一個人的流亡生活

明就明啦正如有人話警暴緊要
人血賣手足就放埋人邊
又唔見佢擔保人地出事賠返條命
香港人風向一直都易帶
Tg都冇學人講抗爭
諗到依家都唔明
到底香港人係聰明定蠢

288 viewsedited 20:33

「每吹奏一次13歲，就係對新聞工作者嘅一種侮辱」

講完呢句就俾人問，我有咩咁把炮啊？

由個細路俾人凶，講出句記者無認證，「做緊記者做緊嘅嘢就係記者」，到俾人「拘捕」(其實香港人係咪真係唔知咩叫兒童保護令，一個細路係街走失俾人帶去警署，咁係咪又叫拘捕？) ，再到佢阿媽接返佢，講咗句對唔住阿媽。一夜之間佢哋個page由千幾人一晚上到3萬人。

第一、記者無認證？有經歷過POLY一役嘅一定唔會咁講。線一直存在，只係對家呢幾個月以來都唔拉出嚟。大家清楚，行家清楚，PPRB清楚，係得一班人唔清楚。

第二、13歲點解唔可以係記者，有能力就係。屌你老母，難聽過粗口，正正體現華人社會嘅眼光，係幾咁睇低文字工作。

咁我唱歌個陣係咪歌手？我計數個陣係咪數學家？但到文字工作者，識寫文就係作家，寫得長少少就小說家，識寫新聞就記者。而更弔詭嘅地方就係呢到。影新聞相嘅叫攝影師，拍新聞片都尚且要一份文字稿，文字記者更加需要寫，但13歲細路做緊咩呢？開live。

如果你依然覺得只係開live就係記者嘅一種，不如諗番當初新聞台點解要開live。開live嘅目的係因為現場每一刻，都有可能發生有新聞價值嘅事，為免因為要roll機個瞬miss咗，就索性長roll住部機，所以你見到大台嘅live基本上係唔會有任何評述，因為就如記者嘅rule no.1：保持中立。不打擾是我的溫柔，不評論是我的中立。

會評述嘅，叫Commentator，你會唔會叫鐘仔做記者？你又會唔會叫上電視台講波嘅雲加摩佬AlanSmith做記者？

第三、細路仔被「拘捕」，同阿媽講對唔住。個畫面好靚，係咪？左膠至愛，母性泛濫嘅當然。但同一晚上，一大班記者係旺角被胡椒浴、被警棍打、要跪浸係一大灘胡椒水裡面、有部份仲要charge埋非法集結，香港人有咩表示？

「吓，嬲咗成日，嬲到攰訓咗教啦。」如果你哋咁關心記者，對新聞自由咁關心，一班專業嘅記者面對著真正嘅警暴，Why the hell there was the difference?

仲有，阿媽對唔住，好感人係咪？我自己出嚟跑咗咁耐新聞，少講都三四次，幾乎呢世唔洗再同老母講嘢。

第四、最新數字接近35,000 like。我知一講實有人話嫉妒，但當你見到有人講，「一個like係對佢哋嘅支持，肯定佢嘅付出同努力」。

明白曬，原來我哋一直都無努力，努力唔夠，付出得唔多。

知唔知3萬5 like係一個咩概念？我個台半年嚟先過2萬多少少，呢兩萬點換番嚟？有事就要撲出去，無事個陣要主動搵新聞、約人做訪問，每日都要諗campaign想有啲嘢出吓，每一宗香港大新聞都盡力跟，有時深夜有國際大事都要跟埋，務求香港人一起身碌一碌fb就見到，仲要每單新聞都整一張配圖(如果覺得日日對住林鄭嘅樣嚟P係好輕鬆，咁我無嘢講) ，年中無休。

「人哋學生嚟，無收錢。」我唔係學生？我又唔通有收錢？我窮到膊頭移位都無錢睇醫生，依家醫唔番，付出夠大未？

有更多努力耕耘嘅台，《誌》、《實》，係咪代表佢哋都唔值得支持，佢哋嘅努力同付出，都唔夠呢位只係出過嚟兩次，連催淚彈、甚至胡椒水都無中過嘅13歲細路？

我有咩咁把炮？俾人係旺角拎槍指頭咁囉，係咪要中埋彈先得呢？傻啦，中彈死鳩咗就無得同老母講對唔住，個畫面就唔靚啦。

#記者唔應該評論 #除咗衫就叫口號啦
#中學生記者最識玩嘅

47 views20:33