات الماث
بعض الدكاترة يعطي يوم off وبعضهم لا بس غالبيتهم مايعطون درس جديد في ذي الفترة
لان الغالبية عند اهلهم
————
N-Q
—-
2024-Jul

البورتال

س/ كيف ادخل البورتال ؟

ج/اكتب بقوقل KFUPM PORTAL وادخل عليه

س/كيف اعرف اليوزر و الباسورد
اليوزر هو s متبوعًا برقمك الجامعي فمثلا
s2019xxxxx
اما عن كلمة السر فأنت تكتبها بنفسك والي كتبته يبقى معك ككلمة السر
س/ فائدة البورتل؟
مهم جدًا لك كطالب جامعي
منه تقدر تشوف درجاتك وغياباتك و جدولك و غيره
ومستقبلا بعد ماتخلص الاوريا راح تسجل موادك من البورتال
ومنه يمديك تدخل البلاك بورد (راح اوضح ماهو البلاك بورد في رسالة ثانية)

طريقة تفعيل البورتال

https://new-students.kfupm.edu.sa/

N-N
2023-Jun

اول ماتدخل البورتل سجل دخول وتجيك هذي الصفحة الرئيسية اهم شي عندك القوائم الي باليسار بنشرح المهم منها والي داخل الدائرة الحمرة
N-N
2023-Jun

اللي يهمك كطالب اوريا اكثر شي ذول الاثنين وبالخصوص student services
2023-Jun

ادخل على Registrar services راح تجيك هذي الصفحة . تبين لك حالتك الاكاديمية ، ومنها تقدر تشوف جدولك لما ينزل لما تضغط على weekly schedule
2023-Jun

اما بخصوص student services تقدر منها تشوف درجاتك (كويزات ، كلاس تست ، مياجر ، فاينلات ، التوفل ) من خلال ايقونة Darajati Grades . ويمديك تشوف غياباتك في المواد بعد مايرصدها دكتورك من خلال ايقونة Darajati Attendance

2023-Jun

*الحالات التي يتم فيها طردك من الجامعة*

فيه حال انك رسبت بالماث مرتين ممتالية يتم طردك

وفي حالة انك رسبت بالانجليزي ثلاث مرات يتم طردك

وفي حالة انك ما انهيت مواد التحضيري في ثلاث اترام وصيفي

ملاحظة : الرسوب في الصيفي غير محسوب . المحسوبة فقط الاترام العادية
محدث
N-Q

س/فيه نت بالسكن؟
ج/ موجود نت مفتوح بالسكن
وموجود ايضًا بالمباني الاكاديمية كمبنى ٥٧ و ٥٨
رح يطلب منك تدخل اسم مستخدم و كلمة مرور و هي زي البورتال.
محدث
N-Q

السوبر اوريا

س/من هو السوبر اوريا؟

هو من لم يجتز متطلبات الاوريا في ترمين وصيفي

كمن انهى ترمين و صيفي وتبقى له انجليزي ٠٤ او ماث ٠٠٢ فيحتاج لترم ثالث لينهي المتطلبات

السوبر اوريا
اول مايصير سوبر اوريا ما تنزل له مكافأة لين يخلص الاوريا

N-Q
2021 July

🚍🚍🚍 *الباصات* 🚍🚍🚍
الباصات مهمة جدًا لك كطالب خصوصًا الي عمايرهم بعيدة

( الباصات مجانية داخل السكن ،لاتحتاج إلى اشتراك او دفع رسوم )
طبعًا الباصات لها عدة محطات توقف فيها .

*فيه ثلاث انواع باصات*
___
🚍🚍 باص السنة التحضيرية 🚍🚍
هذا الباص مساره رايح جاي في شارع السكن ياخذ الاوريات و يوديهم مبناهم ومايروح الجبل إذا شفته اركبه انت بأمان
(مايودي مطعم الجامعة)


🔶🔶الباص الاصفر 🔶🔶
ومساره يكون ذهاب وعودة من الاوريا الى الجبل مرورًا بمطعم الجامعة
فإذا بغيت تروح *الاوريا* اركب الباص الاصفر المتوجه للاوريا
واذا بغيت *مطعم الجامعة* اركب الباص الاصفر المتوجه للجبل

🔷🔷 الباص الازرق 🔷🔷
هذا الباص انتبه منه
مساره الى الجبل مرورًا بمطعم الجامعة وفي الرجعه يوقف بنص الطريق ومايروح لمباني التحضيري
اركب هذا الباص لو انك بتروح الجبل او مطعم الجامعة او بترجع لعماير يمر عليها الباص (راح تعرفهم مع الوقت)
لكن لاتركبه ابدًا اذا بتروح مباني التحضيري
__
🔴🔴 *مهم جدًا* 🔴🔴
الباصات كلها لون واحد ابيض واخضر
الفرق بين الباص الازرق و الباص الاصفر وباص السنة التحضيرية مجرد *ورقة* موجودة على القزاز الامامي على الباص

الباص الازرق تعرفه اذا كانت ورقته زرقه
الباص الاصفر تعرفه اذا كانت ورقته صفره
باص السنة التحضيرية تعرفه اذا كانت الورقه مكتوب عليها السنة التحضيرية او ورقة بيضا
—-—————————————
الباصات يبدا دوامهم ٦:٣٠ الصباح
الي عليك تروح قبل كلاسك وحاول بدري وتنتظر بالمحطة لين يجي الباص
—-——————————————

شاهد الرسالة هذه لمعرفة مسار سير الباصات

https://t.me/Oria2019/303

🚍🚍🚍🚍🚍🚍🚍🚍🚍🚍🚍
*كتابة وإعداد : Allen*
N-N

📚 الكتب
الكتب تستلمها من مستودع ٥٧ بالدور الارضي
و البنات فالاسبوع التعريفي من ٥٤ و باقي الاترام من ٥٨


وممكن تستلموها من مستودع الكتب الاساسي (مبنى 53)
هذا الموقع
Book Store
Schools Rd, KFUPM, Dhahran 34464
013 860 3409
https://goo.gl/maps/JWSqge5cinCx1cu97

وقت دوامهم :
الاحد للخميس
من ٧:٣٠ الى ١١:٣٠
و من ١ الى ٤
——————————————
الكتب في الجامعة اعارة ماعدا الانجليزي تاخذوها ليكم

ممنوع تكتبوا فيها شي و ترجعوها نهاية الترم
اذا ما رجعتها بينخصم من مكافاتك كل يوم ريال عن كل كتاب


2023 Jun

*بخصوص الي تحتاج تاخده معك ويكون بالشنطة* 🔎🖍 🖊

كتب الانجلش راح تحتاجها كل يوم

الماث مايحتاج تاخده معك تحتاج فقط ورق و قلم عشان تحل مع الدكتور لو قال لكم او بالايباد بعد يمديك

الحاسب غالبًا ماتحتاج الكتاب الا اذا قال الدكتور جيبوه

البدنية ماتحتاج الكتاب الا في الاسبوعين المخصصه للكتاب

الفيزكال ساينس ماتحتاج الكتاب

*اللابتوب*
ماتحتاجه معك وقت الكلاس تحتاجه للمذاكرة فقط

في الحاسب موجود كمبيوترات جاهزة

اذا تبغا تاخده معك الكلاس بعض الدكاترة يسمحوا بس الاغلب لا

*الايباد*

وضعه نفس اللابتوب يمديك تاخذه لو سمح الدكتور

باقي الاشياء راجعة لك مثل لو تبغا تجيب دفتر تكتب فيه الي يقوله الدكتور

وطبعًا تحتاج قلم او مرسام عشان تكتب
N-N