Манави видео 1 кундан буён УзНетда айланмоқда.

Ундаги маълумотларга ишониладиган бўлса, Тошкент шаҳри, Яккасарой тумани Армуғон МФЙ раиси Қодиров Азам Бегимович номаълум сабаб билан ногирон шахсни ортидан келиб, тепиб, таҳқирлаган.

Лекин орадан 1 сутка ўтса ҳамки, бу шахсга нисбатан бирор чора кўрилган ёки кўрилмагани ҳақида бирор хабарга кўзим тушмади(тергов сири, тергов ишлари кетяпти деб баҳона қилишса керак).

Шу ногирон ўрнида бирор ИИБ ходими ёки ҳокимлик вакили бўлганида 1 соатда қидириб, топиб, ушланиб, тергов олиб бориб, айбини бўйнига қўйиб, суд қилиб, узр сўратиб, видеосини эълон қилиб бўлишарди.

Нима демоқчиман бизни жамиятда ростдан ҳам ақлий ёки жисмоний ривожланишда нуқсони борлар одам ўрнида кўрилмайди, давлат идораси ходимлари томонидан ҳам, оддий аҳоли томонидан ҳам. Ҳамма айтилаётган гаплар ё ҳавода, ё қоғозда қолади.

👉 @OlimjonHaydarov 👈

Фарғонада пули тўланганига 2 йил бўлган уйларга аҳоли ҳалигача кўчиб чиқа олмаяпти.

Фарғона вилояти Фарғона тумани Ҳосилот(Саноат) МФЙ да қурилган янги, кўп қаватли уйларни сотиб олган, лекин яшай олмаётган фуқаролардан мурожаат келди. Уларни айтишларича уйлар учун тўлов 2020-2021-йилларда қилинган бўлса-да(назарий жиҳатдан уйлар учун тўлиқ тўлов қилинган, сабаби "Қишлоқ қурилиш банк"дан фуқаро учун ипотека кредити ажратилиб, қурувчига тўлаб берилган, демак пул тўлиқ тўланган), ҳалигача уйларга кўчиб чиқа олишмаяпти. Бунга маҳаллий ҳокимиятнинг ўйламай қилган лойиҳаси сабаб бўлмоқда.

Воқеа қуйидагича бўлган. 2020-йилда тегишли қарор билан туман марказига яқин жойдан инвестиция дастури доирасида замонавий 6 та кўп қаватли уй қурилиши учун 6 та қурувчи компанияга қарор чиқарилган(шу жойда бир нуқтага эътибор қаратиш керак. Инвестиция дастури доирасидаги уйлар чет элдан олинган ёрдам ёки паст фоизли кредит асосида қурилади. У ёрдам ёки кредитнинг шартлари бор, шулардан бири уйлар замонавий бўлиши). Туман(балки вилоят билан маслаҳат қилингандир)даги тегишли ташкилотлар ҳар томонлама ўрганиб чиқиб, ҳамма шароитлари билан таъминланишга қулай ҳудуд Ҳосилот(Саноат) МФЙ деган хулосага келишади. Уй қурилиш бошланади. Реклама кетади. Замонавий, канализация, газ, электр, сув узилмайдиган кўп қаватли уй қурилмоқда деб, одамлар ҳали қурилиш бошланиб улгурмаган уйларга ҳам тўловни бошлашади. Ҳозир жами 6 та уй(180 хонадон)дан 3 та(90 та хонадон) битган. Лекин бу 90 та хонадон эгалари ҳалигача сарсон.

Уйлар битади. Лекин маҳаллий ҳокимлик таъминлаши керак бўлган коммуникациядан дарак бўлмайди. Одамлар аллақачон уйларга тўлаш учун банклардан ипотека кредити олиб, тўлашни бошлаб юборишган.

На сувдан, на канализациядан, на газдан, на электрдан дарак бўлмайди.

Ҳокимликка талаб қилиб борган аҳолига канализация қилиш 3 млрдга тушиши сабаб қила олмасликларини "тўғри тушунтириб юборишган".

Қандай қилиб канализация, сув, газсиз кўп қаватли уйда яшаш мумкин?

Аслида бизда ҳамма нарса тескаридан бошланади. Аввал коммуникацияни олиб келиб, кейин уй қурса бўлмайдими?

Одамлар 1 йилдан бери тўлаётган кредит нима бўлади?

Коммуникацияга ким жавобгар аслида?
Ҳокимликми, қурувчими?
Қайси бири жавобгар бўлса, шуларга тўлатиш керак, ўтган даврдаги тўловларни ва яна ҳамма коммуникация тайёр бўлгунча тўловларни. Бизга қишлоқ жойларда замонавий уйлар қуриш учун кредит бераётган Жаҳон банки, Осиё тараққиёт банки берган пуллари ҳавога совурилаётганини билишармикан?
Балки фаоллар мана шундай ҳолатларни йиғиб, альбом қилиб, уларга жўнатармиз, керакли каналлар орқали?

Зора шунда кредитлашни тўхтатиб туришса, аввал олган кредитларимизни бир ёқлик қилиб олардик.

Бу уйларни қуришга рухсат берилган вақтдан бошлаб, топширилгунча бўлган жараённи синчиклаб текшириш керак. Ким лойиҳа қилган, ким канализацияга улаш мумкин деган, ким уйни қурилишини, битганидан кейин қабул қилишни назорат қилган, нега қабул қилинган яшашга яроқсиз ҳолатда ҳам?
Саволлар кўп, умид қиламиз Вилоят Прокуратураси вазиятни назоратга олади, қонун бузилиши ҳолатлари бўлса, қаттиқ чоралар кўради.

Энг аввал анави уйларга канализация қилиш керак, ундан ташқари сув, газ, электрни таъминлаш керак, шарт, шунга мажбур ҳокимлик.

Ундан кейин, зудлик билан янги бошланаётган ҳамма кўп қаватли уйларни қурилишларини тўхтатиш керак. Аввал коммуникацияни олиб келиб, аниқ ҳисоб-китоб қилиб, етарли шароит бўлса, кейин қабул қилиш керак. Қабул қилиш жараёнини ҳам қаттиқроқ назоратга олиши керак Прокуратура.

👉 @OlimjonHaydarov 👈

Ногирон фуқарони тепган маҳалла раиси ишдан бўшабди.
Узр ҳам сўрагандир.
Қонуний чора кўрилмайдими?
Бўлдими?
Узр маъзур қилиб, ариза ёзса, кетаверадими?

👉 @OlimjonHaydarov 👈

Тошкент шаҳар ИИББни хабар беришича ногирон фуқарони тепган раисга МЖтКнинг 183-моддаси, Майда безорилик бўйича иш очилибди. Ё жарима тўлайди, ё 15 суткагача маъмурий қамоқ олади. Эси киради.

👉 @OlimjonHaydarov 👈

🔥Erkaklikka qarshi urush

Dard propagandasi, yetishilmagan sevgi va erkaklar maqsadi.

👉 @abdusattor

Йўл чизиқлари масаласида Наманган вилояти Поп туманидан мурожаат келди. Ростдан ҳам Поп туманида йўллар ачинарли аҳволда. Деярли 1 йил бомбаланган Украина йўллари ҳам бунчалик бўлмади ҳали.
Мурожаатни ўзгаришсиз қолдираман.
________

Яна ўша ўзимизнинг неча йиллардан бери эскирмайдиган мавзуйимиз...

Ором-Санг йўли ҳақида! Бизда йўлларга чизиқ чизиш деган тушинча йўқ нафақат Поп туманида бутун вилоятимизда!

Наманган вилояти ўта камбағал. Фақат ҳокимлари бой ҳолос! Йўлга вақтида бюджетдан пул ажратилмайди. Ажратилса хам тўлиқ сарфланмайди. Қашшоқ Наманганнинг, қашшоқ Поп туманида бунақа йўллар бисёр...

Яшасин «New Uzbekistan»

👉 @OlimjonHaydarov 👈

Анчадан бери Фарғонадаги янги қурилган ёки таъмирдан чиқарилаётган ижтимоий соҳа объектларини ёритмаётгандик.
Давом этамиз.

Навбатдаги объектимиз Тошлоқ тумани Қўрғонча МФЙда жойлашган 7-умумтаълим мактабидир.
Мактаб жами 1010-ўринга мўлжалланган бўлиб, 330 ўринли янги бино қурилган, шунингдек мавжуд 680 ўринли ўқув биноси мукаммал таъмирдан чиқарилган.
Шунингдек мактаб иситиш тизими тўлиқ замонавий иситиш тизими билан алмаштирилган, спорт зали қайта таъмирдан чиқарилган.
Қурилиш, таъмирлаш ишлари "426-ХИКМК" МЧЖ томонида 4 ой давомида, жами 7,3 млрд сўм сарфлаб, амалга оширилган.

Мактаб замонавий, ҳавас қиларлик даражада, ҳавас қилдим.

Мактабларга қилинаётган инвестицияни ёқлайман, қўллайман. Таълимга қилинаётган инвестициянинг бир қисми бу ҳам. Бардавом бўлсин.

👉 @OlimjonHaydarov 👈

Титанлар жанги.

Спойлер: Пост Ортиқхўжаевни ёнини олиш учун ёзилмади, умуман гап шахслар ҳақида эмас, вазият ҳақида.

Бугун тахминан 2 соатдан бери УзНет "портлади".
Кун.узга интервью берган ҳиндни Ортиқхўжаев унга шарт қўйгани, ё 100 миллион доллар берасан, ё лойиҳалардан қуруқ қоласан деган суҳбатини ҳамма тарқатяпти, улашяпти, муҳокама қиляпти. Ҳамма Ортиқхўжаевни тадбиркордан 100 миллион доллар пора сўраганликда айбламоқда.

Жуда кўпчилик ахборот манипуляцияси қурбони бўлмоқда. Шу хабарни ўқиётганлар, муҳокама қилаётганларни деярли 90 фоизи мақолани тўлиқ ўқимаган.

У ерда ёзилишича Ортиқхўжаев пулни ўзи учун талаб қилмаган. Инвестор бўйнига олган инвестицион мажбурият - 100 миллион долларни банкка махсус ҳисоб рақамга қўй деган, яъни ваъда қилган пулингни Ўзбекистонга олиб кел деган. Анави Ҳинд инвестор ваъда қилинган пулни эмас, озроқ пул билан келиб, Ўзбекистонликларни ўзидан пул йиғиб, шу пулга қурилиш қилишни бошлаган, камига гектарлаб ер сўраган, бу ҳокимга ёқмаган. Кейин инвестицион шартларни бажармаяпсан деб, лойиҳаларига чанг солган(бу ишлари нотўғри). Қисқача вазият шундай.

Энди вазиятга қайтайлик. Ҳоким бу ишни биринчи марта қиляптими?
Йўқ, ҳоким бўлган кунидан бошлаб қилаётган бўлиши мумкин, буни ҳар куни эшитамиз. Лекин айнан нега ҳозир мана шу инвестор масаласи, айнан Ортиқхўжаев масаласи, 100 миллион масаласи кун тартибига чиқмоқда?

Аввал билишмаганми ҳокимни мана шундай гаплари, ҳаракатларини? Билишган.

Энди куч марказлари ўзгармоқда. Ортиқхўжаевдан ё воз кечишмоқчи, ё уни ўйин майдонидан суриб қўйишмоқчи. Лекин бу энди қийин масала. Ортиқхўжаевни бори ўйинга тикилган, ё ўйинда давом этади, ё йўқ бўлади, бошқа йўли йўқ.

Айтганча бу иккинчи катта зарба унинг учун. Биринчиси, яқинда бўлганди. Китоб бизнесини монопол қилиб олган Ортиқхўжаевдан "фин таълими тарафдорлари" шунчаки битта ахборот хуружи қилиб, бу ўйиндан чиқариб ташлашди. Энди навбат ҳокимликка. Қани кузатайликчи, ҳокимликдан ҳам осонликча четлатиб юбориш қўлларидан келармикан?

👉 @OlimjonHaydarov 👈

Наманганда яна бозорларда соқол ва рўмол "овчилари" пайдо бўлишибди.

Бугун Наманган вилояти Чортоқ тумани марказий буюм бозорига ўзларини Вазирлар маҳкамаси ҳузуридаги дин ишлари бўйича қўмита ходимлари деб таништирган 4 киши бозорқўм Абдураҳим акани хонасига бозордаги соқоли бор эркакларни битта битта чақириб, бир қанча бўлмағур гаплар билан соқолларини мажбурлаб олдиришган.
Шунингдек рўмол, ҳижоб сотадиган магазинларга кириб, рўмол, ҳижоб сотмасликни "маслаҳат" беришган, келаси сафар яна кўрса, яхшигина чора кўрилиши билан таҳдид қилишган.

Бўлди-да энди эээ. Қачон мана шу соқол ва рўмолга осилишни тўхтатасизлар. Уят ҳам бўлиб кетди.

👉 @OlimjonHaydarov 👈

Президентликка сайланиши билан Россияга учиб борган Тоқаев Путин унга Қозоғистон, Ўзбекистон, Россия иштирокида иттифоқ тузмоқчи экани, шуни муҳокама қилиш учун Мирзиёевга қўнғироқ қилмоқчи экани ҳақида айтганини айтиб ўтди.

Бу жуда хавфли сигнал. Бошқарувда империалистик фикри билан яшаётган шизофреник Президент бўлган давлат билан иттифоқ тузиб бўлмайди.

Россия ҳамма томондан чўкиб бораётган мамлакат. Унга шерик бўлиш - чўкиш демакдир. Бундай қарор мамлакат тақдирини ҳал қиладиган қарор. Бундай масалада мамлакат номидан фақат бир шахс қарор қабул қилиши тўғри эмас, энг камида референдум қилиши керак. Ўзбекистон Республикасининг 1 та овозга эга фуқароси сифатида айнан ҳозир, айнан Путин бош бўлган Россия ҳукумати билан ҳар қандай( хоҳ ҳарбий, хоҳ иқтисодий) иттифоқ тузилишига қаршиман.

👉 @OlimjonHaydarov 👈

Ички ишлар вазири Пўлат Бобожонов яна матбуотдан "қочмоқда".

Охирги воқеалар - Самарқандда вафот этган "алиментчи", Фарғонада ИИВга қарашли муассасадан ўлиги чиққан 15 ёшли ўсмир воқеасидан кейин ички ишлар вазири истеъфосини кўпчилик талаб қила бошлади.

Ҳатто блогер Мухаммад Шакур ака вазир истеъфосини сўраб якка тартибда норозилик намойиши ҳам ўтказди.

Натижада ИИВ матбуот билан хар ҳафтанинг пайшанба куни ОАВ учун махсус тадбирлар, брифинг, матбуот анжумани ўтказишини эълон қилди.

Биринчиси 1-декабрь, пайшанба куни, соат 12:00 да АОКАда бўлар экан. Афсуски бу сафар ҳам вазир Бобожонов матбуот билан кўришишдан қочмоқда. Нафақат вазир, ҳатто ўринбосарлари ҳам келмас экан.

Нега вазир матбуот билан гаплашмайди?
Бирор сабаби борми? Ёки ички низомларда бундай учрашувга тақиқ борми?

👉 @OlimjonHaydarov 👈