عاندت ماتطيش شمة بزلفهة
خافن تطب للبيت ومهة تعرفة

مرتضى العكيلي

الينطي بته عناد للماتريده
كون عله خوط الجاي ماتگدر ايده

مرتضى العكيلي

فرغصت روحي وجيت كالو صحتني
وتابوت ابوي الجان بيها اعله متني
مرتضى العكيلي

خامل وملچ الموت يرني من الاردان
گتلة اشوة روحي اتريد حسبالي ديان

مرتضى العكيلي

ليش النكبره اهواي ونحطه جدام
يحرن سوايه ذاك بل شارع العام

مرتضى العكيلي

ودولي بس اگماط للخلفه اهواي ..
باكر وست مرات درن ثداياي

مرتضى العكيلي

انه من اطبه السوك ما اطبه شراي
جايب غرض للبيع من بيتي وياي

مرتضى العكيلي

الحادي والجناز طلعو سوه براي
بجثتي الجناز والحادي بهواي

مرتضى العكيلي

صح من مشو رديت ما جني مهتم

بس كلبي بل عباس طك من حدر دم

مرتضى العكيلي

الحادي ما خليت خرم بره
مفتوح
خافن يعبر النوك من عنده ويروح
مرتضى العكيلي

موش انه اليطخ راس ويمدلك ايده

ل الله استحي اشجي العوز موش العبيده
مرتضى العكيلي

سامعني حاجي اعليك شايف بلعيون
ماخربتني وياك غير اليكولون

مرتضى العكيلي

تنعه اعله خمس اولاد گشهم سوه الماي
واحاها يم الراگ ما وصلت احااي

مرتضى العكيلي

يالحادي هاك ثنين فص عيني والموكَ
بس هودج ام شامات خله اطرف النوكَ

مرتضى العكيلي

الحادي جا بس هاي عمدن زلفني
بركَع اوجوه النوكَ خاف اتعرفني

مرتضى العكيلي

انه بخير بس مو زين
انه اشتاكيت مدري المن
ناس هواي و ماكو احد
مابيهم لكيت انسان يفهم حزني لو غرد
انه مابيه اعيش اسبوع جبروني وعشت هلكد

م.ن

شكثر گايلها بس جيب اليصدكون
يخيعونة الخلص من دنيتة ومات

الحمد لله اذا عل عافيه بخير
بس بنفسي ابات بلايه حسبات

يجي الليل بسوالف مادري أمنين
أشكال يجيبلي ويترسني صفنات

ومرة اضحك واكولن فرصه وتروح
واتاني الثانيه تعوض الخسارات

واتاني الثانيه وتمر السنين
وارد أندم واكولن لا حرامات

المهم ياهو أليعرف اشبيه وارتاح
انه مو زين ساعه وزين ساعات

حسين ال حبتري

‏و أعاتب وجه المرآية..
‏ واگلهة الشيب مو عمري🙂
م

ال بيّه هواي
لا گدّك .. . ولا گدّي
ال بيّه هواي
وانه سنين عايش كل شي ماعندي !

الشاعر المرحوم رحيم المالكي

رحيم طاهر جناح المالكي مواليد .. 1962 ولد الشاعر المرحوم في محافظة ميسان
قضاء الكحلاء اكمل دراسته المتوسطه في بغداد حيث انتقلت عائلته اليها بعد وفاة
والده واكمل الدراسه الاعداديه في اعدادية الكرامه المسائيه الفرع الادبي اسس
مع الشاعر فالح حسون الدراجي عام 1986 منتدى الشعر الشعبي في مدينة
الثوره (مدينة الصدر حاليآ ) فاز بجوائز ومسابقات شعريه كثيره على مستوى
القطر حيث نال على الاولى 4 مرات والثانيه مرتين منذ عام 1990 فصاعدآ , كما
حاز على جائزة الابداع عام 1996 من جمعية شعراء الشعب . وهو اول من قرأ القصيدة
الحسينيه على منبر جمعية الشعراء ليعطي بذلك دفعه كبيره للشعراء الاخرين
ليحذوا حذوه كتب اجمل القصائد تلك الفتره ومنها الفرات وابو طالب ولا تلوم العين
وعلى بيبان الجنه وغيرها . وفي 25\6\2007 كان الارهاب الاسود في العراق يخطط
لضرب مؤتمر المصالحه الوطنيه في فندق المنصور ليتم له ذلك فيخر الشهيد
صريعآ بحقد الاوغاد فكان مأتمآ كبيرآ للعراق عم الحزن عليه بكافة ارجاءه.

عدد الدواوين 1

عدد القصائد 11

الديوان اسمه هواجس ويتضمن:-

ياعراق
متزوج ارهابية
الى غني محسن البهادلي
رسالة الى دكتورة حسنة ملص
امسح ياذنب
لاتلوم العين
حرامي الشريعة
يافرات
الابوذيات
الموت في الغربة
رافضني

قصيدة الى الدكتورة حسنة ملص
إخترت لكم هذه القصيدة للشاعر رحيم المالكي الذي أستشهد من جراء التفجير الإنتحاري في فندق المنصور ميليا الذي قام به أحد إرهابيّ القاعدة.

بعد أن عجزنا عن مخاطبة الشرفاء لحل مايدورفي العراق، إضطررنا لمخاطبة غير الشرفاء.
رسالة للدكتورة حسنةملص
--------
ياهو المنج أشرف خاطر أشكيله
دليني ياحسنة وباجر أمشيله
أمشيله وأحجي كل الحجي المضموم
كَبل حفاي كَالوا هسة ماكو اهدوم
بيتيمن القنابل والقصف مهدوم
وحكومة بلا حكومة بغير تشكيلة
تنازع على الكراسيوالشعب حفاي
وأبشرج لاغذاء لاكهرباء لاماي
إحنا أهل النفط والكاك عدزلماي
ياحسنة الحكومة تكَدر اتشيله
------
حكومتنا الرشيدة لييشهالتأجيل
أي مو مطرت علينا من السما سجيل
بلوة أبتلينا قابل إحنا أهلالفيل
أي مو هذا أبرهة خلوه يرد فيله
جوعنا أبرهة وجوع أبو الكفار
تلثاسنين أسمع ماأشوف إعمار
بس بعض الحكومة أصبحت تجار
بهاي أشهد ياحسنة ابيوم وليلة
--------
تجار الحكومة والشعب حمّال
وياهو اليجي باجر نغيرالحال
من هاية السوالف حملنا اجمال
إذا إنعدل وضعه ينعدل ذيله
حكومتناالرشيدة لييش هذا البوكَ
ترة لهذا الشعب قط ماتضيع احكَوكَ
باجر بإنتفاضةإنشكَ كثير احلوكَ
عرفنا الباكَنه ونعرف اليوميله

منقول