"أحب اللي محبتهم تدوم سنين ماتنعاف
ماهو ياللي محبتهم سحابة صيف خدّاعه"

"يامل قلب يسج وفيه دولاجه
من هاجس بالضماير قام يدرجها
في معزل عن جميع الخلق وازعاجه
ما اسمع من الناس لوتكثر لجالجها
ماغير اهوجس تقول مضيع حاجه
آخذ واسند على روحي واهرجها
وادوج لوكان مارجلي بدواجه
ادلّه النفس لين الله يفرجها
يالله يالي بيدك الضيق وافراجه
ياخالق الخلق ياقاضي حوايجها
تفرج لعين الذي أغفت بسوهاجه
تجهز عليها الطواري لين تزعجها
نوب سهرها شديد ونب نهاجه
ومر تكن الدموع ومر تزعجها"

"يكسبني الكلام الواقعي والجناب الزين
‏ورديّ العقل بالذات ماهوب كاسبني"

"غرورك تمتّع به على اللاش والمسكين
____‏أما أنا نظام الغطرسة ما يناسبني"

"حفظته ودللته وغنيت له موال
‏وتخيّرت قربه ليتني ماتخيّرته"

"تكاثر علي الله يجازيه كيف الحال
وأنا يوم أسوق العمر له ماتكاثرته"

"كثر التشرّه والعتب يوجع الراس
من جاز لك جز له .. ومن شان خلّه"

"كاس مليته بالوفاء لا تكبّه
خله يبلل بالوصل يابس الريق"

"من رهن قلبه تحت بند العلاقات الوطيدة
مثل من راهن براس المال لكن ماكسب به"

"واللي ليا سولفت دايم تداريه
ولا يميّز صحّها من خطاها
دور على فرقاه لو كان تشريه
هذا يتعرّض للنجوم فسماها
واللي ليا ناديت له قال لبّيه
ويفز ويهون لنفسك عناها
يجيك من أوّله ويسوق تاليه
مافيه عليا شافها مارقاها
اللي بيعطيني حلاياه بعطيه
مية من اللي قد فحصنا دماها"

"مصير البنادم واضح ومايبي عرّاف
تحت بند كل اللي تودونه بياتي
ولوّ مهل الله ماهمل قلبي الشفّاف
يجي يوم والدنيا تعد انتصاراتي
تخافون دورات الليالي وأنا ماخاف
تبي ترد لي معروفي وبيض وقفاتي"

"لا شحّوا الناس، ربك يعطي الجنة
مايغني إلا كريم الوجه سبحانه"

"شكرت الحظ يوم إنه كشف لي عن ثمن فرقاك
___يطول الوقت قبل يعلّمك عن قيمة فراقي"

"والعذر في بعض الأحيان مايلقى قبول
____في وسع صدرٍ تحمل لين امتلى"