The Wall Street Journal нашрининг хабар беришича Россия газидан воз кечилиши туфайли Европадаги уй хўжаликларининг даромадлари жорий йилда 2,8 фоизга камайиб кетган.

👉 @OlimjonHaydarov 👈

"Узтрансгаз" раҳбари Беҳзот Нарматовнинг айтишича компания 2020-2021-йилларда жами 5 трлн сўм зиён кўрган.

Бунга сабаб компания табиий газни экспорт нархда - 1000 м³ учун 200 доллардан сотиб олиб, аҳолига 30 доллардан сотаётгани сабаб қилиб келтирилган.

Ўз уйида меҳмон бўлган, ўз газини рус/хитойлардан экспорт нархида сотиб олган Ўзбегим...


👉 @OlimjonHaydarov 👈

Сўх(Фарғона)да Маҳалла раислигига сайловларда нега бир хил мезон олинмаяпти?

Фарғона вилояти Сўх тумани Қақир МФЙдан бир гуруҳ фуқаролар мурожаат қилишмоқда.

Уларнинг хабар беришларича туман раҳбарияти(ҳоким, сектор раҳбари - ички ишлар бўлими бошлиғи) халқ хоҳлаган номзодни қўйилишига қарши бўлишмоқда.

Сабаби номзод маълумоти тугалланмаган олий(ОТМда 3-курс).

Халқ шу номзодни таклиф қилган, ҳамма бирдек уни номзоди берилишига рози.
Қонунчиликка кўра ҳам маҳалла раислигига номзод халқ, кўчабошилар таклифи билан сектор раҳбари томонидан тасдиқлаб берилиши керак.

Ваҳоланки, Қақир МФЙга берилган қолган номзодларни сектор раҳбари(ёки ҳокимлик) ўзи тавсия қилган, аҳоли умуман уларни тавсия қилмаган.

Туман раҳбарияти, сайлов комиссияси билан боғланганимда, қайсидир юқори амалдор "Сўхда маҳалла раислари 100 фоиз олий маълумотли бўлиши керак" деган гапи асосида фақат Олий маълумотли номзодлар қабул қилиниши айтди. Лекин Сўхда рўйхатда олинган жами номзодларнинг 2 нафари тугалланмаган олий, 4-курс. Қақир МФЙдан берилган номзод номаълум сабабларга кўра, тугалланмаган олий (3-курс) бўлсада, номзоди қабул қилинмаяпти, бир қатор ҳуқуқлари - жумладан Конституцион ҳуқуқлари бузилмоқда.

Фарғона вилояти бошқа ҳудудлари(туман/шаҳарлар)дан суриштириб кўрдим, деярли ҳаммасида 30-40 нафардан олий бўлмаган маълумотли номзодлар рўйхатга олинган, айримларида улар раис бўлиб сайловда ғолиб бўлган.

Нега Сўх туманидаги Қақир МФЙ аҳолиси таклиф қилган номзод қабул қилинмаяпти?

Аҳоли бошқа номзодлардан норози, ўзларига маъқул, бир неча йилдан бери аҳоли ишончида бўлган, ёш(40 ёшда) раис номзоди қўйилишини талаб қилмоқда. Сўх туман раҳбарияти, тегишли сектор - ички ишлар раҳбарияти нега уни номзодини ўтказмаяпти, тушунарсиз. Имкон бўлса, ҳаракатларига ҳуқуқий асос тақдим қилишса, яхши бўларди.

Пс. Бир неча юз нафар аҳоли норозилик сифатида туман ҳокими қабулига бормоқчи. Шунингдек улар ўз норозилигини видеомурожаат шаклида тармоққа жойлашмоқчи, батафсил видео тайёр бўлгач, тақдим қиламиз, техник ишлар тугалланиш арафасида.

👉 @OlimjonHaydarov 👈

Абдулазиз Муборак нинг ёзишларича таниқли диний уламолардан бири, устоз Мубашшир Аҳмад домлани бир оз аввал Ички ишлар органлари (республика терроризм ва экстремизмга қарши курашиш бошқармаси) ходимлари уйларидан олиб кетибди.

Қаёққа олиб кетилгани ҳақида хабар берилмаган.

Катта эҳтимол жума намози ҳақидаги мурожаатлари сабаб бўлиши мумкин.

Ички ишлар вазирлигидан расмий муносабат кутамиз.

👉 @OlimjonHaydarov 👈

Наманган Саховат жамоатчилик(хайрия) фонди устидан суд мажлиси давом этмоқда.

Кеча, 17-май куни Фуқаролик ишлари бўйича Наманган вилоят судида Адлия бошқармаси томонидан "Наманган Саховат" жамоатчилик фондини таъсис ҳужжатлари, низом шартларидан четга чиқиш ҳолатлари сабаб фаолиятини тугатиши талаби юзасидан суд мажлиси давом этди.

Воқеа қандай бўлган?
https://youtu.be/hF1YVlHSNUo


👉 @OlimjonHaydarov 👈

Наманган Саховат жамоатчилик(хайрия) фонди устидан суд мажлиси давом этмоқда.

Кеча, 17-май куни Фуқаролик ишлари бўйича Наманган вилоят судида Адлия бошқармаси томонидан "Наманган Саховат" жамоатчилик фондини таъсис ҳужжатлари, низом шартларидан четга чиқиш ҳолатлари сабаб фаолиятини тугатиши талаби юзасидан суд мажлиси давом этди.

Воқеа қандай бўлган?

Фондга қилинган туҳматлар ортидан Адлия бошқармаси текширув ўтказган.

Асосан 3 та муаммо топилган ва бартараф этиш топширилган.

1. Фонд тарғибот жараёнида диний фондан, хусусан ҳадислардан фойдаланилгани(низомда йўқлиги сабаб мумкин эмас экан).

2. Пуллар айланмаси тўлиқ ҳисоб рақамдан ўтказилмаган, шунингдек чет эл(чет элда ишлаётган ўзбек мигрантлари)дан тушган валюта ҳисоби.

Пул айланмасидаги асосий муаммо асосий хайрия фондга тегишли корпоратив картага эмас, шахсий пластик картага тушгани. Бундай қилинишга сабаб корпоратив картага картадан картага пул ўтказиш мумкин эмас, шу сабаб шахсий карта очилган. Судга шахсий карта ҳисоблари тўлиқ тақдим этилган, яъни хайрия пуллари тўлиқ хайрия мақсадида ишлатилган. Шундай бўлсада, пуллар ҳисоб рақамдан айланмагани учун бу ҳолат ноқонуний деб топилган(шу банд бошқа хайрия гуруҳларига ҳам огоҳлантириш бўлсин, ҳисоб ишларни қайта текшириб қўйишни маслаҳат бераман.

3. 132 та уй қурилишида, тегишли ҳужжатларни ўз вақтида тайёрланмагани(бу ҳолатга ҳам фонд айбдор бўлмаган, бу ҳақда бироздан кейин батафсил ёзаман).

Булар асосийлари, бундан ташқари эҳсон қутилари, фонд ҳолати юзасидан тармоқлардаги эълонлар каби кичик сабаблар ҳам келтирилган.

Суд мажлиси давом этмоқда.
Суд, 20-май, жума куни соат 15⁰⁰гача танаффус эълон қилган.
Барча ОАВларини вазиятни ёритиб боришга таклиф қиламиз.

Умид қиламизки, суд адолатли ўтади, етимларни ҳаққи учун йиғилган, қурилган уйлар ўз эгаларига етиб боради.

Батафсил https://youtu.be/hF1YVlHSNUo
кўришингиз мумкин

👉 @OlimjonHaydarov 👈

Наманган Саховат иши бўйича қўйилаётган айблардан бири масаласида.

Фондга қўйилаётган айблардан бири қурилиш ишлари ҳужжатлари масаласи.

Адлиянинг фондни ёпишга асос сифатида келтирилаётган сабабларидан бири қурилиш ҳужжатлари тўлиқ қилинмаган.

Нега бундай қилинди?

Аслида фонд қурилиш бошланишида аввал ҳужжатларни тўлиқ тайёрлашни мақсад қилишган.
Шу ҳаракатлар билан юришганида, қурилиш учун катлаван ковлаш жараёнида қурилиш майдонига Наманган шаҳри, Давлатабод тумани(132 та уй қурилган ҳудуд) ҳокими Анваржон Тожимирзаев тумандаги мутасадди раҳбарлар билан ташриф буюрган.

Фондга хайрли ишларда омад тилаб, ҳокимлик қандай ёрдам бериши мумкинлиги сўраган.

Фонд раҳбарлари қурилиш ҳужжатлари расмийлаштиришда йўл -йўриқ кўрсатишни сўрашган. Ҳоким шу жойда бўлган тегишли раҳбарларга(архитектура бўлими, қурилиш назорати бўлими) қонуний тарзда ёрдам бериш топшириғини берган.

Шу билан фонд раҳбарияти "ҳоким топшириқ берди, демак ҳужжатларга ёрдам беришади" деган хаёлда қурилишни бошлаб юборишган.

Қурилиш сифацизмиди?

Асло!
Ҳозир хоҳ Ўзбекистондан, хоҳ чет элдан хоҳлаган экспертни олиб келинг, Наманган вилоятида мустаҳкамлик ва сифат бўйича ҳеч бир бино бу уйлардан устун эмас. Сабаби ҳадисга мувофиқ энг яхши материаллардан уй қурилган. Ҳатто бетондаги цемент миқдори ва зичлиги нормадан анча юқори чиққан.

Фондни айби ҳудудий раҳбар, Президентни вакили бўлмиш туман ҳокимига ишониб, ҳужжатлар масаласида бироз эътиборсиз бўлгани.

Нега бу масала ҳозир кўтариляпти, кимга керак бу масалани ҳозир кўтарилиши?

Қурилиш жараёни то катлаван ковлашдан, дастлабки 24 та хонадон топширилгунга қадар ҳар кунги ишлар онлайн ҳисобот шаклида бериб борилган. Нега техник ишларда камчилик бўлса, катлаван ковланганда, бетон қуйилганда, девор урилганда, томи ёпилганда, шувоқ қилинганда эмас, уйла битай деганда уйни сифатсиз эканини билиб қолишди?

Нега?

Саволлар кўп, лекин аниқ, тайинли бир жавоб йўқ.

Умид қиламиз, адолатли суд етимлар ҳаққи етимларда қолиши учун қарор чиқаради.

👉 @OlimjonHaydarov 👈

Ўзбекистонда ватандошлик жамияти вакиллари, айниқса, диний фаолларни Ички Ишлар вазирлигига, бўлибам, “терроризм ва экстремизмга қарши кураш бўлими”га чақириб туришлари – НКВДдан мерос қолган энг ёрқин тоталитар анъаналардан биридир.

НКВДнинг эътиқодига кўра, одамлар давлатга ишониши эмас, давлатни яхши кўриши эмас, аксинча - давлатдан қўрқиши керак. НКВДнинг эътиқодига кўра “қўрқса, янада кучлироқ яхши кўради”. Лекин, бу нотўғри фикрлаш!

Mubashshir Ahmad акани “терроризм ва экстремизмга қарши кураш бўлимига” олиб кетишибди. Террор – бу қўрқув манбаи. Ким террор қилаяпди, буни билиш учун одамлардан “сиз кимдан қўрқасиз?” деб сўраш кифоя қилади. Ҳуқуқий давлатларда, ҳаттоки реал жиноятчиларга ҳам оҳистароқ-ҳуқуқий муносабатда бўлишадики, мақсад – жамиятни радикал ҳаракатлар билан қўрқитмаслик, безовта қилмаслик.

Лекин, тоталитар СССР ва унинг бутун халқни қақшатган НКВДнинг қўрқитиш анъаналарини давом эттириш, бу Ўзбекистон давлатчилигини очиқ-ойдин обрўйсизлантириш ҳисобланади. Чунки, ҳамма яхши биладики, Мубашшир ака ўз фаолиятида қонунларни бузадиган шахс эмас. Бу ишлардан мақсад - жамиятни қўрқитиш, фаолларга психологик босим ўтказиш кампаниясидан бошқа нарса эмас.

©️ Камолиддин Раббимов

👉 @OlimjonHaydarov 👈

#Ҳуқуқий_маслаҳат

Савол: Аёллар ички пасспорт( ИД карта) ёки четга чиқиш биометрик паспорти олиш учун рўмол билан расмга тушишлари мумкинми?

Жавоб: Йўқ, қонунан мумкин эмас.
Афсуски ҳозирча бош кийим билан на эркаклар, на аёллар пасспорт учун расмга туша олишмайди.

Асос: Ўзбекистон Республикаси Президентининг 2018-йил, 26-декабрдаги ПҚ-4079-сонли қарори.

https://t.me/OlimjonHaydarov/99
https://t.me/OlimjonHaydarov/98

Фойдали маълумотни дўстларингиз билан ҳам улашишни унутманг.

👉 @OlimjonHaydarov 👈

Эркаклар ички пасспорт(ИД карта) ёки четга чиқиш биометрик паспорти олиш учун соқол билан расмга тушишлари мумкинми?
Жавоб: Ҳа, мумкин.

Асос: Ўзбекистон Республикаси Президентининг 2018-йил, 26-декабрдаги ПҚ-4079-сонли қарори.

https://t.me/OlimjonHaydarov/98


👉 @OlimjonHaydarov 👈

Бугун Наманган шаҳар суди "Наманган Саховат" хайрия жамоат фондини ёпилиши бўйича қарор чиқарди.

Бу адолатсизлик деб ҳисоблайман.
Сабаби Адлия бошқармаси фондни ёпилиши учун келтирган сабаблари етарли эмасдек туюлди.
Тўхташ йўқ, иншаАллаҳ кейинги ҳаракат Олий Судга.

Фондни қилаётган ишлари кўлами жуда кенг эди.
Деярли икки ойдан буён фонд фаолияти тўхтагани сабаб 1000 лаб оилалар қийналишмоқда, бугун бир неча нафарлари судга йиғлаб келишибди.

Тасаввур учун 2 йилда фонд тўғридан тўғри(майда чуйда, кичик ёрдамлар эмас, тўлиқ берилган ёрдамлар) 25 000 га яқин оилага ёрдам беришган

200 га яқин уйлар қурилган.

1000 лаб беморлар даволантирилган, даволатилмоқда.

Хуллас, балки қонуний жиҳатдан тўғридир, лекин Адолатсиз қарор бўлди.

👉 @OlimjonHaydarov 👈

Ўзбекистон ва Қирғизистон чегарасида HOWO юк машинаси портлаб кетган.

Қирғизистондан Ўзбекистонга(Фарғона вилояти, Сўх анклавига, Чашма пости орқали)кираётган HOWO юк машинаси( ёки Фура, маълумот аниқлаштирилмоқда) Самсунг крани ортилган бўлган, тормоз тизимидаги носозлик сабаб Қирғизистон чегарасини кесиб ўтиб, Ўзбекистон божхона хизмати текшируви ҳудудида турган енгил машинага келиб урилиши натижасида портлаб кетган. Юк машинаси қайси давлатга тегишли экани, портлашга нима сабаб бўлгани ҳақида ҳозирча аниқ маълумотлар йўқ.

Тахминларга кўра, 17 нафар қурбонлар бор.

Маълумотлар тўлдириб борилади.

Расмий муносабат кутиб қоламиз.

👉 @OlimjonHaydarov 👈

Қирғизистон ва Ўзбекистон чегарасида содир бўлган автоҳалокат натижаси ҳақида расмий баёнот.

👉 @OlimjonHaydarov 👈