تذكير صغَيروني ⏩
الدموع إللي توگع علىٰ كُتبكم وأنتو تدرسون
والخنگة إللي تغص بيها وانت تآكل ،
الصَفنات إللي تآخذك گدام الشبابيك ،
سكوتك بنُص الحچي .. 💘💞
و الأنتماء إللي حَسيته هسة بوحدة مِـن
هذني . . كُلهن منشافات ، مَحسوبات ،
مَعوضات وكُلهن يخلصن 🩷.

فقدان الشغف إللي أنا بي هـآي الفتره يخـوف ..🐾

بـَس أنا كُلي ثقة برب العالميّن ثاقة بي هواية
أنُ شگد مايأخرها بالنهاية الفرحة تنسيني
المَرارة إللي جـآي أعيشها ✨ .

شلون ادرس الرياضيات واضمن الـ100؟

اول نقطة لازم تعرفوها انو الرياضيات مادة فهم، بيها يجوز بعض القوانين أو القيم الثابتة الي لازم تحفظوها بس ع العموم هي مادة فهم مو حفظ .

🔘شنو خطوات طريقة دراسة الرياضيات؟

1⃣-اهم نقطة تختار مدرس تفهم عليه وميحل اسئله من المريخ فقط الكتاب والوزاريات

2⃣- لمن تجي تدرس رياضيات السادس لازم تكون ضابط كُل الأساسيات وكُل العمليات الحسابية ( ضرب، قسمة، جمع، طرح البوينتات، التجربة، مربع الحدانية، الاسس، حل المعادلات آنيا ... إلخ ) هاي الامور ضروري تكون ضابطيها إذا ما ضبطتوها راح تواجهون صعوبة لذلك المضابطهن يبلش بيهن قبل المادة

3⃣- الرياضيات لازم لازم تحل بيدك يعني يفضل انو بعد ما تخلص كُل موضوع تحل الأمثلة الي بالكتاب والتمارين وبعدين تحل وزاريات على هذا الموضوع واذا مو بعد كُل موضوع فـ بعد كُل فصل

4⃣- دير بالك تگول عود بوقت المراجعة احل بيدي او اقرا وزاريات، كُلش غلط هيج لانو بوقت المراجعة مراح تلحگ يادوب تراجع وهو من اسمها مراجعة ( يعني تراجع الي قاري مو تقرأ اشياء جديدة ) واذا متحل بيدك مستحيل يبقى الموضوع ابالك ❤️.
☃️وهاي طريقه دراسه الرياضيات لكل المراحل✅
❤️ولا تبخل شارك المنشور ل ضلعك🔔

مو وَقت الإستسلام حــــاول !

هالرسالة إلَك حاول لا تستسلم تدري انتَ قوي وصلت لهالمرحلة ليش تتراجع ؟
عَديت أصعب وَقت ومَريت بأسوء الظروف وهبّت على روحك هواي عواصف ماهزتك ليش هسه تستسلم ؟ إنتَ گدها والمُحاولة إنخلقت إلك لأستمراريتك وجُهدك مو لإحباطك وتقاعسك عن هَدفك ..
وتذكر دوماً هالآية :
﴿وَأَنْ لَيْسَ لِلْإِنْسَانِ إِلَّا مَا سَعَىٰ﴾.
جُهدك ، تعبك ، مُحاولاتك ،صمودك وكِفاحك كُله مُتبارك بالعَطاء
والقبول من الله وكُله عليه
فـ لا تيأس حاول 💙 .

- فوضو لمن وسعِت ألطافه أُمماً ،
نعم الوكيل ونعم العون والمددُ 💚💚💚

'' يا تكون كدها يا تطلع من عدها ''
امي بقى للوزاري اشهر هذا عدد مو قليل أستمروا وتعبوا خلال هاي اشهر ادرسوا بتركيز ضاعفوا دراستكم بس شرط بتركيز ، انتم تكدرون تحققون كُل شي في بالكم بس بدون تسخيت ومماطلة لاتبقون تضيعون الوقت ، كُله كم شهر ويخلص شي أسمه وزاري وبعدها الحياة تصير حلوة وتصيرون طلاب جامعة وتدخلون القسم الي تحبوا وتفتخرون بنفسكم وبأنجازكم وتذكروا الي يتعب يلعب بالنهاية ، شنـــــو فائدة اللعـب هــسة اذا انــتَ بالمستـقبـل راح تتعب حتى تتقبل شي انتَ ماتحبه ! وأحب أكلكم انُ هسة خلال هاي اشهر الي تفصلكم عن الوزاري انتم تكدرون تختارون الي يعجبكم بقت بعد يمكم شوفوا شنو الي حابين تختارونه من هاي المعادلات
راحـــــــة هـــســة = تـــعـــب بعديـــن 💚
تعــــــب هـــســـة = راحـــــة بعديــــن 💚

نصيحة اختاروا المعادلة الثانية وكونوا فعلًا كدها ولا تهملون دراستكم بهاي الفتـــرة لأن أنتم هسة كاعد تصنعون مستقبل الكم انتم وصلتوا هل مراحله مو كُل كدر يوصله يعني انتو ابطال ❤🫧

- أفظل المدرسين لدفعة 𝟮𝟬𝟮𝟱 🍯.

🖱️القواعد
⭕حسين عبيدة
⭕حمزة الجابري
⭕رفل الزبيدي
⭕هشام المعموري
⭕ أحمد النعيمي

🖱️الأدب
⭕حسين عبيدة
⭕عقيل الزبيدي

🖱️الإنكليزي
⭕محمد العبيدي
⭕علاء السعداوي
⭕محمد النداوي
⭕احمد فوزي

🖱️الاحياء
⭕جعفر الحسني
⭕سالم الـ منصور
⭕نورس الموسوي

🖱️الرياضيات
⭕محمد قاسم
⭕حيدر وليد
⭕حيدر عبد الائمه 

🖱️الكيمياء
⭕هاشم الغرباوي 
⭕يوسف الربيعي
⭕عمر حسين
⭕يوسف يعرب

🖱️الفيزياء
⭕حسين محمد
⭕مؤيد سليم 
⭕حسن عبد الكاظم

نصائح راح تخليكم تحبون تدرسون وتقرون اكثر بدون ملل ✨✨ :

١-دائماً اهتم بالتحضير اليومي (بما ان التحضير اليومي قليل وكل تحضير ينطي الاستاذ ما يتجاوز ال 5 ورقات او شوية اكثر) فلمن تحضر يومي وتقراه راح تصير سهلة الدراسة عندك لان من تجي تقرا بالامتحان راح تشوف نفسك المادة كلها حافظها وقاريها بس تراجعها راح ترجع تحفظها بسرعة 😁💗

٢-اذا عندك صديق او عندج صديقة مقربين من عدكم كلش بالمدرسة ، اتفقوا وياهم تدرسون سوة حتى اذا بالموبايل (مثلاً تصعدون اتصال وتقرون او مثلاً تتحدون بعض منو يقرا اكثر او يقرا اسرع وهكذا) راح يصير عدكم تحفيز للدراسة اكثر 👀🔥

٣-دائماً من تقرون طبقوا قاعدة (ساعة دراسة + ربع ساعة استراحة) هيج راح تاخذون شوية استراحة بين كل ساعة وساعة وما يصير عدكم ملل ابداً 🧠

٤-من يصير عدكم امتحان شكد ما بيكم حاولوا تاخذون درجة كاملة (100) بالامتحان ، كلش راح تفرحون وتحبون المادة ويصير عدكم حافززز كلش قوي ان تدرسون اكثر و راح تفرحون بالصف كدام الكل ان انتوا سويتوا شيء حلو ✨

٥-المادة الي تشوفوها صعبة او ما تحبوها دائماً ادرسوها اخر شيء ، يعني كملوا كل تحاضيركم ودروسكم وخلوها اخر شيء واكعدوا على كيفكم اقروها شوية شوية حتى تركزون اكثر بيها وتصير سهلة عليكم 🫶🏻🟩

✨شاركوا القناة بكل مكان ولكل اصدقائكم حتى الكل يستفاد ويصير سچاچ ويانا 💗

🧡"اللهم إياك اسأل حاجتي ومنك أرجو نجاحي ، وبيدك مفاتيح مسألتي ، نسألك الخير يا حي يا قيوم يا كريم". "يارب اجعلنا ممن تفائل بخير فأكرمته ، وتوكل عليك فكفيته ، ولجأ إليك فأعطيته ، واستغاث بك فأغثته ، واستنصرك فنصرته ، واستغفرك فغفرت له ، فامنن علينا بالنجاح والرضا"🧡

صباح الدوام
صباح الابطال ، صباح الشطار ، صباح الافراح ان شاء الله💕

🔘مجلس محافظة ذي قار يقرر تعطيل الدوام الرسمي يوم غد الخميس استذكاراً لضحايا حادثة جسر الزيتون.