صباح الدوام 🥱💔
ان شاء الله يارب يكون يوم لطيف عليكم جميعاً بالمدرسة 🥹💗🤲🏻

بالنسبة للامتحان توكل ع الله واهل البيت ع.

شلون ادرس الفيزياء واضمن ال100

🤍الخطوات الي تساعدني اضمن ال100 ♨️

1️⃣- شوفوا مبدئيًا تختارون المدرس الي يفهمكم الماده ويسهلها عليكم مَ يصعب المادة عليكم 🌷

2️⃣-ثاني خطوة الـ كُلش مهمه اذا انت تدرس ع الكتاب فمن يشرح المدرس ضروري تكتبون ويا الأشياء المهمه
واذا انت تدرس ع الملزمة ضروري تختار ملزمة متكامله من ناحيه الاسئله والكلاميات والوزاريات ليش لازم متكامله لان لازم تدرس ع مصدر واحد ومتصير بهوسه الملازم ويضيع عليك الأول والتالي 🌱


3️⃣ -لازم تصير انت مدرس لنفسك يعني شنو⁉️ يعني انت اشرح الماده لنفسك تفاعل وياها مو تدرس بخمول الفيزياء تحتاج احد يتفاعل وياها تخيل نفسك مدرس وجاي تشرح لطلاب هذا الشي يساعدك بسرعه تفهم وتحفظ الماده ✨


🌌وهسَ تگدرون تدرسون بشكل صَحيح 🌷

الطريقة الصحيحة لـِ دراسة مادة اللغة العربية💕.

" شوفوا اللغة العربية تنقسم الى 4 اقسـام وهي:

🔠_ قَسم القواعَـد: وهوَ عـباࢪة عبارة عن قواعد
عربية واعرابات وتگوين جُمـل لذالك القواعد
هوَ مادة فهمية لگُن بيها حفظ مُلاحظات
او فد شي رمزي للحَـل انصحگُم اقروها
؏ زينب حَسن شرحها يموتتت ♥️.

🔠_ قَسـم الادب: وهاذ القسم الي اغلب طلاب
تشوفه صعب لگُن بالواقع هوَ اسهل شي
باللغه العربيه زين شلون غيد شرحيلنا ❗️
• باعوا الادب عِبارة عن حياه شاعر وقصيدتة
بلمُختصر هوَ حفُظ بس انصحكم الادب احفظوا
شفهي لأن أسهل شي بالأدب تحفظوا شفهي
والقصائد هم شفهي اقروها وبس 🤎.


🔠_ قَسـم الاملاء: اسهل قَسـم والطلاب ترفع
درجاتها بي حرفيّا هوَ مساعدة للطالب من ضافوا
لـ اللغة العربية يعني فقط تقرا تعريف وتطي مثال
▫️يعني تقرا بحَدود 10 دقايق تضمن 10 درجات وهاهي الـ10 بجيبك 🤍▫️.


🔠_ قَسـم الانشاء: قَسـم سهل بس تحفظ خاتمه ومقدمه والعرض سطرين من كلبك تجيب 20
وبس ✨.

♦️نصائح مهمة للطلاب النصف السنة :

1⃣-راجع المواد بتركيز:
كلما درست المواد زين بهاي الفترة، راح تضبطهن بشكل أفضل. بنصف السنة، المواد راح تكون جديدة ببالك، وراح تصير مراجعتك الهن أسهل وأسرع.

2⃣-نصف السنة مو مقياس لمستواك:
صحيح الامتحانات بنصف السنة مو مقياس نهائي لمستواك، بس مهمة حتى تعرف نقاط ضعفك وتشتغل عليها. شوفها فرصة حتى تحصد أعلى الدرجات وتبني ثقة بنفسك.

3⃣-الأسئلة واضحة ومباشرة:
حسب توجيه وزارة التربية، الأسئلة هالسنة راح تكون ضمن المنهاج المقرَّر، بعيدة عن التعقيد والأسئلة الخارجية، وملائمة لكل المستويات. يعني لا تخاف من أي سؤال خارجي، ركز على الكتاب وراح تمشي أمورك.

5⃣- رتب وقتك:
خلي خطة يومية منظمة بحيث تغطي بيها كل المواد. ركز على المواضيع الصعبة  بالبداية، وبعدين راجع المواضيع اللي تحسها سهلة.

5⃣-تعامل وي كل امتحان بجدية:
اعتبر امتحانات نصف السنة مثل الوزاري، وتمرن على حل الأسئلة بسرعة ودقة حتى تكون جاهز نفسياً للمرحلة الجاية.

استغل هاي الفرصة ورتب وقتك بشكل صحيح، والله يوفقكم جميعاً😄.

جدول مناسب للطلاب ، للفائدة

•☀️ 7:00 -  9:00   ⬅️    دراسة

•☀️9:00 - 10:00   ⬅️   ريست

☀️ 10:00 -  12:00⬅️  دراسه


☀️12:00 - 1:00  ➡️ ريست 

☀️1:00 - 3:00    ⬅️    دراسه

☀️3:00 - 4:00    ➡️  ريست

☀️4:00 - 7:00      ⬅️ دراسه

☀️ 7:00 - 8:00   ➡️ ريست

☀️8:00 - 10:00    ⬅️ دراسه


☀️10:00 - 10:30 ➡️  ريست

☀️10:30 - 11:30 ⬅️      دراسه

-☀️ عدد ساعات الدراسه 12 ساعة☀️

📎ملاحظة/ اذا الطالب جديد ويريد يبدي مايقره ١٢ ساعة يبدي شوية شوية مثلا ٣ساعات ويبدي يصعد بالساعات كليوم حتى ميصير عنده ملل 🫰🫰

نصيحه لطلابي السجاجين 🧡.
مو الدرجات إللي تحدد مُستقبلَك ، مُمـڪن الدرجات علامة او اداة او وسيلة ، لكن مو الدرجات هيَّ اللي تحدد مُستقبلَك اللّٰــه هــوَ الذي يُحدد مُستقبلَك انت ما قصرت اديت اللي عليك فـ لتضل تاكل بنفسَك اذا درجاتك قليلة إشكُر اللّٰــه گله : { اللّٰــهُمَّ هذا ما قدرتُ عليه اللّٰــهُمَّ وأسالُك التوفيق مِنك } ⚡️
يا ما اكو ناس عندهم درجات عالية ماوصلوا إلى مُستقبل مُشرق واكو ناس ما عندهم درجات عالية لكن عندهم مُستقبل مُشرق

▫️جدول دراسة يومية▫️

🔗قبل لا نبدي بالجدول تعرفون انو الامتحانات نصف السنة مهمة جدا اذا شفتوا ساعات الدراسة هواي تكدرون تقللون ساعتين على حسب الـ انتو تردون .

▫️من الساعة بـ 8 الى الساعة بـ 10-دراسة-  .

▫️من الساعة بـ 10 الى الساعة بـ11-استراحة-.

▫️من الساعة بـ 11 الى الساعة بـ12 -دراسة-.

▫️من الساعة بـ 12 الى الساعة بـ1-استراحة-.

▫️من الساعة بـ 1 الى الساعة بـ 3-دراسة-.

▫️من الساعة بـ 3 الى  الساعة بـ 4-استراحة-.

▫️من الساعة بـ 4 الى الساعة بـ 5-دراسة-.

▫️من الساعة بـ 5 الى الساعة بـ 7 -استراحة يعني عدكم ساعتين-.

▫️ من الساعة بـ 7 الى الساعة بـ 9 -دراسة-.

▫️من  الساعة بـ 9 الى الساعة بـ10-استراحة-.

▫️من الساعة بـ 10 الى الساعة بـ12  -دراسة-.

▫️عدد الدراسة 10 ساعات
  عدد الاستراحة 6ساعات
  عدد النوم  8 ساعات ▫️

📌 ان شاء الله هذا الجدول متأكدة راح يناسبكم كل التوفيق واتمنى لكم الدرجات العالية