Дұға қабыл болатын түндердің бірі – ораза айт түні.

©️ Имам Шафиғи

Яғни осы бүгінгі 9 сәуірден 10на қараған түн.

Құрметті оқырмандар! Ораза айт құтты болсын🥳 Алла бізден және сіздерден қабыл етсін🤲 Еліміз аман, жұртымыз тыныш болсын.

– Сіздерге Алла разы болсын! Ұстаздарға не сыйлауға болады өзі?

– Көп рахмет, ұстаздардың айтқан сөздеріне амал етіп, жақсы адам болып жүрсеңіз соның өзі де ұстаздар үшін үлкен сыйлық. (және бір-бір rolex)))

«Ілімділермен ілімсіздер тең бе?» деген аяттың мағынасы қиямет қайым күні ілімділердің сұралуы ілімі жоқтарға қарағанда өте қиын болады. Осы тұрғыдан олар тең емес.

©️Шейх Надир Абу Умар (حفظه الله)

https://t.me/erenkayiR

Дәл сол секілді 12 мүшесі сау адамдар мен науқастардың есебі тең емес. Сөзсіз науқастарға сабыр еткендері үшін ақыретте көптеген жеңілдік жасалады.

P/S: өзіме қатыстырып жатқан жоқпын.

Құдайдың алдындағы күнәлары ешкімді дұға етуден тоспасын(яғни мендей күнахардың дұғасын Алла Тағала қайдан қабыл етсін). Себебі Алла Тағала жаратылыстың ең жаманы Іблістің дұғасын қабыл етпеді ме?!

©️ Суфиян ибн Ғуяйна

Мүміннің бір миссиясы жұбын тауып үйлену. Егер үйлену мүлде дұрыс емес болса, Алла бойдақтарды жәннатта үйлендірмес еді.

Үйленуден қашырып жүрген әрбір психолог өзі көтере алмайтын шоқпарды беліне байлап жүргенін түсінбеуде.

“Қазіргі кезде жар болуға лайық жақсы ер жоқ” деп айту – бүкіл салиқалы ерлердің ақысына кіру.

“Қазіргі кезде жар болуға лайық жақсы қыз жоқ” деп айту – бұл да бүкіл салиқалы әйелдердің ақысына кіру.

Қияметте сұрағы ауыр.

Ақыретке сенбей өмір сүру қандай қиын деймін да. Жақыны дүниеден өтсе онымен кездесу үміті мүлдем жоқ қой ол адамда. Имансыз өмір сүру өте қиын негізі.

Толық өміріңді Рамазандағыдай өткізсең, ақыретің айт болады.

©️F9ixn инста парақша

Құранды үйде толық жаттап шыққан қаридың әкесі: “Алла Тағала бұл баланы Құран үшін жаратты”, – деп айтқан екен.

Баласы: “әкемнің осы сөзін өмірі ұмытпаймын”, – дейді.

Алла баршамызға Құранды жүрегіміздің көктемі етсін🤲

Көзбояушылықтан (риядан) құтылу оңай. Көпшіліктің көзінше қылған амалды, жалғыз қалғанда да істесең болғаны.

#ықыласты_арттыру

Ең алғашқы жойылатын ілім – хушуғ(Алладан қорқып, оған берілу халі).

©️ Хузайфа ибн Яман رضي الله عنه

Хадисте періштелердің ілім ізденушіге қанат жаюын ғалымдар келесідей мағынада қабылдаған:

1. Тіке мағынада. Яғни періштелер кәдімгідей ілім ізденушінің аяғының астына қанаттарын жаяды.

2. Астарлы мағынада. Яғни олардың ілім ізденушіге деген ерекше құрметі. Бірақ бұл көзқараспен келіспеуге болады. Себебі періштелердің шынайы қанаттары бар. Олардың қанат жаюы ақылға қонымсыз нәрсе емес.

3. Періштелердің ілім және жалпы Алла Тағала еске алынатын мәжілістерді қанаттарымен аспанға дейін қоршап алулары. Және осы көзқарас ең жақын көзқарас. Анығын Алла жақсырақ білуші.

©️ Ибн Ражаб әл-Ханбали.

Түсінгенім, ғылыми мәжілістер жаныма рахат сыйлап, өмір сүруге деген ынтамды ашады екен.

Сенің ең бақытты кезің – дәл қазіргі сәттерің.

©️Шейх Халид әл-Харса

#қадірін_біл

Денсаулығыңды сауатсыз дәрігерге тапсыра алмайсың, бірақ дініңді, ақыретіңді қалайша өз маманы емеске тапсырасың?!

Дініңді кімнен алып жүргеніңе мән бер!

©️ Нұрбақыт Айдосұлы

Юнус ибн Ғубайд көп намаз оқып, әрі көп ораза да ұстамаушы еді. Алайда Уаллаһи! Ол Алланың хаққысын орындауға келген кезде, оған әрқашан дайын болатын.

©️ Сәләм ибн Мутиғ немесе басқасы.

📚 Мунжидуль Хатыб