لِقائي ولِقائك
سَكّته بيه كُلشي حِچينا ..

السلام عليكم 🤍.

اليوم عاجبني احجي وياكم بموضوع الزيارة لان تعرفون اجت الاربعينية واكو طلعوا واكو لسة حاب احجي بالموضوع.

اليوم هواي جاي نشوف اهل الحرية الشخصية وهواي جاي نشوف الي مو همهم الحُسين عليه السلام وهواي جاي نشوف الي همهم الطشة والمشاهدات وعدد المتابعين وغيرهن.

وقليل جداً الي صدك معتني لابو السجاد صدك معتني يواسي الحوراء صدك رايح يواسي الاكبر القاسم ونساء الحسين واهله ( من الرجال والنساء ).

نبدي بسلبيات اول وبعدين الايجابيات كلشي بي سلبيات وبي ايجابيات حتى الاربعينية طبعاً السلبيات بينا مو بزيارة

اليوم لو اني او انتم ومتوفي واحد النه بربكم
نروح نركص بشارع بحجة نهوس؟
نروح نرقم بأربعين هذا العزيز؟؟
نروح نصور اني بجيت واني لطمت؟
نروح نلبس شال اخضر بحجة الشمس؟
نروح نرفع العباية والله تدمر؟
نروح نضحك ونسولف ونصور وننشر؟

لا اكيد مستحيل اصلا لو ابوي لو ابوك لو ابوج مانسوي هيج جا كلنه لطمنة وجهنة ماهمنة بشرة ولا همنة شباب ولا همتنا بنات ولا يهم العالم شيكول عليه صح لو اني غلطان من تروح للحُسين ابن علي لا ابن ابوك ولا ابن ابوي ولا غيرهم هذا ابن علي ابن ابي طالب من سادة قريش

هذا الحسين حبيب رسول الله، عزيز الله مو ابوي ولا ابوك ولا شخص عادي حتى اروح اتمرگص بحجه اهوسلة

البنية انتي والهوسة شنو يعني شفت فيديو يركصن والله مو يهوسن لابسة جبة ضيگة وتهوس بين الزلم بربجن؟
السيدة زينب هوست بين الزلم؟
لبست جبة لبست شال اخضر؟
لبست نضارة ؟
طلعت رجِلها بحجة اللبس طويل؟
رفعت عباتها؟
حطت مبايل وتنطي رقمها لاي شخص؟
الاقتداء بكلشي مو بس اني اتبع اهل البيت خلص صرت شيعي ومحب وخادم.

لا بلة وين الخدمة وين الاخلاص وين الحب لاهل البيت؟
وينة شو مااشوف حب مو يكولن المُحب لمَن احَب مُطيع؟
وين الطاعة بالموضوع بس اريد اعرف.

الشال الاخضر والزيارة شنو؟
تكولين شمس كلنا مثلج كلنا نخاف نتمرض وكلنه نخاف نتأذى اي وياج

اللبسي شال اسود انتي مو حزينة؟
والله احنه رحنه للزيارة لبسنة اسود حتى الغترة علمود مانبين رايحين نلعب مو نزور.

بوية ياعيني الغترة الخضرة هاي للسادة " الزلم " مو الج حتى لو علوية على راسي بس الغترة الخضرة او شال اخضر مو الج والله للزلم انتي الج شال اسود علوية او عامية الج شاااااال اسود انتي رايحه تعزين مو تتونسين تمام.

نجي للولد ماعوفهم عبالهم همة كلشي مسموح الهم لا اغاتي غلطان مثل ما على البنية تحترم الطريق والشخص الي متعنية اله انت هم.

العام انتشرت شالفه اريدج من العباس اي اي والله شبيكم يريدها من العباس والعباس جاي يستقبل زوار اخية الي اتكطع قبل 40 يوم تريد فطومة وزنوبة ومدري شسمها من العباس لو من الحسين ماتستحي تطلب هيج شي من الحسين وبعزاه؟

ولك رايح تعزي تعزي الحوراء ليش ماتفهمون هاي الجملة أنت مُعزي تريد فطومة روح لاهلها اخذها اذا انت رجال صدك روح لابوها كله اريد فطومة مدري شسمها.
غريب الى متى نظل بهذا الجهل علمود مشاهدة اطير زيارتك بربك؟

لك هذا الحسين ابن علي ابن فاطمة الزهراء ابن رسول اللّه تريد بيوم العزا مالته ينطك بنيه تحبها أنت ومانعرف صدك لو جذب؟
بس اريد افهممم شتحس من تطلب هيج من الحسين الوادم تطلب الستر والعافية والقبول والشفاء وأنت تطلب بنية؟

لو كاتبلي مجموعه ارقام بجيبه ياهي شافها خفيفة انطاها رقم ولا تاخذ البلية تاخذ ويضلون فد شهر شهرين يكللها ابوي جبرني على بنت عمي 😏😏.

وهي ترجع للعباس تكله يبو فاضل اخذ حوبتي اخذ حقي.
احمدي ربج ابو فاضل ماسطرج انتي وياه مو نوب ترجعين اطلبين ياخذ حقج.
انتي وياه مااحترمتو حق أبا الفضل ولا احترمتو حزنه على اخوه ولا حزنه على العلويات تردين ياخذ حقج؟

يتبع.

اجي لسالفة المكياااااااج 🌚.

يا بنيتي يا خيتي المكياج شنو حطته؟
انتي جاية تعزين الكُحلة والتاتو مدري شمسها شسوين حاطتهاا؟
زين السوارات والحجل والمحبس والگلايد شنو؟
معقولة اكو حفلة بكربلاء واني مادري؟

معقولة صار الحزن بالمكياج والسوارات والجبب والكعب العالي.

لو ابوج ميت او اخوج تلبسين هيج بالفاتحة مالته؟
قسم بالله ماتلبسن لو الفاتحة الجن جا الوجوه الملخة والعيون زرگة من اللطم وكأنُ ابوها احسن من الحسين بابا كافي والله تعبنا العالم من تباوعلنه شتكول علينة .

نوب من تجي لوحدة محتشمة عباية ونقاب ولبس طويل وحلو ومرتب تلكه الف وحدة عبالها اللبس المحتشم صار قديم
اضل ماكاتلج الحر؟
شبابج راح بهل اللبس؟
البسي مثلنا؟
بعدج زغيرة على العباية؟
شكلج محلو بالعباية؟
ااااااااااءء العباية تكبر الشكل؟
عيني ابوية رقية بنت الامام الحسين عليه السلام عمرها 3 الى 4 سنوات وتلبس عباية وابوية ترى بنات الحسين عليه السلام مو كبار ولا عجايز بس يلبسن عباية وحجاب كامل.

رقيه بنت الحسين هم طفلة جا لبست مثلجن بس اني اكللجن لو العلويات بنات الحسين او بنات اولاده بزمنه جا استنكفن يلبسن مثلجن جا مثل ماانتن تلعب نفسجن من امهات العبي والنقاب هنه هم تلعب نفسهن منجن.
تدرن ليش لان تكول انتن مو بمستواهن العلمي والمعرفة مالتهن بالحشمة وغيرها.

ترى والله العظيم بس الجاهلة الي الي لسة بعقل إنُ الثقافة والجمال بالمكياج والسوارات والكعب والبنطرون والجبة الضيگة وغيرهن من الكلاوات الي جابوها النه الغرب والي ضحكو على عقولنة بيهن.

ملاحضات انُ رب العالمين يريد يستر البنات رجع اللبس المحتشم بحجه مودة علمود يلبسنها ويسترن روحهن.

جذبني بنات بالتعليقات يكولن مانلبس عباية لسة.

بوية العباية ماكو احلى منها صح مسؤولية بس اذا كلتي للزهراء يمه ساعديني ماتعوفج انتم خلو هذا محرم بداية كلشي حلو يعني عوفو شي حرام
وسوي شي حلال مثل لبس العباية واطلبو العون من ام عون ماتعوفكم والله.

توكلن على الله والبسنها والزهراء وياكم.

شوية واكمل .

اللهُم عَجل لوليك الفرج

سُئل الشَيخ عبّاس القمّي:
مَا سبَب شُهرة كتَاب مفَاتيح الجِنانْ مِن بينِ سَائرِ الكتُب؟
‐ فأجَاب الشَيخ: لقَد صرَفتُ لدَى تأليفِي هذَا الكتَاب أقلّ الوَقت، ولكنّنِي أهديتُ ثوابهُ مُخلصًا إلى السيّدة فَاطِمَة الزهرَاء (عَليها السّلام).

جمال القصيدة

شُعْدَة زَيْنَبْ بِالشَّامِ
عَالْهَزَلْ لِيشْ تَنَام !
وَسَفَهُ بِنْتِ دَاحِي اَلْبَابُ
اَلتُّرْتَجِفْ مِنْهَا زَلَامْ..

زَيْنَبْكُمْ مَشَتْ لِلشَّامِ يَالْسَادَة . .

اجة واحد للبوت كال لان ادورون مصلحتكم كتله شنو مصلحتي؟
كال:
كل مانكللكم انشروا تصويت انشرو مسابقتنه انشرو قناة تسكتون
وبوكت مصلحتكم تجون تريدون نصوتلكم
دبطلوا.
حجيت وياه بس حضر البوت قبل لا اكمل كلامي .
شوف اولا اني مو بحال تصويت او شي بس لان مااحب اخسر اجي اكوللكم .

ماطالب لا منك ولا هاي اطلب من ناس تحبني وتحترمني بهاي القناة غير هاي القناة مو ملكي امانة يمي المالك سادس اعدادي ومختفية.

واذا كل واحد يكلي انشر تصويتي وانشر قناتي وانشر بوتي وانشر دعمي تحولت القناة للنشر التصويت والتبادل والقنوات مو قناة دينية.
مثل ماحضرتك تخاف على قناتك احنه هم نخاف عليها لان ماتعرف شكد تعبنا حتى وصلناها لهيج عدد ولهيج هيبة تمام.

اني اغلب الي يجوني انشرللهم بالبوت مالتي لان هو الي والي الحق اصرف بي مو مثل القنوات + محد يجبرني انفذ كل الطلبات ولا مجبرو انشر تصويتك او قناتك ماتجبرني ولا احد يجبرني.

اضافة من تحجون خليكم كد الحجاية وابقو لاخر كلمة لا تحجي شي وتحظر البوت مااخاف من احد اني.

ومن اسكت اصوت ومرات ادزها لاخوتي بس ماانشر اذا كلش ماكدرت انشر واذا اخوتي ماكو فأني اصوت بس ماانشر مايعني اسكت لان خايف منك او من احد لا اكدر اكول ماانشر ماصوت وغيرهن بس اكول لا اكدر اصوت فأصوت.

ومن تحجون على اصحاب قنوات عالية لا عبالكم هيج طك فش صارت القناة 22k ماتدرون شكد دفعت وشكد ضحيت علمودها.

المهم احترمو المقابل وخلي عدكم كلمة طيبة وشكراً 🤍.

والي يشوف اني قليل ادب او مااحترم او مصلحجي مااجبرة يبقى بالقناة + لو يبقى واحد بالقناة ويحب القناة ابقى انشر اله لان يهمني رأي كل شخص يحبنا ويحترمنا.
تصبحون علىٰ خير 🤍.