قبل ارقام وكلام ومدري شنو ركص بشارع بحجة يهوسون السنة لا يعني والله واحد يم اختي انتبهت علي لان ازدحام شال الجنطة خلاها بينهم علمود مايطخها

شوفو كل سنة امهات الضيق المكياج هنة البارزات السنة لا امها النقاب هنة السيدات والبارزات يعني اشوف طفلة لابسة نقاب واذا مو نقاب كمامة سودة لبس الحجاب الاسلامي كل البنات لابساته القراصة قليل كلش بحيث تعدهن عد الي حاطاتها.

اما المكياج بس قليل امكن 5 بنات شفتهن خالات مكياج اما الباقيات كلهن نقاب.

وصح يرفعن العباية بس البناطير الي لابساتها كلهن عريضات بحيث ماتعرف رافعة العباية او لا.

بحيث من اشوفهن مستورات شكد فرحت.

شوفو مانكول ماكو لا اكو بس الاغلبية اهتدو بحيث اشوف الاغلبية مستورات ++ العفة من زمان موجودات بنات الاصل من زمان بس الفرق جانن اكو كم بنت مقتنعات ان الضيق والمكياج ورفع البنطرون هو يخليها حلوة وهسة تحررن من هل الفكرة ورجعن لنفسهن.

والله مااميل لا للولد ولا للبنات الي شفتة احجي مااخاف بس السنة الولد مختلفين عن كل سنة والله ولا كأنُ بنات يمشن وياهم وكأنُ بس هو واصحابة يمشي لا حجي ولا رقم لا شي حتى بالصعدة بسيارات جانو حذرين كلش.

تتخيلون اباوع لولد اشوفة مدنك ويمشي عبالي بي شي طلع يقرة الزيارة وهو يمشي.

لو واحد يمشي وحدة وبيدة سبحته وغطي راسة ويمشي ولا كلام ولا حركة تشوفه صدك حزنان علىٰ الحسين.

لو شفت بنات ولد وياهن يعني اخوهن او هيج شي
لابسين مربطين نفسهم والبنات والولد كأنُ يمثلون بس تمثيل بسيط ولابسات شال اخضر علىٰ طولهم ومغطين وجهمّ وفاتحين قصيدة ويمشون جانت فكرتهم تجننن بحيث خلو كل الزوار تنتبه عليهم وشلون أهل البيت انسبو وشلون مشو.

اخذتلهم صور اراويكم واخذنة
موافقة منهم حتى ننشر براحتنه.

شوفو الي شايلينة جان ديجي وشادين نفسهم سلاسل بأديهم ورجليهم ورگبهم

جانت مواساة للعلويات بس بطريقتهم الخاصة.

وشفت ولد رابط رجلي بسلاسل مواساة للامام زين العابدين عليه السلام.

الشال الاخضر لان جانو يمثلون دور العلويات فيريدون يبينون بحيث وكفو يشربون مي يتغطن بالولد علمود يشربن مي جان كلش حلو والولد احلى شي من يمشي وكأنُ عليل جان كلش حلو من كد ماحبيتهم اخذتلهم صور ودزيت خواتي يكللها فقبلت ننشر 🤍.

لكم والله زوار تفتح گلبك وتحطهم من كل ناحية لامين الادب والاخلاق والعفة والستر وكلشي بحيث اباوع عليهم كلت شني شعجب الاغلبية مستورين.

حتى من ردنة نكعد احنه ويانة بنات الشباب الي كاعدين گامو وكعدوهن واكو ادنُ عنهن بس حطُ جنطهم

بس شغلة وحدة اني ماعجبتني فكيف بصاحب الزمان.

لبس الجبة بدال العباية هووواي بنات مرتبات بس مخربتهن لبسة الجبة بدال العباية عبالهن الجبة تستر اكثر من العباية بس الصراحة لا العباية اهم واحسن من الجبة صراحة من شفتهن ماعجبتني السالفه كلت يعني امتنعن من الشال الاخضر والمكياج ولبسن جبب بس هاي مخربة البنات.

بنات الجبة حتى لو عريضة السيدة زينب راحت تلبس جبة لو عباية؟
انتي رايحه للحسين مو اي واحد هو هذا الحسين ورايحه تواسين العلويات تلبسين جبة؟
ليش منو من العلويات لبست جبة؟

هسه دزولي بالبوت اكو قنوات يحجون على الزوار من ناحية الطخ بالنسوان والمدري شنو وهاي وكالولي نصدك بمنو هسة؟

شوفو بوية اني ماشفت كل العراق اني مشيت بطريق الي شفته جاي احجي الكم حسب وجهة نظري ورأي الخاص السنة الزيارة أفضل من كل سنة.

وكلام للاصحاب القنوات:
ليش ادورون بس السلبيات ليش ماادورون الايجابيات الي بالزوار واصحاب الخدمة ليش بس تحجون عليهم خوب اكول الي شفتهم وبيهم ايجابية.

جا انه هم شفت حاطات مكياج بس الاكثر محاطات مدحت الي ماحاطات وعفت الي حاطات.
هواااي عافن الشال الاخضر بس اكو كم بنت لابساته ذكرت الي ذاباته السنة.

اذكرو الايجابية وبس.

لا لا السنة تختلف هوووواي عن السنوات الفاتت.