Flightradar24 сайти маълумотларига кўра бир вақтнинг ўзида Россия ҳукуматига тегишли 2 катта делегация самолётлари(Ил-96-300 ва Ту-204ПУ) Ўзбекистон( Самарқанд ва Тошкент)дан Москвага қайтмоқда.
Эълон қилинмаган ҳукуматлараро қандайдир учрашув бўлдими. Негадир расмий ОАВлар жим. Рус оғаларимиз 2 талаб самолётда нимага келишди ўзи?

👉 @OlimjonHaydarov 👈

Украина ҳарбийларининг Бахмут (Артемовск) мудофаа чизиқларидан биридаги позициялари, улар мана шундай шароитда ватанни ҳимоя қилишмоқда.

Ватанпарварлик аслида шу, шер айтиб, Президентни мақташлик эмас.

👉 @OlimjonHaydarov 👈

Тармоқда тарқалган хабарга кўра Андижон вилояти Бўстон(собиқ Бўз) тумани ҳудудидан ўтган А373(Тошкент - Ўш) халқаро автомагистралида катта йўл транспорт ҳодисаси содир бўлибди.

Салонида 41 нафар йўловчиси бор автобус катта юк машинаси билан туманда тўқнашиб кетган. Натижада(ҳозирча) 3 нафар йўловчи воқеа жойида ҳалок бўлган.

Автоҳалокатга сабаб йўлнинг шу қисмида бўлган кўприк таъмирланаётгани сабаб қатнов фақат йўлнинг бир қисмига ўтказилган, йўл чизиқлари яхши кўринмаган, натижада автоҳалокат келиб чиққан.

👉 @OlimjonHaydarov 👈

Тармоқда тарқалган хабарга кўра Андижон вилояти Бўстон(собиқ Бўз) тумани ҳудудидан ўтган А373(Тошкент - Ўш) халқаро автомагистралида катта йўл транспорт ҳодисаси содир бўлибди.

Салонида 41 нафар йўловчиси бор автобус катта юк машинаси билан туманда тўқнашиб кетган. Натижада(ҳозирча) 3 нафар йўловчи воқеа жойида ҳалок бўлган.

Автоҳалокатга сабаб йўлнинг шу қисмида бўлган кўприк таъмирланаётгани сабаб қатнов фақат йўлнинг бир қисмига ўтказилган, йўл чизиқлари яхши кўринмаган, натижада автоҳалокат келиб чиққан.

3 инсон шу аҳмоқона, режалаштирилмаган қурилиш сабаб вафот этди.


Қайси аҳмоқ каллалари билан халқаро автомагистрални 1 томонлама ҳаракат қилади бу товуқмиялар. Қоним қайнаб, асабларим бузилиб кетяпти. Наҳотки соҳада лоақал битта ақлли одам бўлмаса, битта аҳмоқ, калтафаҳм бошлиқлари берган топшириқни "ес, хўп бўлади" деб бажармай, бу иш нотўғри эканини айта оладиган. Ҳой шу соҳага жавобгар бўлган виждонсиз, товуқмиялар, магистраль йўлда пиёдалар йўлкаси бўлмайди, магистраль йўл ораси тўсилмасдан бир томонлама қилинмайди!

Бу очкўз, аблаҳлар режа сметага қўшимча харажатларни ҳам киритиб, ўзлари еб юборса керак. Нормаль давлатларда магистраль йўлни бир қисми таъмирланиши керак бўлса, кичикроқ бўлса ҳам альтернатив йўл қилинади, кейин зудлик билан таъмирлаб, йўл ўз ўрнига қайтарилади. Бу аҳмоқлар бирор йўл қилса ё 10 йиллаб қилади, ё ҳар йили қайта қайта қилади, ё сифатсиз қилади. Охирги 30 йилда Тошкентдан бошқа жойда 1 марта қилиниб, ҳеч бўлмаса 5 йил таъмирланмасдан, сифати бузилмаган йўлни кўрмадим. Ҳар йили қайта қилинадиган кўчалар бор. Бирор кўприк бузиб, қайта қилинса, аччиқ ичакдек чўзиб юраверади булар. Буларни чўзганидан ҳам манфаат бор, виждонсизлар. Лойиҳани йилдан йилга олиб ўтиб олса(переходяший) нархи ошади. Масалан 1 та кўприк 10 млрдга смета қилинса, 1 йилда битмай, чўзилса, келаси йилга 3- 4 млрд сўм қўшилади, "қурилиш материаллари қимматлади" баҳонаси билан. Шунга ҳам чўзиб юраверишади.

Тезроқ битирай, одамлар қийналяпти деб ўйлаб ҳам кўришмайди.

Фарғонада ҳам бир, иккита кўприклар бор. Қурилиш туяни гўштини еган, чўзилгандан, чўзилмоқда, аҳоли норозилиги кучаймоқда.

Шунчалик ҳам малакасиз бўладими булар. Мана шу соҳа автойўл, кўприклар соҳасини жамоатчилик яхшилаб сиқувга олиши керак, млрдлаб пуллар "чўнтак" бўлиб ётибди. Агар йўл қурилишидан уриб қолган амалдор аниқланса, асфальтга қўшиб босвориш керак.

3 инсон... Аллоҳ раҳматига олсин. Булар учун қиёматда кўпчилик жавоб беради ҳали.

👉 @OlimjonHaydarov 👈

Қозоғистондаги намойишчилар мана шундай ёзувли боғичларни бойлаб олишган. Боғичларда "Улуғ Қозоқ эли" деб ёзиб, унинг остида Қозоқ миллий қаҳрамонлари исмилари ҳам келтириб ўтилган.

👉 @OlimjonHaydarov 👈

Қозоғистоннинг Астанасида намойишлар қандай ва нима сабабдан бошланди.

Бугун президентликка қайта сайланган Тоқаевнинг инаугурация(президент сифатида қасамёди)си бўлиб ўтди. Бу билан параллель цирк яқинида 33 ёшли тадбиркор, Қозоғистоннинг энг ёш миллионери, "Қозоғистон орзуси" китоби муаллифи Марат Абиев асосан ёшлардан иборат аудиторияга Тоқаевни ёлғончи экани ҳақида айтиб, ёшларни тинч намойишларга чақирди. Унинг айтишича Президент ундан сайловлар ўтиб олгунча индамай туришни сўраб, кейин ваъдасида турмаган. Марат Абиев дон маҳсулотлари ишлаб чиқаришни кенгайтириш, автоматлаштириш кўзда тутилган "Генезис" лойиҳасини ишга туширмоқчи бўлган, лекин бир неча марта ҳукумат томонидан қаршиликларга учраган, Тоқаев сайловгача жим турса, рухсат беришга ваъда берган, лекин ваъдасини устидан чиқман. Шу сабаб намойишлар бошланган. Аввал бошда кичик намойиш, намойишчиларни куч ишлатар тузилмалар томонидан куч билан, шавқатсиз бостирилгач, янада авж олмоқда. Воқеалар ривожини кузатамиз.

Марат Абиев Қозоқлар учун янги қаҳрамон, йўлбошчи бўла оладими???

👉 @OlimjonHaydarov 👈

Фарғонада 24 соат электр берилмаётган қишлоқлар бор.

Фарғона вилояти Бағдод тумани Истиқлол мфй Кўкчак қишлоғидан мурожаат келди. Унда айтилишича қишлоқда қандайдир сабаб билан 24 соатдан буён электр йўқмиш.

Айрим хабарларни изоҳлаш ҳам шарт эмас..

👉 @OlimjonHaydarov 👈

Фарғона вилояти Бағдод туманида электр таъминоти тикланибди. Деярли 1 сутка давомида давом этган узилишга авария ҳолати сабаб бўлган.

👉 @OlimjonHaydarov 👈

Кулаётган фахрий қоравул аъзоси, журналистларга тақдим этилган соябон, ўлчанаётган президент креслолари, шимини тартибга келтираётган Макрон ва бошқалар ҳақида

«Севимли» телеканали Шавкат Мирзиёевнинг Францияга ташрифидан қувноқ лавҳалар тайёрлади.

Унда қуйидаги воқеалар ўзига хос ракурсда ёритилган:

➖ Ўзбекистон Президентининг Франция Миллий йиғини раиси Яэль Браун-Пиве билан учрашуви;

➖Париждаги анъанавий равишда расмий тадбирлар ўтказиладиган Фахрийлар уйида Ўзбекистон Республикаси Президенти Шавкат Мирзиёевни расмий кутиб олиш маросими;

➖Франция президенти Эммануэл Макроннинг Париждаги Елисей саройида Ўзбекистон Президентини кутиб олиш жараёни.

👉 @OlimjonHaydarov 👈

Россияда армияга шартнома асосида жалб қилишни янги усули.

Путин нималар қилмаяпти русларни армияга жалб қилиш учун )))

Пс. Бизда ҳам қўллаш керак, яхши натижа берса керак))

👉 @OlimjonHaydarov 👈

Фарғоналик ҳайдовчи акалардан мурожаат келмоқда. Гап Қўштепа ва Олтиариқ туманлари орқали ўтадиган йўллар ҳақида кетмоқда.

Ўзим юриб кўрганман, ростдан ҳам дала ва чўл ҳудудлар, йўл чироқлари йўқ. Йўл чизиқлари яхшилаб чизиб қўйилса, туманда ҳайдовчиларга бироз ёрдам бўларди.
Касални даволагандан олдини олган маъқул. Бирор йўл транспорт ҳодисаси бўлмасидан аввал йўл чизиқларини янгилаб қўйиш керак.

Умид қиламиз соҳага жавобгар мутасаддилар ҳолатни назоратга, эътиборга олишади.

👉 @OlimjonHaydarov 👈

Манави видео 1 кундан буён УзНетда айланмоқда.

Ундаги маълумотларга ишониладиган бўлса, Тошкент шаҳри, Яккасарой тумани Армуғон МФЙ раиси Қодиров Азам Бегимович номаълум сабаб билан ногирон шахсни ортидан келиб, тепиб, таҳқирлаган.

Лекин орадан 1 сутка ўтса ҳамки, бу шахсга нисбатан бирор чора кўрилган ёки кўрилмагани ҳақида бирор хабарга кўзим тушмади(тергов сири, тергов ишлари кетяпти деб баҳона қилишса керак).

Шу ногирон ўрнида бирор ИИБ ходими ёки ҳокимлик вакили бўлганида 1 соатда қидириб, топиб, ушланиб, тергов олиб бориб, айбини бўйнига қўйиб, суд қилиб, узр сўратиб, видеосини эълон қилиб бўлишарди.

Нима демоқчиман бизни жамиятда ростдан ҳам ақлий ёки жисмоний ривожланишда нуқсони борлар одам ўрнида кўрилмайди, давлат идораси ходимлари томонидан ҳам, оддий аҳоли томонидан ҳам. Ҳамма айтилаётган гаплар ё ҳавода, ё қоғозда қолади.

👉 @OlimjonHaydarov 👈

Фарғонада пули тўланганига 2 йил бўлган уйларга аҳоли ҳалигача кўчиб чиқа олмаяпти.

Фарғона вилояти Фарғона тумани Ҳосилот(Саноат) МФЙ да қурилган янги, кўп қаватли уйларни сотиб олган, лекин яшай олмаётган фуқаролардан мурожаат келди. Уларни айтишларича уйлар учун тўлов 2020-2021-йилларда қилинган бўлса-да(назарий жиҳатдан уйлар учун тўлиқ тўлов қилинган, сабаби "Қишлоқ қурилиш банк"дан фуқаро учун ипотека кредити ажратилиб, қурувчига тўлаб берилган, демак пул тўлиқ тўланган), ҳалигача уйларга кўчиб чиқа олишмаяпти. Бунга маҳаллий ҳокимиятнинг ўйламай қилган лойиҳаси сабаб бўлмоқда.

Воқеа қуйидагича бўлган. 2020-йилда тегишли қарор билан туман марказига яқин жойдан инвестиция дастури доирасида замонавий 6 та кўп қаватли уй қурилиши учун 6 та қурувчи компанияга қарор чиқарилган(шу жойда бир нуқтага эътибор қаратиш керак. Инвестиция дастури доирасидаги уйлар чет элдан олинган ёрдам ёки паст фоизли кредит асосида қурилади. У ёрдам ёки кредитнинг шартлари бор, шулардан бири уйлар замонавий бўлиши). Туман(балки вилоят билан маслаҳат қилингандир)даги тегишли ташкилотлар ҳар томонлама ўрганиб чиқиб, ҳамма шароитлари билан таъминланишга қулай ҳудуд Ҳосилот(Саноат) МФЙ деган хулосага келишади. Уй қурилиш бошланади. Реклама кетади. Замонавий, канализация, газ, электр, сув узилмайдиган кўп қаватли уй қурилмоқда деб, одамлар ҳали қурилиш бошланиб улгурмаган уйларга ҳам тўловни бошлашади. Ҳозир жами 6 та уй(180 хонадон)дан 3 та(90 та хонадон) битган. Лекин бу 90 та хонадон эгалари ҳалигача сарсон.

Уйлар битади. Лекин маҳаллий ҳокимлик таъминлаши керак бўлган коммуникациядан дарак бўлмайди. Одамлар аллақачон уйларга тўлаш учун банклардан ипотека кредити олиб, тўлашни бошлаб юборишган.

На сувдан, на канализациядан, на газдан, на электрдан дарак бўлмайди.

Ҳокимликка талаб қилиб борган аҳолига канализация қилиш 3 млрдга тушиши сабаб қила олмасликларини "тўғри тушунтириб юборишган".

Қандай қилиб канализация, сув, газсиз кўп қаватли уйда яшаш мумкин?

Аслида бизда ҳамма нарса тескаридан бошланади. Аввал коммуникацияни олиб келиб, кейин уй қурса бўлмайдими?

Одамлар 1 йилдан бери тўлаётган кредит нима бўлади?

Коммуникацияга ким жавобгар аслида?
Ҳокимликми, қурувчими?
Қайси бири жавобгар бўлса, шуларга тўлатиш керак, ўтган даврдаги тўловларни ва яна ҳамма коммуникация тайёр бўлгунча тўловларни. Бизга қишлоқ жойларда замонавий уйлар қуриш учун кредит бераётган Жаҳон банки, Осиё тараққиёт банки берган пуллари ҳавога совурилаётганини билишармикан?
Балки фаоллар мана шундай ҳолатларни йиғиб, альбом қилиб, уларга жўнатармиз, керакли каналлар орқали?

Зора шунда кредитлашни тўхтатиб туришса, аввал олган кредитларимизни бир ёқлик қилиб олардик.

Бу уйларни қуришга рухсат берилган вақтдан бошлаб, топширилгунча бўлган жараённи синчиклаб текшириш керак. Ким лойиҳа қилган, ким канализацияга улаш мумкин деган, ким уйни қурилишини, битганидан кейин қабул қилишни назорат қилган, нега қабул қилинган яшашга яроқсиз ҳолатда ҳам?
Саволлар кўп, умид қиламиз Вилоят Прокуратураси вазиятни назоратга олади, қонун бузилиши ҳолатлари бўлса, қаттиқ чоралар кўради.

Энг аввал анави уйларга канализация қилиш керак, ундан ташқари сув, газ, электрни таъминлаш керак, шарт, шунга мажбур ҳокимлик.

Ундан кейин, зудлик билан янги бошланаётган ҳамма кўп қаватли уйларни қурилишларини тўхтатиш керак. Аввал коммуникацияни олиб келиб, аниқ ҳисоб-китоб қилиб, етарли шароит бўлса, кейин қабул қилиш керак. Қабул қилиш жараёнини ҳам қаттиқроқ назоратга олиши керак Прокуратура.

👉 @OlimjonHaydarov 👈