الحمدلله بفضل الله كدرنا نكمل لو شي قليل من ماده كاملتنا واعتذر عن اي قصور او شي بدر مني وان شاءالله يتسهل عليكم الامتحان وترجعون كلكم مجاوبين اهم شي لا تستعجلون بالحل ركزو ع حالكم ركزو ع إشارات ع جمع وطرح وضرب لا ترتبك ابددد كون ع ثقه الله ما يضيع تعبك تمام إبطالي ارتاحو هسه اكعد صبح راجع وتكول ع الله وادخل ع امتحان واي شي صعب ماكو بالله العظيم ركزززززززززز اهم شيء واتنمالكم توفيق واي احد عنده شي يراسلني وان شاءالله ما نقصررر وياكم ❤️

طلابي حاولو تنامون فد ساعتين او تلاثه ريح دماغك اني وياكمم للصبح فارتاح نام واكعد بعدين راجع

أقرو هاي يولد الصبح من تكعدون راجعو هاي كلش مهمه ❤️

الحمدلله والشكر اكثر من ١١٠ درجات شرحناها بالبث وكلنا عليها مهمه الاساله سهله ولاكن مركزه وكل الأفكار تطرقنا الها بالبث كل توفيق الكم ياربي الله يسهل عليكم

انتظررر رسايلكم إبطالي بشرونييي

كلش فرحان براسليكم الله يوفقكم ياربي وان شاءالله كلكم تنجحون وافرح بنجاحكم طلابي واخواني وخواتي

إبطالي شخباركم شلونها معنويات ادري تعبانين واهسكم نازل بسس انتو كدها تكدرون تعبرونن كل هاي فتره شدو حيلكم وتخيل طعم نجاح ومن تنجح شكيد انت واهلك تفرحون شدلي حيلك بويه مبقى شي وان شاء الله وياكم خطوه بخطوه تمامم شباب

سلام عليكم أبطالي بما انو اليوم اخر متحان وكذا حبيت أكلكم انو خلص مبقى شي متحان واحد تودعون ثالث وراح يخلص شي اسمه ضغط نفسي وتعب وسهر فهاي آخر امتحان تحملو اقرو زين كملها ع خيرررر وان شاء الله يتسهل عليكم كامل 🤍

إبطالي ع خير عليكم الحمدالله خصلتو متحانات الله يفرحكم بنجاحكم وترفعون راسكم ورأس اهلكم وان شاء الله شي اسمه ثالث خلص مقبلين ع مرحله جديده كلكم اتونسو هاي ايام اطلع افتر شتسوي سوي والي ماجل او متاكد يوكع دور ثاني خل يرتب وضعه يرتاح أسبوع ويبدي يقرأ هم لان متحانات ورى نتائج فتره قليله وياربي معدنا ابد دور ثاني كل توفيق الكم ياربي ❤️

مساء العافيه عليكم.. اليوم نحجي ع طلاب سادس الجدد اهلا وسهلا بيكم ياربي سنه خير وتفوق .. طلاب حاولو تبدون بدايه صحيحه باختيار الاستاذه بختيار طريقه القرايه خصوصي معهد إلكتروني يوتيوب اي شي اهم فقره انو تكون بدايتك صحيحه لا تتخربط ولا ادوخ كل يوم يم مدرس او كل يوم اروح ع فد معهد او كل شويه اكلب باليوتيوب ع فد مدرس لااا شوف الي تفهم عليهم ملازمهم كامله مغطيه كل اساله منهج والوزاريه اثبت عليه لا أظل أدوخ نفسك وتحتار لان راح يضيع منك وقت كلش هواي ركز ع شي وامشي عليه ولا ضيع وقت اسالو طلاب سادس يتمنون وقت يرجع بيهم بس يضبطون اكثر وقت بيدك اشتغل ع نفسك وكل توفيق الكم 🤍🤍

كل عام عام وأنتم بألف خير جعل الله أيامكم كلها أعياد وأفراح 🤍🤍

سلام عليكمم طلابي السادس أبطال شخباركم عساكم بخير ياربي ان شاءالله مبقى شي ع متحان رياضيات شدو حيلكم اساله سهله بحيل الله واي شي تحتاجونن اني وياكم واي سوال عدكم دزولي وتدللونننن 🤍

طلاب أوميكا ديموفرا قطع ناقص قطع زائد معادلات زمنيه تطبيقات ثوابت تقريب الدوال مطلقه والشطريه والمسافه مساحه حجم ومعادلات تفاضليه نوعين ركزووووو فدوه