حتى من ردنة نكعد احنه ويانة بنات الشباب الي كاعدين گامو وكعدوهن واكو ادنُ عنهن بس حطُ جنطهم

بس شغلة وحدة اني ماعجبتني فكيف بصاحب الزمان.

لبس الجبة بدال العباية هووواي بنات مرتبات بس مخربتهن لبسة الجبة بدال العباية عبالهن الجبة تستر اكثر من العباية بس الصراحة لا العباية اهم واحسن من الجبة صراحة من شفتهن ماعجبتني السالفه كلت يعني امتنعن من الشال الاخضر والمكياج ولبسن جبب بس هاي مخربة البنات.

بنات الجبة حتى لو عريضة السيدة زينب راحت تلبس جبة لو عباية؟
انتي رايحه للحسين مو اي واحد هو هذا الحسين ورايحه تواسين العلويات تلبسين جبة؟
ليش منو من العلويات لبست جبة؟

هسه دزولي بالبوت اكو قنوات يحجون على الزوار من ناحية الطخ بالنسوان والمدري شنو وهاي وكالولي نصدك بمنو هسة؟

شوفو بوية اني ماشفت كل العراق اني مشيت بطريق الي شفته جاي احجي الكم حسب وجهة نظري ورأي الخاص السنة الزيارة أفضل من كل سنة.

وكلام للاصحاب القنوات:
ليش ادورون بس السلبيات ليش ماادورون الايجابيات الي بالزوار واصحاب الخدمة ليش بس تحجون عليهم خوب اكول الي شفتهم وبيهم ايجابية.

جا انه هم شفت حاطات مكياج بس الاكثر محاطات مدحت الي ماحاطات وعفت الي حاطات.
هواااي عافن الشال الاخضر بس اكو كم بنت لابساته ذكرت الي ذاباته السنة.

اذكرو الايجابية وبس.

لا لا السنة تختلف هوووواي عن السنوات الفاتت.

طبعاً اني امشي وكلت لازم اذكر هالشي.

الجيش يابة اريد الله يستر عليهم

يااخي اشوفه ساعة يخدم ساعة يرتب ساعة ينضم سير ساعة يسكت الجهال ساعة يصعد الزوار ساعة يذكر الله.

يااخي عسل مو جيش وربي.

والله شفتهم خلص واجبهم اجوي غيرهم
اجة هو شال الصينية وافتر على الزوار يخدم.

اجة واحد يساعد الضايعين وغير هذا الي الطفل يبجي يسكت بي واحد موقف السير علمود زاير مايكدر يمشي فيمشي على كيفة والسير منتظر الزاير وهو تحمل الشتم والسب علمود زاير يعبر.

اباوع لاخواتي يخافن من السلاح هو شايل السلاح وحطة وراه علمود يعبرن.

لو تشوفة يصيح وحارة والناس ماتسمع كلام والسيارات وكل هذا وهمة خاف زاير تعور.

اضافة لمحاسبة اهل العرباين يروح ويرجع علمود الزوار يمشون براحتهم.

وغير سياراتهم تنقل بزوار مجاني علمود الزاير ماتأخر بالازدحام.

والله العظيم اول مامشيت الكم حتى للي ماكالي

بس صراحه حكومة كربلاء كلش مرتبين الشارع للزوار وللسيارات لا زاير يوكف ولا سيارة توكف بس صار من تطلع من كربلاء ازدحام بين الزوار بس مرتبين كلشي لكدام.

يعني العام لام الهوى احنه نمشي السنة لا بس شارع مال الامام خلصناه لكينة سيارات حكومية اشيل لام الهوى.

بعد الخدام ماننساهم لان يستاهلون كل الذكر.

شايفين من يمشون الزوار وهم يركضون علمود مايخلص اكلهم والزوار يرحون.

ويحلفونك بكل الائمة بستشرب منهم مي لو تاكل منهم شي

لو يوزعون عصاير من يشوفون واحد يكله كلبك حار تعال ابردة الك بكلاص عصير ومن زاد ابو علي.

لو كلمة هلا بزوار ابو علي .

من توصل الهم وخلصو علما يجيبون يلهونك علمود ماتروح حتى تاخذ منهم.

لو تجي لرجل جبير بشمس كاعد يشرب الزوار لبن لان الجو حار واحد ب1 الظهر يوزع غدة بشمس وهو رجال ب60 سنة الي بعمرة لاف راسة ونايم جوة المبردة.

لو طفل زغير يركض وراك علمود شي تاخذ منه

وشايفين الي يردون زوار للبيت ساعة ب5 اجونة يردون مبيت.

ونوبة اجتني طفلة ب6 سنوات كالت عمو تعال بات يمنا ترتاح ونشغلك سبلت وفراش وتسبح وتبدل عود تخليني اكول اكللها يلا 😁

زين هي ب5 ندفع روحنه لمكان معين كتلها غير مرة جلبت بيدي كالت والله تجي ويانه كتلها مو خل نمشي شوفي ذاك الورانة يجوز يريد علما راحت شردت 😂

ونوب مادري تباوع لجهالهم شلون معزبة لو الهم لو للنسوان الي تجي ومادري شكول.

ربي يدمهم لخدمة الحُسين بس هاي اكولها.

يعني اصدكون طفل رحنه وية ابو كالة ابو ابقة يم الزوار علما اجيب سيارة كالة اوك،
ابوي تعب وكعد هو باوع علينة راح كام يأجر سيارات لان ابوي واختي كعدو بالگاع وجاب السيارة اجة ابو صعدهم وللبيت.

ابوية يكول مادري شني من طفل يحس بالمسؤولية يعني لو واحد غيرة ينتظر ابوه هو لا راح يدور سيارة.

نوبة الشباب من يوكفون زوار شلون كلام شلون اخلاق وكل هذا ومن تتشكر منهم يكلك هذا للحسين.