صباح الخير والتفوق والطاقه الايجابيه✨
اول يوم من ايام الاسبوع 😘😁

نصـــــــائح_دراســــــيــــه

1-  انس أنك تنسى !!!!! فليس هناك شيء اسمه النسيان علمياً، بل هناك شيء اسمه انتقال المعلومة للذاكرة العميقة. هل تصدق أن هذا هو النسيان فتعلم كيف تستخرج المعلومات من أعماقك فهي
موجودة..موجودة..موجودة،

2-  استرخ عند التذكر فالذاكرة تعمل عند الاســترخاء وليس عند الشـــد والعصبية، ففي حال نسيت معلومة لا تجهد نفسك بل تشاغل بأمر آخر كي تستعيدها بهدوء،

3-  أحب المادة بل اعشقها لأن ماتحبه لايحتاج الى حفظ و افرح بانك تتعلم،

4- بسّط المادة وقسمها إلى أجزاء ليسهل قضمها واخترع أساليب لذلك،


5-  حوّل العناوين إلى أسئلة وضع يدك فوق الجواب، ثم أجب من ذهنك 
ثم قارن ذلك بالكتاب ثم رمم معلوماتك.. كررررر حتى تتأكد من دقة إجابتك📝

. 6- شـوّق دماغك من خلال تلوين اقصد الهلايتر المعلومات مثلاً: الأزرق للقوانين والتعاريف،❤️ البرتقالي للشرح، الأصفر للخلاصات💛،


ثـــق بنفسك.. ثـــــــــق بنفسك..ثــــق بنفسك  💪🏻

توكل على الله، ولاتنسَ الدعاء فالنجاح هبة وإكرام من الله يهبه لمن يعرف كيف يأخذ بالأسباب ويدرس جيداً وربي،يوفقكم ويقويكم ❤️.

✨جدول لـ طلاب جميع الصفوف
طبعا رمضان قرب وحبيت افيدكم
طبعاً طلاب اكو طلاب. دوامهم صباحي وطلاب دوامهم عصࢪي
نبلش لطلاب الصباحي ✨
طبعا الدوام من الساعه 7:30لحد الساعه 1:00
ترجع من الدوام من 1:00

1:00لـــــحد الساعه 4:00تنامون ترتاحون بيها 🦋
تبلش من 4:00الى. 6:00دࢪاسه. ✨

من الساعه 6:00لحد. 9:00ريست. ✨

من الساعه 9:00لحد 11:00دࢪاسه ✨

من الساعه 11:00لحد 12:00ࢪيست.✨

من الساعه 12:00لحد3:00.دࢪاسه ✨

من الساعه 3:00لحد 4:00 وسحور. ✨

من الساعه 4:00لحد 7:00نوم. ✨

وطبعا طلاب اول ما ترجعون تنامون وترتاحون هذا افضل جدول الكم الشفت الصباحي🤎

صباح 🌤الخير سجاچه
😂💕خلص الاسبوع مابقى شي
الله يوفقكم ويارب يوم حلو عليكم

جدول رمضاني للدوام الصباحي 💞
من (11 الصبح ل 2 الظهر)

من 11 صباحاً الى 2 ضهراً بالدوام
من الساعة 2:30 ضهراً الى الساعة 5 عصراً نوم 💖
الساعة 5 تجهيز الفطور او قراءة قران وصلاة
الساعة 8 صلاة العشاء و التراويح وقراءة قران 💕
الساعة 10 قراية متواصلة الى السحور
* ملاحضة : في كل ساعة قراية 10دقائق استراحة 😮‍💨🤎
ـــــــــــــــــــــــــــــــــــــــ
جدول رمضاني للدوام الضهري 😀
من (2 الظهر ل 5 العصر)
🌟 : من 2:00 الى 5:00 بالدوام 🌟
من 5:30 الى 6:00 راحة 🦋💖
من 6:00 الى 7:00 فطور
من 7:00 الى 9:00 صلاة عشاء + مسلسلات🤎
من 9 الى وقت السحور قراية متواصلة 💖
من بعد اذان الفجر قراءة قران وبعدها نوم 😴
*ملاحضة : كل ساعة قراية ١٠ دقائق استراحة

موفقين يارب 🌙♥️

رسالة لك ليطمئن قلبك ❤️.
‏تتأخر ، ثم تأتيك أجمل قل يارب .

هلا سچاچـه اليوم راح احجي وياكم
عن موضوع شلون تدࢪس بيوم الجمعه والسبت خلال فتࢪه ࢪمضان✨🦋
بيوم الخميس اول ما ترجع من الدوام
كبل تࢪوح تنام منا للفطوࢪ
تبلش تدرسون من ورا الفطور✨

من 8:00. لحد الساعه 10:00 دراسه✨

من 10:00لحد الساعه 10:30ريست ✨

من 10:30لحد الساعه 12:00دࢪاسه ✨

من 12:00لحد الساعه 12:30ࢪيست ✨

من 12:30لحد الساعه 2:30.دࢪاسه ✨

من 2:30لحد الساعه 4:00 ريست. ✨

من 4:00 لحد الساعه 6:00 دࢪاسه ✨

من 6:00لحد الساعه 3الضهر تنام وتصلي
🥺هذا الجدول وقت هواي للدࢪاسه
وتستفادون كلش منه👑

مو وَقت الإستسلام حــــاول !

هالرسالة إلَك حاول لا تستسلم تدري انتَ قوي وصلت لهالمرحلة ليش تتراجع ؟
عَديت أصعب وَقت ومَريت بأسوء الظروف وهبّت على روحك هواي عواصف ماهزتك ليش هسه تستسلم ؟ إنتَ گدها والمُحاولة إنخلقت إلك لأستمراريتك وجُهدك مو لإحباطك وتقاعسك عن هَدفك ..
وتذكر دوماً هالآية :
﴿وَأَنْ لَيْسَ لِلْإِنْسَانِ إِلَّا مَا سَعَىٰ﴾.
جُهدك ، تعبك ، مُحاولاتك ،صمودك وكِفاحك كُله مُتبارك بالعَطاء
والقبول من الله وكُله عليه
فـ لا تيأس حاول 💙 .

|￣￣￣￣￣￣￣￣￣￣￣|
⠀كوم ادرس ماكو عطله👑 ✨
|＿＿＿＿＿＿＿＿＿＿＿|
                \ (•◡•) /
                  \      /
                    ---
                    |   |

صباح الخير 👑
رمضان كريم عليكم.

رمضان وقت للدࢪاسه بيه لا تكضيها تسخيت وغياب ونوم
شدو حيلكم بس هلشهر وهانت حتخلصون

نصائح للدراسة في شهر ࢪمضان♥️🌛.

أغلبية الـطلاب ما يَـعرفون شلون يَـنضمون وقتهم ويَـدرسون بهذا الـشهر المُبارك ، ويطلعون أعذار وصايَـمين وما نڪدر ، وإلا نفطر ومدري ايش و مـن هِـٰذا الڪلام بالعڪس حَ تصوم و ما عندك شيء تضيع وقتك بيه مـن أوقات الغداء وتروح تلتهي لـو تسخت شويَـه فالدراسة في شهر ࢪمضان أفضل بڪثير ، وهسه راح انطيڪــم نصائح تفيدڪــم فأتبعوها....

1⃣- تحديد ساعات الـمذاڪرة : أفضل الاوقات للدراسة في ࢪمضان هوَ مـن بعد الفجر حتى الـظهر لان هِـٰذه الساعات تڪون ذهبية لان ما راح تشعر بالجو؏ والعطش وقتها لان أڪلت بالسحور وعقلك ڪامل نشاطه + المُلهيات قليلة ، وبالاضافة الي انو البيت يڪون هادئ خلال هِـٰذا الـوقت ⏰📌.

2⃣- قراءة الآيَـات الـقرآنية : قبل ﻼ تبدي تذاڪر اقره ڪم صفحة من القرآن الڪريم ،
واثبت الباحثون في الإعجاز بالقرآن ان قارئه يَتمتع بذاڪرة أڪبر ، وهالشيء له دور مُهم بأنڪ تحصل أعلى الدرجات 🙇🏻❤️‍🔥.

3⃣- وجبة الـسحور : يُـفضل إدخال الفواڪه و الخضروات في وجبة السحور هالشيء حَ يَـساعدك عـلۍ الترڪـيز بصورة أفضل لما فيها مـن فيتامين 𝗗 وله دور ڪبير في تقوية الـذاڪرة وتجنبوا الـمنبهات بالسحور مثل الـشاي والقهوة لانها تقلل مـن الترڪـيز 👀☕️ .

4⃣- ابدأ بالمذاڪرة تدريَـجياً : يَـعني مثلاً المواد الي تفضلها والسهله بالنسبة الك ادرسها بالنهار مـטּ الـصبح لـلظهر وترك المهام الأڪـثر صعوبة لما بعد الإفطار ، ﻼن حَ تستعيد طاقتك ويصير عندك ترڪيز عالي وقابلية للحفظ بشڪل اسر؏ 😊🫀 .

5⃣- وقت الاستࢪاحة : يُفضل ان يَڪون وقت الاستراحة والنوم الـساعة الـ 12 ظُهراً ( لان هالفترة حَ تشعر بالجو؏ والعطش ) ولغاية الـعصر حتى تجدد نشاطك مرة ثانية ، أما الفترة مـن العصر الى المغرب استغلها حتى تڪمل مذاڪرتك بس خلي هَالوقت لأجزاء أسهل 🙆🏻✨ .

6⃣- الــعبادة : ما عندك حجة إنك تفوت صلاة او قراءة قرآن علمود الدراسة لانك لغاية الان تقريبا دارس 9 ساعات فَ لا تحرم نفسك مـن طعم وبرڪـة شهر رمضان الـي تقربك مـن الله حتى يوفقك و يساعدك + يَـعني قبل ﻼ تذاكر بعد الــفطور مـن بعــد ما ࢪجعلك نشاطك وطاقتك خلي وقت لـ ( صلاة + قراءة قرآن + مساعدة الأهل ) وبعدها ذاڪــر لان حَ تتوفق بالمذاڪـرة وتصير عندك قابلية للحفظ والفهم بصورة أسر؏ + إرجع لـنصيحة ࢪقم 2⃣🦋❕ .

⚪️خطوات جࢪبتها علمود ما انعس واني ادرس💜
1️⃣المي البارد✅
تغسل وجهك لمده دقيقه بمي.بارد
هنا راح يروح النعاس

2️⃣الكهوه✅

الكهوه دائما تخلي الشخص ما ينام وتساعدكم كلش هواي بس اغلب الطلاب
تكول اشرب الكهوه بس كبل انعس
عيني اشرب الكهوه ورا 15دقيقه تنطي مفعول مو كبل

3️⃣الوضوء ✅

الوضوء من تحس نفسك نعست كوم توضى الوضوء كلش يساعدك ويخليك ماتنعس
4️⃣المكان✅

المكان التدࢪس بيه مو ع الجࢪبايه اكيدد راح تنام. ادرس بمكان بالكاع او ع الطبله
او ع مكتب دࢪاسي
5️⃣الضوء✅
اذا جان الضوء اضاءته مو شي
اكيد ࢪاح تنعس وتنام خلي الاضاءه
قويه حتى يروح النعاس

6️⃣زياره عاشوراء ✅
طلع زياره عاشوراء احسن ما تطلع اغاني
ودك ذنوب زياره عاشوراء انصحكم بيها

7️⃣تحرك ✅
شوف اذا انت كاعد اوكف وادرس وتحرك من مكان الاخر هنا هم يساعدك
هاي الخطوات الفادتني جربوها واذا مانفعت الاولى جرب الثانيه او الثالثه وغيرها
دزه وياك الصديقك خلي يستفاد🌱