نبدء بسؤال
ايه اللي معطلك؟
ايه اللي معطلك؟
Anonymous Poll
18%
اختيار تخصص؟
14%
نقص الموارد؟
27%
قله التدريب العملي؟
42%
مش عارف ابدء ازاي؟
🔥8❤4⚡2👍2👌2😍1🏆1
الخطوة الأولى: Network+ (أو "إزاي تسلك المدعكه دي 👆")
أول حاجة لازم تفهم الشبكات. يعني إيه IP؟ وMAC؟
و حاجات تانيه كتير
شهادة Network+ هتخليك تعرف الحاجات دي وتفهم الشبكة كأنك جواها. فكر فيها كأنك بتتعلم خريطة مدينة قبل ما تروح تسرق بنك (احم أقصد... تحمي بنك طبعًا 🌚).
نصيحة: اتفرج على فيديوهات خفيفة على يوتيوب عشان مش كلنا بنستحمل كتب 500 صفحة.
❤37👍12👌4🔥3😍2⚡1🏆1
الخطوة التانية: Linux+
لو لسه فاكر إن كل حاجة في الكمبيوتر هي ويندوز، لازم تعرف إن اللينكس هو بطل الكواليس في كل حاجة سيكيورتي تقريبًا.
لما تبدأ مع لينكس هتحس إنك دخلت كوكب تاني، بس خدها واحدة واحدة. حاول تجرب أوامر زي:
sudo apt update && sudo apt upgrade
ده هيخليك هكر و سيبك من وجع الدماغ ده.
نصيحة: جرب توزيعة Ubuntu الأول. سهلة وحلوة للمبتدئين
👌21❤10👍4🔥3🤣3⚡1🏆1💘1
الخطوة التالتة: Security+
بص، السيكيورتي+ هي المدخل الرسمي لعالم الأمن السيبراني. الشهادة دي بتعلمك المصطلحات الكبيرة زي "Confidentiality, Integrity, Availability".
هتتعلم كمان إزاي تتعامل مع المخاطر.
نصيحة: ركز في الـThreats and Vulnerabilities، عشان هتلاقيها كتير في الشغل.
و بعد الكورس ده المفروض تكون عارف تخصصات المجال و تعرف تختار تخصصك.
❤29👍8❤🔥3👌2⚡1🔥1🏆1💘1
كده دي الاساسيات اللي المفروض تبقي معاك قبل الدخول ف اي تخصصات ف شد حيلك و ابدء ياحبيبي
بالتوفيق ياصديق 🔥👊
بالتوفيق ياصديق 🔥👊
This media is not supported in your browser
VIEW IN TELEGRAM
⚡23👍8❤4🔥4❤🔥3🤩3🤣3💘2🏆1
OneCube
مش عارف ازاي تبدء؟ كمل تحت 👇
المصادر اللي تذاكر منها
أولاً: الشبكات
عشان تتعلم الشبكات، عندك خيارين:
لو عايز تمشي علي النصيحة؟
شوف البلاي ليست دي:
لو عايز كورس كامل يغطي كل التفاصيل؟
ده الكورس اللي هيشرحلك كل حاجة:
ان شاء الله قريب هشرح الشبكات عملي هنا علي القناة
ثانياً: لينكس
اتعلم اللينكس من واحد من الكورسين دول، شوف اللي يناسبك:
الاتنين زي بعض تقريباً، اختار اللي شرح المدرس فيه يعجبك أكتر.
ثالثاً: Security+
لو هنتكلم عن Security+، فلازم نذكر كورس أحمد سلطان:
الإصدار القديم مجاني ومتاح على يوتيوب:
الإصدار الجديد مدفوع على موقع NetRiders.
لو مش مستعجل، قريب هيتم نشره مجاناً على موقع HiddenLockTeam.com.
رابعاً: البرمجة
بايثون (Python):
ابدأ بكورس الزيرو، شوف لحد الفيديو 133، ولو كملت باقي الكورس هيكون أفضل:
باش (Bash):
ده كورس لازم تشوفه بالكامل:
لو عندك سؤال او طلب لشرح اكتب ف التعليقات 👇
أولاً: الشبكات
عشان تتعلم الشبكات، عندك خيارين:
لو عايز تمشي علي النصيحة؟
شوف البلاي ليست دي:
https://youtube.com/playlist?list=PL7Gr36YWMQJce2BRY8rqxkygVyBb618iF&si=D03koWx49dKS_unJ
لو عايز كورس كامل يغطي كل التفاصيل؟
ده الكورس اللي هيشرحلك كل حاجة:
https://youtube.com/playlist?list=PLLlr6jKKdyK1zEvFvbRefQSngzxoYGID1&si=o34axUQqCkiltOm1
ان شاء الله قريب هشرح الشبكات عملي هنا علي القناة
ثانياً: لينكس
اتعلم اللينكس من واحد من الكورسين دول، شوف اللي يناسبك:
https://youtube.com/playlist?list=PLLlr6jKKdyK1FBi3pLVAmilLvMwWHw-84&si=kaCIdgbpJU873uwy
https://youtube.com/playlist?list=PLLlr6jKKdyK30uy0ikRjFpYMHXd4Cez1I&si=XwgeuD7VXXCPWrC3
الاتنين زي بعض تقريباً، اختار اللي شرح المدرس فيه يعجبك أكتر.
ثالثاً: Security+
لو هنتكلم عن Security+، فلازم نذكر كورس أحمد سلطان:
الإصدار القديم مجاني ومتاح على يوتيوب:
https://youtube.com/playlist?list=PLky4bd7_03m8o1NB0j96OsxZs0KcKlgMO&si=s8_OqJIR-g3OHQbk
الإصدار الجديد مدفوع على موقع NetRiders.
لو مش مستعجل، قريب هيتم نشره مجاناً على موقع HiddenLockTeam.com.
رابعاً: البرمجة
بايثون (Python):
ابدأ بكورس الزيرو، شوف لحد الفيديو 133، ولو كملت باقي الكورس هيكون أفضل:
https://youtube.com/playlist?list=PLDoPjvoNmBAyE_gei5d18qkfIe-Z8mocs&si=GuNdFlBwULWphEOp
باش (Bash):
ده كورس لازم تشوفه بالكامل:
https://youtube.com/playlist?list=PLBdyyeW_Z41DykncH9zzMk8T7Rm5UlZXd&si=iYsFnDpsGOwgL_xG
لو عندك سؤال او طلب لشرح اكتب ف التعليقات 👇
❤36🔥6👍4⚡1❤🔥1💘1
بروتوكول HTTPS بالتفصيل
الأول خلينا نتكلم عن وظيفة البروتوكول ده.
كلمة HTTPS هي اختصار لـ Hypertext Transfer Protocol Secure واللي معناها "بروتوكول نقل النص التشعبي الآمن". وظيفة البروتوكول ده هو إنه ينقل المعلومات بينك وبين السيرفر بأمان.
تخيل إنك قاعد في كافيه وعايز توصل رسالة سرية لصاحبك اللي في آخر القاعة. بس المشكلة إن فيه ناس قاعدة في النص ممكن تسمع الكلام أو تشوشر على كلامك وتوصل لصاحبك كلام مختلف. ودي كانت مشكلة بروتوكول HTTP.
تعال بقى نضرب HTTP ده شوية عشان يتربى ويوصل الكلام صح. لقيناه فجأة بقى HTTPS وبيشفر البيانات بينك وبين صاحبك، ولو حد سمع الرسالة مش هيفهم منها حاجة، ولو حد حاول يغير النص اللي مش مفهوم ده، بروتوكول HTTPS هيعرف ومش هيوصل الرسالة.
التحول من HTTP لـ HTTPS حصل بسبب استخدام تقنية اسمها SSL/TLS (اختصار لـ Secure Sockets Layer / Transport Layer Security). دي اللي بتقوم بعملية التشفير والتحقق من الهوية، وبتضمن إن البيانات تفضل سليمة بين الطرفين.
تعالى نتعمق شوية جوا.
دلوقتي أنت فتحت المتصفح بتاعك وهدفك تدخل تذاكر من موقع https://www.hiddenlockteam.com.
المتصفح بيحاول يوصل للسيرفر اللي عليه الموقع، والسيرفر بيرد عليه بشهادة الـ SSL/TLS، والشهادة دي جواها مفتاح تشفير بنقول عليه المفتاح العام (والسيرفر بيحتفظ بالمفتاح الخاص المسؤول عن فك التشفير).
بعد كده المتصفح بيتأكد من الشهادة دي ويشوف إذا كانت صالحة وصادرة من جهة إصدار شهادات موثوقة ولا لا (الجهات الموثوقة دي زي GoDaddy، وDigiCert، وComodo، وما إلى ذلك).
بمجرد ما المتصفح يتأكد إن الشهادة سليمة، المتصفح بيبدأ هو والسيرفر يتفقوا على مفتاح تشفير متماثل لجلسة الاتصال بينهم، وأخيرًا السيرفر بيبعت الموقع مشفر للمتصفح، والمتصفح بيفك تشفيره بالمفتاح المتفق عليه.
شوية ملاحظات:
1- لو شهادة SSL/TLS اللي السيرفر بعتها غير صالحة أو الموقع مش موثوق، المتصفح بيعرض رسالة تحذير للمستخدم.
2- شهادة SSL/TLS زمان كان اسمها SSL فقط، بس كانت شهادة فاشلة ومليانة ثغرات، وTLS ده التحديث بتاعها اللي حل كل المشاكل بتاعتها، ودلوقتي بقى بيطلق عليها SSL/TLS
🔥26👍13❤12👌2⚡1🏆1💘1