#Live

Flightradar сайти маълумотларига кўра, Нурсултон Назарбаевнинг ўртанча қизи, Динара Назарбаевага тегишли самолёт ҳозиргина Қирғизистонга учиб кетди.

Динара Назарбаева 3.2 млрд доллар сармоя билан Қозоғистонда энг бой аёл ҳисобланади.
Умумий рўйхатда 4-ўринда.
Тадбиркор.
Қозоғистон халқ банки эгаларидан бири.

Эри, тадбиркор Тимур Кулибаев ҳам миллиардер. Форбес маълумотларига кўра бойлиги 3 млрд долларни ташкил қилади.

Форбес маълумотларига кўра оиланинг фақатгина расмий рўйхатга олинган активлари ҳисоби 6.5 млрдга яқинни ташкил қилади.

Асосий активлар юрт ташқарисида.

Кимларнидир эслатмаяптими?

Бундайларни охири шундай якун бўлади.

Мана нимага қозоқ қардошларимиз тоқати тоқ бўлган.

👉 @OlimjonHaydarov 👈

#Live

Ўзбекистон(Қорақалпоғистон)нинг шимолий-ғарбий қўшниси бўлган, бизни Каспий денгизи билан боғлаб турувчи, Мангистау вилояти( намойишлар шу жойдан бошланганди) марказидаги Актау халқаро аэропорти намойишчилар эгаллаб олишлари орқасидан ўз фаолиятини тўхтатди.
Қолган ҳудудларда ҳам намойишчилар аэропортларга ҳаракат бошлашди.
Улар халқ мулкини йиллар давомида талон-тарож қилга ўғри амалдорлар, олигархлар қочиб кетишини олдини олишмоқчи.
Қозоғистон давлатчилиги хавф остида.
Вазият жиддий, кузатамиз.

👉 @OlimjonHaydarov 👈

Ўзбекистонда Қозоғистондаги воқеаларга муносабат билдираётган блогерлар, ижтимоий тармоқ фойдаланувчиларига босим бошланди.

Жумладан Қорақалпоғистонлик бир неча блогерларга Қозоғистондаги воқеаларга муносабат билдиргани муносабати билан босимлар бошланган. ИИБ ва ДХХ ҳамкорликда, кўп кишилик гуруҳлар билан уйларига бориб, ваҳима қилиб, оила аъзолари, хусусан ота оналар орқали босим қилиб, «бу мавзуда бошқа ёзмайман» қабилада тушунтириш хатлари олинмоқда.
Блогерлар қўрқиб қолишган, шахсларини очиқлашни исташмади.

Бундай номардлик қилманглар.

Қозоғистондаги жанжал ҳам мана шундай ижтимоий овозни ўчиришга ҳаракат сабаб бошланди.

Мани уйимга келиб, безовта қилиб юрманглар, кимнидир қандайдир гапи бўлса, ўзимга чиқаверинглар, номерим бор, «акалар».

👉 @OlimjonHaydarov 👈

#Live

Актау шаҳрининг марказий майдонига йиғилган 10-15 минг нафар аҳоли энди Токаевни истеъфосини талаб қилишмоқда.
Намойишлар ҳозирча мутлақо тинч ҳолатда ўтмоқда.
Ҳарбийлар вазиятни назорат қилишмоқда.
Ҳарбийлар юқоридан қандай топшириқ келишидан қатъий назар халққа қарши қурол кўтаришмоқчи эмас.
Вазиятни кузатамиз.

👉 @OlimjonHaydarov 👈

#Live

Намойишчилар қуйидаги 4 та шартлари бажарилса, кейин уйларига қайтишмоқчи.
Бу шартлар бажарилмагунча, уйларига қайтишмоқчи эмас, демак тинчлик ҳам бўлмайди.

Асосий талаб Россия билан ҳар қандай иттифоқдан чиқиш.

1. Барча сиёсий маҳбусларни зудлик билан озод қилиш
2. Қозоғистон Республикаси Президенти, Хавфсизлик Кенгаши Раиси, Ҳукумат ва Парламентнинг тўлиқ истеъфога чиқиши ва истеъфога чиқиши.
3. Сиёсий ислоҳотлар: Муваққат ҳукуматни Қозоғистондаги қаршилик кўрсатиш иштирокчилари — нуфузли ва жамоат фуқароларидан яратиш ШХТ кучлари томонидан эркин сайловлар ўтказиш.
4. Сиёсий ислоҳотларнинг асосий шарти — демократия қадриятларига қатъий риоя қилиш ва инсон ҳуқуқларини ҳурмат қилиш, совет ҳокимияти йилларини постсовет империяси халқларига қарши жиноят деб эътироф этиш, ҳарбий тажовузни қоралаш. Украина ва Қримнинг аннексия қилиниши, МДҲ, ЕОИИ ва Россия Федерацияси билан бошқа иттифоқлардан ажралиб чиқиш.

Манба: NextaLive

👉 @OlimjonHaydarov 👈

#Live

Flightradar сайти маълумотларига кўра Россия ҳарбий ҳаво кучларига тегишли бўлган, Қозоғистонлик юқори лавозимли амалдорлар, олигархларни эвакуация қилиш учун Олма-отага Москвадан учиб келаётган, бортида махсус ҳарбийлар бўлган, Ту-214 ҳарбий самолёти намойишчилар томонидан эгаллаб олинган Олма-ота аэропортига қўна олмасдан, ҳозирда Ўзбекистон ҳаво ҳудудида «тентираб» юрибди.

👉 @OlimjonHaydarov 👈

#Live

Ташқи томондан салобатли кўрингани билан ичи бўм-бўш. Нозик, мўрт.

Назарбаев ҳайкали билан бирга у қурган тузум ҳам қуламоқда.
Бир неча кун аввал на Назарбаев шахсига, на ҳайкалига тегина олмасди биров.

1 кунда ҳаммасини оёғи осмондан бўлди. Буни ҳеч ким, ҳатто Назарбаев ҳам ўйламаган бўлса керак.

Ҳар бир жон ўлим шарбатини тотгувчидир(Оли Имрон” сураси 185 — оят), тафаккур қилинглар.

👉 @OlimjonHaydarov 👈

Бутун Қозоғистон бўйича фавқулодда ҳолат режими жорий қилинди!

ФҲ режимида Президент ҳамма ваколатларни ўзига олади, суд ҳукмисиз қарорлар чиқариши, армияни парламент рухсатисиз бошқариши мумкин бўлади.

****

Олма-ота шаҳрида миллий хавфсизлик комитети биноси намойишчилар томонидан эгаллаб олинди.

****
Шунингдек Олма-ота халқаро аэропортида учишга тайёр рейслар, жумладан Олма-ота — Москва рейси учишига рухсат берилмаяпти.

👉 @OlimjonHaydarov 👈

2011 йил 14 январда – Тунисда Зайнул Обидин Бин Али ҳукмронлиги тугаганида Мисрда эдим: Мисрнинг ҳукуматпараст газеталари бундай воқеа уларда ҳеч қачон бўлмаслиги, чунки халқ ҳукуматдан розилиги ҳақида ёзарди...

2011 йил 11 февралда – Мисрнинг қарийб 30 йиллик диктатори Муҳаммад Ҳусни Муборак истеъфо бериб, президентликдан кетганида ҳам Мисрда эдим: унгача бўлган намойишлар, мамлакатда 2 кун мобил алоқа, 5 кун Интернет узиб қўйилганида дунёдан хабар олиш, Таҳрир майдонида нималар бўлаётганини билиш имкони бўлмаган; кейинги воқеаларни "Ал-Жазира"дан кузатганмиз.

Аммо Мисрда жуда қисқа давом этган эркинликдан кейин – биринчи марта адолатли сайлов орқали бошқарувга келган, атиги бир йил (2012 йил 24 июн – 2013 йил 3 июл) президент бўлган Муҳаммад Мурсий армия томонидан ағдарилиб, ўн минглаб кишиларнинг қони тўкилиши ва қамалиши бадалига Абдулфаттоҳ Сисий ҳокимиятга келди. Бу ҳам энди Мисрнинг қонини сўриб келган ҳарбий салафлари каби ўлгунича ҳокимиятда қолса керак.

Тунисда ҳам бошида ҳаммаси яхши кетди: авваллари тақиқда бўлган Исломий партия давлатни бошқарди, диний ва сиёсий эркинликлар берилди, "Араб баҳори"нинг ўчоғи бўлган мамлакат "халқ иродасининг ғалабаси"га намуна қилиб кўрсатиладиган бўлди. Аммо 2019 йил кузига келиб, исломий партиялар ҳам, либераллар ҳам бир четда қолиб, ҳеч қайси сиёсий кучга мансуб бўлмаган Қайс Саид мамлакат президенти этиб сайланди. У эса 2021 йил июлида "коронавирусга қарши яхшироқ курашиш" мақсадида парламент фаолиятини тўхтатди, депутатларнинг дахлсизлик ҳуқуқини бекор қилди, бош вазир лавозимини йўқ қилди...

Инқилоблар доим ҳам шўрпешона халққа бахт-саодат келтирмайди: ҳукуматлар алмашади, бир гуруҳ талончилар ўрнига бошқаси келади; қашшоқларнинг орзулари эса ушалавермайди...

Шу кунларда ўз ҳаққини талаб қилиб намойишларга чиққан, аммо бу намойишлар зўравонликка айланиб кетаётганидан жабр чекаётган қардош қозоқ халқига Аллоҳдан офият сўрайман. Шундай кунларда халқнинг дардини ҳис қиладиган ҳақиқий ислоҳотчилар майдонга чиқиши керак...

©️ Musannif Adham

👉 @OlimjonHaydarov 👈

#Live

Қасим-Жомарт Тоқаев ОДКБ(Организация Договора о коллективной безопасности)- Коллектив хавфсизлик шартномаси ташкилотидаги ҳамкорларидан мамлакатдаги нотинчликларни бостириш учун ёрдам сўради.

Россия ва Беларус(ташкилотда яна Арманистон, Тожикистон, Қирғизистон ҳам бор. Балки улар ҳам «ёрдамга» келишар) ёрдам беришга тайёр.

Бу четдан ҳарбий ёрдам олиш дегани. Ўз халқингни бостириш учун четдан ҳарбий олиб келиш дегани. Бу амалда мустақил давлатчиликни тугаши дегани.

Яқин вақтлар ичида, балки шу тундаёқ Қозоғистонда митингларни тинчитишга мослашган, қўли қонга ботган Путин ва Лукашенконинг армиясини кўришимиз мумкин.

👉 @OlimjonHaydarov 👈

#Live

Тасдиқланмаган маълумотларга қараганда Путин Кубинкадаги Россия Қуролли Кучларининг 45-ҳаво-десант полки ва Махсус операциялар кучлари бўлинмаларини Қозоғистонга юборишга тайёрларгарлик кўрмоқда.

Манба: Военный обозреватель

👉 @OlimjonHaydarov 👈

#Live

Кўринишидан Тоқаев куч ишлатар тизимдагилардан ҳеч кимга ишонмаяпти.

Назарбаев лавозимидан олинганидан кейин Давлат хавфсизлик хизмати раҳбарини ишдан олиб, ўрнига Президент хавфсизлик хизмати раҳбарини қўйди.

Шунингдек Тоқаев норозилик намойиши ўтказаётганларни «ташқаридан молиялаштирилаётган, тайёргарликдан ўтган террористлар» деб атаб, уларга қарши энг қаттиқ чоралар кўрилишини айтиб ўтди.

Олма-отада антитеррор штаби ташкил этилиб, операция бошланди.

Хабарларга қараганда халқаро аэропорт қайтариб олинган, лекин фойдаланишга ҳозирча яроқсиз.
Кузатамиз.

Манбалар: Военный обозреватель,
Nexta Live

👉 @OlimjonHaydarov 👈

#Live

От изи ит изи билан аралашиб кетди.

Аввал бошида тинч митинг бўлган Қозоғистондаги вазият тамоман назорат чиқиб бўлди.

"Военный обозреватель"нинг хабар беришича Олма-отада Миллий хавфсизлик комитетини қўлга олган намойишчилар у ердан ўнлаб ўрта ва оғир турдаги қуролларни олиб чиқиб кетишган.

Бу энди тинч намойишлар эмас.

Вазиятдан ҳамма фойдаланиш ҳаракатини бошлади.

Буларни ҳаммасига сабабчилар мамлакатдан аллақачон қочиб чиқиб кетиб бўлди.

Энди оддий қозоқ халқига қийин бўлади буёғига.

Ҳукумат хам, халқ ҳам музокара столига ўтиришлари шарт.
Бўлмаса, ҳар икки томондан ҳам йўқотишлар бўлаверади.

Аллоҳ қозоқ қардошларимизга омонлик берсин, осон қилсин, қўлласин, асрасин.

👉 @OlimjonHaydarov 👈

Қозоғистон ҳарбий ҳаво кучлари генерал-майори, Токтар Аубакиров «Қозоқ ҳарбийлари намойишчиларга чора кўриша олмаяпти(ўлдиришмаяпти), шу сабабли ОДКБ(Организация Договора о коллективной безопасности)- Коллектив хавфсизлик шартномаси ташкилотидаги ҳамкорларимиз келиб, бизга ёрдам берсин, халқимизни ўлдиришга ёрдам берсин» деган маънода интервью берибди.

Буларни нима қилиш кераклигини қозоқ қардошларимиз билишади.

Фақат, хулоса қилайлик, Россияга яқин бўлмоқчи, Россия бошчилигидаги ҳар хил иттифоқларга киришга ҳайриҳоҳ бўлаётганлар, кўринглар, ҳис қилинглар, эртага ҳаққингизни талаб қилсангиз, ричаги Россияда бўлган ҳаромхўр, ифлос, сотқин генераллар у, амалдорлар, каллакесарларни чақириб, бошингизни узади.

Тафаккур қилинглар.

Манба: "Протесты в мире" тг канали

👉 @OlimjonHaydarov 👈

#Live

Қозоғистондаги можаролар фонида криптовалюталар, жумладан биткоин нархи деярли 5% га қадрсизланди.

Сабаби Қозоғистон Криптовалюта учун блокчеин ишлаб чиқариш бўйича дунёда етакчилардан бири. 20 % улушга эга.

Шу сабаб бозор «қулади».

👉 @OlimjonHaydarov 👈

Тасдиқланмаган хабарларга кўра Қозоғистон армияси ва хавфсизлик кучлари Олмаота шаҳрини «террорчи тўдалар» ва талончилардан кенг кўламли воситалар ёрдамида тўлиқ «тозалаш»ни бошлашди.

Шаҳарда деярли уруш бошланди...

Манба: "Военный обозреватель" тг канали

👉 @OlimjonHaydarov 👈

#Live

Олма-отада ҳарбийлар овоз кучайтиргичлар ёрдамида фуқароларга шаҳарда антитеррор операцияси бошлангани, шу муносабат билан уйдан чиқмасликлари ҳақида огоҳлантириш беришмоқда.

**
Олма-ота шаҳар моргида ўнлаб(!) мурдалар йиғилган. Уларнинг аксари норозилик намойиши қатнашчилар, ўқотар қуролдан вафот этганлар...

Манба: "Военный обозреватель" тг канали

👉 @OlimjonHaydarov 👈

Қозоғистондаги воқеалар фонида «мерган»лардан бири «уйғонди».

20 кун умуман кўринмаган «мерганимиз» кеча кечки пайтдан бошлаб 30 40 та пост қўйди, телеграмда.

У Қозоғистондаги ишларда Президентни айблаб, бизда ҳам рангли революция бўлиш ҳақида фикрлар билдирди.

Асосий эътиборни Президентни кенжа куёви О.Умаровга, Президентни Жиззахлик қариндошларига, Президентни катта қизига қаратди, уларни порахўр, коррупционер, мафиа тузишда айблади, шундай вақтда Президентни дам олишини танқид остига олди.

Афсуски скрин қилиб қўймапман, ўчириб ташлабди ҳозир қарасам.

Ундан ташқари куч ишлатар тизимларни мазҳара қилиб, устидан кулди.

Ички ишлар ходимларини, ҳарбийларимизни, айниқса Миллий Гвардияни қаттиқ кулгуга олди.

Ҳайрон қоламан, шундай қудратли ташкилотлар(ИИБ ва ДХХ) наҳот битта телеграм канал эгасини топа олмаса(ёки топишни хоҳлашмасмикан а?). Ҳатто бир неча марта Президентни қоралаб ташлади, жимжитлик.

Негадир ички бир овоз шу «мерган» ДХХга тегишли деяверади.

Сабаби бугун ҳам ҳамма силовикларни танқид қилиб, ДХХ ҳақида гапирмади.
Шунингдек отаси ДХХ раиси ўринбосари бўлган Президент катта куёви О.Турсунов ҳақида ҳам гапирмади.
Энг алам билан гапиргани ДХХни айрим ваколатларини Миллий Гвардияга олиб берилгани. Унинг айтишича махсус объектларни ДХХга қайтариб бериш керакмиш.

Бошқа гаплар ҳам ёзилганди, афсус ўчириб ташлашибди, балки кимдир скрин қилиб олгандир.

Аввалроқ ижтимоий фаол бўлган тармоқ фойдаланувчиларига ҳам ахборот ҳужуми қилганди бу «мерган»лар.

Улар очиқлаётган маълумотлар ё ИИБда ё ДХХда бўлади.

Бундан келиб чиқадики, бу лойиҳа ё шу икки ташкилотдан бирига тегишли, ёки шу икки ташкилотдан бирида “криса” бор, маълумотларни чиқариб турадиган.


👉 @OlimjonHaydarov 👈