စာပေအနုပညာ အငွေ့အသက်တွေ နန်းတွင်းအာဏာလုပွဲ တွေနဲ့ ရင်ဖိုစရာ အချစ်ဇာတ်လမ်းသစ်

ဒီတစ်ခါမှာတော့ တော်ဝင်နန်းတွင်းထဲက လျှို့ဝှက်ဆန်းကြယ်မှုတွေ ပဟေဠိဆန်တဲ့ အမှုအခင်းတွေနဲ့အတူ ဉာဏ်ချင်းပြိုင် အမှုဖော်ကလဲ့စားချေရမဲ့ ဇာတ်ကားသစ်လေးနဲ့ မိတ်ဆက်ပေးချင်ပါတယ်နော်

ဇာတ်လမ်းလေးက ဖခင်နဲ့ အစ်ကိုဖြစ်သူတို့ မတရားလုပ်ကြံခံရတဲ့ အမှုမှန်ကို ဖော်ထုတ်ဖို့အတွက် အသက်ဘေးကြားကနေ ရဲရဲဝံ့ဝံ့ မီးလျှံဝင်္ကပါထဲ တိုးဝင်သွားမယ့် အမျိုးသမီးတစ်ယောက်အကြောင်းကို စိတ်၀င်စားဖွယ်ရိုက်ကူးထားတာပဲဖြစ်ပါတယ် ➰

ဇာတ်လမ်းအကျဉ်း 📝

Su Luoyao ဟာ အပြစ်မဲ့တဲ့ ဖခင်နဲ့ အစ်ကိုဖြစ်သူတို့ ရက်ရက်စက်စက် လုပ်ကြံသတ်ဖြတ်ခြင်း ခံလိုက်ရပြီးတဲ့နောက် ဒီမတရားမှုရဲ့ နောက်ကွယ်က သွေးအေးလှတဲ့ အမှန်တရားနဲ့ နီးစပ်နိုင်ဖို့အတွက် လမ်းစရှာဖွေခဲ့ပါတယ်

သူမဟာ မိမိရဲ့ ထူးချွန်ပြောင်မြောက်လှတဲ့ ပန်းချီပညာအစွမ်းနဲ့ ပါးနပ်ထက်မြက်တဲ့ ဉာဏ်ပညာကို အသုံးချပြီး လျှို့ဝှက်ဆန်းကြယ်ပြီး အကျင့်ပျက်ခြစားမှုတွေ အမှောင်ဖုံးနေတဲ့ ပိုင်ကျန့်ဌာနဆီကို ရဲရဲဝံ့ဝံ့ ခြေချဝင်ရောက်ပြီး စုံစမ်းပါတော့တယ်

ဒီလိုနဲ့ အမှန်တရားကို လိုက်လံရှာဖွေနေတဲ့ လမ်းခရီးမှာ Su Luoyao ဟာ အတိတ်က နာကျင်မှုတွေကို ရင်ဝယ်ပိုက်ပြီး အခွင့်အရေးကို သည်းခံစောင့်ဆိုင်းနေတဲ့ သူရဲကောင်း လူငယ်လေး စစ်သူကြီး Xie Lingfeng နဲ့ မမျှော်လင့်ဘဲ ဆုံတွေ့ခဲ့ရပါတယ်

အပြင်ပန်းကြည့်ရင်တော့ သူတို့နှစ်ယောက်ဟာ ကိုယ်ပိုင်လျှို့ဝှက်ချက်တွေ ရည်ရွယ်ချက်တွေ ရှိနေကြပေမဲ့ ကန့်လန့်ကာနောက်ကွယ်က ရန်သူတွေကို ခြေမှုန်းဖို့အတွက် ဉာဏ်ပညာနဲ့ သတ္တိချင်း မျှတတဲ့ စုံတွဲအဖြစ် လက်တွဲပြီး နန်းတွင်းထဲက အရှုပ်တော်ပုံတွေနဲ့ အကွက်ချဆင်ထားတဲ့ အန္တရာယ်ဝင်္ကပါတွေကို တစ်ဆင့်ပြီးတစ်ဆင့် အတူတူ ဖြိုခွဲဖျက်ဆီးပစ်ပါတော့တယ်

တစ်ဖက်ကလည်း အတိတ်က သွေးချင်းချင်းနီခဲ့တဲ့ အမှုမှန်တွေ တရွေ့ရွေ့ ပေါ်ထွက်လာတဲ့အခါ အပြန်အလှန် ယုံကြည်မှုတွေနဲ့အတူ သူတို့နှစ်ယောက်ကြားမှာ စစ်မှန်တဲ့ မေတ္တာတရားတွေကော ဘယ်လိုအမြစ်တွယ်လာမလဲ.....

သူမရဲ့ ပန်းချီစုတ်ချက်တွေနဲ့ ရန်သူတွေကို အပြတ်ရှင်းမယ့် Su Luoyao တစ်ယောက် ကလဲ့စားချေပွဲကို အောင်မြင်စွာ အဆုံးသတ်နိုင်မလားဆိုတာကတော့.....

အားကစားဇာတ်အိမ်နဲ့အချစ်ရိုရိုစိမ်စိမ့်လေးတွေကို ရောနှောထားတဲ့ မမ Esther Yu ရဲ့ကားသစ်လေးပါ။

ဒီကားမှာ မမ Esther Yu ကို ဆရာမလေးအဖြစ်မြင်ရမှာဖြစ်ပြီး မြင်နေကျဇာတ်ကောင်လေးမဟုတ်တော့ တစ်မျိုးလေးဆန်းနေမှာပါ။ မမနဲ့အတူ Chen Jing Ke ကပါ MC အဖြစ်ပါဝင်ထားပါတယ်။ မမ Esther Yu ပါနေတာဆိုတော့ ဒီဇာတ်လမ်းလေးကလည်း ပေါက်ဦးမှာပါနော်။

ဒီကားမှာ ကိုကို Song Wei Long နဲ့ Legend of Zhang Hai ထဲက မမလှလှလေး Zhang Jing Yi တိုက တွဲဖက်သရုပ်ဆောင်ထားကြပါတယ်။ ကိုကိုစုန့်ရဲ့ကားသစ်ဆိုတော့ အေးစက်သလိုလိုနဲ့ အကြင်နာမျက်ဝန်းရွှန်းရွှန်းစားစားတွေကို တစ်ဝကြီးကြည့်ရမှာမို ကြည့်ရှုသူအပေါင်း အချိုအစားများပြီး ချောင်းတောင်ဆိုးနိုင်ပါတယ်ဗျို။