"تخافون من الأقدار واللي كتب في اللّوح
‏وأنا أخاف يذبحني كلامٍ مَلى صدري"

"أجي قد الهقاوي البيض ولو فيها علي إرهاق / ما أجي بكيف الظروف اللي عليّ الوقت .. فارضها"

“والحاجه اللّي من ورا حب الخشوم
‏______لو إنها حلم الحياة، أعوفها”

"عنتر اللي تجفل الفرسان من سطوة ذراعه/ يبكي إليا طرّوا السمار عبله بنت مالك"

"ياللّي ملكتي الفؤاد، وسيرتك.. في فمِي
‏مثل النّفس مقدر أجافيه— وأخاصمه"

"طش النعول لداعج العين ياحسين
‏واشلق لها من ردن ثوبك ليانه
‏جنّب احثاث القاع وانشد لها اللين
‏واقصر اخطى رجليك وامش امشيانه
‏ياحسين والله مالها سبت رجلين
‏ياخوك شيّب بالضمير اهكعانه
‏لو تنقله نقلٍ ترى مابها شِين
‏ترى الخوي ياحسين مثل الأمانه
‏مايستشك ياحسين كود الرديين
‏والا ترى الطيّب وسيعٍ ابطانه"

"أحد يدور لك زله وأنت ما أخطيت
و‏أحد يدور لك عذر وأنت مخطي"

"لو أطيع الندم كان احترقت من العتب بالنّار
وأنا صبري خشب، صلابته ماتمنع حروقه"

بعد سنوات طويلة أقدر أقول إن النفس تراهن على شخص واحد، لا قبله ولا بعده
الرقم العصيّ على المنافسة.