بغض النظر هي لابسة او لا بس كلش حلوة هل خطوة بالمشاية مال الحسين.

يعني تخيلُ البنات يمشن بكل عفة والشباب هم.

لا شفت وحدة حجت وية ولد ولا ولد حجة وية بنية ولا ارقام ولا شي بينهم وبالعكس الولد كلش حذرين من السالفة.

وهم همة الولد كامُ يبتعدون من البنات خاف يطخها بالغلط يعني صدك الاخلاق والولد والبنات المؤدبين كثرت

حتى بالازدحامات الولد بعد نفسة علمود مايطخ بنية والبنات كذلك يعني اذا صار قوي الازدحام حطو جنطة بينهم علمود لا اصير ملامسة بينهم

غير الي ملتزمين بصلاة والدعاء والزيارة والتسبيح.
من الجنسين اقصد.

يعني تجي الصبح تلكاهم لازمين الادعية ويقرون والي يصلي والي يقرة والي سمع قصيدة والي يسبح

يعني تخيلو كعدت استراح كلت لو لصاحب الزمان كاعدة ينطي من عشرة كعدت الاغلبية عشرة يعني اللبس الادب
وتكول همهم الزيارة وبس.

لوو اهل المواكب الادب الاخلاق والخدمة وحب الحسين وكلشي بيهم

يعني شفت حاطين ورقة على جنطهم كاتبين شلون تحب الحسين وماصلي .

والله العظيم بعدني امشي كلت كل سنة احجي على اللسبيات بس السنة لا احجي الاغلبية

اوكفُ خل اجمع من الفرح نسيت😁

شوفُ مااكلكم ماكو سلبيات لا اكو بس الاكثر ايجابيات

يعني كل سنة البنات مكياج ومدري شنو ويطلعن السنة قليل كلش

والشباب اني ماشفت واحد بيهم سلبي حسب الي شفته اكو يباوعون بس مو مثل قبل

قبل ارقام وكلام ومدري شنو ركص بشارع بحجة يهوسون السنة لا يعني والله واحد يم اختي انتبهت علي لان ازدحام شال الجنطة خلاها بينهم علمود مايطخها

شوفو كل سنة امهات الضيق المكياج هنة البارزات السنة لا امها النقاب هنة السيدات والبارزات يعني اشوف طفلة لابسة نقاب واذا مو نقاب كمامة سودة لبس الحجاب الاسلامي كل البنات لابساته القراصة قليل كلش بحيث تعدهن عد الي حاطاتها.

اما المكياج بس قليل امكن 5 بنات شفتهن خالات مكياج اما الباقيات كلهن نقاب.

وصح يرفعن العباية بس البناطير الي لابساتها كلهن عريضات بحيث ماتعرف رافعة العباية او لا.

بحيث من اشوفهن مستورات شكد فرحت.

شوفو مانكول ماكو لا اكو بس الاغلبية اهتدو بحيث اشوف الاغلبية مستورات ++ العفة من زمان موجودات بنات الاصل من زمان بس الفرق جانن اكو كم بنت مقتنعات ان الضيق والمكياج ورفع البنطرون هو يخليها حلوة وهسة تحررن من هل الفكرة ورجعن لنفسهن.

والله مااميل لا للولد ولا للبنات الي شفتة احجي مااخاف بس السنة الولد مختلفين عن كل سنة والله ولا كأنُ بنات يمشن وياهم وكأنُ بس هو واصحابة يمشي لا حجي ولا رقم لا شي حتى بالصعدة بسيارات جانو حذرين كلش.

تتخيلون اباوع لولد اشوفة مدنك ويمشي عبالي بي شي طلع يقرة الزيارة وهو يمشي.

لو واحد يمشي وحدة وبيدة سبحته وغطي راسة ويمشي ولا كلام ولا حركة تشوفه صدك حزنان علىٰ الحسين.

لو شفت بنات ولد وياهن يعني اخوهن او هيج شي
لابسين مربطين نفسهم والبنات والولد كأنُ يمثلون بس تمثيل بسيط ولابسات شال اخضر علىٰ طولهم ومغطين وجهمّ وفاتحين قصيدة ويمشون جانت فكرتهم تجننن بحيث خلو كل الزوار تنتبه عليهم وشلون أهل البيت انسبو وشلون مشو.